လံာ်ယၡါယၤ 40:25 - Sgaw Karen Common Bible

²⁵ တၢ်ထိၣ်သတြီၤကစၢ်ယွၤစီဆှံတဂၤအံၤဒီးမတၤကသ့န့ၣ်လဲၣ်. မ့ၢ်ပှၤလၢအလီၤဂာ်ဒီးအီၤအိၣ်ဒံးတဂၤဂၤဧါ.

လံာ်ယၡါယၤ 40:25 Iomraidhean Croise

စံးထီၣ်ပတြၢၤ 86:8

ယွၤဧၢ, လၢကစၢ်တဖၣ်အကျါန့ၣ် ပှၤဒ်သိးဒီးနၤတအိၣ်နီတဂၤဘၣ်. ပှၤတမၤတ့ၢ်တၢ်ဒ်နမၤတ့ၢ်အသိးနီတဂၤဘၣ်.

စံးထီၣ်ပတြၢၤ 89:7

ယွၤမ့ၢ်တၢ်ပျံၤအလီၢ်လၢပှၤစီဆှံအတၢ်အိၣ်ဖှိၣ်အပူၤ, ဒီးအဝဲသ့ၣ်ခဲလၢာ် ကဆၢထၢၣ်လၢတၢ်ယူးယီၣ် ဒီးတၢ်ပျံၤတၢ်ဖုးအပူၤလီၤ.

လံာ်တၢ်ဟးထီၣ်ကွံာ် 15:11

ယွၤဧၢ, လၢကစၢ်တဖၣ်အကျါန့ၣ်မ့ၢ်မတၤတဂၤလီၤဂာ်ဒ်သိးနၤန့ၣ်လဲၣ်. မ့ၢ်မတၤတဂၤလီၤဂာ်ဒ်သိးနၤလၢတၢ်လီၤလးအတၢ်စီဆှံအပူၤန့ၣ်လဲၣ်. မ့ၢ်မတၤတဂၤမၤတၢ်လီၤလးဒီးမၤတၢ်ဒိၣ်ဒိၣ်မုၢ်မုၢ်တဖၣ်ဒ်နမၤတ့ၢ်အသိးန့ၣ်သ့ဝဲလဲၣ်.

လံာ်ယၡါယၤ 40:18

တၢ်ထိၣ်သတြီၤကစၢ်ယွၤဒီးမတၤကသ့လဲၣ်. အဝဲလီၤဂာ်ဒီးမတၤလဲၣ်န့ၣ်, နတဲလၢအဂ့ၢ်ကသ့ဒ်လဲၣ်.

လံာ်ယၡါယၤ 46:5

“သုကထိၣ်သတြီၤယၤဒီးမတၤလဲၣ်.” ယွၤစံးဝဲဒၣ်, “ပှၤလၢအလီၤဂာ်ဒီးယၤအိၣ်ဝဲတဂၤဂၤဧါ.”

လံာ်သိၣ်လီၤသီလီၤတၢ် 4:33

ပှၤဂီၢ်မုၢ်လၢအနၢ်ဟူဘၣ်ယွၤကတိၤတၢ်ဒီးအီၤလၢမ့ၣ်အူအပူၤ ဒီးအိၣ်မူဘၣ်ဒံးဝဲဒ်သုအသိးန့ၣ်မ့ၢ်အအိၣ်ဧါ.

လံာ်သိၣ်လီၤသီလီၤတၢ် 5:8

တၢ်တမံၤလၢ်လၢ်လၢအအိၣ်လၢမူခိၣ်မ့ၢ်ဂ့ၤ, လၢဟီၣ်ခိၣ်မ့ၢ်ဂ့ၤ, လၢထံကျါလၢဟီၣ်ခိၣ်လာ်မ့ၢ်ဂ့ၤအက့ၢ်အဂီၤတဖၣ်န့ၣ်, မၤထီၣ်အီၤလၢနဂီၢ်ဒၣ်နဲတဂ့ၤ.