လံာ်ယၡါယၤ 40:13 - Sgaw Karen Common Bible

¹³ တၢ်လၢယွၤကဘၣ်မၤဒ်အံၤဒ်နုၤန့ၣ်မ့ၢ်မတၤတဂၤ တဲအီၤသ့န့ၣ်လဲၣ်. မ့ၢ်မတၤသိၣ်လိအီၤမ့ၢ်ဂ့ၤ, ဟ့ၣ်ကူၣ်ဟ့ၣ်ဖးအီၤမ့ၢ်ဂ့ၤသ့ဝဲ တဂၤလဲၣ်.

လံာ်ယၡါယၤ 40:13 Iomraidhean Croise

လံာ်တၢ်ကဲထီၣ်အခီၣ်ထံး 1:2

ဟီၣ်ခိၣ်အက့ၢ်အဂီၤတအိၣ်ဘၣ်, ဒီးအိၣ်ကလီအိၣ်လီၤပျီဝဲလီၤ. ဒီးတၢ်ခံးသူအိၣ်ဝဲလၢပီၣ်လဲၣ်လၢအကးဘၢတၢ်ခဲလၢာ်အထံ ဖံးခိၣ်, ဒီးကစၢ်ယွၤအသးစီဆှံဟူးဂဲၤဝဲလၢထံဖံးခိၣ်န့ၣ်လီၤ.

လံာ်စီၤယိၤဘး 21:22

ကစၢ်ယွၤလၢအစံၣ်ညီၣ်ဒၣ်လဲာ်ပှၤအိၣ်လၢတၢ်လီၢ်ထီၣ်ထီတဖၣ် န့ၣ်ပှၤတဂၤဂၤသိၣ်လိအီၤလၢတၢ်သ့ၣ်ညါဘၣ်ကသ့ဧါ.

လံာ်ယၡါယၤ 41:28

ဖဲယကွၢ်တၢ်လၢကစၢ်တဖၣ်အံၤအကျါဒီး, အဝဲသ့ၣ်တအိၣ်ဒီးတၢ်ဂ့ၢ်လၢအစံးဝဲ နီတမံၤနီတဂၤဘၣ်. တၢ်သံကွၢ်လၢယသံကွၢ်တ့ၢ်အဝဲသ့ၣ်န့ၣ်, စံးဆၢဝဲတသ့နီ တဂၤဘၣ်.

လံာ်ယံးရမံယၤ 23:18

ယစံးယဲ, “ဝံတဖၣ်အံၤတသ့ၣ်ညါယွၤအတၢ် ဆိကမိၣ်ခူသူၣ်တဖၣ်နီတဂၤနီတစုဘၣ်. အဝဲသ့ၣ်တနၢ်ဟူတ့ၢ်ဒီးနၢ်ပၢၢ်တ့ၢ်ယွၤအတၢ် ကစီၣ်မ့ၢ်ဂ့ၤ, ဒိကနၣ်ဝဲမ့ၢ်ဂ့ၤ, ပာ်သူၣ်ပာ်သးဝဲမ့ၢ်ဂ့ၤလၢ တၢ်လၢအဝဲကတိၤတ့ၢ်ဝဲနီတဂၤနီတစုဘၣ်.

လံာ်လူၤကၣ် 10:22

ယပၢ်ဟ့ၣ်လီၤလံယၤလၢတၢ်ကိးမံၤဒဲးလံ. ဖိခွါမ့ၢ်မတၤလဲၣ်န့ၣ်ပှၤတသ့ၣ်ညါနီတဂၤဘၣ်. ပှၤသ့ၣ်ညါမ့ၢ်ထဲပၢ်တဂၤဧိၤလီၤ. ဒီးပၢ်မ့ၢ်မတၤလဲၣ်န့ၣ်ပှၤတသ့ၣ်ညါနီတဂၤဘၣ်. ပှၤသ့ၣ်ညါမ့ၢ်ဝဲထဲဖိခွါဒီးပှၤသ့ၣ်တဖၣ်လၢဖိခွါသးအိၣ် ပာ်ဖျါထီၣ်ပၢ်လၢအီၤန့ၣ်လီၤ.”

လံာ်ယိၤဟၣ် 1:13

တၢ်အံၤမၤအသးတမ့ၢ်လၢအဝဲသ့ၣ်အိၣ်ဖျဲၣ်ထီၣ်လၢမိၢ်ပၢ် တဖၣ်, မ့တမ့ၢ်လၢတၢ်ဖံးတၢ်ညၣ်အသးအတၢ်ဆၢန့ၢ်, မ့တမ့ၢ်လၢပှၤကညီအသးန့ၣ်ဘၣ်. မ့မ့ၢ်ကဲထီၣ်ဝဲလၢ ကစၢ်ယွၤအသးန့ၣ်လီၤ.

ရိမ့ၤ 11:34

ဒ်တၢ်ကွဲးအသးစီဆှံစံးဝဲအသိး, “မတၤသ့ၣ်ညါကစၢ်အသးတဂၤလဲၣ်. မတၤဟ့ၣ်ကူၣ်ဟ့ၣ်ဖးအီၤကသ့တဂၤလဲၣ်.

1 ကရံၣ်သူး 2:16

ဒ်တၢ်ကွဲးအသးစီဆှံစံးဝဲအသိးန့ၣ်, “မ့ၢ်မတၤသ့ၣ်ညါကစၢ်အသးတဂၤလဲၣ်. မ့ၢ်မတၤဟ့ၣ်အီၤတၢ်ဟ့ၣ်ကူၣ်ဟ့ၣ်ဖးသ့တဂၤလဲၣ်.” မ့မ့ၢ်ပဝဲသ့ၣ်တဖၣ်, ပအိၣ်ဒီးခရံာ်အသးလီၤ.

အ့းဖ့းစူး 1:11

တၢ်ခဲလၢာ်ဘၣ်တၢ်မၤအီၤဒ်ကစၢ်ယွၤအတၢ်ရဲၣ်တၢ်ကျဲၤဒီး အတၢ်စံၣ်ညီၣ်တဲာ်တၢ်အသိးလီၤ. ယွၤဃုထၢထီၣ်ပှၤဒ်သိး ပကကဲထီၣ်အပှၤဂီၢ်မုၢ်ခီဖျိတၢ်အိၣ်မူလၢခရံာ်အပူၤ, ဒ်အတၢ်တိာ်အိၣ်ဝဲအသိး, သန့ၤထီၣ်အသးလၢယွၤ အတၢ်စံၣ်ညီၣ်တဲာ်တ့ၢ်ဝဲလၢတၢ်အခီၣ်ထံးလံၤလံၤန့ၣ်လီၤ.