လံာ်ယၡါယၤ 40:22 - Sgaw Karen Common Bible

²² တၢ်န့ၣ်ဘၣ်တၢ်ဒုးကဲထီၣ်အီၤလၢပှၤတဂၤလၢအဆ့ၣ်နီၤလၢအလီၢ် ပစိာ်အဖီခိၣ်, လၢဟီၣ်ခိၣ်အဖီခိၣ်ဒီးပျံကွံာ်မူခိၣ်န့ၣ်လီၤ. ပှၤလၢလာ်တဖၣ်ဖျါဆံးဒ်တၢၢ်ဧိၤတြၤဧိၤအသိးန့ၣ်လီၤ. အဝဲသလၣ်လီၤမူခိၣ်ဒ်ယၣ်ဘျးသဒၢအသိးလီၤဂာ်ဒ်ဒဲလၢတၢ်ကအိၣ် လၢအပူၤအဂီၢ်အသိးန့ၣ်လီၤ.

လံာ်ယၡါယၤ 40:22 Iomraidhean Croise

လံာ်တၢ်ကဲထီၣ်အခီၣ်ထံး 1:6

ဒီးကစၢ်ယွၤခါလီၤအကလုၢ်, “မ်မူကပိာ်လိၤကဲထီၣ်လၢကနီၤဖး ထံဒီးပာ်လီၤဖးအီၤလၢတၢ်လီၢ်ခံတီၤတက့ၢ်,” ဒီးတၢ်မၤအသးဒ်န့ၣ်လီၤ.

လံာ်စီၤယိၤဘး 22:14

မ့ၢ်နဆိကမိၣ်လၢတၢ်အၢၣ်တီၣ်ကျၢၢ်ဘၢအီၤအဃိတထံၣ်ဘၣ်တၢ်ဖဲ အဝဲလဲၤတၢ်လၢမူကပိာ်လိၤအခါန့ၣ်ဧါ.

လံာ်စီၤယိၤဘး 26:7

ကစၢ်ယွၤထုးထီထီၣ်မူခိၣ်လၢကလံၤစိးတကပၤဒီးထိၣ်လီၤ စဲၤဟီၣ်ခိၣ်လၢမူပျီပူၤန့ၣ်လီၤ.

လံာ်စီၤယိၤဘး 36:29

တၢ်အၢၣ်တဖၣ်သုးအလီၢ်ဒ်လဲၣ်မ့ၢ်ဂ့ၤ, လီသီၣ်လၢမူကပိာ် လိၤဖဲကစၢ်ယွၤအိၣ်ဝဲအလီၢ်ဒ်လဲၣ်မ့ၢ်ဂ့ၤပှၤတသ့ၣ်ညါဘၣ် နီတဂၤဘၣ်.

လံာ်စီၤယိၤဘး 37:18

မ့ၢ်နမၤစၢၤကစၢ်ယွၤအတၢ်သလၣ်ထီၣ်မူခိၣ်ဒီးဒုးကျၢၤ အီၤဒ်မဲာ်ထံကလၤတဘ့ၣ်သိအသးအသိးဘၣ်ကသ့ဧါ.

လံာ်စီၤယိၤဘး 9:8

အဝဲမ့ၢ်ပှၤထဲတဂၤဧိၤလၢသလၣ်ထီၣ်မူကပိာ်လိၤဒီးမၤနၢၤပီၣ် လဲၣ်အလပီသ့ၣ်တဖၣ်န့ၣ်လီၤ.

စံးထီၣ်ပတြၢၤ 104:2

နမၤဘၢနသးလၢတၢ်ကပီၤဒ်ယၣ်အသိး, နသလၣ်ထီၣ်မူခိၣ်ဒ် ဒဲတဖျၢၣ်အသိး,

စံးထီၣ်ပတြၢၤ 18:11

အဝဲမၤဘၢအသးလၢတၢ်ခံးတၢ်နၤ, တၢ်အၢၣ်ခံးသူလၢအပှဲၤဒီးထံအိၣ်ဝးတရံးအီၤလီၤ.

စံးထီၣ်ပတြၢၤ 19:4

နာ်သက့အတၢ်ကစီၣ်လဲၤသကုၤဟီၣ်ခိၣ်, ဒီးအကလုၢ်ကထါတဖၣ် လဲၤတုၤဟီၣ်ခိၣ်အကတၢၢ်လီၤ. ကစၢ်ယွၤသူၣ်ထီၣ်တၢ်အိၣ်တၢ်ဆိးအလီၢ်လၢမူခိၣ် လၢမုၢ်အဂီၢ်,

စံးထီၣ်ပတြၢၤ 2:4

ယွၤအိၣ်လၢအလီၢ်ပစိာ်လၢမူခိၣ်န့ၣ်နံၤဝဲ ဒီးဒုၣ်ဒွဲၣ်အဝဲသ့ၣ်အတၢ်ကူၣ်ထီၣ်ဖးလီၤလၢ အတဂိာ်တသီၣ်တဖၣ်န့ၣ်လီၤ.

စံးထီၣ်ပတြၢၤ 29:10

ယွၤဆ့ၣ်နီၤပၢတၢ်လၢထံလုၣ်ဘၢတၢ်အဖီခိၣ်, ယွၤ, စီၤပၤလီၤထူလီၤယိာ်ဆ့ၣ်နီၤပၢတၢ်လီၤ.

စံးထီၣ်ပတြၢၤ 68:33

ပှၤလၢအဒိးတၢ်လၢ တၢ်အၢၣ်အပူၤ, တၢ်အၢၣ်လၢပျၢၤန့ၣ်တက့ၢ် ကနၣ်အတၢ်ကိးထီၣ် အသီၣ်ဖးဒိၣ်တက့ၢ်.

တၢ်ကတိၤဒိ. 8:27

ယအိၣ်လံဖဲန့ၣ်ဖဲယွၤပာ်လီၤမူခိၣ်လၢအလီၢ်ဒၣ်ဝဲ, ဒီးဖဲအသလၣ်ထီၣ်မူထံးလၢပီၣ်လဲၣ်အထံဖံးခိၣ်,

လံာ်ယၡါယၤ 19:1

အအံၤမ့ၢ်တၢ်ကစီၣ်ဘၣ်ဃးကီၢ်အဲၤကူပတူးအဂ့ၢ်န့ၣ်လီၤ. ယွၤဟဲဆူကီၢ်အဲၤကူပတူး, ဒိးတၢ်ချ့မးလၢတၢ်အၢၣ်တလိၣ် အလိၤလီၤ. ကီၢ်အဲၤကူပတူးအတၢ်ဂီၤတၢ်ဖီၣ်တဖၣ်ကနိး ကစုာ်လၢအမဲာ်ညါ, ဒီးပှၤအဲၤကူပတူးဖိတဖၣ် အသးပှံၢ်လီၤဝဲဒၣ်လီၤ.

လံာ်ယၡါယၤ 37:16

“ယွၤစိဒိၣ်ကမီၤဒိၣ်, အံၣ်စရ့လးအကစၢ်ယွၤ, လၢအအိၣ်လၢလီၢ်ပစိာ်ထီၣ်ထီလၢခ့ရူာ်တဖၣ်အဖီခိၣ်တဂၤဧၢ, နမ့ၢ်ကစၢ်ယွၤထဲတဂၤဧိၤလၢအပၢဟီၣ်ခိၣ်ဘီမုၢ်တဖၣ်လီၤ. နတ့လီၤတ့ၢ်ဟီၣ်ခိၣ်ဒီးမူကပိာ်လိၤလီၤ.

လံာ်ယၡါယၤ 40:15

လၢယွၤအဂီၢ်န့ၣ်ပှၤကလုာ်တဖၣ်တမ့ၢ်တၢ်နီတမံၤဘၣ်. တအါန့ၣ်ထံဖိတလီၤစီၤဘၣ်. ကီးလၢအယံၤတဖၣ်န့ၣ်အတ ယၢၢ်ဖှံဝဲဒၣ်ထဲသိးသိးဒီးဟီၣ်ခိၣ်ကမူၣ်န့ၣ်လီၤ.

လံာ်ယၡါယၤ 40:17

လၢအဝဲအဂီၢ်, ပှၤကလုာ်တဖၣ်တမ့ၢ်တၢ်နီတမံၤဘၣ်.

လံာ်ယၡါယၤ 42:4

တုၤလၢအဝဲဒုးအိၣ်ထီၣ်ဂၢၢ်ကျၢၤတၢ်စံၣ်ညီၣ်တီလၢဟီၣ်ခိၣ်အံၤ တစုန့ၣ်တပျဲတၢ်မုၢ်လၢ်မ့ၢ်ဂ့ၤတၢ်သူၣ်ဒူသးဒူမ့ၢ်ဂ့ၤကလီၤ မၢ်ကွံာ်န့ၣ်ဘၣ်. အဂ့ၢ်ဒ်အံၤ, ကီၢ်လၢအယံၤတဖၣ်အိၣ်ခိးကွၢ်လၢ်အတၢ်သိၣ်လိလၢတၢ် သူၣ်ဆူၣ်သးဂဲၤအပူၤလီၤ.”

လံာ်ယၡါယၤ 42:5

ကစၢ်ယွၤတ့လီၤပာ်လီၤမူခိၣ်မူကပိာ်လိၤဒီးသလၣ်ထီၣ်အဝဲ သ့ၣ်လီၤ. အဝဲဒုးကဲထီၣ်ဟီၣ်ခိၣ်ဒီးကယဲၢ်တၢ်အိၣ်ဖဲန့ၣ်ခဲလၢာ်အက့ၢ် အဂီၤလီၤ. အဝဲဟ့ၣ်တၢ်မူဒီးတၢ်သါဆူအပှၤဂီၢ်မုၢ်ခဲလၢာ်လီၤ. ဒီးခဲအံၤ, ယွၤ, ကစၢ်ယွၤစံးဘၣ်အခ့အပှၤ,

လံာ်ယၡါယၤ 44:24

ယမ့ၢ်ယွၤ, သုပှၤအုၣ်က့ၤခီၣ်က့ၤတၢ်လီၤ. ယမ့ၢ်ပှၤတဂၤလၢအတ့လီၤပာ်လီၤတ့ၢ်သုလီၤ. ယမ့ၢ်ယွၤ, ပှၤလၢအတ့လီၤပာ်လီၤတၢ်ခဲလၢာ်လီၤ. ထဲယၤတဂၤဧိၤ, ယသလၣ်လီၤမူခိၣ်တဖၣ်လီၤ. ဖဲယတ့လီၤဟီၣ်ခိၣ်န့ၣ်, ပှၤတမၤစၢၤတ့ၢ်ယၤနီတဂၤဘၣ်.

လံာ်ယၡါယၤ 51:13

သုသးပ့ၤနီၣ်ကွံာ်ယွၤတဂၤန့ၣ်လၢအတ့လီၤပာ်လီၤသု, ဒီးသလၣ်ထီၣ်မူခိၣ်မူကပိာ်လိၤ, ဒီးပာ်လီၤဟီၣ်ခိၣ်အခီၣ်ထံးတဖၣ်လံဧါ. ဘၣ်မနုၤသုအိၣ်မူတထံၣ်ဃီလၢတၢ်ပျံၤဘၣ်ဖုးဘၣ်လၢပှၤလၢ အမၤအၢမၤနးသုအတၢ်သးကဲၤထီၣ်, ဒီးပှၤလၢအိၣ်ကတဲာ်ကတီၤအသးလၢကမၤဟးဂီၤသုန့ၣ်လဲၣ်. အဝဲသ့ၣ်အတၢ်သးကဲၤထီၣ်မၤဘၣ်ဒိဘၣ်ထံးသု တသ့လၢၤဘၣ်.

လံာ်ယၡါယၤ 66:1

ယွၤစံးဝဲဒၣ်, “မူခိၣ်မ့ၢ်ယလီၢ်ပစိာ်, ဒီးဟီၣ်ခိၣ်မ့ၢ် ယခီၣ်ယီၢ်လီၤတၢ်အလီၢ်လီၤ. ဟံၣ်လၢသုသူၣ် ထီၣ်လၢယဂီၢ်ကသ့, ကမ့ၢ်ဟံၣ်ဒ်လဲၣ်တကလုာ်လဲၣ်. ကမ့ၢ်တၢ်လီၢ်ဒ်လဲၣ်တကလုာ်လၢယကအိၣ်ကဆိးလၢ အပူၤအဂီၢ်န့ၣ်လဲၣ်.

လံာ်ယံးရမံယၤ 10:12

ယွၤတ့လီၤဟီၣ်ခိၣ်လၢအစိကမီၤဒၣ်ဝဲ, ဒီးလၢအတၢ်ကူၣ်သ့န့ၣ် တ့လီၤပာ်လီၤဟီၣ်ခိၣ်ဒီးသလၣ်လီၤမူခိၣ်အလီၢ်တဖၣ်လီၤ.

လံာ်စကၤရယၤ 12:1

အအံၤမ့ၢ်တၢ်ကစီၣ်တမံၤဘၣ်ဃးဒီးကီၢ်အံၣ်စရ့လး, လၢအဟဲလၢယွၤအအိၣ်, ယွၤလၢအသလၣ်ထီၣ်မူကပိာ်လိၤ, တ့လီၤပာ်လီၤဟီၣ်ခိၣ်, ဒီးဟ့ၣ်တၢ်မူဆူပှၤကညီန့ၣ်လီၤ. အဝဲစံးဝဲဒၣ်,

လံာ်တၢ်ဂံၢ် 13:33

ဒီးပထံၣ်ဒၣ်လဲာ်ပှၤနီၢ်ဒိၣ်နီၢ်သွါတဖၣ်ဖဲန့ၣ်, စီၤဧနးအစၢၤအသွဲၣ်တဖၣ်န့ၣ်လီၤ. ပကွၢ်လီၤပသးလီၤဂာ်မးဒ်ဒွဲၣ်ဖိတြၤဖိတဖၣ်ဒီးပကဖျါလီၤဂာ် စ့ၢ်ကီးဒ်န့ၣ်, လၢအဝဲသ့ၣ်အမဲာ်ညါန့ၣ်လီၤ.”