လံာ်ယၡါယၤ 38:3 - Sgaw Karen Common Bible

³ “ယွၤဧၢ, သ့ၣ်နီၣ်ထီၣ်က့ၤလၢယမၤတ့ၢ်နတၢ်မၤလၢတၢ်ကလုၢ်တီ ဒီးတၢ်သူၣ်တီသးရၤအပူၤ, ဒီးထီဘိန့ၣ်ယကျဲးစၢးမၤတ့ၢ်တၢ်လၢနသးအိၣ်လၢယကမၤအီၤန့ၣ် တက့ၢ်.” ဝံၤဒီးအဝဲဟီၣ်နးနးကလဲာ်န့ၣ်လီၤ.

လံာ်ယၡါယၤ 38:3 Iomraidhean Croise

လံာ်တၢ်ကဲထီၣ်အခီၣ်ထံး 17:1

ဖဲစီၤအၤဘြၣ်အသးအိၣ်ဝဲခွံဆံခွံနံၣ်န့ၣ်ယွၤလီၣ်ဖျါထီၣ် အသးလၢအီၤဒီးစံးဘၣ်အီၤ, “ယမ့ၢ်သ့တၢ်လၢာ်ကစၢ်ယွၤလီၤ. စူၢ်ယၤဒီးမၤတၢ်အဘၣ်တဘိယူၢ်ဃီတက့ၢ်.

လံာ်တၢ်ကဲထီၣ်အခီၣ်ထံး 6:9

အအံၤမ့ၢ်စီၤနိအၤအတၢ်အိၣ်မူအဂ့ၢ်န့ၣ်လီၤ. စီၤနိအၤမ့ၢ်ပှၤအတီအလိၤတဂၤ, ပှၤလၢတၢ်တထံၣ်န့ၢ်အတၢ်ဒဲးဘး လၢပှၤတစိၤဒၣ်အီၤအကျါန့ၣ်လီၤ.

လံာ်စီၤပၤအခီၣ်ထံးတဘ့ၣ် 15:14

စီၤအၤစါမ့ၢ်တမၤဟးဂီၤကွံာ်ပှၤတစူၢ်တနာ်ယွၤအတၢ်ဘူၣ်ထီၣ်ဘါ ထီၣ်အလီၢ်ခဲလၢာ်ဒၣ်လဲာ်, အဝဲအိၣ်ဒံးဒီးတၢ်သးတီဒီးယွၤလၢအသးသမူဒီစိၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 2:4

နမ့ၢ်စူၢ်အီၤဒီး, ယွၤကဟံးဃာ်အတၢ်အၢၣ်လီၤလၢအမၤတ့ၢ်ဝဲ, ဖဲအဝဲစံးဘၣ်တ့ၢ်ယၤလၢ, ယစၢၤယသွဲၣ်တဖၣ်, ကပၢဘၣ်ကီၢ်အံၣ်စရ့လးအဆၢကတီၢ်ကယံာ်ပှဲၤသိးဒီးအဝဲသ့ၣ်အတၢ် စူၢ်ယတၢ်မၤလိာ်လၢတၢ်သးတီလီၤတံၢ်လီၤဆဲးလၢအသူၣ်ဒီဖျၢၣ် သးဒီဖျၢၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 18:3

ဒ်အပၢ်ဖးဒိၣ်လၢပျၢၤစီၤဒၤဝံးအဒိအတဲာ်အသိးန့ၣ်, အဝဲမၤဝဲတၢ်လၢအဘၣ်ယွၤအသးန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 28:9

ဒီးအဝဲစံးဘၣ်ဝဲစီၤၡလိၤမိၤ, “ယဖိခွါဧၢ, ယသိၣ်လိမၤလိာ်နၤလၢနကသ့ၣ်ညါနပၢ်အကစၢ်ယွၤဒီးနကမၤအတၢ်မၤ လၢနသးဒီဖျၢၣ်ညါဒီးလၢတၢ်သူၣ်အိၣ်သးအိၣ်အပူၤန့ၣ်လီၤ. အဝဲသ့ၣ်ညါပတၢ်ဆိကမိၣ်တဖၣ်ခဲလၢာ်ဒီးပတၢ်မိၣ်န့ၢ်သးလီ တဖၣ်ခဲလၢာ်န့ၣ်လီၤ. နမ့ၢ်လဲၤဆူအအိၣ်ဒီးအဝဲကတူၢ်လိာ်နၤ, ဘၣ်ဆၣ်နမ့ၢ်ဃၣ်ကွံာ်နသးလၢအီၤဒီးအဝဲကကွံာ်တ့ၢ်ကွံာ်နၤလီၤ စိၤလီၤထီန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 29:19

ယဟ့ၣ်လီၤယဖိခွါစီၤၡလိၤမိၤလၢကစူၢ်တၢ်တမံၤလၢ်လၢ်လၢန မၤလိာ်အီၤလၢအသးဒီဖျၢၣ်ညါလၢတၢ်သးအိၣ်, ဒီးလၢကသူၣ်ထီၣ်ယွၤအတၢ်လုၢ်ဟံၣ်လၢယကတဲာ်ကတီၤတ့ၢ်တၢ်သ့ၣ်တဖၣ် အံၤလၢအဂီၢ်န့ၣ်တက့ၢ်.”

လံာ်ကွဲးနီၣ်တၢ်အခီၣ်ထံးတဘ့ၣ် 29:9

ပှၤဂီၢ်မုၢ်ဟ့ၣ်တၢ်လၢတၢ်သူၣ်အိၣ်သးအိၣ်အပူၤဆူယွၤဒီးအဝဲ သ့ၣ်သူၣ်ဖှံသးညီဝဲလီၤ. စီၤပၤစီၤဒၤဝံးစ့ၢ်ကီးအသးခုဝဲဒိၣ်ဒိၣ်ကလဲာ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 16:9

ယွၤကွၢ်ထံကွၢ်ဆးတၢ်လၢဟီၣ်ခိၣ်ဒီဘ့ၣ်ညါအဖီခိၣ်, ဒ်သိးအကဟ့ၣ်ဂံၢ်ဟ့ၣ်ဘါပှၤတဖၣ်လၢအအိၣ်ဒီးတၢ်သးတီဒီးအီၤ န့ၣ်လီၤ. နမၤတ့ၢ်လံတၢ်ဒ်ပှၤအမၢးတဂၤဒီးစးထီၣ်ခဲအံၤန့ၣ်နကဘၣ်ဒုး တၢ်ယၤတၢ်ထီဘိန့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 25:2

အဝဲမၤတ့ၢ်တၢ်လၢအဘၣ်ယွၤအသး, ဘၣ်ဆၣ်မၤဒၣ်ဝဲလၢတၢ်သူၣ်တဆူၣ်သးတဆူၣ်အပူၤန့ၣ်လီၤ.

လံာ်စီၤဧ့စြၤ 10:1

ဖဲစီၤဧ့စြၤသကူးလီၤအသးလၢတၢ်ထုကဖၣ်အပူၤဟီၣ်ဝဲယၢၤဝဲ ဒီးတဲလီၤကျဲၤလီၤတၢ်ဒဲးဘးတဖၣ်အံၤလၢတၢ်လုၢ်ဟံၣ်အမဲာ်ညါန့ၣ်, ပှၤအံၣ်စရ့လးဖိဂီၢ်မုၢ်, ပှၤပိာ်ခွါတဖၣ်, ပှၤပိာ်မုၣ်တဖၣ်ဒီးဖိသၣ်တဖၣ် အိၣ်ဝးတရံးအီၤဒီးဟီၣ်ယၢၤဝဲ နးနးကလဲာ်န့ၣ်လီၤ.

လံာ်စီၤနဃ့မယၤ 1:4

ဒီးတုၤယနၢ်ဟူတၢ်သ့ၣ်တဖၣ်အံၤခဲလၢာ်ဝံၤန့ၣ်ဒီးယဆ့ၣ်နီၤ ဟီၣ်ယဲလီၤ. ယဟီၣ်ဒီးယတအီၣ်တအီတၢ်နီတမံၤတဘျုးသီန့ၣ်လီၤ. ဒီးယဃ့ဘါထုကဖၣ်ဆူကစၢ်ယွၤအအိၣ်လီၤ.

လံာ်စီၤနဃ့မယၤ 13:14

ယကစၢ်ယွၤဧၢ, သ့ၣ်နီၣ်ထီၣ်က့ၤကယဲၢ်တၢ်ခဲလၢာ်လၢယမၤတ့ၢ်ယဲလၢ နတၢ်လုၢ်ဟံၣ်ဒီးအတၢ်ဘူၣ်ထီၣ်ဘါထီၣ်နၤအဂီၢ်န့ၣ်တက့ၢ်.

လံာ်စီၤနဃ့မယၤ 13:22

ယမၤလိာ်ပှၤလ့ၤဝံဖိတဖၣ်လၢကမၤကဆှီထီၣ်အသးဒၣ်ဝဲဒီးလဲၤ ဒီးခိးတြဲၤတဖၣ်လၢကမၤလီၤတံၢ်တၢ်ဒ်သိးမုၢ်အိၣ်ဘှံးနံၤ ကဘၣ်တၢ်ပာ်စီဆှံအီၤအဂီၢ်န့ၣ်လီၤ. ကစၢ်ယွၤဧၢ, သ့ၣ်နီၣ်ထီၣ်က့ၤလၢ်ယၤလၢတၢ်အံၤအဃိစ့ၢ်ကီးဒီး မၤပူၤဖျဲးလၢ်ယၤလၢနတၢ်အဲၣ်လၢအဒိၣ်ဝဲအဃိန့ၣ်တက့ၢ်.

လံာ်စီၤနဃ့မယၤ 13:31

ယကတဲာ်ကတီၤသ့ၣ်လၢတၢ်ကသူအီၤလၢတၢ်ဆိၣ်ကဲၤတၢ်လုၢ်တၢ်ပာ်တဖၣ် အဂီၢ်လၢတၢ်ဟဲကစိာ်အီၤဘၣ်ဆၢဘၣ်ကတီၢ်, ဒီးပှၤဂီၢ်မုၢ်လၢကဟဲစိာ်အတၢ်လုၢ်တၢ်ပာ်တဖၣ်လၢအမ့ၢ်ဘုခ့အ ဆိကတၢၢ်ဒီးအတၤသၣ်တဖၣ်လၢအမံထီၣ်အဆိကတၢၢ်န့ၣ်လီၤ. ကစၢ်ယွၤဧၢ, သ့ၣ်နီၣ်ထီၣ်တၢ်တဖၣ်အံၤခဲလၢာ်ဒီးမၤဘျုးလၢ်ဘၣ် ယၤလၢအဃိန့ၣ်တက့ၢ်.

လံာ်စီၤနဃ့မယၤ 5:19

ကစၢ်ယွၤဧၢ, ယဃ့ထီၣ်နၤလၢနကသ့ၣ်နီၣ်ယတၢ်ဂ့ၤခဲလၢာ်လၢယမၤဘၣ် အီၤလၢပှၤဂီၢ်မုၢ်အဂီၢ်န့ၣ်လီၤ.

စံးထီၣ်ပတြၢၤ 101:2

ယကပလီၢ်ယသးလၢညါ လၢတၢ်အိၣ်မူလၢ တၢ်ပာ်တၢ်ကမၣ် လၢအလိၤအလီၢ်တအိၣ်ဘၣ်အပူၤန့ၣ်လီး. နကဟဲဆူယအိၣ်အကတီၢ်ဖဲလဲၣ်. လၢယဟံၣ်ပူၤန့ၣ်, ယကအိၣ်မူလၢ တၢ်သးကဆှီအပူၤ,

စံးထီၣ်ပတြၢၤ 102:9

ယအီၣ်ဖၣ်ဆါဒ်ကိၣ်အသိး ဒီးယမၤဃါဃုာ်ယတၢ်အီဒီးမဲာ်ထံလီၤ.

စံးထီၣ်ပတြၢၤ 119:80

မ်ယသးလၢထီၣ်ပှဲၤထီၣ်လၢ တၢ်ဒိကနၣ်နတၢ်မၤလိာ်အပူၤဒ်သိး ယသုတဘၣ်တၢ်မဲာ်ဆှးတဂ့ၤအဂီၢ်န့ၣ်တက့ၢ်.

စံးထီၣ်ပတြၢၤ 16:8

ယသ့ၣ်ညါထီဘိလၢယွၤအိၣ်ဒီးယၤန့ၣ်လီၤ. အဝဲဒၣ်အိၣ်ဘူးဒီးယၤအဃိ, တၢ်လၢကမၤဟူးဝးယၤတအိၣ်နီတမံၤဘၣ်.

စံးထီၣ်ပတြၢၤ 26:3

အဂ့ၢ်ဒ်အံၤ, နတၢ်အဲၣ်ဂၢၢ်ကျၢၤအိၣ်လၢယမဲာ်ညါ, ဒီးယလဲၤတၢ်လၢတၢ်သးတီဒီးနၤအပူၤလီၤ.

စံးထီၣ်ပတြၢၤ 32:2

ပှၤလၢယွၤတပာ်ဘၣ်တၢ်ကမၣ်လၢအလိၤ ဒီးပှၤလၢအပူၤဖျဲးဒီးတၢ်လီတၢ်ဝ့ၤခဲလၢာ်န့ၣ်, ဘၣ်ဆိၣ်ဂ့ၤနီၢ်နီၢ်လီၤ.

စံးထီၣ်ပတြၢၤ 6:6

တၢ်ဘှံးယသးလၢယတၢ်သူၣ်အုးသးအုးအဃိလီၤ. ကိးမုၢ်နၤဒဲးယလီၢ်မံအံၤဘၣ်စီၣ်ဘၣ်သ့လၢ ယတၢ်ဟီၣ်တၢ်ယၢၤအဃိ, ဒီးယခိၣ်တခၢၣ်ဘၣ်စီၣ်ဒီဖျၢၣ်ညါလၢ ယမဲာ်ထံမဲာ်နိန့ၣ်လီၤ.

စံးထီၣ်ပတြၢၤ 6:8

ကယဲၢ်ပှၤမၤတၢ်အၢတၢ်သီခဲလၢာ်သ့ၣ်ဧၢ, ဟးထီၣ်ကွံာ်လၢယအိၣ်တက့ၢ်. အဂ့ၢ်ဒ်အံၤ, ယွၤနၢ်ဟူလံယဟီၣ်တၢ်အသီၣ်လံ.

လံာ်ယၡါယၤ 38:2

စီၤဃံးစကံယၤဃၣ်ကွံာ်အမဲာ်ဆူတၢ်ဒူၣ်ဒီးဃ့ဘါထုကဖၣ်တၢ် လီၤ.

လံာ်ယၡါယၤ 38:4

အန့ၣ်ဒီး, ယွၤမၤလိာ်ဝံယၡါယၤ,

လံာ်ဟိၤၡ့ 12:4

အဝဲဒုးတၢ်ထီဒါမူခိၣ်ကလူးတဂၤဒီးမၤနၢၤတၢ်န့ၣ်လီၤ. အဝဲဟီၣ်ဒီးဃ့န့ၢ်တၢ်ဆိၣ်ဂ့ၤတမံၤန့ၣ်လီၤ. ဒီးဖဲဝ့ၢ်ဘ့ၤသ့လးန့ၣ်ကစၢ်ယွၤဟဲဆူပပၢ်ဖးဒိၣ်လၢပျၢၤ စီၤယၤကိာ်အအိၣ်ဒီးကတိၤတၢ်ဒီးအီၤန့ၣ်လီၤ.

လံာ်ယိၤဟၣ် 1:47

ဖဲယ့ၣ်ၡူးထံၣ်စီၤနၤသန့လးဟဲဆူအအိၣ်ဒီး အဝဲကတိၤတၢ်လၢအဂ့ၢ်ဒီးစံးဝဲ, “အဝဲမ့ၢ်ပှၤအံၣ်စရ့လးဖိနီၢ်နီၢ် တဂၤလၢတၢ်လီတၢ်ဝ့ၤတအိၣ်ဘၣ်လၢအပူၤန့ၣ်လီၤ.”

၂ ကရံၣ်သူး 1:12

ပပာ်ကဖၢလၢပသးမ့ၢ်လၢပသးလၢပသ့ၣ်ညါဒၣ်တၢ်, သးလၢအနီၤဖးတၢ်ဂ့ၤဒီးတၢ်အၢအဆၢဒုးနာ်နီၢ်နီၢ် ပှၤလၢပတၢ်အိၣ်မူလၢဟီၣ်ခိၣ်တဘ့ၣ်အံၤအချၢဒီးလီၤဆီ ဒၣ်တၢ်ပတၢ်ဘၣ်ထွဲဒီးသုတဖၣ်, ဘၣ်တၢ်ပၢဆှၢအီၤလၢကစၢ်ယွၤအတၢ်ဟ့ၣ်လၢအမ့ၢ် ဝဲတၢ်ကတိၤတၢ်လိၤလိၤပျီပျီဒီးတၢ်ပာ်သးသပှၢ်ပှၢ်, လၢတၢ်စိကမီၤဘၣ်ဃးယွၤအဘျုး, ဒီးတဘၣ်တၢ်ပၢဆှၢ အီၤလၢပှၤကညီအတၢ်ကူၣ်ဘၣ်ကူၣ်သ့ဘၣ်အဃိန့ၣ်လီၤ.

လံာ်သိၣ်လီၤသီလီၤတၢ် 6:18

တၢ်လၢယွၤစံးဝဲလၢအမ့ၢ်အတီဒီးဂ့ၤန့ၣ်မၤအီၤတက့ၢ်. ဒီးတၢ်ခဲလၢာ်ကလဲၤအသးဂ့ၤဂ့ၤဘၣ်ဘၣ်လၢသုဂီၢ်လီၤ. ကီၢ်လၢအပှဲၤဒီးဟီၣ်ခိၣ်ညၣ်ထ့ၣ်အဂ့ၤလၢယွၤအၢၣ်လီၤတ့ၢ်သု မိၢ်ပၢ်ဖံဖုလၢပျၢၤတဖၣ်န့ၣ်, သုလဲၤနုာ်မၤန့ၢ်ကသ့ဝဲ,

ဧ့ၤဘြံၤ 5:7

ဖဲယ့ၣ်ၡူးခရံာ်အိၣ်ဒံးလၢဟီၣ်ခိၣ်ချၢအကတီၢ်န့ၣ်အဝဲဒၣ် လုၢ်ထီၣ်အတၢ်ထုကဖၣ်ဒီးအတၢ်သကွံၢ်ကညးတဖၣ်လၢ အကလုၢ်ဖးဒိၣ်အိၣ်ဒီးတၢ်မဲာ်ထံမဲာ်နိဆူကစၢ်ယွၤလၢ အမၤပူၤဖျဲးထီၣ်အီၤလၢတၢ်သံအပူၤသ့ဝဲတဂၤအအိၣ် န့ၣ်လီၤ. ယွၤဒိကနၣ်အီၤမ့ၢ်လၢအတၢ်အဲၣ်ကစၢ်ယွၤပျံၤ ကစၢ်ယွၤအဃိလီၤ.

ဧ့ၤဘြံၤ 6:10

အဂ့ၢ်ဒ်အံၤကစၢ်ယွၤတမ့ၢ်ပှၤလၢအမၤတၢ်တတီတလိၤ န့ၣ်ဘၣ်. သုတၢ်မၤဒီးသုတၢ်အဲၣ်တၢ်ကွံယွၤလၢသုလီၣ်ဖျါ ထီၣ်ခီဖျိသုတၢ်ဟ့ၣ်မၤစၢၤတ့ၢ်ဒီးဟ့ၣ်မၤစၢၤဒံးပှၤခရံာ်ဖိ ကဒဲကဒဲဒီးသုန့ၣ်ယွၤတကွၢ်ကပာ်ဒီးသးပ့ၤနီၣ်အီၤဘၣ်.