လံာ်ယၡါယၤ 40:20 - Sgaw Karen Common Bible

²⁰ ပှၤလၢအပှ့ၤစ့, ထူ, တန့ၢ်န့ၣ်, ဃုထၢဒၣ်သ့ၣ်လၢအကျၣ်တသ့န့ၣ် လီၤ. အဝဲဃုထံၣ်န့ၢ်ပှၤစုသ့လၢအကူၣ်သ့တဂၤလၢအကမၤန့ၢ်အီၤတၢ် ဂီၤလၢအတလီၤဃံၤဘၣ်န့ၣ်လီၤ.

လံာ်ယၡါယၤ 40:20 Iomraidhean Croise

လံာ်ယၡါယၤ 41:7

ပှၤမၤတၢ်စုသ့အတၢ်မၤစံးဘၣ်ပှၤပိာ်ထူ, “နမၤတၢ်ဂ့ၤမးလီၤ.” ပှၤလၢအတီၢ်ဘျ့တၢ်ဂီၤတၢ်ဖီၣ်ဟ့ၣ်ဂံၢ်ဟ့ၣ်ဘါပှၤလၢအတီၢ်ဖှိၣ် တံၢ်အီၤလၢထးန့ၣ်လီၤ. အဝဲသ့ၣ်စံးဝဲ, “စၢၢ်ဃံၤတံၢ်အံၤဂ့ၤဒိၣ်မးလီၤ.” ဒီးအဝဲသ့ၣ်ပာ်တၢ်ဂီၤတၢ်ဖီၣ်လၢအလီၢ်ဒီးတီၢ်တံၢ်ဝဲလၢထး လီၤ.

လံာ်ယၡါယၤ 44:12

ပှၤပိာ်တိၢ်ထးတဂၤဟံးန့ၢ်ထးတလိၣ်ဒီးပိာ်အီၤလၢမ့ၣ်အူအဖီခိၣ်လီၤ. အစုဒုၣ်လၢအဂံၢ်ဆူၣ်ဘါဆူၣ်န့ၣ်ဝံၢ်ထီၣ်ယၤထီၣ် ခံၣ်ခူၣ်တခါဒီးဒိတီၢ်ထးကိၢ်လိၣ်ဒ်သိးကမၤဖျါထီၣ်ဝဲတၢ် အက့ၢ်အဂီၤလီၤ. ဖဲအမၤတၢ်အခါန့ၣ်, တၢ်သၣ်ဝံၤအသး, တၢ်သူအသးလၢထံဒီးလီၤဘှံးလီၤတီၤဝဲလီၤ.

လံာ်ယၡါယၤ 46:7

အဝဲသ့ၣ်ယိးထီၣ်ဝဲလၢအဖံဘၣ်ခိၣ်ဒီးစိာ်အီၤလီၤ. အဝဲသ့ၣ်ပာ်လီၤအီၤလၢအလီၢ်ဒၣ်ဝဲ, ဒီးအိၣ်ဆၢထၢၣ်ဖဲန့ၣ် ဒီးသုးအသးလၢအအိၣ်ဆၢထၢၣ်အလီၢ်န့ၣ် တသ့ဘၣ်ဝဲဘၣ်. ပှၤတဂၤဂၤမ့ၢ်ဃ့ထုကဖၣ်ဆူအအိၣ်ဒီး, စံးဆၢတၢ်တသ့, ဒီးအုၣ်က့ၤခီၣ်က့ၤအီၤလၢ တၢ်တတၢးတနါတသ့ဘၣ်.

လံာ်ဒၤနံးယ့လး 5:23

နပာ်ထီၣ်ထီတ့ၢ်နသးထီဒါမူခိၣ်အကစၢ်ဒီးဟဲစိာ်နုာ်လီခီတဖၣ်လၢ ဘၣ်တၢ်ဟဲက့ၤစိာ်အီၤလၢအတၢ်လုၢ်ဟံၣ်ဒီးနဲဒၣ်ဒီးနပဒိၣ်ပပှၢ်တဖၣ်, နမါတဖၣ်ဒီးနသံၣ်မါတဖၣ်ဒၢနုာ်အီစပံးထံလၢအပူၤလီၤ. ဒီးနစံးထီၣ်ပတြၢၤကစၢ်ထူ, ကစၢ်စ့, ကစၢ်တိၢ်ဘီ, ကစၢ်ထး, ကစၢ်သ့ၣ်ဒီးကစၢ်လၢၢ်လၢအတထံၣ်တၢ်, တနၢ်ဟူတၢ်ဒီး တသ့ၣ်ညါတၢ်နီတမံၤတဖၣ်န့ၣ်လီၤ. မ့မ့ၢ်ကစၢ်ယွၤလၢအစံၣ်ညီၣ် နတၢ်မူ, တၢ်သံဒီးအပၢၤဃးကယဲၢ်နမၤတၢ်တမံၤလၢ်လၢ်န့ၣ်နတမၤလၤ ကပီၤတ့ၢ်အီၤဘၣ်.

လံာ်ဒၤနံးယ့လး 5:4

အဝဲသ့ၣ်အီစပံးထံဒီးစံးထီၣ်ပတြၢၤကစၢ်တဖၣ်လၢဘၣ်တၢ်မၤ အီၤလၢထူ, စ့, တိၢ်ဘီ, ထး, သ့ၣ်, ဒီးလၢၢ်တဖၣ်န့ၣ်လီၤ.