လံာ်ယၡါယၤ 40:14 - Sgaw Karen Common Bible

¹⁴ ဒ်သိးအဝဲကသ့ၣ်ညါ, ကနၢၢ်ပၢၢ်, ဒီးကမၤလိန့ၢ်တၢ်လၢကဘၣ်မၤတၢ်ဒ်လဲၣ်ဒ်လဲၣ်အဂီၢ်န့ၣ်မ့ၢ်ကစၢ် ယွၤကူၣ်လိာ်တၢ်ဒီးမတၤတဂၤလဲၣ်.

လံာ်ယၡါယၤ 40:14 Iomraidhean Croise

လံာ်တၢ်ကဲထီၣ်အခီၣ်ထံး 1:2

ဟီၣ်ခိၣ်အက့ၢ်အဂီၤတအိၣ်ဘၣ်, ဒီးအိၣ်ကလီအိၣ်လီၤပျီဝဲလီၤ. ဒီးတၢ်ခံးသူအိၣ်ဝဲလၢပီၣ်လဲၣ်လၢအကးဘၢတၢ်ခဲလၢာ်အထံ ဖံးခိၣ်, ဒီးကစၢ်ယွၤအသးစီဆှံဟူးဂဲၤဝဲလၢထံဖံးခိၣ်န့ၣ်လီၤ.

လံာ်စီၤယိၤဘး 21:22

ကစၢ်ယွၤလၢအစံၣ်ညီၣ်ဒၣ်လဲာ်ပှၤအိၣ်လၢတၢ်လီၢ်ထီၣ်ထီတဖၣ် န့ၣ်ပှၤတဂၤဂၤသိၣ်လိအီၤလၢတၢ်သ့ၣ်ညါဘၣ်ကသ့ဧါ.

လံာ်စီၤယိၤဘး 36:23

တၢ်လၢကစၢ်ယွၤကဘၣ်မၤဝဲမ့ၢ်တၢ်မနုၤဂ့ၤ, ပှၤကဆှိးကမၣ် အီၤလၢအမၤတၢ်အၢတၢ်သီမ့ၢ်ဂ့ၤသ့န့ၣ်တအိၣ်ဘၣ်နီတဂၤဘၣ်.

လံာ်စီၤယိၤဘး 38:4

ဖဲယတ့လီၤဟီၣ်ခိၣ်န့ၣ်မ့ၢ်နအိၣ်ဖဲလဲၣ်. နမ့ၢ်သ့ၣ်ညါတၢ်အါမးဒီးတဲဘၣ်ယၤတက့ၢ်.

စံးထီၣ်ပတြၢၤ 119:35

ဆှၢယၤလၢနတၢ်မၤလိာ်အကျဲန့ၣ်တက့ၢ်. အဂ့ၢ်ဒ်အံၤ, ယမုာ်လၤတၢ်လၢအပူၤလီၤ.

လံာ်ယၡါယၤ 41:28

ဖဲယကွၢ်တၢ်လၢကစၢ်တဖၣ်အံၤအကျါဒီး, အဝဲသ့ၣ်တအိၣ်ဒီးတၢ်ဂ့ၢ်လၢအစံးဝဲ နီတမံၤနီတဂၤဘၣ်. တၢ်သံကွၢ်လၢယသံကွၢ်တ့ၢ်အဝဲသ့ၣ်န့ၣ်, စံးဆၢဝဲတသ့နီ တဂၤဘၣ်.

ကလီးစဲ 2:3

ခရံာ်လီၣ်ဖျါထီၣ်ကစၢ်ယွၤအတၢ်ကူၣ်သ့ဒီးအတၢ်သ့ၣ်ညါခဲလၢာ် လၢအလီၤဂာ်ဒီးတၢ်ထူးတၢ်တီၤလုၢ်ဒိၣ်ပှ့ၤဒိၣ်လၢအအိၣ်သဒၢ တဖၣ်န့ၣ်လီၤ.

ယၤကိာ် 1:17

တၢ်ဟ့ၣ်အဂ့ၤဒီးတၢ်ဟ့ၣ်အလၢအပှဲၤကိးမံၤဒဲးန့ၣ်ဟဲလၢမူခိၣ်, လၢကစၢ်ယွၤလၢအတ့လီၤမူခိၣ်အတၢ်ကပီၤတဖၣ်အအိၣ် န့ၣ်လီၤ. ကစၢ်ယွၤတကဒံကဒါဒီးတဒုးအိၣ်ထီၣ်ဘၣ်တၢ်ခံး တၢ်နၤခီဖျိအဃၣ်ဒူချၢအသးန့ၣ်ဘၣ်.