လံာ်ယၡါယၤ 38:5 - Sgaw Karen Common Bible

⁵ ဒ်သိးအကလဲၤကဒါက့ၤဆူစီၤပၤဃံးစကံယၤအအိၣ်ဒီးစံးဘၣ် အီၤ, “ယၤ, ယွၤ, နပၢ်ဖးဒိၣ်စီၤဒၤဝံးအကစၢ်ယွၤ, နၢ်ဟူတ့ၢ်နတၢ်ထုကဖၣ်ဒီးထံၣ်တ့ၢ်နမဲာ်ထံမဲာ်နိတဖၣ်လီၤ. ယကပျဲနအိၣ်မူယံာ်ထီၣ်အါထီၣ်တဆံယဲၢ်နံၣ်လီၤ.

လံာ်ယၡါယၤ 38:5 Iomraidhean Croise

လံာ်စီၤပၤအခီၣ်ထံးတဘ့ၣ် 15:4

ဘၣ်ဆၣ်လၢတၢ်ကွၢ်မဲာ်စီၤဒၤဝံးအဃိန့ၣ်ယွၤ, အကစၢ်ယွၤဟ့ၣ်လီၤစီၤအဘံယၣ်လၢအဖိခွါတဂၤဒ်သိးကပၢတၢ်လၢ အဝဲအလီၢ်ခံလၢဝ့ၢ်ယရူၤၡလ့ၣ်အပူၤဒီးဒ်သိးကမၤဂၢၢ်မၤကျၢၤဝ့ၢ် ယရူၤၡလ့ၣ်အဂီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 8:25

ဒီးခဲကနံၣ်အံၤ, ယွၤ, ကီၢ်အံၣ်စရ့လးအကစၢ်ယွၤဧၢ, ယဃ့ကညးနၤလၢနကဟံးဃာ်ဂၢၢ်ကျၢၤစ့ၢ်ကီးတၢ်အၢၣ်လီၤအဂၤလၢ နမၤတ့ၢ်ဒီးယပၢ်, ဖဲနစံးဘၣ်တ့ၢ်အီၤလၢထီဘိအဝဲအစၢၤအသွဲၣ်အကျါတဂၤကပၢဘၣ် တၢ်ဒ်အံၣ်စရ့လးအစီၤပၤအသိးဖဲအဝဲဒုးစူၢ်အဝဲသ့ၣ်လၢနၤလီၤ တံၢ်လီၤဆဲးဒ်အဝဲစူၢ်ဝဲအသိး, အခါန့ၣ်လီၤ.

လံာ်စီၤပၤခံဘ့ၣ်တဘ့ၣ် 18:13

လၢစီၤပၤစီၤဃံးစကံယၤပၢတၢ်တဆံလွံၢ်နံၣ်တနံၣ်အပူၤန့ၣ်, ကီၢ်အၤၡူၢ်အစီၤပၤဖးဒိၣ်စၤနဃ့ရံာ်, ဟဲဒုးကီၢ်ယူဒၤအဝ့ၢ် တဖၣ်လၢအအိၣ်ဒီးတိာ်ဧိၤတာ်ဧိၤဒီးမၤနၢၤဝဲန့ၣ်လီၤ.

လံာ်စီၤပၤခံဘ့ၣ်တဘ့ၣ် 18:2

ဖဲအသးအိၣ်ခံဆံယဲၢ်နံၣ်ဒီးအဝဲပၢတၢ်ဖဲဝ့ၢ်ယရူၤၡလ့ၣ်အပူၤ ခံဆံနွံနံၣ်န့ၣ်လီၤ. အဝဲအမိၢ်မ့ၢ်ဝဲနီၢ်အဘံယၤ, လၢအမ့ၢ်စီၤစကၤရယၤအဖိမုၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 19:20

အန့ၣ်ဝံၤဒီးစီၤယၡါယၤဆှၢလီၤတၢ်ကစီၣ်တမံၤတဲဘၣ်စီၤပၤ ဃံးစကံယၤလၢ, လၢတၢ်စံးဆၢစီၤပၤအတၢ်ထုကဖၣ်အဂီၢ်န့ၣ်,

လံာ်ကွဲးနီၣ်တၢ်ခံဘ့ၣ်တဘ့ၣ် 34:3

ဖဲစီၤယိၤၡံယၤကဲထီၣ်စီၤပၤဃိးနံၣ်တနံၣ်အပူၤ, ဖဲအသးစၢ်ဒံးဒိၣ်မးအခါန့ၣ်, အဝဲစးထီၣ်ဘူၣ်ထီၣ်ဘါထီၣ်အပၢ်ဖးဒိၣ်စီၤဒၤဝံး အကစၢ်ယွၤန့ၣ်လီၤ. လွံၢ်နံၣ်ပူၤကွံာ်ဝံၤအလီၢ်ခံ, အဝဲစးထီၣ်မၤဟးဂီၤကွံာ်ပှၤတစူၢ်တနာ်ယွၤအတၢ်ဘူၣ်ထီၣ် ဘါထီၣ်တၢ်ဂီၤတၢ်ဖီၣ်အလီၢ်တဖၣ်, ကစၢ်မုၣ်အၡ့ရၤအတၢ်ပနီၣ်တဖၣ်ဒီးကယဲၢ်တၢ်ဂီၤတၢ်ဖီၣ်အဂၤတဖၣ် ခဲလၢာ်န့ၣ်လီၤ.

လံာ်စီၤယိၤဘး 14:5

ပှၤကညီအတၢ်အိၣ်မူအမုၢ်နံၤမုၢ်သီးဒီးအနံၣ်အလါတဖၣ်လၢ အအိၣ်မူဝဲန့ၣ်နစံၣ်ညီၣ်ပာ်စၢၤအီၤန့ၣ်လီၤ. နပာ်လီၤတ့ၢ်လံတၢ်အံၤ ဒီးဘၣ်တၢ်လဲလိာ်က့ၤအီၤတသ့ဘၣ်.

စံးထီၣ်ပတြၢၤ 116:15

အပှၤစီဆှံတဖၣ်အတၢ်သံန့ၣ် မ့ၢ်တၢ်လုၢ်ဒိၣ်ပှ့ၤဒိၣ်လၢယွၤအမဲာ်ညါလီၤ.

စံးထီၣ်ပတြၢၤ 147:3

အဝဲဒၣ်မၤဘျါက့ၤပှၤလၢအသူၣ်ကၢ်အသးလီၤ, ဒီးဘိၣ်ထီၣ်အဝဲသ့ၣ်အပူၤလီၢ်တဖၣ်လီၤ.

စံးထီၣ်ပတြၢၤ 39:12

ကနၣ်ယတၢ်ထုကဖၣ်တက့ၢ်. ယွၤဧၢ, ဒိကနၣ်ယတၢ်ကိးထီၣ်လၢ တၢ်မၤစၢၤအဂီၢ်န့ၣ်တက့ၢ်. ဖဲလၢယအိၣ်ဒီးတၢ်မဲာ်ထံမဲာ်နိန့ၣ်, အိၣ်ဘှီၣ်နဲတဂ့ၤ. အဂ့ၢ်ဒ်အံၤ, ယမ့ၢ်ဒၣ်နပှၤသမှံၤလၢ အအိၣ်တစိၢ်တလီၢ်ဖိ, ဒ်ယမိၢ်ပၢ်ဖံဖုလၢပျၢၤတဖၣ်အသိးန့ၣ်လီၤ.

စံးထီၣ်ပတြၢၤ 56:8

နသ့ၣ်ညါယဘၣ်ကိၢ်ဘၣ်ဂီၤဆံးအါလဲၣ်, နပာ်ကီၤဃာ်ယမဲာ်ထံအတၢ်ကွဲးနီၣ်လီၤ. အိၣ်ကွဲးအသးလၢနလံာ်ပူၤတမ့ၢ်ဘၣ်ဧါ.

စံးထီၣ်ပတြၢၤ 6:9

ယွၤနၢ်ဟူလံယဃ့ကညးတၢ်လံ. ယွၤကစံးဆၢယတၢ်ထုကဖၣ်လီၤ.

လံာ်ပှၤစံၣ်တဲၤတဲလီၤတၢ် 3:3

တၢ်အကတီၢ်လၢတၢ်မၤသံတၢ်အဂီၢ်, ဒီးတၢ်အကတီၢ်လၢတၢ်မၤဘျါက့ၤ တၢ်အဂီၢ်, တၢ်အကတီၢ်လၢတၢ်ဂုၤလီၤပှီၢ်တၢ်အဂီၢ်, ဒီးတၢ်အကတီၢ်လၢတၢ်သူၣ် ထီၣ်ဘှီထီၣ်တၢ်အဂီၢ်လီၤ.

လံာ်ယၡါယၤ 37:21

အန့ၣ်ဒီး, ဝံယၡါယၤဆှၢလီၤတၢ်ကစီၣ်တမံၤဒီးတဲဘၣ်စီၤပၤ ဃံးစကံယၤလၢ, လၢတၢ်စံးဆၢက့ၤစီၤပၤအတၢ်ထုကဖၣ်အဂီၢ်န့ၣ်,

လံာ်ယၡါယၤ 38:4

အန့ၣ်ဒီး, ယွၤမၤလိာ်ဝံယၡါယၤ,

လံာ်သးသယုၢ်တၢ် 3:56

ဒီးဖဲယဃ့ကညးနၤလၢနကဒိကနၣ်ယတၢ်ကိးပသူထီၣ်ဒီးနနၢ်ဟူတ့ၢ် လီၤ.

လံာ်မးသဲ 22:32

ယွၤစံးဝဲ, ‘ယမ့ၢ်စီၤအၤဘြၤဟၣ်, စီၤအံၤစဲးဒီး စီၤယၤကိာ်အကစၢ်ယွၤလီၤ.’ ကစၢ်ယွၤတမ့ၢ်ဘၣ်ပှၤအသံတဖၣ် အကစၢ်ယွၤဘၣ်. မ့ၢ်ပှၤအမူတဖၣ်အကစၢ်ယွၤလီၤ” (ဟးထီၣ်. ၃:၆).

လံာ်လူၤကၣ် 1:13

ဘၣ်ဆၣ်ဒီးကလူးန့ၣ်စံးဘၣ်အီၤ, “ပျံၤတၢ်တဂ့ၤ စီၤစဃၤရံဧၢ, ကစၢ်ယွၤနၢ်ဟူလံနတၢ်ထုကဖၣ်လံ. ဒီးနမါနီၢ်အ့းလံၤစါဘ့းကဆံးစၢ်န့ၢ်နၤလၢဖိခွါတဂၤလီၤ. နကဘၣ်ယုၢ်န့ၢ်အမံၤလၢစီၤယိၤဟၣ်လီၤ.

မၤတၢ် 27:24

ဒီးစံးဘၣ်ယၤ, ‘စီၤပီလူးဧၢ, ပျံၤတၢ်တဂ့ၤ. နကဘၣ်ဂဲၤဆၢထၢၣ်ဒံးလၢစီၤပၤဖးဒိၣ်အမဲာ်ညါလီၤ. သတးဒီးကစၢ်ယွၤပျဲပူၤဖျဲးပှၤလၢအဒိးကဘီဒီးနၤကိးဂၤ ဒဲးလီၤ.’

၂ ကရံၣ်သူး 7:6

ဘၣ်ဆၣ်ဒီးကစၢ်ယွၤလၢအဟ့ၣ်ဆူၣ်ထီၣ်ပှၤလီၤဘှံးလီၤတီၤ တဖၣ်အသးန့ၣ်, ဟ့ၣ်ဆူၣ်ထီၣ်ပဂံၢ်ပဘါခီဖျိစီၤတံတူးအတၢ် ဟဲန့ၣ်လီၤ.

လံာ်လီၣ်ဖျါ 7:17

အဂ့ၢ်ဒ်အံၤ, သိဖိတဒုလၢအအိၣ်ဝဲလၢလီၢ်ပစိာ်အခၢၣ်သးန့ၣ် ကမ့ၢ်အဝဲသ့ၣ်အပှၤကွၢ်သိ, ဒီးအဝဲဒၣ်ကဆှၢအဝဲသ့ၣ်ဆူထံ မူထီၣ်ပၢၢ်န့ၣ်လီၤ. ဒီးကစၢ်ယွၤကထွါကွံာ်မဲာ်ထံကိးဖျၢၣ်ဒဲးလၢ အမဲာ်ချံပူၤန့ၣ်လီၤ.”