လံာ်ယၡါယၤ 40:15 - Sgaw Karen Common Bible

¹⁵ လၢယွၤအဂီၢ်န့ၣ်ပှၤကလုာ်တဖၣ်တမ့ၢ်တၢ်နီတမံၤဘၣ်. တအါန့ၣ်ထံဖိတလီၤစီၤဘၣ်. ကီးလၢအယံၤတဖၣ်န့ၣ်အတ ယၢၢ်ဖှံဝဲဒၣ်ထဲသိးသိးဒီးဟီၣ်ခိၣ်ကမူၣ်န့ၣ်လီၤ.

လံာ်ယၡါယၤ 40:15 Iomraidhean Croise

လံာ်တၢ်ကဲထီၣ်အခီၣ်ထံး 10:5

အဝဲသ့ၣ်တဖၣ်မ့ၢ်ပၢ်လၢပျၢၤတဖၣ်လၢပှၤဂီၢ်မုၢ်အိၣ်လၢပီၣ်လဲၣ် ကၢၢ်နံၤဒီးကီးသ့ၣ်တဖၣ်အဖီခိၣ်အဂီၢ်န့ၣ်လီၤ. ပှၤသ့ၣ်တဖၣ်အံၤမ့ၢ်ပှၤလီၤစၢၤလၢစီၤယ့းဖ့းသးဒီးအိၣ်ဝဲ ဆိးဝဲလၢအပှၤကလုာ်ဒၣ်ဝဲဒီးအထံအကီၢ်ဒၣ်ဝဲလီၤဆီဆီ, ဒီးတဖုစုာ်စုာ်န့ၣ်ကတိၤအကျိာ်ဒၣ်ဝဲန့ၣ်လီၤ.

စံးထီၣ်ပတြၢၤ 62:10

သန့ၤသုသးလၢတၢ်မၤအၢတၢ်တဂ့ၤ. မုၢ်လၢ်ဒိးန့ၢ်တၢ်တမံၤမံၤလၢတၢ်မၤန့ၢ်ဆူၣ်ပှၤဂၤ အတၢ်န့ၣ်တဂ့ၤ. သုတၢ်စုလီၢ်ခီၣ်ခိၣ်န့ၣ်မ့ၢ်အါထီၣ်ဒၣ်လဲာ် ပာ်သုသးလၢအီၤန့ၣ်တဂ့ၤ.

စံးထီၣ်ပတြၢၤ 62:9

ပှၤကညီခဲလၢာ်လီၤဂာ်ဒၣ်ဒီးတၢ်သါထီၣ်တဘီဖိ န့ၣ်လီၤ. ပှၤအဒိၣ်မ့ၢ်ဂ့ၤအဆံးမ့ၢ်ဂ့ၤ မ့ၢ်တၢ်ကလီကလီဒ်သိးသိးလီၤ. တၢ်မ့ၢ်စီၤကွၢ်အီၤလၢစီၤပီၢ်ပူၤဒီး, တဃၢဘၣ်နီတစဲးဘၣ်. တၢ်မ့ၢ်ပာ်အီၤလၢစီၤပီၢ်အပူၤဒီး, အဝဲသ့ၣ်ဖှံဒိၣ်န့ၢ်ဒံးတၢ်သါတဘီဖိတက့ၢ်န့ၣ်လီၤ.

လံာ်ယၡါယၤ 11:11

ဖဲမုၢ်နံၤန့ၣ်ဟဲတုၤဝဲဒီး, ယွၤကသူကဒီးအစိကမီၤတဘျီ ဒီးဟဲက့ၤစိာ်က့ၤအပှၤဂီၢ်မုၢ်ဆူဟံၣ်အပှၤဂီၢ်မုၢ်လၢအအိၣ် လီၤတဲာ်လၢကီၢ်အၤၡူၢ်ဒီးကီၢ်အဲၤကူပတူးကလံၤထံး, ဒီးလၢကီၢ်အဲၤကူပတူးကလံၤစိးပၤသြိၣ်, ကီၢ်ကူၤၡး, ကီၢ်အံၣ်ရး, ကီၢ်ဘၤဘူလိၣ်, ကီၢ်ဆၣ်ဃမါသး, ဒီးလၢပီၣ်လဲၣ်ကၢၢ် နံၤတဖၣ်ဒီးလၢပီၣ်လဲၣ်အကီးတဖၣ်အပူၤန့ၣ်လီၤ.

လံာ်ယၡါယၤ 17:13

ပှၤကလုာ်တဖၣ်လဲၤထီၣ်ဝဲဒ်လပီတဖၣ်သဖှိထီၣ်ဝဲအသိး, ဘၣ်ဆၣ်ကစၢ်ယွၤသိၣ်ဆါအဝဲသ့ၣ်သတးဒီးအဝဲသ့ၣ်ဂုၤက့ၤ ဆူအလီၢ်ခံလီၤ. ဒီးဘၣ်တၢ်နီၣ်ထီၣ်ဟီထီၣ်ကွံာ်အီၤဒ် ဖၣ်ကမူၣ်လၢကစၢၢ်ကပၤအသိးဒီးဒ်ဘုလီၢ်လၢကလံၤ သဝံးအပူၤအသိးန့ၣ်လီၤ.

လံာ်ယၡါယၤ 2:22

ပာ်နတၢ်သန့ၤနသးလၢပှၤကညီလၢအသံသ့အံၤအပူၤလၢၤ တဂ့ၤ. အဝဲသ့ၣ်အလုၢ်အပှ့ၤမ့ၢ်မနုၤလဲၣ်.

လံာ်ယၡါယၤ 29:5

ဝ့ၢ်ယရူၤၡလ့ၣ်ဧၢ, ကယဲၢ်ပှၤတခီဘီမုၢ်ဖိခဲလၢာ်လၢအဟဲထီၣ် ဒုးနၤန့ၣ်ကဘၣ်တၢ်အူဒံဖျိးကွံာ်အီၤဒ်ဖၣ်ကမူၣ်ဖၣ်ဆါအသိးဒီး အဝဲသ့ၣ်အသုးမုၢ်သံၣ်ဘိလၢအပျံၤတၢ်ဖုးတၢ်တဖၣ်ဒံကွံာ်ဖျိး ကွံာ်ဝဲဒ်ဘုလီၢ်အသိးန့ၣ်လီၤ. သတူၢ်ကလာ်ဒီးလၢတၢ်တမုၢ်လၢ် အပူၤန့ၣ်, ယွၤသ့တၢ်လၢာ်ကမၤပူၤဖျဲးသုခီဖျိလီသီၣ်လီသဲဒီး ဟီၣ်ခိၣ်ဟူးဝးတဖၣ်န့ၣ်လီၤ.

လံာ်ယၡါယၤ 40:22

တၢ်န့ၣ်ဘၣ်တၢ်ဒုးကဲထီၣ်အီၤလၢပှၤတဂၤလၢအဆ့ၣ်နီၤလၢအလီၢ် ပစိာ်အဖီခိၣ်, လၢဟီၣ်ခိၣ်အဖီခိၣ်ဒီးပျံကွံာ်မူခိၣ်န့ၣ်လီၤ. ပှၤလၢလာ်တဖၣ်ဖျါဆံးဒ်တၢၢ်ဧိၤတြၤဧိၤအသိးန့ၣ်လီၤ. အဝဲသလၣ်လီၤမူခိၣ်ဒ်ယၣ်ဘျးသဒၢအသိးလီၤဂာ်ဒ်ဒဲလၢတၢ်ကအိၣ် လၢအပူၤအဂီၢ်အသိးန့ၣ်လီၤ.

လံာ်ယၡါယၤ 41:5

ပှၤလၢထံကီၢ်အယံၤတဖၣ်ထံၣ်တ့ၢ်ဝဲတၢ်လၢယမၤတ့ၢ်တဖၣ်, ဒီးတၢ်ပျံၤလီၤဘၣ်အဝဲသ့ၣ်ဒီးကနိးကစုာ်လၢတၢ်ပျံၤတၢ်ဖုး အဃိလီၤ. လၢတၢ်န့ၣ်အဃိ, အဝဲသ့ၣ်ရိဖှိၣ်ထီၣ်အသးခဲ လၢာ်ဒီးဟဲဝဲလီၤ.

လံာ်ယၡါယၤ 59:18

အဝဲကစံၣ်ညီၣ်အဒုၣ်အဒါတဖၣ်, တုၤပှၤလၢအအိၣ်လၢထံယံၤ ကီၢ်ယံၤတဖၣ်ဒၣ်လဲာ်, ဒ်တၢ်လၢအဝဲသ့ၣ်မၤတ့ၢ်ဝဲအသိးန့ၣ်လီၤ.

လံာ်ယၡါယၤ 66:19

ဒီးကသ့ၣ်ညါဝဲလၢယမ့ၢ်ပှၤတဂၤလၢအစံၣ်ညီၣ်အဝဲသ့ၣ်န့ၣ်လီၤ. ဘၣ်ဆၣ်ယကပျဲဖျဲးကွံာ်အဝဲသ့ၣ်တနီၤ, ဒီးဆှၢအဝဲသ့ၣ်ဆူပှၤကလုာ်တဖၣ်အအိၣ်ဒီးဆူထံကီၢ်အယံၤ တဖၣ်လၢအတနၢ်ဟူတ့ၢ်ဘၣ်ယတၢ်မံၤဟူသၣ်ဖျါမ့ၢ်ဂ့ၤ တထံၣ်တ့ၢ်ဘၣ်ယတၢ်ဒိၣ်တၢ်မုၢ်ဒီးယတၢ်စိတၢ်ကမီၤမ့ၢ်ဂ့ၤ ဒ်, ကီၢ်စပၤနံ, ကီၢ်လံးဘယၣ်, ဒီးကီၢ်လူၤဒံ, လၢအအိၣ်ဒီးအပှၤခးချံၣ်သ့တဖၣ်, ဒီးဆူကီၢ်တူၤဘလးဒီးကီၢ်ကြံး(စ်) န့ၣ်လီၤ. လၢပှၤကလုာ်တဖၣ်အံၤအကျါန့ၣ်, အဝဲသ့ၣ်ကစံးဘၣ်တဲဘၣ် ယတၢ်ဒိၣ်တၢ်မုၢ်န့ၣ်လီၤ.

လံာ်ယံးရမံယၤ 10:10

မ့မ့ၢ်နဲဒၣ်, ယွၤဧၢ, နမ့ၢ်ကစၢ်ယွၤအမ့ၢ်အတီန့ၣ်လီၤ. နမ့ၢ်ကစၢ်ယွၤလၢအမူဝဲ ဒီးစီၤပၤအထူအယိာ်န့ၣ်လီၤ. ဖဲနသးဒိၣ်ထီၣ်န့ၣ်ဟီၣ်ခိၣ်ဟူးဟးဆှဲးဆှိးဝဲ ဒီးပှၤကလုာ်တဖၣ်တူၢ်နတၢ်သးကဲၤထီၣ် တကဲဘၣ်လီၤ.

လံာ်ဒၤနံးယ့လး 11:18

တၢ်န့ၣ်အလီၢ်ခံကလဲၤဒုးဝဲထံကီၢ်တဖၣ်လၢပီၣ်လဲၣ်အနံၤဒီး မၤန့ၢ်ဝဲတဘျုးကီၢ်န့ၣ်လီၤ. ဘၣ်ဆၣ်ဒီးသုးခိၣ်လၢတခီထံ တခီကီၢ်တဂၤကမၤဃၣ်ကွံာ်အီၤဒီးကဆိကတီၢ်ကွံာ်အတၢ်ပာ် ဒိၣ်ပာ်ထီအသးန့ၣ်လီၤ. ဒီးဃါမနၤန့ၣ်, ကီၢ်စူၤရံအစီၤပၤကဒိးဘၣ်အတၢ် ပာ်ဒိၣ်ပာ်ထီအသးအဘူးအလဲန့ၣ်လီၤ.

လံာ်ဒၤနံးယ့လး 4:32

ဒီးနကဘၣ်တၢ်နီၣ်ထီၣ်ကွံာ်နၤလၢပှၤကညီအကျါ, ဒီးနတၢ်အိၣ်တၢ်ဆိးအလီၢ်ကမ့ၢ်ဝဲလၢဆၣ်ဖိကီၢ်ဖိအမံၤတဖၣ် အသိးအကျါလီၤ. နကအီၣ်တပံၢ်တမါဒ်ဂီၤဖံးတဒုအသိး လၢနွံနံၣ်အတီၢ်ပူၤလီၤ. တုၤနုၤတစု, နကသ့ၣ်ညါက့ၤလၢတၢ်ထီကတၢၢ်ကစၢ်ယွၤတဂၤပၢတၢ်လၢပှၤဟီၣ် ခိၣ်ဖိအဘီအမုၢ်တဖၣ်အဖီခိၣ်ဒီးဟ့ၣ်လီၤတၢ်ဆူပှၤလၢအဃု ထၢဝဲဒ်အသးအိၣ်ဒၣ်ဝဲအသိးအစုပူၤသ့ဝဲန့ၣ်လီၤ.”

လံာ်ဒၤနံးယ့လး 4:35

ကယဲၢ်ပှၤအိၣ်လၢဟီၣ်ခိၣ်ချၢခဲလၢာ်န့ၣ်ပာ်ဝဲဒ်တမ့ၢ် တၢ်နီတမံၤအသိး, ဒီးမၤတၢ်ဖဲအတၢ်ဘၣ်အသးဒၣ်ဝဲလၢမူခိၣ် တၢ်သုးမုၢ်ဂီၢ်မုၢ်အကျါ, ဒီးလၢပှၤအိၣ်လၢဟီၣ်ခိၣ်ချၢတဖၣ် အကျါန့ၣ်လီၤ. ပှၤတြီအစုမ့ၢ်ဂ့ၤ, သံကွၢ်အီၤမ့ၢ်နမၤတၢ်မနုၤလဲၣ်မ့ၢ်ဂ့ၤ တန့ၢ်ဘၣ်နီတဂၤဘၣ်.

လံာ်စဖါနယၤ 2:11

ယွၤကမၤပျံၤမၤဖုးအဝဲသ့ၣ်လီၤ. အဝဲကမၤဆံးလီၤစှၤလီၤကစၢ်တဖၣ်လၢဟီၣ်ခိၣ်ချၢဒီဘ့ၣ်ဆူတၢ် နီတမံၤအပူၤန့ၣ်လီၤ. တုၤနုၤတစုပှၤကလုာ်ခဲလၢာ်ကဘူၣ်ထီၣ်ဘါထီၣ်အီၤလၢအထံအကီၢ် ဒၣ်ဝဲအပူၤန့ၣ်လီၤ.