လံာ်ယၡါယၤ 40:2 - Sgaw Karen Common Bible

² “ဟ့ၣ်ဆူၣ်ထီၣ်ပှၤလၢဝ့ၢ်ယရူၤၡလ့ၣ်တဖၣ်အသးတက့ၢ်. စံးဘၣ်တဲဘၣ်အဝဲသ့ၣ်လၢအတူၢ်ဘၣ်တၢ်ယံာ်တ့ၢ်မးလံ ဒီးအဝဲသ့ၣ်အတၢ်ဒဲးဘးတဖၣ်ခဲအံၤဘၣ်တၢ်ပျၢ်ကွံာ်အီၤလံ. လၢအဝဲသ့ၣ်အတၢ်ဒဲးဘးတဖၣ်အဃိ, ယစံၣ်ညီၣ်တ့ၢ်အဝဲ သ့ၣ်လၢလၢပှဲၤပှဲၤလီၤ.”

လံာ်ယၡါယၤ 40:2 Iomraidhean Croise

လံာ်တၢ်ကဲထီၣ်အခီၣ်ထံး 34:3

ဘၣ်ဆၣ်အဝဲထံၣ်ဘၣ်ဝဲလၢပိာ်မုၣ်ဖိသၣ်န့ၣ်အိၣ်ဒီးအတၢ်ရဲၢ်သံ တုၤဒၣ်လဲာ်အဝဲအဲၣ်ဘၣ်အီၤဒီးကျဲးစၢးမၤန့ၢ်အတၢ်အဲၣ်န့ၣ် လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 30:22

စီၤဃံးစကံယၤစံးထီၣ်ပတြၢၤပှၤလ့ၤဝံဖိတဖၣ်လၢအဝဲသ့ၣ် အတၢ်သ့တၢ်ဘၣ်လၢကဆှၢတၢ်ဘူၣ်ထီၣ်ဘါထီၣ်ယွၤအဃိ န့ၣ်လီၤ.

စံးထီၣ်ပတြၢၤ 32:1

ပှၤလၢအတၢ်ဒဲးဘးဘၣ်တၢ်ပျၢ်ကွံာ်အီၤ ဒီးပှၤလၢအတၢ်ကမၣ်ဘၣ်တၢ်ကျၢၢ်ဘၢကွံာ်လံအီၤသ့ၣ် တဖၣ်န့ၣ်, ဘၣ်ဆိၣ်ဂ့ၤနီၢ်နီၢ်လီၤ.

စံးထီၣ်ပတြၢၤ 85:3

နဆိကတီၢ်နတၢ်သးဒိၣ်ထီၣ်ဘၣ်အဝဲသ့ၣ်, ဒီးနဃၣ်က့ၤနတၢ်သးကဲၤထီၣ်န့ၣ်လီၤ.

လံာ်တၢ်ဟးထီၣ်ကွံာ် 22:3

ဆၣ်ဖိကီၢ်ဖိလၢဘၣ်တၢ်ဟုၣ်န့ၢ်အီၤတဒုန့ၣ်မ့မ့ၢ်ကျီၢ်မိၢ် တဒုမ့ၢ်ဂ့ၤ, ကသ့ၣ်ယီၤတဒုမ့ၢ်ဂ့ၤ, သိတဒုမ့ၢ်ဂ့ၤဒီး, မ့ၢ်ဘၣ်တၢ်ထံၣ်န့ၢ်အီၤမူဒံးလၢအတၢ်ဖိတၢ်လံၤအကျါန့ၣ်, အဝဲကဘၣ်လိးက့ၤတၢ်ခံစးန့ၣ်လီၤ.

လံာ်ပှၤစံၣ်တဲၤတဲလီၤတၢ် 3:4

အဝဲပာ်လီၤဝဲတၢ်အကတီၢ်လၢတၢ်သးအုးအဂီၢ်ဒီးတၢ် အကတီၢ်လၢတၢ်သးခုအဂီၢ်, တၢ်အကတီၢ်လၢတၢ်ဟီၣ်တၢ်ယၢၤအဂီၢ်, ဒီးတၢ်အကတီၢ်လၢတၢ်ဂဲၤကလံၣ်အဂီၢ်,

လံာ်ယၡါယၤ 12:1

မုၢ်တနံၤကဟဲဝဲဖဲပှၤကသးဝံၣ်ထီၣ်, “ယွၤဧၢ, ယစံးထီၣ်ပတြၢၤနၤလီၤ. နသးဒိၣ်တ့ၢ်ယၤ, ဘၣ်ဆၣ်ခဲအံၤနမၤမုာ်ယသးဒီးနတသးဒိၣ်လၢၤယၤလၢၤဘၣ်.

လံာ်ယၡါယၤ 14:3

ယွၤကဟ့ၣ်ပှၤအံၣ်စရ့လးဖိလၢတၢ်မၤမုာ်ထီၣ်က့ၤလၢအတၢ်ဆါ ဆိးကဲးဒီးအတၢ်နးတၢ်ဖှီၣ်အပူၤဒီးလၢတၢ်မၤအဆူၣ်အကိၤလၢ တၢ်မၢဆူၣ်တ့ၢ်အဝဲသ့ၣ်န့ၣ်လီၤ.

လံာ်ယၡါယၤ 27:9

ဘၣ်ဆၣ်ဒီးကီၢ်အံၣ်စရ့လးအတၢ်ဒဲးဘးတဖၣ်ကဘၣ်တၢ်ပျၢ် အီၤဖဲဒၣ်ပှၤဘါတၢ်ဂီၤအတၢ်လုၢ်လီၢ်အလၢၢ်တဖၣ်လီၤကလဲ ကွံာ်ဝဲဒ်ထူၣ်ဝါအကမူၣ်အသိး, ဒီးတၢ်နၢမူအတၢ်လုၢ်လီၢ် တဖၣ်မ့ၢ်ဂ့ၤ, ကစၢ်မုၣ်အၡ့ရၤအတၢ်ပနီၣ်တဖၣ်မ့ၢ်ဂ့ၤတအိၣ် လီၤတဲာ်လၢၤဘၣ်အဆၢကတီၢ်န့ၣ်လီၤ.

လံာ်ယၡါယၤ 33:24

ပှၤလၢအအိၣ်လၢပထံလီၢ်ကီၢ်ပူၤတကဒူးကဒ့ၣ်ကဒီးလၢ အဆူးအဆါနီတဂၤလၢၤဘၣ်, ဒီးတၢ်ဒဲးဘးခဲလၢာ်န့ၣ် ကဘၣ်တၢ်ပျၢ်ကွံာ်အီၤလီၤ.

လံာ်ယၡါယၤ 35:4

တဲဘၣ်ပှၤလၢအသးဟးဂီၤတ့ၢ်ကိးဂၤဒဲးန့ၣ်, “ပာ်ဆူၣ်သုသးဒီးပျံၤတၢ်တဂ့ၤ. ကစၢ်ယွၤဟဲဝဲလၢသုတၢ်ပူၤဖျဲးအဂီၢ် ဒီးလၢတၢ်စံၣ်ညီၣ်သုဒုၣ်သုဒါတဖၣ်အဂီၢ်လီၤ.”

လံာ်ယၡါယၤ 43:25

အန့ၣ်ဒၣ်လဲာ်, ယမ့ၢ်ကစၢ်ယွၤလၢအပျၢ်နတၢ်ဒဲးဘးတဖၣ် ဒီးယမၤတၢ်အံၤမ့ၢ်လၢယမ့ၢ်ပှၤလၢယမ့ၢ်အဃိလီၤ. ယတစၢဃာ်နတၢ်ဒဲးဘးတဖၣ်ထီဒါနၤဘၣ်.

လံာ်ယၡါယၤ 44:22

ယတြူာ်ကွံာ်နတၢ်ဒဲးဘးတဖၣ်ဒ်တၢ်အၢၣ်အသိးလီၤ. ဟဲက့ၤကဒါက့ၤဆူယအိၣ်တက့ၢ်. ယမ့ၢ်ပှၤတဂၤလၢ အအုၣ်က့ၤခီၣ်က့ၤနၤလီၤ.

လံာ်ယၡါယၤ 49:25

ယွၤစံးဆၢဝဲ, “တၢ်လၢအကမၤအသးမ့ၢ်တၢ်ဒ်န့ၣ်လီၤ. ပှၤသုးဖိအပှၤဘၣ်စၢဃာ်လၢဃိာ်ပူၤတဖၣ်ကဘၣ်တၢ်စိာ်ကွံာ်အီၤ ဒီးပှၤပၢတၢ်ဖဲအသးအၢအၢသီသီတဂၤအတၢ်ဂုာ်န့ၢ်န့ၣ်ကဘၣ်တၢ် ဟံးန့ၢ်အီၤလီၤ. ယကဒုးတၢ်ထီဒါပှၤတဂၤလၢ်လၢ်လၢအဒုးတၢ်ထီဒါသုဒီးယကမၤပူၤ မၤဖျဲးသုဖိတဖၣ်လီၤ.

လံာ်ယၡါယၤ 51:17

ဝ့ၢ်ယရူၤၡလ့ၣ်ဧၢ, ဖုသံနီၣ်ထီၣ်တက့ၢ်. ထိၣ်ဂဲၤထီၣ်နသးဒီးဆၢထၢၣ်တက့ၢ်. နအီတ့ၢ်တၢ်စံၣ်ညီၣ်အလီခီလၢယွၤ, လၢအတၢ်သးထီၣ်အပူၤ, ဟ့ၣ်နၤလၢနကအီအဂီၢ်လံ. နအီလၢာ်ကွံာ်အီၤဒီးဒုးလဲၤနၤကနူၤနူၤကပၤပၤလီၤ.

လံာ်ယၡါယၤ 53:5

မ့မ့ၢ်တခီ, လၢပတၢ်ဒဲးဘးတဖၣ်အဃိ တၢ်မၤဘၣ်ဒိဆါအီၤ, ဒီးဘၣ်တၢ်ဒိအီၤတီၢ်အီၤလၢ တၢ်အၢတၢ်သီလၢပမၤတ့ၢ်တဖၣ်အဃိလီၤ. ပဘၣ်တၢ်မၤဘျါက့ၤပှၤခီဖျိတၢ်စံၣ်ညီၣ်လၢအတူၢ်ဝဲအဃိ ဒီးပဘျါက့ၤလၢအဝဲဒၣ်ဘၣ်တီၢ်အပူၤလီၢ် တဖၣ်အဃိလီၤ.

လံာ်ယၡါယၤ 53:6

ပဝဲခဲလၢာ်ပလီၤဂာ်ဒီးသိတဖၣ်လၢအဟးဖျိးကျဲ, တဂၤလဲၤလၢအကျဲဒၣ်ဝဲစုာ်စုာ်လီၤ. ဘၣ်ဆၣ်ဒီးယွၤဒုးလီၤဘၣ်တၢ်စံၣ်ညီၣ်လၢအလိၤ, တၢ်စံၣ်ညီၣ်လၢပဝဲခဲလၢာ်ပကြၢးဒိးဘၣ်ဝဲန့ၣ်လီၤ.

လံာ်ယၡါယၤ 54:15

ပှၤမ့ၢ်ဟဲဒုးနၤတဂၤဂၤဒီး, မ့ၢ်အမၤဝဲလၢတၢ်တဘၣ်ယသးအပူၤန့ၣ်လီၤ. ပှၤလၢအဒုးတၢ်ထီဒါနၤတဂၤဂၤန့ၣ်, ကဃၣ်ကွံာ်ဝဲန့ၣ်လီၤ.

လံာ်ယၡါယၤ 54:17

ဘၣ်ဆၣ်ဒီး, စုကဝဲၤမၤဘၣ်ဒိဘၣ်ထံးနၤတသ့ နီတခါခါဘၣ်. နကအိၣ်ဒီးတၢ်စံးဆၢတမံၤလၢပှၤလၢအပာ်တၢ်ကမၣ်လၢနလိၤ ကိးဂၤဒဲးအဂီၢ်လီၤ. ယကကဟုကယာ်ယခ့ယပှၤတဖၣ် ဒီးဟ့ၣ်အဝဲသ့ၣ်တၢ်မၤနၢၤလီၤ.” ယွၤစံးတ့ၢ်လံဝဲလံ.

လံာ်ယၡါယၤ 55:7

မ်ပှၤတတီတလိၤတဖၣ်ပာ်တ့ၢ်ကွံာ်အတၢ်အိၣ်မူအကျဲ ဒီးမ်အလဲလိာ်ကွံာ်အတၢ်ဆိကမိၣ်အကျဲတက့ၢ်. မ်အဝဲသ့ၣ်ဃၣ်အသးဆူယွၤ, ပကစၢ်ယွၤအအိၣ်တက့ၢ်. အဝဲဒၣ်လၢပှဲၤဒီးတၢ်သူၣ်ကညီၤသးကညီၤဒီး ပျၢ်တၢ်ကမၣ်အါအါကလဲာ်လီၤ.

လံာ်ယၡါယၤ 6:7

အဝဲထိးယနိးဖံးလၢမ့ၣ်အူကဖးကိၢ်လိၣ်ဒီးစံးဝဲ, “တၢ်အံၤထိးဘၣ်နနိးဖံးလံဒီးအခဲအံၤနတၢ်ကမၣ်လဲၤပူၤကွံာ်လံ, ဒီးနတၢ်ဒဲးဘးတဖၣ်ဘၣ်တၢ်ပျၢ်အီၤလံ.”

လံာ်ယၡါယၤ 61:7

သုတၢ်မဲာ်ဆှးဒီးတၢ်မၤမဲာ်ဆှးသုတဖၣ်ကတၢၢ်ဝဲလံ. သုကအိၣ်ကဆိးလၢသုထံသုကီၢ်ဒၣ်သုဝဲအပူၤ, ဒီးသုတၢ်ထူးတၢ်တီၤကဘၣ်တၢ်မၤအါထီၣ်အီၤခံစးလီၤ. သုတၢ်သးခုကအိၣ်ကၢအိၣ်ခိးလီၤထူလီၤယိာ်လီၤ.

လံာ်ယၡါယၤ 66:13

ယကမၤမုာ်သုလၢဝ့ၢ်ယရူၤၡလ့ၣ်အပူၤ, ဒ်မိၢ်တဂၤမၤမုာ်အဖိအသိးလီၤ.

လံာ်ယံးရမံယၤ 16:18

ယကမၢအဝဲသ့ၣ်ဟ့ၣ်က့ၤတၢ်အပှ့ၤခံစး လၢအဝဲသ့ၣ်အတၢ်ဒဲးဘး ဒီးအတၢ်တတီတလိၤအဂီၢ်, မ့ၢ်လၢအဝဲသ့ၣ်မၤဘၣ်အၢဘၣ်သီ တ့ၢ်ယကီၢ်လၢတၢ်ဂီၤတၢ်ဖီၣ်တဖၣ်လၢအတၢ်မူတအိၣ်ဘၣ်ဒ်ပှၤ အစိၣ်တဖၣ်အသိး, ဒီးမၤပှဲၤအီၤဒီးအဝဲသ့ၣ်အကစၢ် ကဘျံးကဘျၣ်တဖၣ်အဃိန့ၣ်လီၤ.”

လံာ်ယံးရမံယၤ 17:18

ပှၤတဖၣ်လၢအမၤအၢမၤနးယၤန့ၣ်, မၤမဲာ်ဆှးအီၤတက့ၢ်. ဘၣ်ဆၣ်ဒီးယွၤဧၢ, ဒုးပူၤဒုးဖျဲးယၤတက့ၢ်. မၤပှဲၤအဝဲသ့ၣ်ဒီး တၢ်ပျံၤတၢ်ဖုး, ဘၣ်ဆၣ်ဒီးမၤပျံၤမၤဖုးယၤတဂ့ၤ. ဒုးဘၣ်အဝဲသ့ၣ်လၢတၢ်တတၢးတနါဒီးမၤလီၤကလဲကွံာ်အဝဲသ့ၣ်ဆူ အက့က့အခီခီန့ၣ်တက့ၢ်.

လံာ်ယံးရမံယၤ 29:11

ယအိၣ်ဒီး ယတၢ်ကူၣ်ကျဲၤတဖၣ်လၢ သုဂီၢ်ဒီး ပှၤသ့ၣ်ညါဒၣ်ထဲ ယၤတဂၤဧိၤန့ၣ်လီၤ. မ့ၢ်တၢ်ကူၣ်ကျဲၤတဖၣ်လၢ ကဟဲစိာ်န့ၢ် သုတၢ်ဘီၣ်ထီၣ်ညီထီၣ်ဒီး တမ့ၢ်ဘၣ်တၢ်တတၢးတနါန့ၣ်ဘၣ်. မ့ၢ်တၢ်ကူၣ်ကျဲၤတဖၣ်လၢကဟဲစိာ်ခါဆူညါအတၢ်မုၢ်လၢ်လၢ သုဂီၢ်န့ၣ်လီၤ.

လံာ်ယံးရမံယၤ 51:10

ယွၤစံးဝဲဒၣ်, “ယပှၤဂီၢ်မုၢ်ကိးထီၣ်စံးဝဲလၢ, ‘ယွၤဒုးနဲၣ်တ့ၢ်လၢပအိၣ် လၢတၢ်အဘၣ်အပူၤလီၤ. မ်ပလဲၤဒီး တဲဘၣ်ပှၤဂီၢ်မုၢ်လၢ ဝ့ၢ်ယရူၢ်ၡလ့ၣ်အပူၤလၢတၢ်လၢယွၤပကစၢ်မၤတ့ၢ်ဝဲန့ၣ်တက့ၢ်.’ ”

လံာ်သးသယုၢ်တၢ် 4:22

ဝ့ၢ်စံယိၣ်ဟ့ၣ်တ့ၢ်တၢ်အပှ့ၤလၢအတၢ်ဒဲးဘးအဂီၢ်လံ. ယွၤတပာ်ပှၤလၢတၢ်စိာ်မၢကဲကုၢ်အလီၢ် ယံာ်ယံာ်လၢၤဘၣ်. မ့မ့ၢ်ကီၢ်အဒိၣ်ဧၢ, ကစၢ်ယွၤကစံၣ်ညီၣ်နၤ, ကလီၣ်ဖျါထီၣ်နတၢ်မၤ, တၢ်သရူးကမၣ်တဖၣ်န့ၣ်လီၤ.

လံာ်ယဃ့းစက့လး 16:42

အန့ၣ်ဒီး, ယတၢ်သးထီၣ်ကပူၤကွံာ်, ဒီးယကအိၣ်ဃိကလာ်န့ၣ်လီၤ. ယတသးထီၣ်လၢၤမ့ၢ်ဂ့ၤသူၣ်က့ၣ်သးကါလၢၤမ့ၢ်ဂ့ၤနီတစုဘၣ်.

လံာ်ဒၤနံးယ့လး 11:35

ပှၤခိၣ်ပှၤနၢ်လၢအကူၣ်သ့ကူၣ်ဘၣ်တနီၤကဘၣ်တၢ်မၤသံကွံာ်အီၤ, ဘၣ်ဆၣ်ဒီးလၢတၢ်အံၤအဃိပှၤဂီၢ်မုၢ်ကဘၣ်တၢ်မၤကဆှီအီၤလီၤ. တၢ်အံၤကမၤအသးတုၤတၢ်အကတၢၢ်တုၤဝဲ, တၢ်အကတီၢ်လၢ ကစၢ်ယွၤပာ်လီၤဝဲန့ၣ်လီၤ.

လံာ်ဒၤနံးယ့လး 12:4

မ့မ့ၢ်နဲဒၣ်အံၤစီၤဒၤနံးယ့လးဧၢ, ကးတံၢ်လံာ်န့ၣ်ဒီးပာ် တၢ်စဲပနီၣ်လၢအလိၤတုၤလၢတၢ်အကတၢၢ်မၤအသးန့ၣ်တက့ၢ်. ပှၤအါဂၤကလဲၤဆူအံၤဆူနုၤဒ်သိးဒီးအတၢ်သ့ၣ်ညါကအါ ထီၣ်န့ၣ်လီၤ.”

လံာ်ဒၤနံးယ့လး 12:9

အဝဲစံးဆၢဝဲဒၣ်, “စီၤဒၤနံးယ့လးဧၢ, နကဘၣ်က့ၤခဲအံၤလီၤ. အဂ့ၢ်ဒ်အံၤ, တၢ်ကတိၤတဖၣ်အံၤကဘၣ်တၢ်ကးတံၢ်ဒီးစဲပနီၣ် ဃာ်အီၤတုၤတၢ်အကတၢၢ်မၤအသးတစုန့ၣ်လီၤ.

လံာ်ဒၤနံးယ့လး 9:12

နမၤတ့ၢ်တၢ်လၢနစံးတ့ၢ်နကမၤအီၤလၢပလိၤဒီးပပှၤပၢတၢ် တဖၣ်အလိၤန့ၣ်လီၤ. နစံၣ်ညီၣ်တ့ၢ်ဝ့ၢ်ယရူၤၡလ့ၣ်နးဒိၣ်န့ၢ်ဒံး ဝ့ၢ်အဂုၤအဂၤလၢဟီၣ်ခိၣ်ချၢ,

လံာ်ဒၤနံးယ့လး 9:2

ယမၤလိလံာ်တၢ်ကွဲးစီဆှံတဖၣ်လၢယွၤကတိၤတ့ၢ်တၢ်ဒီး ဝံယံးရမံယၤဒီးဆိကမိၣ်တၢ်ဘၣ်ဃးဝ့ၢ်ယရူၤၡလ့ၣ်ကအိၣ်လၢ အတၢ်လီၤပှီၢ်တဖၣ်အပူၤအနံၣ်နွံဆံအဂ့ၢ်န့ၣ်လီၤ.

လံာ်ဟိၤၡ့ 2:14

လၢတၢ်န့ၣ်အဃိ, ယကက့ၤကိးကဒါက့ၤကဒီးအီၤဆူပှၢ်မုၢ်ကနၢ အပူၤန့ၣ်လီၤ. ဖဲန့ၣ်ယကမၤန့ၢ်ကဒါက့ၤအီၤလၢတၢ်အဲၣ်တၢ်ကွံအတၢ်ကတိၤတဖၣ် န့ၣ်လီၤ.

လံာ်ဟိၤၡ့ 2:16

တုၤနုၤတစုအဝဲကကိးက့ၤကဒီးယၤလၢအဝၤန့ၣ်လီၤ. အဝဲတကိးလၢၤယၤလၢအဘဧၤလးနီတစုလၢၤဘၣ်.

လံာ်ဃဘးကူာ် 2:3

ကွဲးလီၤတၢ်အံၤတက့ၢ်. အဂ့ၢ်ဒ်အံၤ, အဆၢကတီၢ်တဘၣ်ဒံးလၢကလၢ ထီၣ်ပှဲၤထီၣ်အဂီၢ်ဘၣ်. ဘၣ်ဆၣ်ဒီးတၢ်ဆၢကတီၢ်ဟဲဝဲချ့သဒံးဒီးတၢ်လၢယဒုးနဲၣ်နၤ ကလၢထီၣ်ပှဲၤထီၣ်လီၤ. အတၢ်ဟဲကအိၣ်ဖျါဃၢဝဲဘၣ်ဆၣ် အိၣ်ခိးအီၤတက့ၢ်. တၢ်အံၤကမၤအသးသပှၢ်ကတၢၢ်ဒီး တသုးနံၤသုးသီဘၣ်.”

လံာ်စဖါနယၤ 3:15

ယွၤဆိကတီၢ်ကွံာ်တၢ်စံၣ်ညီၣ်လၢသုဂီၢ်, အဝဲသုးကွံာ်ကယဲၢ်သုဒုၣ်သုဒါခဲလၢာ်န့ၣ်လံ. ယွၤ, အံၣ်စရ့လးအစီၤပၤအိၣ်ဒီးသု, ဒီးခဲအံၤတၢ်ဂ့ၢ်တအိၣ်လၢၤနီတမံၤ လၢသုကဘၣ်ပျံၤတၢ်ဖုးတၢ်န့ၣ်ဘၣ်.

လံာ်စကၤရယၤ 1:13

ယွၤစံးဆၢကလူးန့ၣ်လၢတၢ်ကတိၤအမုာ်တဖၣ်,

လံာ်စကၤရယၤ 1:15

ဒီးယသးထီၣ်ဘၣ်ပှၤကလုာ်တဖၣ်လၢအမုာ်လၤသးခု ဘၣ်လၢတၢ်အိၣ်ဘှ့ၣ်အိၣ်ဘှီၣ်ဒီးတၢ်ဃူတၢ်ဖိးအပူၤဒိၣ်မး လီၤ. အဂ့ၢ်ဒ်အံၤ, ဖဲယဟံးဃာ်ဒံးယတၢ်သးဒိၣ်ထီၣ်ထီဒါယပှၤဂီၢ်မုၢ် အခါ, ပှၤကလုာ်တဖၣ်ဒုးတူၢ်ဘၣ်ခီၣ်ဘၣ်အၢထီၣ်ယပှၤဂီၢ်မုၢ်အတၢ်လီၤ.

လံာ်စကၤရယၤ 9:12

က့ၤကဒါက့ၤ, သုဝဲပှၤကဲကုၢ်ဖိလၢခဲအံၤ အိၣ်ဒီးတၢ်မုၢ်လၢ်သ့ၣ်ဧၢ, က့ၤကဒါက့ၤဆူ သုတၢ်ပူၤဖျဲးအလီၢ်န့ၣ်တက့ၢ်. ခဲကနံၣ်အံၤယစံးဘၣ်တဲဘၣ်သု, ယကဟ့ၣ်ကဒါက့ၤသုတၢ်ခံစး လၢအမ့ၢ်တၢ်ဆိၣ်ဂ့ၤလၢကယဲၢ်တၢ်လၢ သုတူၢ်ဘၣ်တ့ၢ်လံအဂီၢ်န့ၣ်လီၤ.

မၤတၢ် 1:7

ယ့ၣ်ၡူးစံးဆၢက့ၤအဝဲသ့ၣ်, “တၢ်ဆၢကတီၢ်ဒီးတၢ်ကတီၢ်လီၤဆီတဖၣ်န့ၣ်, အိၣ်ဒၣ်လၢယပၢ်အစုပူၤလၢအကစံၣ်ညီၣ်ပာ်လီၤဝဲလၢအစိကမီၤဒၣ် ဝဲဒီးတၢ်တပျဲသုသ့ၣ်ညါတၢ်ဆၢကတီၢ်အံၤန့ၣ်ဘၣ်.

ကလၤတံ 4:4

ဘၣ်ဆၣ်ဒီး, ဖဲတၢ်ဆၢကတီၢ်အဘၣ်တုၤဃီၤဝဲန့ၣ်, ကစၢ်ယွၤဆှၢလီၤအဖိခွါဒၣ်ဝဲလီၤ. အဝဲဒၣ်ဟဲဒ်မိၢ်လၢအမ့ၢ်ပှၤဟီၣ်ခိၣ်ဖိတဂၤအဖိအသိးဒီးအိၣ် မူလၢယူဒၤဖိအတၢ်သိၣ်တၢ်သီအဖီလာ်,

လံာ်လီၣ်ဖျါ 18:6

မၤအီၤလၢတၢ်တမံၤဃီဒ်အဝဲမၤသုအသိးတက့ၢ်. ကယဲၢ်တၢ်လၢအမၤတ့ၢ်ဝဲတဖၣ်န့ၣ်, ဟ့ၣ်ကၣ်က့ၤအီၤခံစးတက့ၢ်. မၤပှဲၤအဝဲဒၣ်အလီခီလၢတၢ်အီလၢအဆူၣ်ဝဲဒၣ် ပှဲၤသိးတၢ်အီလၢအကတဲာ်ကတီၤပာ်ဝဲ လၢသုဂီၢ်န့ၣ်ခံစးတက့ၢ်.