လံာ်ယၡါယၤ 40:18 - Sgaw Karen Common Bible

¹⁸ တၢ်ထိၣ်သတြီၤကစၢ်ယွၤဒီးမတၤကသ့လဲၣ်. အဝဲလီၤဂာ်ဒီးမတၤလဲၣ်န့ၣ်, နတဲလၢအဂ့ၢ်ကသ့ဒ်လဲၣ်.

လံာ်ယၡါယၤ 40:18 Iomraidhean Croise

လံာ်စီၤယိၤဘး 40:9

နဂံၢ်နဘါကဆူၣ်ဒ်ယၤအသိးဧါ. နမၤသီၣ်နကလုၢ်လီၤဂာ်ဒီး ယၤဒီးလီသီၣ်ဖးဒိၣ်အသိးသ့ဧါ.

စံးထီၣ်ပတြၢၤ 113:5

မ့ၢ်မတၤလီၤဂာ်ဒ် ယွၤပကစၢ်ယွၤအသိး လၢအအိၣ်ဝဲဆိးဝဲလၢ တၢ်လီၢ်ထီၣ်ထီန့ၣ်တဂၤလဲၣ်.

စံးထီၣ်ပတြၢၤ 89:6

အဂ့ၢ်ဒ်အံၤ, မ့ၢ်မတၤအိၣ်လၢမူခိၣ်လၢပက ထိၣ်သတြီၤအီၤဒီးယွၤန့ၣ်လဲၣ်. လၢပှၤမူခိၣ်ဖိတဖၣ်အကျါန့ၣ်, မ့ၢ်မတၤလီၤဂာ်ဒီးယွၤန့ၣ်လဲၣ်.

စံးထီၣ်ပတြၢၤ 89:7

ယွၤမ့ၢ်တၢ်ပျံၤအလီၢ်လၢပှၤစီဆှံအတၢ်အိၣ်ဖှိၣ်အပူၤ, ဒီးအဝဲသ့ၣ်ခဲလၢာ် ကဆၢထၢၣ်လၢတၢ်ယူးယီၣ် ဒီးတၢ်ပျံၤတၢ်ဖုးအပူၤလီၤ.

စံးထီၣ်ပတြၢၤ 89:8

ယွၤ, သ့တၢ်လၢာ်အကစၢ်ယွၤဧၢ, မ့ၢ်မတၤအိၣ်ဒီးအစိအကမီၤဒ်နၤအသိးတဂၤလဲၣ်, ယွၤဧၢ, နတၢ်သူၣ်တီသးလိၤအိၣ်ဝးတရံးနၤလီၤ.

လံာ်တၢ်ဟးထီၣ်ကွံာ် 15:11

ယွၤဧၢ, လၢကစၢ်တဖၣ်အကျါန့ၣ်မ့ၢ်မတၤတဂၤလီၤဂာ်ဒ်သိးနၤန့ၣ်လဲၣ်. မ့ၢ်မတၤတဂၤလီၤဂာ်ဒ်သိးနၤလၢတၢ်လီၤလးအတၢ်စီဆှံအပူၤန့ၣ်လဲၣ်. မ့ၢ်မတၤတဂၤမၤတၢ်လီၤလးဒီးမၤတၢ်ဒိၣ်ဒိၣ်မုၢ်မုၢ်တဖၣ်ဒ်နမၤတ့ၢ်အသိးန့ၣ်သ့ဝဲလဲၣ်.

လံာ်တၢ်ဟးထီၣ်ကွံာ် 20:4

တၢ်တမံၤလၢ်လၢ်လၢအအိၣ်လၢမူခိၣ်မ့ၢ်ဂ့ၤ, လၢဟီၣ်ခိၣ်လိၤမ့ၢ် ဂ့ၤ, လၢထံကျါမ့ၢ်ဂ့ၤ, လၢဟီၣ်ခိၣ်လာ်မ့ၢ်ဂ့ၤန့ၣ်မၤထီၣ်အဂီၤလၢသုဂီၢ်တဂ့ၤ.

လံာ်တၢ်ဟးထီၣ်ကွံာ် 8:10

ဒီးစီၤပၤစံးဆၢဝဲဒၣ်, “ဃ့ကညးတၢ်လၢယဂီၢ်ခဲဂီၤကိာ်တက့ၢ်.” ဒီးစီၤမိၤၡ့စံးဝဲဒၣ်, “ယကမၤဒ်နမၢယၤအသိးဒီးနကသ့ၣ်ညါလၢကစၢ်အဂုၤအဂၤတအိၣ်ဘၣ်ဒ်ပယွၤ, ပကစၢ်ယွၤအသိးဘၣ်န့ၣ်လီၤ.

လံာ်တၢ်ဟးထီၣ်ကွံာ် 9:14

အအံၤတစုယတစံၣ်ညီၣ်ထဲနပဒိၣ်ပပှၢ်ဒီးနပှၤဂီၢ်မုၢ်န့ၣ်ဘၣ်. မ့မ့ၢ်ယကစံၣ်ညီၣ်စ့ၢ်ကီးနၤဒ်သိးနကသ့ၣ်ညါလၢပှၤဒ်သိးယၤ တအိၣ်ဘၣ်လၢဟီၣ်ခိၣ်ချၢနီတဂၤဘၣ်, န့ၣ်လီၤ.

လံာ်ယၡါယၤ 40:25

တၢ်ထိၣ်သတြီၤကစၢ်ယွၤစီဆှံတဂၤအံၤဒီးမတၤကသ့န့ၣ်လဲၣ်. မ့ၢ်ပှၤလၢအလီၤဂာ်ဒီးအီၤအိၣ်ဒံးတဂၤဂၤဧါ.

လံာ်ယၡါယၤ 44:6

ယွၤလၢအပၢဒီးဒီဒၣ်အိၣ်ပှိၤကီၢ်အံၣ်စရ့လး, ယွၤသ့တၢ်လၢာ်အိၣ်ဒီးအတၢ်ကတိၤဒ်အံၤ, “ယဲဒၣ်အံၤယမ့ၢ်တၢ်အခီၣ်ထံး, ယဲဒၣ်အံၤယမ့ၢ်တၢ်အကတၢၢ်, ကစၢ်ယွၤထဲတဂၤဧိၤ, ဒီးယဲဒၣ်အံၤအမဲာ်ညါကစၢ်အဂၤတအိၣ်ဘၣ်.

လံာ်ယၡါယၤ 46:5

“သုကထိၣ်သတြီၤယၤဒီးမတၤလဲၣ်.” ယွၤစံးဝဲဒၣ်, “ပှၤလၢအလီၤဂာ်ဒီးယၤအိၣ်ဝဲတဂၤဂၤဧါ.”

လံာ်ယၡါယၤ 46:9

သ့ၣ်နီၣ်ထီၣ်က့ၤတၢ်လၢအမၤတ့ၢ်အသးလၢပျၢၤတက့ၢ်. အၢၣ်လီၤအီလီၤလၢထဲယၤတဂၤဧိၤန့ၣ်မ့ၢ်ကစၢ်ယွၤဒီးပှၤ အဂၤ ဒ်သိးယၤတအိၣ်ဝဲနီတဂၤဘၣ်န့ၣ်တက့ၢ်.

လံာ်ယံးရမံယၤ 10:1

ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, ဒိကနၣ်တၢ်ကစီၣ်လၢယွၤ ဟ့ၣ်လီၤလၢသုဂီၢ်န့ၣ်တက့ၢ်.

လံာ်ယံးရမံယၤ 10:16

စီၤယၤကိာ်အကစၢ်ယွၤတလီၤဂာ်ဒီးအဝဲသ့ၣ်ဘၣ်. အဝဲမ့ၢ်ပှၤတဂၤလၢအတ့လီၤပာ်လီၤတၢ်ခဲလၢာ်, ဒီးအဝဲဃုထၢတ့ၢ်ပှၤအံၣ်စရ့လးဖိလၢကမ့ၢ်အဝဲအတၢ်န့ၢ်သါအပှၤဂီၢ် မုၢ်ဒၣ်ဝဲန့ၣ်လီၤ. သ့တၢ်လၢာ်ကစၢ်ယွၤ, မ့ၢ်အမံၤန့ၣ်လီၤ.

လံာ်ယံးရမံယၤ 10:6

ယွၤဧၢ, ပှၤဒ်နၤအသိးတအိၣ်နီတဂၤဘၣ်. နဂံၢ်ဆူၣ်နဘါဆူၣ် ဒီးနမံၤန့ၣ်ဒိၣ်ဝဲဒီးအိၣ်ဒီးအစိအကမီၤလီၤ.

လံာ်မံကၤ 7:18

ယွၤဧၢ, ကစၢ်လၢအဒ်သိးဒီးနၤတအိၣ်ဘၣ်နီတဂၤဘၣ်. နပျၢ်ကွံာ်နပှၤဂီၢ်မုၢ်လၢအအိၣ်မူတ့ၢ်တဖၣ်အတၢ်ဒဲးဘးတဖၣ်လီၤ. နသးတဒိၣ်တထံၣ်ဃီဘၣ်. မ့မ့ၢ်နသးမုာ်လၢတၢ်ဒုးနဲၣ်ပှၤနတၢ်အဲၣ်တပယူာ်ဃီန့ၣ်လီၤ.

မၤတၢ် 17:29

ဒ်ပမ့ၢ်ကစၢ်ယွၤအဖိတဖၣ်အသိး, ပတကြၢးဆိကမိၣ်လၢယွၤမ့ၢ်တၢ်လၢအလီၤဂာ်ဒီးထူ, စ့, မ့တမ့ၢ်လၢၢ်လၢအဘၣ်တၢ်စိးပျၤဒီးဒုးအိၣ်ထီၣ်အက့ၢ် အဂီၤခီဖျိပှၤကညီအတၢ်သ့တၢ်ဘၣ်န့ၣ်ဘၣ်.

လံာ်သိၣ်လီၤသီလီၤတၢ် 33:26

ကီၢ်အံၣ်စရ့လးအပှၤဂီၢ်မုၢ်ဧၢ, ယွၤအဂၤတဒ်သိးဘၣ်သုကစၢ်ယွၤဘၣ်. အဝဲဒိးတၢ်ခီဖျိကွံာ်မူကပိာ်လိၤလၢတၢ်ကဟုကညီၢ်အပူၤ, ဒိးတၢ်ခီဖျိကွံာ်တၢ်အၢၣ်တဖၣ်လၢကဟဲမၤစၢၤသုအဂီၢ်န့ၣ်လီၤ.

လံာ်သိၣ်လီၤသီလီၤတၢ် 4:15

ဖဲယွၤကတိၤတ့ၢ်တၢ်ဒီးသုလၢမ့ၣ်အူအကျါလၢကစၢၢ်စံၤနါအလိၤ န့ၣ်, သုတထံၣ်အဝဲအက့ၢ်အဂီၤနီတမံၤဘၣ်. လၢသုတၢ်ဂ့ၤဒၣ်သုဝဲအဂီၢ်န့ၣ်, အန့ၣ်တစုမၤလီၤတံၢ်လၢ,

ကလီးစဲ 1:15

ခရံာ်မ့ၢ်ကစၢ်ယွၤလၢပထံၣ်အီၤတသ့ဘၣ်တဂၤအက့ၢ်အဂီၤလီၤ. အဝဲမ့ၢ်ယွၤအဖိဝဲၢ်ကိလၢအအိၣ်ဆိဒီးအတီၤထီန့ၢ်တၢ်ဘၣ်တ့ အဂုၤအဂၤခဲလၢာ်န့ၣ်လီၤ.

ဧ့ၤဘြံၤ 1:3

အဝဲလီၣ်ဖျါထီၣ်န့ၢ်ပှၤလၢကစၢ်ယွၤအလၤကပီၤဒီးစိာ်မူ ဝဲကစၢ်ယွၤအက့ၢ်အဂီၤအန့ဆၢၣ်လီၤတံၢ်လီၤဆဲးဒီးဟံး ဃာ်ပၢၤဃာ်ဟီၣ်ခိၣ်မူခိၣ်လၢအကလုၢ်အစိအကမီၤလီၤ. တုၤအမၤကဆှီထီၣ်ပှၤလၢပတၢ်ဒဲးဘးလၢအကစၢ် ဒၣ်ဝဲဝံၤဒီး, ဆ့ၣ်နီၤဝဲလၢတၢ်စိဒိၣ်ကမီၤထီကစၢ်ယွၤ အစုထွဲတခီလီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:2

ပှၤစီဆှံဒ်ယွၤတအိၣ်ဝဲနီတဂၤဘၣ်. ပှၤလီၤဂာ်ဒီးအီၤတအိၣ်နီတဂၤဘၣ်. ပှၤဒီဒၣ်အိၣ်ပှိၤပှၤဒ်ပကစၢ်ယွၤတအိၣ်ဘၣ်.