လံာ်ယၡါယၤ 38:13 - Sgaw Karen Common Bible

¹³ ဒီနၤညါန့ၣ်, ယကိးထီၣ်လၢတၢ်ဆူးတၢ်ဆါအပူၤ, မၤသးဒ်သိးခ့ယုၢ်တဒုမၤကၢ်ယဃံယကွဲတဖၣ်န့ၣ်လီၤ. ယဆိကမိၣ်တ့ၢ်လၢကစၢ်ယွၤမၤကတၢၢ်ယတၢ်အိၣ်မူလံန့ၣ်လီၤ.

လံာ်ယၡါယၤ 38:13 Iomraidhean Croise

လံာ်စီၤပၤအခီၣ်ထံးတဘ့ၣ် 20:36

အဃိ, အဝဲဒၣ်စံးဘၣ်အီၤ, “မ့ၢ်လၢနတစူၢ်ဘၣ်ယွၤအတၢ်မၤလိာ်ဘၣ်အဃိ, တုၤနဟးထီၣ်ကွံာ်လၢယအိၣ်တဘျီဃီန့ၣ်ခ့ယုၢ်တဒုကမၤသံနၤ န့ၣ်လီၤ.” တုၤအဝဲဟးထီၣ်တဘျီဃီန့ၣ်ခ့ယုၢ်တဒုဟဲထီၣ်ဒီးမၤသံကွံာ် အီၤန့ၣ်လီၤ.

လံာ်စီၤယိၤဘး 7:6

ယမုၢ်နံၤမုၢ်သီသ့ၣ်တဖၣ်လဲၤပူၤကွံာ်ဝဲလၢတၢ်မုၢ်လၢ်တအိၣ် ဘၣ်အပူၤ, ဒီးလဲၤပူၤကွံာ်ဝဲချ့န့ၢ်ပှၤထါထၣ်ဖိအလုၣ်ထွံ တက့ၢ်န့ၣ်လီၤ.

စံးထီၣ်ပတြၢၤ 32:4

ယွၤဧၢ, နသိၣ်ဃီၣ်ယၤလၢမုၢ်ဆါဒီးလၢမုၢ်နၤလီၤ. ယဂံၢ်ယဘါလၢာ်ကွံာ်လံလၢာ်လၢာ်ဆ့ဆ့ ဒ်တၢ်ဘၣ်စီၣ်ဃ့ထီကွံာ်ခီဖျိ တၢ်ကိၢ်ခါအတၢ်ကိၢ်အသိးန့ၣ်လီၤ. စ့လၤ

စံးထီၣ်ပတြၢၤ 39:10

တဘၣ်စံၣ်ညီၣ်လၢၤယၤတဂ့ၤ. ယကသံတ့ၢ်မးလၢနတီၢ်ယၤအဃိန့ၣ်လီၤ.

စံးထီၣ်ပတြၢၤ 50:22

“ကွၢ်ဆိကမိၣ်တၢ်အံၤ, ပှၤလၢအသးပ့ၤနီၣ်ကစၢ်ယွၤသ့ၣ်ဧၢ, ယကအ့ၣ်ဖှီဘၣ်ဖုးသု ဒီးပှၤမၤပူၤဖျဲးတၢ်တအိၣ်ဘၣ်နီတဂၤဘၣ်.

စံးထီၣ်ပတြၢၤ 51:8

ဒုးနၢ်ဟူယၤလၢတၢ်သူၣ်ဖှံသးညီ, ဒီးတၢ်သူၣ်ခုသးခုတက့ၢ်. မ်တၢ်ဃံတၢ်ကွဲလၢနမၤကၢ်အီၤန့ၣ် သူၣ်ဖှံသးညီကဒီးတက့ၢ်.

စံးထီၣ်ပတြၢၤ 7:2

ကအ့ၣ်ဖှီဘၣ်ဖုးယၤဒ်ခ့ယုၢ်အသိး, ကတွံၢ်တြူာ်ယၤဆူ တၢ်မၤပူၤဖျဲးတအိၣ်ဘၣ်အလီၢ်ဒီး ဖှီကွံာ်ယၤဆူ အက့အခီတဖၣ်န့ၣ်လီၤ.

စံးထီၣ်ပတြၢၤ 90:5

နစိာ်ကွံာ်ပှၤဒ်ထံလုၣ်ဘၢတၢ်အသိး, ဒီးပတၢ်အိၣ်မူမၤအသးဒ်တၢ်မံမီၢ်အသိး, ဒီးဒ်တပံၢ်လၢအမဲထီၣ်လၢမုၢ်ဂီၤအသိး,

လံာ်သးသယုၢ်တၢ် 3:4

အဝဲကူးတဲာ်ကါတဲာ်ယဖံးယညၣ်ဒီးမၤကၢ်တ့ၢ်ယဃံယကွဲ တဖၣ်လီၤ.

လံာ်ဒၤနံးယ့လး 6:24

ဒီးစီၤပၤဟ့ၣ်လီၤအကလုၢ်လၢတၢ်ကဖီၣ်ဒီးတ့ၢ်လီၤကွံာ်ပှၤဆှိး ထီၣ်ပာ်တၢ်ကမၣ်လၢစီၤဒၤနံးယ့လးအလိၤတဖၣ်ဃုာ်ဒီးအဖိ အမါတဖၣ်ဆူခ့ယုၢ်အတဝၢအပူၤန့ၣ်လီၤ. ဒီးတချုးလၢအလီၤတုၤ ဆူတၢ်ပူၤအခံဒးဒံးဒၣ်လဲာ်ဘၣ်ဒီးခ့ယုၢ်တဖၣ်စံၣ်ပှီၤလၢ အလိၤဒီးအီၣ်ကွံာ်အီၤတုၤအဃံအကွဲလၢာ်တစုန့ၣ်လီၤ.

လံာ်ဟိၤၡ့ 5:14

ယကဒုးကီၢ်အံၣ်စရ့လးအပှၤဂီၢ်မုၢ်ဒီးကီၢ်ယူဒၤဒ်ခ့ယုၢ်တဒုအသိးန့ၣ်လီၤ. ယကအ့ၣ်ဖှီအဝဲသ့ၣ်တုၤအကဲထီၣ်အက့အခီဒီးပာ်တ့ၢ်ကွံာ် အဝဲသ့ၣ်လၢယနီၢ်ကစၢ်ဒၣ်ယဲလီၤ. ဖဲယတွံၢ်တြူာ်ကွံာ် အဝဲသ့ၣ်န့ၣ်ပှၤအုၣ်က့ၤခီၣ်က့ၤအဝဲသ့ၣ်တသ့နီတဂၤ ဘၣ်.