လံာ်ယၡါယၤ 40:1 - Sgaw Karen Common Bible

¹ “မၤမုာ်ယပှၤဂီၢ်မုၢ်တက့ၢ်.” ပကစၢ်ယွၤစံးဝဲဒၣ်, “မၤမုာ်အဝဲသ့ၣ်တက့ၢ်.”

လံာ်ယၡါယၤ 40:1 Iomraidhean Croise

လံာ်စီၤနဃ့မယၤ 8:10

ခဲကနံၣ်အံၤက့ၤဆူသုဟံၣ်ဒီးမၤတၢ်အီၣ်တၢ်အီတက့ၢ်. နီၤလိာ်သုကိၣ်ဒီးစပံးထံလၢပှၤလၢအတၢ်တလၢတလီၣ်အဂီၢ်န့ၣ်တ က့ၢ်. မုၢ်တနံၤအံၤမ့ၢ်မုၢ်နံၤစီဆှံလၢပယွၤအဂီၢ်အဃိသူၣ်အုးသးအုးတဂ့ၤ. တၢ်သူၣ်ခုသးခုလၢယွၤဟ့ၣ်သုန့ၣ်ကမၤဆူၣ်ထီၣ်သုဂံၢ် သုဘါလီၤ.”

စံးထီၣ်ပတြၢၤ 85:3

နဆိကတီၢ်နတၢ်သးဒိၣ်ထီၣ်ဘၣ်အဝဲသ့ၣ်, ဒီးနဃၣ်က့ၤနတၢ်သးကဲၤထီၣ်န့ၣ်လီၤ.

စံးထီၣ်ပတြၢၤ 85:8

ကစၢ်ယွၤကစံးဒ်လဲၣ်ဒ်လဲၣ်န့ၣ်, ယကဒိကနၣ်လီၤ. အဂ့ၢ်ဒ်အံၤ, ကတိၤတၢ်မုာ်ဒီး အပှၤဂီၢ်မုၢ်ဒီး အပှၤစီဆှံလီၤ. ဘၣ်ဆၣ်ဒီး မ်အဝဲသ့ၣ် သုတက့ၤကဒါက့ၤဆူ ကျဲအအၢတဖၣ်တဂ့ၤ. တၢ်ကလီကလီအပူၤန့ၣ်တဂ့ၤ.

လံာ်ပှၤစံၣ်တဲၤတဲလီၤတၢ် 3:4

အဝဲပာ်လီၤဝဲတၢ်အကတီၢ်လၢတၢ်သးအုးအဂီၢ်ဒီးတၢ် အကတီၢ်လၢတၢ်သးခုအဂီၢ်, တၢ်အကတီၢ်လၢတၢ်ဟီၣ်တၢ်ယၢၤအဂီၢ်, ဒီးတၢ်အကတီၢ်လၢတၢ်ဂဲၤကလံၣ်အဂီၢ်,

လံာ်ယၡါယၤ 12:1

မုၢ်တနံၤကဟဲဝဲဖဲပှၤကသးဝံၣ်ထီၣ်, “ယွၤဧၢ, ယစံးထီၣ်ပတြၢၤနၤလီၤ. နသးဒိၣ်တ့ၢ်ယၤ, ဘၣ်ဆၣ်ခဲအံၤနမၤမုာ်ယသးဒီးနတသးဒိၣ်လၢၤယၤလၢၤဘၣ်.

လံာ်ယၡါယၤ 3:10

ပှၤအတီအလိၤတဖၣ်ကသူၣ်ဖှံသးညီဒီးတၢ်ခဲလၢာ်ကလဲၤအသး ဂ့ၤဂ့ၤဘၣ်ဘၣ်လၢအဝဲသ့ၣ်အဂီၢ်လီၤ. အဝဲသ့ၣ်ကမုာ်လၤသးခု ဘၣ်ဝဲလၢတၢ်လၢအမၤတ့ၢ်ဝဲအဃိန့ၣ်လီၤ.

လံာ်ယၡါယၤ 41:27

ယၤ, ယွၤအံၤ, ယမ့ၢ်ပှၤအဆိကတၢၢ်တဂၤလၢအစံးဘၣ်တဲဘၣ်စံယိၣ်လၢ တၢ်ကစီၣ်အံၤလီၤ. ယဆှၢလီၤပှၤစိာ်တၢ်ကစီၣ်တဂၤဆူဝ့ၢ်ယရူၤၡလ့ၣ်လၢအကစံး, “သုပှၤဂီၢ်မုၢ်ဟဲဝဲလံ. အဝဲသ့ၣ်ဟဲက့ၤဆူဟံၣ်လံ,” န့ၣ်လီၤ.

လံာ်ယၡါယၤ 50:10

သုဝဲခဲလၢာ်လၢအယူးယီၣ်ပာ်ဒိၣ်ယွၤ ဒီးစူၢ်အခ့အပှၤအတၢ်ကတိၤတဖၣ်န့ၣ်, ကျဲလၢသုပိာ်အီၤ, ကခံးဝဲနီၢ်နီၢ်လီၤ. ဘၣ်ဆၣ်ဒီး, ပာ်သုတၢ်နာ်လၢယွၤအပူၤ, ဒီးသန့ၤသုသးလၢသု ကစၢ်ယွၤန့ၣ်တက့ၢ်.

လံာ်ယၡါယၤ 51:12

ယွၤစံးဝဲ, “ယမ့ၢ်ပှၤတဂၤလၢအဟ့ၣ်ဆူၣ်ထီၣ်သုဂံၢ်သုဘါလီၤ. ဘၣ်မနုၤအဃိသုဘၣ်ပျံၤဘၣ်ဖုးပှၤကညီလၢ အသံသ့အံၤ, လၢအအိၣ်ဂၢၢ်ဆိးကျၢၤသ့ယံာ်ထဲသိးဒၣ် နီၣ်ဧိၤမံၤဧိၤအံၤန့ၣ်လဲၣ်.

လံာ်ယၡါယၤ 51:3

ယကဒုးနဲၣ်ယတၢ်သးကညီၤဆူဝ့ၢ်ယရူၤၡလ့ၣ်ဒီး, ဆူပှၤခဲလၢာ်လၢအအိၣ်လၢအတၢ်ဟးဂီၤတဖၣ်အပူၤလီၤ. အလီၢ်အကျဲမ့ၢ်မဲးမုၢ်ခိၣ်ဒၣ်လဲာ်, ယကဒုးကဲထီၣ်အီၤလၢ တၤသၣ်လီၢ်တလီၢ် လၢအလီၤဂာ်ဒီးတၤသၣ်လီၢ်လၢယသူၣ်လီၤတ့ၢ်အီၤလၢဧ့ၤဒ့ၣ်န့ၣ်လီၤ. တၢ်သူၣ်ခုသးခုဒီးတၢ်သူၣ်ဖှံသးညီ, တၢ်စံးထီၣ်ပတြၢၤဒီးတၢ်စံးဘျုးစံးဖှိၣ်ယၤ အတၢ်သးဝံၣ်တဖၣ်ကအိၣ်ဖဲန့ၣ်လီၤ.

လံာ်ယၡါယၤ 52:9

ကိးသတြီထီၣ်လၢတၢ်သးခု အတၢ်ကိးထီၣ်တဖၣ်တက့ၢ်, သုဝဲဝ့ၢ်ယရူၤၡလ့ၣ်အတၢ်ဟးဂီၤတဖၣ်ဧၢ. ယွၤကမၤပူၤဖျဲးအဝ့ၢ်ဒၣ်ဝဲဒီးမၤမုာ်မၤခုၣ်အပှၤဂီၢ်မုၢ်လီၤ.

လံာ်ယၡါယၤ 60:1

ဂဲၤဆၢထၢၣ်, ဝ့ၢ်ယရူၤၡလ့ၣ်ဧၢ, ဒီးကပီၤထီၣ်ဒ်မုၢ်အသိးတက့ၢ်. ယွၤအလၤကပီၤ, ကပီၤထီၣ်လၢနလိၤလီၤ.

လံာ်ယၡါယၤ 61:2

အဝဲမၢလီၤတ့ၢ်ယၤဒ်သိးယကဒုးဟူထီသါလီၤတၢ်လၢ တၢ်ဆၢကတီၢ်ဟဲတုၤလံလၢယွၤကအုၣ်က့ၤခီၣ်က့ၤအပှၤဂီၢ်မုၢ် ဒီးမၤနၢၤကွံာ်အဝဲသ့ၣ်အဒုၣ်အဒါတဖၣ်န့ၣ်လီၤ. အဝဲမၢလီၤတ့ၢ်ယၤဒ်သိးယကမၤမုာ်ပှၤလၢ အသူၣ်အုးသးအုးခဲလၢာ်,

လံာ်ယဃ့းစက့လး 16:42

အန့ၣ်ဒီး, ယတၢ်သးထီၣ်ကပူၤကွံာ်, ဒီးယကအိၣ်ဃိကလာ်န့ၣ်လီၤ. ယတသးထီၣ်လၢၤမ့ၢ်ဂ့ၤသူၣ်က့ၣ်သးကါလၢၤမ့ၢ်ဂ့ၤနီတစုဘၣ်.

လံာ်စကၤရယၤ 1:13

ယွၤစံးဆၢကလူးန့ၣ်လၢတၢ်ကတိၤအမုာ်တဖၣ်,

လံာ်စကၤရယၤ 1:17

ကလူးန့ၣ်တဲဘၣ်စ့ၢ်ကီးယၤလၢယကတဲဖျါထီၣ်တၢ်ဒ်အံၤ, “သ့တၢ်လၢာ်ယွၤစံးဝဲလၢ, အဝ့ၢ်တဖၣ်ကဘီၣ်ထီၣ်ညီထီၣ်ကဒီးတဘျီ, ဒီးအဝဲကမၤစၢၤကဒီးဝ့ၢ်ယရူၤရှလ့ၣ်တဘျီဒီးတဲဖျါလၢဝ့ၢ်ယရူၤရှလ့ၣ် မ့ၢ်အဝ့ၢ်န့ၣ်လီၤ.”

လံာ်စကၤရယၤ 9:9

ဝ့ၢ်စံယိၣ်အပှၤဂီၢ်မုၢ်သ့ၣ်ဧၢ, သူၣ်ဖှံသးညီဒီးသူၣ်ခုသးခုတက့ၢ်. ယရူၤၡလ့ၣ်အပှၤဂီၢ်မုၢ်သုဝဲသ့ၣ်ဧၢ, ကိးပသူထီၣ်လၢတၢ်သးခု အပူၤတက့ၢ်. ကွၢ်ကွၢ်, နစီၤပၤဟဲဆူနအိၣ်လံ. အဝဲဟဲဝဲအိၣ်ဒီးတၢ်သးခုအတၢ်မၤနၢၤ, ဒီးဒ်ပှၤလၢအမၤနၢၤတၢ်အသိးလီၤ. ဘၣ်ဆၣ်လၢတၢ်ဆီၣ်လီၤသးအပူၤ ဒိးကသ့ၣ်ယီၤတဒုလၢအမ့ၢ်, ကသ့ၣ်ယီၤသးစၢ်, ကသ့ၣ်ယီၤအဖိဒၣ်လဲာ်လီၤ.

၂ ကရံၣ်သူး 1:4

အဝဲဒၣ်တိစၢၤမၤစၢၤပှၤလၢကယဲၢ်ပတၢ်ကီတၢ်ခဲအပူၤ, ဒ်သိးပမၤစၢၤပှၤဂုၤပှၤဂၤလၢအအိၣ်ဒီးတၢ်ကီတၢ်ခဲအကလုာ် ကလုာ်ကသ့ဝဲအဂီၢ်, အိၣ်ဒီးတၢ်သူတၢ်မၤစၢၤတမံၤဃီလၢ ပနီၢ်ကစၢ်ဒၣ်ပဝဲ ပဒိးန့ၢ်တ့ၢ်လၢကစၢ်ယွၤအအိၣ်န့ၣ်လီၤ.

၁ သ့းစၤလနံ 4:18

မ်ဒ်န့ၣ်ဒီး, ကတိၤမုာ်ထီၣ်က့ၤသုသးတဂၤဘၣ်တဂၤ လၢတၢ်စံးတၢ်ကတိၤတဖၣ်အံၤန့ၣ်တက့ၢ်.