လံာ်ယၡါယၤ 39:6 - Sgaw Karen Common Bible

⁶ တၢ်ဆၢကတီၢ်ဟဲဝဲဖဲတၢ်ခဲလၢာ်လၢနနူၢ်ပူၤစီၤပူၤ, တၢ်ခဲလၢာ်လၢနမိၢ်ပၢ်ဖံဖုလၢပျၢၤတဖၣ်ပာ်ဖှိၣ်ပာ်တံၤအီၤ တုၤလီၤလၢမုၢ်မဆါတနံၤအံၤတဖၣ်ကဘၣ်တၢ်စိာ်ကွံာ်အီၤဆူကီၢ် ဘၤဘူၤလိၣ်လီၤ. တမ့ၢ်လၢတၢ်ကအိၣ်တီၢ်နီတမံၤလၢၤဘၣ်.

လံာ်ယၡါယၤ 39:6 Iomraidhean Croise

လံာ်စီၤပၤခံဘ့ၣ်တဘ့ၣ် 24:13

ဒီးစိာ်ထီၣ်ကွံာ်ကယဲၢ်တၢ်လုၢ်ဒိၣ်ပှ့ၤဒိၣ်လၢယွၤအတၢ်လုၢ်ဟံၣ် အပူၤဒီးလၢနူၢ်ဧိၤစီၤဧိၤအပူၤတဖၣ်ဆူဝ့ၢ်ဘၤဘူၤလိၣ်န့ၣ်လီၤ. ဒ်ယွၤတဲဆိပာ်စၢၤတ့ၢ်ဝဲအသိးန့ၣ်, စီၤနဘူၤကးန့စၢ်မၤကၢ် ကွံာ်ကယဲၢ်တၢ်အဃၢၤအဃိၢ်ထူတဖၣ်လၢအဘၣ်တၢ်မၤအီၤလၢစီၤပၤ ၡလိၤမိၤဒ်သိးတၢ်ကသူအီၤလၢယွၤအတၢ်လုၢ်ဟံၣ်ပူၤအဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 36:10

ဖဲတၢ်မဲထီၣ်သီအကတီၢ်တုၤဝဲန့ၣ်, စီၤပၤနဘူၤကးန့စ့ၢ်က့ၤ ကိးစီၤပၤယဟါယါခံၣ်ဒ်ပှၤဘၣ်တၢ်စၢဃာ်တဂၤအသိးဆူကီၢ်ဘၤ ဘူၤလိၣ်ဒီးစိာ်ထီၣ်ကွံာ်ယွၤအတၢ်လုၢ်ဟံၣ်အတၢ်ထူးတၢ်တီၤတဖၣ် န့ၣ်လီၤ. အန့ၣ်ဒီး, စီၤပၤနဘူၤကးန့စၢ်ဒုးကဲထီၣ်စီၤယဟိယါခံၣ်အဖါ တံၢ်စီၤစံးဒကံယၤလၢကီၢ်ယူဒၤဒီးဝ့ၢ်ယရူၤရှလ့ၣ်အစီၤပၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 36:18

ကီၢ်ဘၤဘူၤလိၣ်အစီၤပၤဂုာ်န့ၢ်ကွံာ်ယွၤအတၢ်လုၢ်ဟံၣ်အဃၢၤ အဃိၢ်တဖၣ်, တၢ်လုၢ်ဟံၣ်အကျိၣ်ဧိၤစ့ဧိၤ, ဒီးစီၤပၤဒီးပဒိၣ်ပပှၢ်တဖၣ်အတၢ် ထူးတၢ်တီၤ, ဒီးက့ၤစိာ်ကယဲၢ်တၢ်ခဲလၢာ်န့ၣ်, ဆူကီၢ်ဘၤဘူၤလိၣ်လီၤ.

လံာ်ယံးရမံယၤ 20:5

ယကပျဲစ့ၢ်ကီးအဝဲသ့ၣ်အဒုၣ်အဒါတဖၣ်လၢကဂုာ်ဆူၣ်ပျီဆူၣ် ဝ့ၢ်အံၤအတၢ်ထူးတၢ်တီၤခဲလၢာ်ဒီးဟံးန့ၢ်ကွံာ်ကယဲၢ်အတၢ် စုလီၢ်ခီၣ်ခိၣ်ဒီးအတၢ်ဖိတၢ်လံၤခဲလၢာ်တုၤဒၣ်လဲာ်လၢကီၢ်ယူဒၤ အစီၤပၤတဖၣ်အတၢ်လုၢ်ဒိၣ်ပှ့ၤဒိၣ်တဖၣ်ဒီးစိာ်ကွံာ်တၢ်ခဲလၢာ်န့ၣ် ဆူကီၢ်ဘၤဘူၤလိၣ်လီၤ.

လံာ်ယဃ့းစက့လး 23:26

အဝဲသ့ၣ်ကဖှီယာ်ကွံာ်နကူနသိးတဖၣ်ဒီးဟံးန့ၢ်ကွံာ်နတၢ်မျၢ် ပလဲတဖၣ်န့ၣ်လီၤ.

လံာ်ဒၤနံးယ့လး 1:2

ဒီးယွၤဟ့ၣ်လီၤကွံာ်ကီၢ်ယူဒၤအစီၤပၤစီၤယဟိၤယါကံၣ်ဆူအစု ပူၤဃုာ်ဒီးတၢ်လုၢ်ဒိၣ်ပှ့ၤဒိၣ်တနီၤလၢယွၤအတၢ်လုၢ်ဟံၣ်အပူၤ န့ၣ်လီၤ. ဒီးက့ၤဖီၣ်န့ၢ်ဝဲပှၤယူဒၤဖိတနီၤဆူကီၢ်ၡံနၢ်ဒီးပာ်ဝဲလီခီ ထူလီခီစ့တဖၣ်န့ၣ်, လၢအကစၢ်တဖၣ်အဟံၣ်အတၢ်ပာ်ဖှိၣ် အလီၢ်ပူၤန့ၣ်လီၤ.

လံာ်ဒၤနံးယ့လး 1:3

ဒီးစီၤပၤနဘူၤကးန့စၢ်ဟ့ၣ်လီၤအကလုၢ်ဆူအပဒိၣ်ခိၣ်ကျၢၢ် စီၤအၤၡပနးဒ်သိးကဃုထၢန့ၢ်ပှၤသးစၢ်တနီၤလၢအမ့ၢ် စီၤလိၣ်စီၤပၤဒီးပဒိၣ်ပပှၢ်အဒူၣ်ဖိထၢဖိလၢပှၤအံၣ်စရ့လးဖိ လၢအဘၣ်တၢ်စိာ်မၢကဲကုၢ်အီၤတဖၣ်အကျါန့ၣ်လီၤ.