လံာ်ယၡါယၤ 40:10 - Sgaw Karen Common Bible

¹⁰ ယွၤပၢဘၣ်တၢ်ခဲလၢာ်ကစၢ်ဟဲဝဲလၢကပၢတၢ်ဒီး အစိကမီၤ, ဒီးကဟဲကိးဃုာ်ဒီးအီၤပှၤဂီၢ်မုၢ်လၢအမၤပူၤဖျဲးတ့ၢ်ဝဲတဖၣ်လီၤ.

လံာ်ယၡါယၤ 40:10 Iomraidhean Croise

လံာ်တၢ်ကဲထီၣ်အခီၣ်ထံး 15:1

တၢ်န့ၣ်တဖၣ်အလီၢ်ခံစီၤအၤဘြၣ်ဒိးန့ၢ်ဘၣ်တၢ်ထံၣ်လၢညါခီ တမံၤဒီးနၢ်ဟူယွၤစံးဘၣ်အီၤ, “စီၤအၤဘြၣ်ဧၢ, ပျံၤတၢ်တဂ့ၤ, ယကခိးတြီကွံာ်တၢ်အၢလၢနၤဒီးဟ့ၣ်လီၤနၤတၢ်ဘျုးတၢ်ဖှိၣ်ဖး ဒိၣ်တမံၤန့ၣ်လီၤ.”

စံးထီၣ်ပတြၢၤ 110:6

အဝဲကဟ့ၣ်လီၤတၢ်စံၣ်ညီၣ်လၢ ပှၤကလုာ်တဖၣ်အလိၤ ဒီးမၤပှဲၤတၢ်ဒုးပျီလၢတၢ်သံစိၣ်တဖၣ်, ဒီးကမၤနၢၤစီၤပၤတဖၣ်လၢအအိၣ်လၢ ဟီၣ်ခိၣ်ခဲလၢာ်န့ၣ်လီၤ.

စံးထီၣ်ပတြၢၤ 66:3

စံးဘၣ်ကစၢ်ယွၤ, “နမၤတၢ်တဖၣ်န့ၣ် မ့ၢ်တၢ်ပျံၤအလီၢ်ဆံးဒိၣ်လဲၣ်. လၢနစိဒိၣ်ကမီၤထီအဃိန့ၣ်, နဒုၣ်နဒါတဖၣ်ဆီၣ်လီၤအသးလၢ နခီၣ်ထံးမဲာ်ညါလီၤ.

လံာ်ယၡါယၤ 28:2

ယွၤအိၣ်ဒီးပှၤလၢအဂံၢ်ဆူၣ်ဒီးအစိကမီၤဒိၣ်တဂၤလၢအအိၣ် ကတဲာ်ကတီၤအသးလၢကဒုးအဝဲသ့ၣ်ဒီးကဟဲဝဲဒ်ကလံၤမုၢ် အိၣ်ဒီးသူၣ်, ဒ်တၢ်စူၤထံလၢယွၤလီၤသဖူးဆူၣ်မး, ဒ်ထံဒိၣ်ဘၢတၢ်လၢအဟဲသဖှိဃီၤဝဲဆူၣ်ဆူၣ်ကလဲာ်အသိး, ဒီးကလုၣ်ဘၢကွံာ်ကီၢ်တဘ့ၣ်န့ၣ်လီၤ.

လံာ်ယၡါယၤ 33:2

ယွၤဧၢ, သူၣ်ကညီၤသးကညီၤလၢ်ပှၤတက့ၢ်. ပပာ်ပတၢ်မုၢ်လၢ်လၢနပူၤလီၤ. ကဟုကယာ်ပှၤတနံၤဘၣ် တနံၤဒီးအုၣ်က့ၤခီၣ်က့ၤပှၤလၢတၢ်ကိၢ်တၢ်ဂီၤအဆၢကတီၢ် တဖၣ်န့ၣ်တက့ၢ်.

လံာ်ယၡါယၤ 49:4

ဒီဲးယစံးတ့ၢ်, “ယမၤတ့ၢ်တၢ်, ဘၣ်ဆၣ်ဒီးတၢ်မုၢ်လၢ်တအိၣ်မးလဲၣ်. ယသူယဂံၢ်ယဘါအလၢာ်လံ. ဘၣ်ဆၣ်တၢ်ကဲထီၣ်လိၣ်ထီၣ်တအိၣ်နီတမံၤဘၣ်.” သနာ်က့, ယနာ်ယွၤ, လၢကဒီဒၣ်ခီၣ်ဆၢ ယတၢ်ဂ့ၢ်န့ၣ်သ့ဝဲလီၤ. အဝဲကဒုးဘၣ်ဘျုးယၤလၢတၢ်လၢ ယမၤအီၤအဃိလီၤ.

လံာ်ယၡါယၤ 51:5

ယကဟဲချ့ချ့ဒီးအုၣ်က့ၤခီၣ်က့ၤအဝဲသ့ၣ်, ယတၢ်မၤနၢၤ အဆၢကတီၢ်ဘူးထီၣ်လံ. ယၤ, ယကစၢ်ဒၣ်ယဲ, ယကပၢတၢ်လၢပှၤကလုာ်တဖၣ်အဖီခိၣ်လီၤ. ထံယံၤကီၢ်ယံၤတဖၣ်အိၣ်ခိးယၤလၢယကဟဲအဂီၢ်, အဝဲသ့ၣ်အိၣ်ခိးဝဲပှဲၤဒီးတၢ်မုၢ်လၢ်လၢယကအုၣ်က့ၤခီၣ်က့ၤ အီၤအဂီၢ်လီၤ.

လံာ်ယၡါယၤ 53:12

မၤသးဒ်န့ၣ်ဒီး, ယကဟ့ၣ်အီၤတၢ်လၤတၢ်ကပီၤအလီၢ်တတီၤ, တၢ်လီၢ်တတီၤလၢပှၤအဒိၣ်စိဒိၣ်ကမီၤတဖၣ်အကျါလီၤ. အဝဲဟ့ၣ်လီၤကွံာ်အသးလၢတၢ်သးအိၣ်အပူၤ ဒီးတူၢ်သကိးတၢ်ဒီးတၢ်ဘူၣ်တၢ်တီၢ်လၢအလီၤဘၣ်ပှၤ အၢပှၤသီတဖၣ်န့ၣ်လီၤ. အဝဲဟံးန့ၢ်ပှၤတၢ်ဒဲးဘးဖိအါဂၤအလီၢ်ဒီးဘါထုကဖၣ်ဝဲလၢ အဝဲသ့ၣ်အတၢ်ဒဲးဘးကဘၣ်တၢ်ပျၢ်အီၤအဂီၢ်လီၤ.”

လံာ်ယၡါယၤ 59:15

တၢ်တီတၢ်လိၤအိၣ်ဆံးဝဲစှၤဝဲဒိၣ်မးတုၤဒၣ်လဲာ်ပှၤတဂၤဂ့ၤ တဂၤဂ့ၤလၢအဆိကတီၢ်မၤတၢ်အၢန့ၣ်, ကဲထီၣ်ဒါခီ ပှၤလၢတၢ်မၤနၢၤမၤအၢမၤသီအီၤန့ၣ်လီၤ.” ယွၤထံၣ်တ့ၢ်တၢ်အံၤ, ဒီးအဝဲအသူၣ်တမုာ်သးတခုၣ်ဘၣ် လၢတၢ်စံၣ်ညီၣ်တီတအိၣ်နီတမံၤဘၣ်အဃိလီၤ.

လံာ်ယၡါယၤ 59:16

အဝဲကမၢကမၣ်လၢတထံၣ်န့ၢ်ဘၣ်ပှၤနီတဂၤလၢကမၤစၢၤ ပှၤလၢအဘၣ်တၢ်မၤအၢမၤနးအီၤတဖၣ်ဘၣ်အဃိလီၤ. သတးဒီးအဝဲကသူအတၢ်စိကမီၤဒၣ်ဝဲလၢကမၤထူၣ်ဖျဲး အဝဲသ့ၣ်ဒ်သိးကမၤနၢၤတၢ်အဂီၢ်လီၤ.

လံာ်ယၡါယၤ 59:18

အဝဲကစံၣ်ညီၣ်အဒုၣ်အဒါတဖၣ်, တုၤပှၤလၢအအိၣ်လၢထံယံၤ ကီၢ်ယံၤတဖၣ်ဒၣ်လဲာ်, ဒ်တၢ်လၢအဝဲသ့ၣ်မၤတ့ၢ်ဝဲအသိးန့ၣ်လီၤ.

လံာ်ယၡါယၤ 62:11

ယွၤဘိးဘၣ်သ့ၣ်ညါလီၤတၢ်လၢဟီၣ်ခိၣ်ဒီဘ့ၣ် ဒ်သိးတၢ်ကတဲဘၣ်ဝ့ၢ်ယရူၤရှလ့ၣ်အပှၤဂီၢ်မုၢ် လၢယွၤဟဲဝဲလၢကအုၣ်က့ၤခီၣ်က့ၤဝ့ၢ် ယရူၤရှလ့ၣ်ဒီးဟဲစိာ်ဃုာ်ပှၤဂီၢ်မုၢ်လၢအဝဲမၤပူၤဖျဲးတ့ၢ်တဖၣ် ဃုာ်ဒီးအီၤန့ၣ်လီၤ.

လံာ်ယၡါယၤ 63:5

ဖဲယကွၢ်တၢ်ဒီးထံၣ်လၢပှၤကမၤစၢၤယၤတအိၣ်နီတဂၤဘၣ်န့ၣ်, ယကမၢကမၣ်တ့ၢ်ယဲလီၤ. ဘၣ်ဆၣ်ဒီးယတၢ်သးထီၣ်မၤဆူၣ် ထီၣ်ယၤ, ဒီးယကစၢ်ဒၣ်ယဲယမၤနၢၤကွံာ်တၢ်န့ၣ်လီၤ.

လံာ်ယံးရမံယၤ 31:16

ဆိကတီၢ်နတၢ်ဟီၣ်တၢ်ယၢၤ, ဒီးထွါကွံာ်နမဲာ်ထံမဲာ်နိတဖၣ် တက့ၢ်. ကယဲၢ်တၢ်ခဲလၢာ်လၢ နမၤတ့ၢ်အီၤလၢ နဖိတဖၣ်အဂီၢ်န့ၣ်, ကအိၣ်ဒီး အတၢ်ဘျုးတၢ်ဖှိၣ်လီၤ. အဝဲသ့ၣ် ကဟဲက့ၤကဒါက့ၤလၢ ဒုၣ်ဒါ အထံအကီၢ်န့ၣ်လီၤ.

လံာ်မၤလကံ 3:1

ယွၤသ့တၢ်လၢာ်စံးဆၢဝဲ, “ယကဆှၢလီၤယပှၤစိာ်တၢ်ကစီၣ်ဒ်သိးကကတဲာ်ကတီၤကျဲလၢယဂီၢ် လီၤ. တုၤနုၤတစု, ယွၤလၢသုဃုအီၤန့ၣ်ကဟဲသတူၢ်ကလာ်ဆူအတၢ်လုၢ် ဟံၣ်လီၤ. ပှၤစိာ်တၢ်ကစီၣ်လၢသုဆၢထံၣ်ဘၣ်အီၤန့ၣ်ကဟဲဒီးစံးဘၣ်တဲ ဘၣ်ယတၢ်အၢၣ်လီၤအီလီၤန့ၣ်လီၤ.”

လံာ်မးသဲ 28:18

ယ့ၣ်ၡူးလဲၤဘူးထီၣ်ဒီးအဝဲသ့ၣ်ဒီးစံး, “ယဘၣ်တၢ်ဟ့ၣ်လီၤလံယၤလၢတၢ်စိတၢ်ကမီၤလၢမူခိၣ်ဒီးလၢ ဟီၣ်ခိၣ်ချၢခဲလၢာ်လံ.

လံာ်ယိၤဟၣ် 12:13

လၢတၢ်န့ၣ်အဃိ, အဝဲသ့ၣ်ဟံးန့ၢ်လိၣ်ဒၢအဒ့တဖၣ်ဒီးလဲၤထီၣ် သဂၢၢ်အီၤဒီးကိးပသူထီၣ်ဝဲ, “အုၣ်က့ၤခီၣ်က့ၤပှၤတက့ၢ်. မ်ကစၢ်ယွၤဆိၣ်ဂ့ၤပှၤလၢအဟဲလၢကစၢ်အမံၤတဂၤတက့ၢ်. မ်ကစၢ်ယွၤဆိၣ်ဂ့ၤအံၣ်စရ့လးအစီၤပၤတက့ၢ်.”

လံာ်ယိၤဟၣ် 12:15

“ပျံၤတၢ်တဂ့ၤ, ဝ့ၢ်စံယိၣ်ဧၢ, ကွၢ်ကွၢ်, နစီၤပၤ ဟဲဒိးဝဲကသ့ၣ်ယီၤဖိတဒုဆူနအိၣ်လီၤ” (ကၤ. ၉:၉).

ဧ့ၤဘြံၤ 2:14

ဒ်အကိးဝဲအသိး, ဖိတဖၣ်အံၤမ့ၢ်ပှၤဘၣ်ဃးဒီးနီၢ်ခိနီၢ်ခီလၢဖံး လၢညၣ်သတးဒီးယ့ၣ်ၡူးအနီၢ်ကစၢ်ဒၣ်ဝဲဟံးန့ၢ်ပှၤဟီၣ်ခိၣ်ဖိ အက့ၢ်အဂီၤအန့ဆၢၣ်လီၤ. မၤဝဲဒ်အံၤမ့ၢ်ဒ်သိးဒီးခီဖျိအတၢ် သံန့ၣ်, ကမၤဟးဂီၤကွံာ်ပှၤလၢအအိၣ်ဒီးတၢ်စိတၢ်ကမီၤလၢ တၢ်သံအဖီခိၣ်တဂၤဒ်ပစံးတၢ်အသိးမုၣ်ကီၤလံၢ်,

၁ ယိၤဟၣ် 3:8

မတၤတဂၤဂ့ၤတဂၤဂ့ၤလၢအမၤဒံးတၢ်ဒဲးဘးန့ၣ်, ဘၣ်ဃးဒီးမုၣ်ကီၤလံၢ်, မ့ၢ်လၢမုၣ်ကီၤလံၢ်မၤတ့ၢ်တၢ်ဒဲးဘးလၢအခီၣ်ထံးလံၤလံၤ အဃိန့ၣ်လီၤ. ကစၢ်ယွၤအဖိခွါလီၣ်ဖျါထီၣ်အသးလၢ တၢ်ဂ့ၢ်အဝဲအံၤအဂီၢ်, ဒ်သိးအကမၤဟးဂီၤကွံာ်တၢ်လၢ မုၣ်ကီၤလံၢ်မၤတ့ၢ်ဝဲတဖၣ်အဂီၢ်န့ၣ်လီၤ.

လံာ်လီၣ်ဖျါ 17:14

အဝဲသ့ၣ်ကဒုးတၢ်ထီဒါသိဖိတဒုန့ၣ်, ဘၣ်ဆၣ်သိဖိအဝဲန့ၣ်, ဃုာ်ဒီးအပျဲၢ်အဘီၣ်လၢအဘၣ်တၢ်ကိးအီၤ, တၢ်ဃုထၢအီၤ, ဒီးအသးတီဝဲတဖၣ်, ကမၤနၢၤအဝဲသ့ၣ်, မ့ၢ်လၢအဝဲဒၣ်မ့ၢ်ကစၢ်တဖၣ်အကစၢ်ဒီးစီၤပၤတဖၣ်အစီၤပၤ အဃိန့ၣ်လီၤ.”

လံာ်လီၣ်ဖျါ 20:11

အန့ၣ်ဝံၤဒီးယထံၣ်လီၢ်ပစိာ်ဝါဖးဒိၣ်တဖျၢၣ်ဒီးပှၤ တဂၤလၢအဆ့ၣ်နီၤလၢအလိၤန့ၣ်လီၤ. မူခိၣ်ဒီးဟီၣ်ခိၣ်ဃ့ၢ်ကွံာ်လၢအဝဲဒၣ်အမဲာ်ညါဒီးတဘၣ် တၢ်ထံၣ်န့ၢ်အီၤနီတစုလၢၤဘၣ်.

လံာ်လီၣ်ဖျါ 22:12

ယ့ၣ်ၡူးစံးဝဲဒၣ်, “ဒိကနၣ်တက့ၢ်. လၢတစိၢ်ဖိအတီၢ်ပူၤ ယကဟဲယဲလီၤ. ယကဟဲစိာ်ဃုာ်ဒီးယခိၣ်ဖးတဖၣ်ဒ်သိးယကဟ့ၣ် ပှၤတဂၤဘၣ်တဂၤ, ဒ်အဝဲဒၣ်မၤတ့ၢ်လံတၢ်အသိးန့ၣ်လီၤ.