လံာ်ယၡါယၤ 40:24 - Sgaw Karen Common Bible

²⁴ အဝဲသ့ၣ်လီၤဂာ်ဒီးတၢ်မုၢ်တၢ်ဘိအစၢ်တဖၣ်လၢအဘၣ်တၢ်သူၣ်လီၤသီ အီၤဒီးအဂံၢ်တစဲၤလီၤအသးဒံးဘၣ်အသိးန့ၣ်လီၤ. ဖဲယွၤမၢလီၤကလံၤအူတၢ်ဒီး, အဝဲသ့ၣ်ဃ့ထီကွံာ်ဝဲဒီးဒံကွံာ်ဝဲဒ်ဘုလီၢ် အသိးန့ၣ်လီၤ.

လံာ်ယၡါယၤ 40:24 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 22:16

ပီၣ်လဲၣ်အခံဒးအိၣ်ဖျါထီၣ်ဝဲ, ဒီးဟီၣ်ခိၣ်အခီၣ်ထံးတဖၣ်ဘၣ်တၢ်မၤဖျါထီၣ်အီၤ, ဖဲယွၤသိၣ်ဃီၣ်အဒုၣ်အဒါတဖၣ်ဒီးသါသဖှိဘၣ် အဝဲသ့ၣ် လၢတၢ်သးဒိၣ်အပူၤအခါန့ၣ်လီၤ.

လံာ်စီၤပၤခံဘ့ၣ်တဘ့ၣ် 10:11

ဝံၤဒီးစီၤယ့ၤဟူမၤသံကွံာ်ကယဲၢ်စီၤအၤဃာ်အဘူးအတံၢ်အဂၤ ခဲလၢာ်လၢအအိၣ်ဆိးလၢဝ့ၢ်ယံးစရ့လးအပူၤဒီးကယဲၢ်အပဒိၣ်ပပှၢ် ခဲလၢာ်, အတံၤသကိးဘူးဘူးတံၢ်တံၢ်တဖၣ်ဒီးအပှၤလုၢ်တၢ်အခိၣ်တဖၣ်န့ၣ် လီၤ. တပာ်လီၤတဲာ်မူဒံးအဝဲသ့ၣ်နီတဂၤဘၣ်.

လံာ်စီၤယိၤဘး 21:18

ဒီးအူဖျိးကွံာ်အဝဲသ့ၣ်လီၤဂာ်ဒ်လီၢ်ဧိၤဒံးဧိၤလၢကလံၤအ ကျါမ့ၢ်ဂ့ၤ, ဒ်ဖ့လၢကလံၤမုၢ်စိာ်ကွံာ်အီၤအသိးမ့ၢ်ဂ့ၤတဘျီဘျီ ဧါ.

လံာ်စီၤယိၤဘး 4:9

ဒီးကစၢ်ယွၤအတၢ်သးထီၣ်မၤဟးဂီၤကွံာ် အဝဲသ့ၣ်ဒ်ကလံၤမုၢ်အသိးန့ၣ်လီၤ.

လံာ်စီၤယိၤဘး 8:17

အဂံၢ်တဖၣ်ဘံဝးတရံးလၢၢ်သ့ၣ်တဖၣ်ဒီးဟံးဃာ်ကျၢၤလၢၢ် ကိးဖျၢၣ်ဒဲးန့ၣ်လီၤ.

စံးထီၣ်ပတြၢၤ 58:9

တချုးလၢအဝဲသ့ၣ် သ့ၣ်ညါဒံးတၢ်န့ၣ်ဘၣ်ဒီး, ကဘၣ်တၢ်ကျီကွံာ်အီၤဒ်နီၣ်ဧိၤမံၤဧိၤအသိး, လၢကစၢ်ယွၤအတၢ်သးကဲၤထီၣ်အပူၤန့ၣ်, အဝဲကအူဒံကွံာ်အဝဲသ့ၣ်ဖဲ အအိၣ်မူဒံးအခါ ဒၣ်လဲာ်လီၤ.

စံးထီၣ်ပတြၢၤ 83:13

အိ, ယကစၢ်ယွၤဧၢ, မၤလီၤပြံလီၤပြါအဝဲသ့ၣ်ဒ်ဖ့အသိး ဒီးဒ်လီၢ်အကမူၣ်လၢ ကလံၤအမဲာ်ညါအသိးန့ၣ်တက့ၢ်.

တၢ်ကတိၤဒိ. 1:27

ဖဲအဟဲလီၤဘၣ်သုဒ်ကလံၤမုၢ်ဖးဒိၣ်လၢအဟဲစိာ်ဝဲတၢ်ကီတၢ်ခဲ အကလံၤဆူၣ်ဒီးဖဲသုအိၣ်လၢတၢ်ဘၣ်ဒိဘၣ်ထံးဒီးတၢ်နးတၢ်ဖှီၣ် အပူၤန့ၣ်လီၤ.

လံာ်ယၡါယၤ 11:4

အဝဲကစံၣ်ညီၣ်ပှၤဖှီၣ်ဖိယာ်ဖိတဖၣ်တီတီလိၤလိၤ ဒီးဒီဒၣ်ခီၣ်ဆၢန့ၢ်ပှၤလၢအမၤစၢၤလီၤအသးတသ့တဖၣ် အတၢ်ခွဲးတၢ်ယာ်န့ၣ်လီၤ. လၢအတၢ်စိတၢ်ကမီၤအကလုၢ်န့ၣ်, ပှၤဂီၢ်မုၢ်ကဘၣ်တၢ်စံၣ်ညီၣ် အီၤ ဒီးပှၤအၢပှၤသီတဖၣ်ကသံဝဲလီၤ.

လံာ်ယၡါယၤ 17:11

ဘၣ်ဆၣ်ဒီး, အဝဲသ့ၣ်မ့ၢ်မဲထီၣ်ဒီးဘိၣ်ထီၣ်ဖးထီၣ်ဒၣ်လဲာ်, မုၢ်တဂီၤဃီလၢနသူၣ်လီၤအဝဲသ့ၣ်န့ၣ်, နတကူးက့ၤဘၣ်တၢ်ဘၣ်ဒီး နတပာ်ဖှိၣ်ဘၣ်တၢ်ဘၣ်. ကအိၣ်ဒၣ်ထဲတၢ်ကိၢ်တၢ်ဂီၤဒီး တၢ်ဆါလၢတၢ်မၤဘျါအီၤတန့ၢ်ဘၣ်န့ၣ်လီၤ.

လံာ်ယၡါယၤ 17:13

ပှၤကလုာ်တဖၣ်လဲၤထီၣ်ဝဲဒ်လပီတဖၣ်သဖှိထီၣ်ဝဲအသိး, ဘၣ်ဆၣ်ကစၢ်ယွၤသိၣ်ဆါအဝဲသ့ၣ်သတးဒီးအဝဲသ့ၣ်ဂုၤက့ၤ ဆူအလီၢ်ခံလီၤ. ဒီးဘၣ်တၢ်နီၣ်ထီၣ်ဟီထီၣ်ကွံာ်အီၤဒ် ဖၣ်ကမူၣ်လၢကစၢၢ်ကပၤအသိးဒီးဒ်ဘုလီၢ်လၢကလံၤ သဝံးအပူၤအသိးန့ၣ်လီၤ.

လံာ်ယၡါယၤ 30:33

ယံာ်တ့ၢ်လံန့ၣ်, ယွၤကတဲာ်ကတီၤပာ်တၢ်လီၢ်တတီၤ ဖဲကီၢ်အၤၡူၢ်အစီၤပၤကဘၣ်တၢ်ဒွဲၣ်အူအီၤလၢမ့ၣ်အူအဂီၢ်လီၤ. တၢ်လီၢ်န့ၣ်ယိာ်ဝဲဒီးလဲၢ်ဝဲ, ဒီးသ့ၣ်မုၣ်ဘၣ်တၢ်ပူၣ်ထီၣ်ထီအီၤဖဲန့ၣ်လီၤ. ယွၤကသါသဖှိထီၣ်မ့ၣ်အူလၣ်တဖၣ်လၢမ့ၣ်အူလၢကအီၣ်ကွံာ်တၢ် အဂီၢ်လီၤ.

လံာ်ယၡါယၤ 37:7

ယွၤကပျဲစီၤပၤဖးဒိၣ်နၢ်ဟူဘၣ်တၢ်ကစီၣ်ပစိၣ်ပစ့လၢကဒုးက့ၤ အီၤဆူအထံအကီၢ်ဒၣ်ဝဲ, ဒီးယွၤကပျဲအဝဲကဘၣ်တၢ်မၤသံ အီၤဖဲန့ၣ် န့ၣ်လီၤ.”

လံာ်ယၡါယၤ 40:7

နီၣ်ဧိၤမံၤဧိၤဃ့ထီကွံာ်ဝဲဒီးဖီတဖၣ်လီၤညွံးလီၤဘီဝဲ ဖဲယွၤဆှၢလီၤကလံၤအူတၢ်လၢအဝဲသ့ၣ်အဖီခိၣ်န့ၣ်လီၤ. ပှၤဂီၢ်မုၢ်တအိၣ်ကၢအိၣ်ခိးအါန့ၢ်နီၣ်ဧိၤမံၤဧိၤဘၣ်.

လံာ်ယၡါယၤ 41:16

နကကွံာ်ထီၣ်အဝဲသ့ၣ်လၢကလံၤကျါဒီးကလံၤကစိာ်ကွံာ်အဝဲသ့ၣ် လီၤ. ဒီးကလံၤမုၢ်ကမၤပြံမၤပြါအဝဲသ့ၣ်န့ၣ်လီၤ. အန့ၣ်ဒီး, နကသူၣ်ခုသးခုမ့ၢ်လၢယမ့ၢ်နကစၢ်ယွၤအဃိန့ၣ်လီၤ. နကစံးထီၣ်ပတြၢၤယၤ, အံၣ်စရ့လးအကစၢ်ယွၤစီဆှံအံၤလီၤ.

လံာ်ယၡါယၤ 41:2

ပှၤလၢအဟဲက့ၤကိးစီၤပၤဖးဒိၣ်လၢမုၢ်ထီၣ်တခီန့ၣ်, မ့ၢ်မတၤတဂၤလဲၣ်. ပှၤလၢအဒုးကဲထီၣ်အီၤလၢအကမၤန့ၣ်မၤနၢၤတၢ်ဖဲအလဲၤတပူၤလၢ် လၢ်န့ၣ်မ့ၢ်မတၤလဲၣ်. မ့ၢ်မတၤဟ့ၣ်အီၤတၢ်မၤနၢၤလၢစီၤပၤတဖၣ်ဒီးပှၤကလုာ်တဖၣ်အဖီ ခိၣ်န့ၣ်လဲၣ်. အနးကျီလီၤကွံာ်အဝဲသ့ၣ်လီၤဂာ်မးဒ်အဝဲသ့ၣ်မ့ၢ်ဟီၣ်ခိၣ် ကမူၣ်အသိးလီၤ. အပျၢ်တဖၣ်မၤပြံမၤပြါအဝဲသ့ၣ်လီၤဂာ်ဒ်ဘုလီၢ်လၢကလံၤအူဘၣ် အီၤအသိးလီၤ.

လံာ်ယံးရမံယၤ 22:30

“ပှၤတဂၤအံၤဘၣ်တၢ်စံၣ်ညီၣ်ဃၣ်အီၤလၢကမ့ၢ်ပှၤတူာ်ဖိ, ဒီးတကဲထီၣ်ပှၤတဂၤလၢကမၤန့ၢ်မၤနၢၤတၢ် နီတစုဘၣ်လီၤ. အဝဲအစၢၤအသွဲၣ်တဖၣ်လၢကပၢဘၣ်တၢ်လၢ ကီၢ်ယူဒၤအပူၤ ဒ်ပှၤထီၣ်က့ၤစီၤဒၤဝံးအလီၢ်ပစိာ်တအိၣ်နီတဂၤဘၣ်. ယွၤအံၤ, ကတိၤလံတၢ်လံ.”

လံာ်ယံးရမံယၤ 23:19

အဝဲအတၢ်သးဒိၣ်မ့ၢ်ကလံၤမုၢ်, ကလံၤသဝံးလၢအအူတၢ်ဆူၣ်ဆူၣ် လၢပှၤအၢပှၤသီတဖၣ်အခိၣ်အဖီခိၣ်,

လံာ်ဟိၤၡ့ 13:15

ကီၢ်အံၣ်စရ့လးမ့ၢ်ဂုၤထီၣ်ပသီထီၣ်ဒ်နီၣ်တဖၣ်အသိးဘၣ်ဆၣ်, ယကဆှၢလီၤမုၢ်ထီၣ်အကလံၤကိၢ်တခါလၢမဲးမုၢ်ခိၣ်ဒီး ယဒုးဃ့ထီကွံာ်အဝဲသ့ၣ်အထံမူထီၣ်ပၢၢ်တဖၣ်ဒီးအထံပူၤ တဖၣ်လီၤ. ကဟံးထီၣ်ကွံာ်တၢ်ကိးမံၤဒဲးလၢအအိၣ်ဒီးအလုၢ်အပှ့ၤလီၤ.

လံာ်ဟိၤၡ့ 13:3

လၢတၢ်န့ၣ်အဃိ, ပှၤဂီၢ်မုၢ်တဖၣ်အံၤကဟါမၢ်ကွံာ်ဝဲဒ်မုၢ်ဂီၤ အဘှ့ၣ်အသိးဒ်ပစီၤထံလၢအလီၤမၢ်လၢမုၢ်တနံၤဂီၤဂီၤအသိးန့ၣ်လီၤ. အဝဲသ့ၣ်ကလီၤဂာ်ဒ်ဖ့လၢကလံၤအူဒံကွံာ်အီၤလၢကြဲၢ်ပူၤ အသိးဒီးမ့ၣ်အူလုၣ်လၢမ့ၣ်အူပျိာ်တခါအပူၤအသိးန့ၣ်လီၤ.

လံာ်နၤဃူၣ် 1:14

ဒီးအအံၤမ့ၢ်တၢ်လၢယွၤခါလီၤအကလုၢ်ဘၣ်ဃးဒီးပှၤအၤၡူၢ်ဖိ တဖၣ်န့ၣ်လီၤ. “အဝဲသ့ၣ်တမ့ၢ်ကအိၣ်ဒီးအစၢၤအသွဲၣ်နီ တဂၤလၢကစိာ်အမံၤဆူညါန့ၣ်ဘၣ်. ယကမၤဟးဂီၤကွံာ်အတၢ်ဂီၤတၢ်ဖီၣ်တဖၣ်လၢအအိၣ်လၢအကစၢ် တဖၣ်အတၢ်လုၢ်ဟံၣ်တဖၣ်အပူၤန့ၣ်လီၤ. ယကတဲာ်ကတီၤလံတၢ်သွၣ်ခိၣ်လၢပှၤအၤၡူၢ်ဖိတဖၣ်အဂီၢ်လီၤ. အဂ့ၢ်ဒ်အံၤအဝဲသ့ၣ်တကြၢးဒီးတၢ်အိၣ်မူဘၣ်.”

လံာ်ဃးကဲ 1:9

သုမုၢ်လၢ်တ့ၢ်လၢတၢ်ကူးဘၣ်က့ၤတၢ်အါအါဂီၢ်ဂီၢ်, ဘၣ်ဆၣ်ကဲထီၣ်က့ၤထဲတၢ်စှၤကိာ်ဧိၤလီၤ. ဒီးဖဲသုဟဲက့ၤစိာ်တၢ်ကူးဘၣ်က့ၤဆူဟံၣ်န့ၣ်, ယအူဒံကွံာ်အီၤလီၤ. ဘၣ်မနုၤယမၤတ့ၢ်တၢ်န့ၣ်လဲၣ်. မ့ၢ်လၢယတၢ်လုၢ်ဟံၣ်အိၣ်လၢတၢ်ဟးဂီၤတဖၣ်အပူၤ, ဖဲသုဝဲတဂၤဘၣ်တဂၤအတၢ်မၤအါဝဲလၢတၢ်မၤထီၣ်သုဟံၣ်ဒၣ်ဝဲ အခါန့ၣ်လီၤ.

လံာ်စကၤရယၤ 7:14

ဒ်ကလံၤမုၢ်ဆူၣ်အသိးန့ၣ်ယအူဖျိးကွံာ်အဝဲသ့ၣ်လၢကလဲၤအိၣ် ဆိးလၢတခီထံတခီကီၢ်တဖၣ်အပူၤန့ၣ်လီၤ. ထံကီၢ်အဂ့ၤအံၤအိၣ်တ့ၢ်ဝဲဒ်တၢ်လီၢ်အိၣ်သယုၢ်တတီၤအသိး, လၢပှၤတအိၣ်ဆိးနီတဂၤလၢအပူၤဘၣ်န့ၣ်လီၤ.”

လံာ်စကၤရယၤ 9:14

ယွၤကအိၣ်ဖျါထီၣ်လၢအပှၤဂီၢ်မုၢ်အဖီခိၣ်, အဝဲကခးအပျၢ်တဖၣ်ဒ်အလီဝၢ်အဒံးအသိးန့ၣ်လီၤ. ယွၤပၢဘၣ်တၢ်ခဲလၢာ်ကစၢ်ကအူထီၣ်ကွဲၤ, ဒီးကလဲၤလၢကလံၤမုၢ်အပူၤလၢ ကလံၤထံးတခီန့ၣ်လီၤ.