လံာ်ယၡါယၤ 38:12 - Sgaw Karen Common Bible

¹² ယတၢ်အိၣ်မူဘၣ်တၢ်မၤထီၣ်တဲာ်ကွံာ်အီၤဒီးကတၢၢ်ဝဲ, လီၤဂာ်ဒ်ဒဲတဖျၢၣ်လၢဘၣ်တၢ်ဃိလီၤပှီၢ်ကွံာ်အီၤ ဒီးတၢ်ကံးယာ်လၢဘၣ်တၢ်ကူးတဲာ်ကွံာ်အီၤလၢ ထၣ်အလိၤအသိးန့ၣ်လီၤ. ယဆိကမိၣ်တ့ၢ်လၢကစၢ်ယွၤမၤကတၢၢ်ယတၢ်အိၣ်မူလံန့ၣ်လီၤ.

လံာ်ယၡါယၤ 38:12 Iomraidhean Croise

လံာ်စီၤယိၤဘး 14:2

ပဒိၣ်ထီၣ်ဒီးဃ့ထီကွံာ်ချ့သဒံးဒ်ဖီတဖၣ်အသိးလီၤ. ပဟါမၢ်ကွံာ်ဒ်တၢ်အကဒုတဖၣ်အသိးန့ၣ်လီၤ.

လံာ်စီၤယိၤဘး 17:1

ယဂံၢ်ယဘါလၢာ်လံ. ယတၢ်အိၣ်မူကကတၢၢ်ဘူးထီၣ်လံ. ယသူၣ်လီၤဘှံးသးလီၤတီၤလီၤ. တၢ်သွၣ်ခိၣ်အိၣ်ကတဲာ်ကတီၤအသးလၢယဂီၢ်လီၤ.

လံာ်စီၤယိၤဘး 4:20

ပှၤကညီတဂၤကမူဝဲလၢမုၢ်ဂီၤဘၣ်ဆၣ်သံဝဲလၢတၢ်တပာ်သူၣ် ပာ်သးဘၣ်အပူၤတချုးမုၢ်ဟါလီၤဒံးဘၣ်န့ၣ်လီၤ.

လံာ်စီၤယိၤဘး 6:9

မ့ၢ်အသးအိၣ်ဒၣ်ထဲလၢကမၤသံယၤန့ၣ်ဧါ. ကပျၢ်စုပျၢ်ခီၣ်ဒီး ဒီၣ်တဲာ်ကွံာ်ယၤန့ၣ်ဧါ.

စံးထီၣ်ပတြၢၤ 102:11

ယမုၢ်နံၤတဖၣ်လီၤဂာ်ဒ်မုၢ်ဟါအတၢ်ကဒုတဖၣ်အသိး ဒီးယဃ့ထီၣ်ကွံာ်ဝဲဒ်နီၣ်ဧိၤမံၤဧိၤအသိးန့ၣ်လီၤ.

စံးထီၣ်ပတြၢၤ 119:23

ပဒိၣ်ဖးဒိၣ်တဖၣ်ဒၣ်လဲာ်ဆ့ၣ်နီၤဒီးကူၣ်ထီဒါယၤလီၤ. မ့မ့ၢ်ယဲဒၣ်အံၤယကမၤလိ နတၢ်သိၣ်လိသီလိတဖၣ်န့ၣ်လီၤ.

စံးထီၣ်ပတြၢၤ 31:22

ယပျံၤတၢ်ဒီးယဆိကမိၣ်ယဲလၢ အဝဲဟီထီၣ်ကွံာ်ယၤလၢအမဲာ်ညါလံန့ၣ်လီၤ. ဘၣ်ဆၣ်တုၤယကိးထီၣ်အီၤလၢတၢ်မၤစၢၤအဂီၢ်န့ၣ်ဒီး နၢ်ဟူယတၢ်ကိးထီၣ်န့ၣ်လီၤ.

စံးထီၣ်ပတြၢၤ 73:14

ကစၢ်ယွၤဧၢ, ကိးမုၢ်နံၤဒဲးန့ၣ် နဒုးတူၢ်ဘၣ်ယၤတၢ်, ကိးမုၢ်ဂီၤဒဲးနစံၣ်ညီၣ်ယၤလီၤ.

စံးထီၣ်ပတြၢၤ 90:5

နစိာ်ကွံာ်ပှၤဒ်ထံလုၣ်ဘၢတၢ်အသိး, ဒီးပတၢ်အိၣ်မူမၤအသးဒ်တၢ်မံမီၢ်အသိး, ဒီးဒ်တပံၢ်လၢအမဲထီၣ်လၢမုၢ်ဂီၤအသိး,

လံာ်ယၡါယၤ 1:8

အိၣ်လီၤတဲာ်တ့ၢ်ဒၣ်ထဲဝ့ၢ်ယရူၤၡလ့ၣ် တဖျၢၣ်ဧိၤလၢတၢ်ကဝီၤတံၢ်ဃးအီၤဒီး မၤစၢၤဒီဒၣ်လီၤက့ၤအသးတသ့ဘၣ်ဒ်ပှၤပၢၤ တၢ်ဖိအဒဲလၢစပံးလီၢ်အပူၤ, မ့တမ့ၢ်, ဒ်ဒဲဖိတဖျၢၣ်လၢဒံအကျီးပူၤအသိးန့ၣ်လီၤ.

လံာ်ယၡါယၤ 13:20

ပှၤတအိၣ်တဆိးဘၣ်လၢအပူၤနီတဂၤနီတစုလၢၤဘၣ်. ပှၤဧ့ရ့းဖိလၢအဟးဝ့ၤဝီၤတဖၣ်တသူၣ်ထီၣ်ဘၣ်အဒဲဖဲန့ၣ်နီတစု ဘၣ်ဒီးပှၤကွၢ်သိတဒုးကိာ်လီၤအသိတဖၣ်ဖဲန့ၣ်နီတဂၤနီတစု လၢၤဘၣ်.

၂ ကရံၣ်သူး 5:1

အဂ့ၢ်ဒ်အံၤ, ပသ့ၣ်ညါပဝဲလၢဖဲပဒဲလၢပအိၣ်ပဆိးလၢ အပူၤ, ပနီၢ်ခိလၢဟီၣ်ခိၣ်ချၢအဝဲအံၤမ့ၢ်ဘၣ်တၢ်မၤလီၤ ပှီၢ်ကွံာ်အီၤန့ၣ်, ကစၢ်ယွၤကအိၣ်ဒီးဟံၣ်လၢမူခိၣ်တဖျၢၣ်လၢ ပကအိၣ်ကဆိးအဂီၢ်, ဟံၣ်တဖျၢၣ်လၢအဝဲအနီၢ်ကစၢ်ဘှီဝဲလၢအကအိၣ်ကၢအိၣ် ခိးလီၤထူလီၤယိာ်န့ၣ်လီၤ.

၂ ကရံၣ်သူး 5:4

ဖဲပအိၣ်ပဆိးလၢဟီၣ်ခိၣ်အဒဲတဖျၢၣ်အံၤအပူၤအဆၢ ကတီၢ်န့ၣ်, ပကအုကစွါပဝဲဒ်ပဘၣ်တၢ်နးတၢ်ဖှီၣ်အသိး လီၤ. တမ့ၢ်လၢပအဲၣ်ဒိးညိကွံာ်ပဟီၣ်ခိၣ်အနီၢ်ခိအံၤ အဃိဘၣ်. မ့မ့ၢ်တခီ, မ့ၢ်လၢပအဲၣ်ဒိးတၢ်ဒုးကူဒုးသိးထီၣ် ပှၤလၢနီၢ်ခိဘၣ်ဃးဒီးမူခိၣ်, ဒ်သိးတၢ်လၢအသံသ့ကဘၣ်တၢ်ပျိာ်လဲလိာ်ကွံာ်အီၤဆူ တၢ်မူအဂီၢ်န့ၣ်လီၤ.

ဧ့ၤဘြံၤ 1:12

ဒီးနကချံးထီၣ်အီၤဒ်တၢ်ကူတၢ်ကၤအသိးန့ၣ်လီၤ. အဝဲသ့ၣ်ကဘၣ်တၢ်လဲလိာ်ကွံာ်အီၤဒ် တၢ်ကူတၢ်ကၤအသိး ဘၣ်ဆၣ်ဒီးနဲနကမ့ၢ်တၢ်ဒ်လီၢ်လီၢ် ဒီးနနံၣ်နလါတဖၣ်အကတၢၢ်တအိၣ်ဘၣ်.”

ယၤကိာ် 4:14

သုတၢ်အိၣ်မူခဲမုၢ်ဆ့ၣ်ကမ့ၢ်တၢ်ဒ်လဲၣ်န့ၣ်, သုတသ့ၣ်ညါ ဒၣ်လဲာ်ဘၣ်. သုလီၤဂာ်ဒီးဘှ့ၣ်လၢအအိၣ်ဖျါတစိၢ်ဖိဝံၤ, လၢခံက့ၤလီၤမၢ်ကွံာ်ဝဲဒၣ်န့ၣ်လီၤ.