လံာ်ယၡါယၤ 39:7 - Sgaw Karen Common Bible

⁷ ပှၤလၢအဟဲလီၤစၢၤလၢနၤလိၤလိၤတနီၤကဘၣ်တၢ်စိာ်ကွံာ်အီၤဒီး ကဘၣ်တၢ်ဒုးကဲထီၣ်အီၤလၢပှၤဒ့ဒံၣ်ဖိတဖၣ်လၢကမၤတၢ်ခ့တၢ်ပှၤ အတၢ်မၤလၢကီၢ်ဘၤဘူၤလိၣ်အစီၤပၤအနူၢ်ပူၤစီၤပူၤန့ၣ်လီၤ.”

လံာ်ယၡါယၤ 39:7 Iomraidhean Croise

လံာ်စီၤပၤခံဘ့ၣ်တဘ့ၣ် 24:10

ဖဲအဝဲပၢတၢ်အခါန့ၣ်, ပှၤဘၤဘူၤလိၣ်ဖိအသုးမုၢ်လၢအဘၣ်တၢ်ပၢ ဆှၢအီၤလၢစီၤပၤနဘူးကးန့စ့ၢ်အသုးခိၣ်သုးနၢ်တဖၣ်ဟဲထီၣ် ဒုးတၢ်ထီဒါဝ့ၢ်ယရူၤၡလ့ၣ်ဒီးကဝီၤဃာ်အီၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 24:12

ဒီးစီၤပၤယဟိၤယါခံၣ်ဃုာ်ဒီးအဝဲအမိၢ်, အဝဲအဖိခွါတဖၣ်, သုးခိၣ်သုးနၢ်တဖၣ်, ဒီးပဒိၣ်ပပှၢ်လၢနူၢ်ပူၤစီၤပူၤတဖၣ်ဟ့ၣ် လီၤအသးဆူပှၤဘၤဘူၤလိၣ်ဖိတဖၣ်အစုပူၤန့ၣ်လီၤ. ဖဲစီၤပၤနဘူၤကးန့စၢ်ပၢတၢ်ဃိးနံၣ်တနံၣ်အပူၤန့ၣ်အဝဲစိာ် ထီၣ်ကွံာ်ဝဲစီၤယဟိၤယါခံၣ်ဒ်ပှၤဘၣ်စၢဃာ်အသိး,

လံာ်စီၤပၤခံဘ့ၣ်တဘ့ၣ် 24:15

စီၤနဘူၤကးန့စၢ်က့ၤကိးကွံာ်စီၤယဟိယါခံၣ်ဆူဝ့ၢ်ဘၤဘူၤ လိၣ်ဒ်ပှၤဘၣ်တၢ်စၢဃာ်တဂၤအသိး, ဃုာ်ဒီးစီၤယဟိၤယါခံၣ်အမိၢ်, အမါတဖၣ်, အပဒိၣ်ပပှၢ်တဖၣ်ဒီးပှၤတူၢ်ဒိၣ်ကီၤဒိၣ်တဖၣ်လၢကီၢ်ယူ ဒၤအပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 33:11

လၢတၢ်န့ၣ်အဃိ, ယွၤပျဲကီၢ်စူၤရံအသုးမုၢ်အခိၣ်အနၢ်တဖၣ်လၢ ကလဲၤနုာ်လီၤဒုးကီၢ်ယူဒၤန့ၣ်လီၤ. ဒီးအဝဲသ့ၣ်ဖီၣ်န့ၢ်စီၤမနၤၡ့ၤ, ဘျးထီၣ်ထးက့ၣ်ခိၣ်တဖၣ်လၢအလိၤ, စၢဃးအီၤလၢထးသွဲဒီးက့ၤမိၤအီၤဆူကီၢ်ဘၤဘူၤလိၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 36:10

ဖဲတၢ်မဲထီၣ်သီအကတီၢ်တုၤဝဲန့ၣ်, စီၤပၤနဘူၤကးန့စ့ၢ်က့ၤ ကိးစီၤပၤယဟါယါခံၣ်ဒ်ပှၤဘၣ်တၢ်စၢဃာ်တဂၤအသိးဆူကီၢ်ဘၤ ဘူၤလိၣ်ဒီးစိာ်ထီၣ်ကွံာ်ယွၤအတၢ်လုၢ်ဟံၣ်အတၢ်ထူးတၢ်တီၤတဖၣ် န့ၣ်လီၤ. အန့ၣ်ဒီး, စီၤပၤနဘူၤကးန့စၢ်ဒုးကဲထီၣ်စီၤယဟိယါခံၣ်အဖါ တံၢ်စီၤစံးဒကံယၤလၢကီၢ်ယူဒၤဒီးဝ့ၢ်ယရူၤရှလ့ၣ်အစီၤပၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 36:20

အဝဲက့ၤကိးကယဲၢ်ပှၤလၢအအိၣ်မူလီၤတဲာ်ဒံးတဖၣ်ဆူကီၢ်ဘၤဘူၤ လိၣ်, တၢ်လီၢ်ဖဲအဝဲသ့ၣ်မၤကီၢ်ဘၤဘူၤလိၣ်အစီၤပၤဒီးအဝဲ အစၢၤအသွဲၣ်တဖၣ်အတၢ်ဒ်ကုၢ်တဖၣ်အသိး, တုၤပၤရၣ်အဘီအမုၢ်ဟဲအိၣ်ထီၣ်ဝဲတစုန့ၣ်လီၤ.

လံာ်ယံးရမံယၤ 39:7

အန့ၣ်ဝံၤဒီး, အဝဲအူခွဲးထီၣ်ကွံာ် စီၤစံးဒကံယၤ အမဲာ်ချံတဖၣ်ဒီး စၢဃာ်အီၤလၢ ထးသွဲတိၢ်ဘီဒ် သိး တၢ်ကက့ၤစိာ်အီၤဆူ ကီၢ်ဘၤဘူၤလိၣ်အဂီၢ်န့ၣ်လီၤ.