လံာ်ယၡါယၤ 38:19 - Sgaw Karen Common Bible

¹⁹ ဒ်ယစံးထီၣ်ပတြၢၤနၤခဲအံၤအသိး, ပှၤလၢအစံးထီၣ်ပတြၢၤနၤမ့ၢ်ပှၤအမူန့ၣ်လီၤ. ပၢ်တဖၣ်စံးဘၣ်တဲဘၣ်အဖိတဖၣ်လၢနသူၣ်တီသးရၤထဲလဲၣ်အဂ့ၢ် န့ၣ်လီၤ.

လံာ်ယၡါယၤ 38:19 Iomraidhean Croise

လံာ်တၢ်ကဲထီၣ်အခီၣ်ထံး 18:19

ယဃုထၢတ့ၢ်လံအီၤလၢကမၤလိာ်အဖိခွါတဖၣ်ဒီးအစၢၤအသွဲၣ်တဖၣ် လၢအကစူၢ်ယၤ, ဒီးကမၤတၢ်အဘၣ်ဒီးတၢ်အတီန့ၣ်လီၤ. အဝဲသ့ၣ်မ့ၢ်မၤဝဲဒီးယကမၤကယဲၢ်တၢ်ခဲလၢာ်လၢအဂီၢ်ဒ်ယအၢၣ်လီၤ တ့ၢ်အသိးန့ၣ်လီၤ.”

စံးထီၣ်ပတြၢၤ 118:17

ယတသံဘၣ်. မ့ၢ်ယကမူဒီး စံၣ်တဲၤတဲလီၤယွၤအတၢ်မၤတဖၣ်လီၤ.

စံးထီၣ်ပတြၢၤ 119:175

ဟ့ၣ်ယၤတၢ်မူဒ်သိးယကစံးထီၣ်ပတြၢၤနၤတက့ၢ်. ဒီးမ်နစံၣ်ညီၣ်တၢ်တဖၣ်န့ၣ်မၤစၢၤယၤတက့ၢ်.

စံးထီၣ်ပတြၢၤ 145:4

ပှၤတစိၤကစံးထီၣ်ပတြၢၤနတၢ်မၤလၢပှၤတစိၤဒၣ်, ဒီးနကဒုးနဲၣ်နတၢ်မၤအဒိၣ်တဖၣ်လီၤ.

စံးထီၣ်ပတြၢၤ 146:2

ယကစံးထီၣ်ပတြၢၤအီၤဖဲယအိၣ်မူဒံးအဖၢမုၢ်, ယကသးဝံၣ်ထီၣ်အီၤတစိၤဒၣ်ယၤလီၤ.

လံာ်တၢ်ဟးထီၣ်ကွံာ် 10:2

ဒီးဒ်သိးသုကတဲသုဖိသုလံၤတဖၣ်လၢယမၤပျုၢ်ပှၤအဲၤကူပတူး ဖိတဖၣ်ဒ်လဲၣ်, ဖဲယမၤတၢ်ပနီၣ်လီၤလးတဖၣ်အခါန့ၣ်လီၤ. ဒီးသုကသ့ၣ်ညါလၢယမ့ၢ်ယွၤန့ၣ်လီၤ.”

လံာ်ပှၤစံၣ်တဲၤတဲလီၤတၢ် 9:10

ကယဲၢ်တၢ်လၢနမၤအီၤတမံၤလၢ်လၢ်န့ၣ်, မၤအီၤဆူၣ်ဆူၣ်တက့ၢ်. အဂ့ၢ်ဒ်အံၤ, တၢ်မၤမ့ၢ်ဂ့ၤ, တၢ်ကူၣ်မ့ၢ်ဂ့ၤ, တၢ်သ့ၣ်ညါမ့ၢ်ဂ့ၤ, တၢ်ကူၣ်သ့မ့ၢ်ဂ့ၤတအိၣ်ဘၣ်ဖဲပျုၤပူၤဘၣ်. ဒီးအဝဲန့ၣ်မ့ၢ်တၢ်လီၢ်လၢနကလဲၤလီၤန့ၣ်လီၤ.

လံာ်ယိၤအ့လး 1:3

ဒီးတဲဘၣ်သုဖိသုလံၤ, ဒီးသုဖိသုလံၤကတဲဘၣ်အဖိအလံၤ, ဒီးအဝဲသ့ၣ်အဖိအလံၤကတဲဘၣ်ကဒီး အဖိအလံၤန့ၣ်လီၤ.

လံာ်ယိၤဟၣ် 9:4

ဖဲမုၢ်ဆါခီအကတီၢ်အံၤ, ပကဘၣ်မၤပှၤလၢအမၢလီၤယၤ တဂၤအတၢ်မၤလီၤ. မုၢ်နၤကဟဲဝဲဖဲပှၤမၤတၢ်တသ့လၢၤနီ တဂၤဘၣ်.

လံာ်သိၣ်လီၤသီလီၤတၢ် 11:19

သိၣ်လိန့ၢ်သုဖိတဖၣ်တက့ၢ်. ကတိၤတၢ်လၢအဂ့ၢ်ဖဲ သုအိၣ်လၢဟံၣ်ဒီးဖဲသုလဲၤတၢ်က့ၤတၢ်, ဖဲသုအိၣ်ဘှံးအိၣ်သါ ဒီးဖဲသုဖံးတၢ်မၤတၢ်အခါန့ၣ်တက့ၢ်.

လံာ်သိၣ်လီၤသီလီၤတၢ် 4:10

ဘၣ်ဃးဒီးမုၢ်တနံၤလၢသုဆၢထၢၣ်လၢယွၤကစၢ်ယွၤအမဲာ်ညါလၢ ကစၢၢ်စံၤနါအဂ့ၢ်, ဖဲအဝဲဒၣ်စံးဘၣ်ယၤ, ကိးဖှိၣ်ပှၤဂီၢ်မုၢ်တက့ၢ်. ယအဲၣ်ဒိးလၢအဝဲသ့ၣ်ကနၢ်ဟူဘၣ်တၢ်လၢယကစံးယဲ, ဒ်သိးအဝဲသ့ၣ်ကမၤလိစူၢ်ယၤလၢအသးသမူဒီတစိၤညါ, ဒီးဒ်သိးအဝဲသ့ၣ်ကသိၣ်လိတၢ်တမံၤဃီဒ်န့ၣ်အသိးဆူအဖိအလံၤ တဖၣ်န့ၣ်လီၤ.

လံာ်သိၣ်လီၤသီလီၤတၢ် 4:9

အိၣ်ဒီးတၢ်ပလီၢ်သူၣ်ပလီၢ်သးတက့ၢ်. လၢသးသမူဒီတစိၤညါ န့ၣ်, တၢ်လၢသုထံၣ်ဘၣ်အီၤလၢသုမဲာ်ချံဒၣ်သုအံၤမၤလီၤတံၢ်လၢသု တသးပ့ၤနီၣ်ကွံာ်အီၤဘၣ်န့ၣ်တက့ၢ်. တဲဘၣ်သုဖိသုလံၤတဖၣ်,

လံာ်သိၣ်လီၤသီလီၤတၢ် 6:7

သိၣ်လိသီလိသုဖိသုလံၤတဖၣ်န့ၣ်တက့ၢ်. ဖဲသုအိၣ်လၢဟံၣ် ဒီးဖဲသုအိၣ်လၢတၢ်လီၢ်အယံၤ, ဖဲသုအိၣ်ဘှံးဒီးဖဲသုမၤ တၢ်အခါန့ၣ်, ယၢၤထီၣ်ကဒါက့ၤအီၤတက့ၢ်.