လံာ်ယၡါယၤ 37:38 - Sgaw Karen Common Bible

³⁸ ဘၣ်တနံၤဖဲအဝဲဘူၣ်တၢ်ဘါတၢ်လၢအကစၢ်နံးစရိးအတၢ် လုၢ်ဟံၣ်ပူၤအဖၢမုၢ်ဒီးအဖိခွါခံဂၤလၢအမ့ၢ်ဝဲစီၤအဒြၤမ့ၤလးဒီးစီၤ ၡၢ်အ့စ့ၢ်, မၤသံကွံာ်အီၤလၢအဝဲသ့ၣ်အနးတဖၣ်, ဒီးဃ့ၢ်ပူၤဖျဲးကွံာ်ဆူ ကီၢ်အရၤရးန့ၣ်လီၤ. အဖိခွါအဂၤတဂၤလၢအမ့ၢ်ဝဲစီၤအ့ၤစၢ်ဃးဒိၣ် ကဲထီၣ်စီၤပၤဖးဒိၣ်လၢအလီၢ်န့ၣ်လီၤ.

လံာ်ယၡါယၤ 37:38 Iomraidhean Croise

လံာ်တၢ်ကဲထီၣ်အခီၣ်ထံး 8:4

ဒီးလၢလါနွံလါတလါ, ထီၣ်တဆံနွံသီတသီအနံၤန့ၣ်ကဘီအိၣ် ထီၣ်ထီတ့ၢ်လၢကစၢၢ်အရၤရးအလူၢ်အလိၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 32:14

ကယဲၢ်ထံကီၢ်တဖၣ်န့ၣ်အကစၢ်တဖၣ်အကျါတဂၤဂၤမၤပူၤဖျဲးတ့ၢ်အထံ အကီၢ်လၢပစုပူၤအခါဖဲလဲၣ်. မ့မ့ၢ်ဒ်န့ၣ်အဃိ, တၢ်လၢအဒုးဆိကမိၣ်သုလၢသုကစၢ်ကမၤပူၤဖျဲးသုန့ၣ်မ့ၢ်မနုၤလဲၣ်.

လံာ်ကွဲးနီၣ်တၢ်ခံဘ့ၣ်တဘ့ၣ် 32:19

အဝဲသ့ၣ်ကတိၤတၢ်ဘၣ်ဃးဒီးဝ့ၢ်ယရူၤၡလ့ၣ်အကစၢ်ယွၤအဂ့ၢ်, တမံၤဃီဒ်အဝဲသ့ၣ်ကတိၤတၢ်ဘၣ်ဃးဒီးပှၤဂီၢ်မုၢ်အဂၤတဖၣ်အကစၢ် တဖၣ်လၢအမ့ၢ်တၢ်ဂီၤတၢ်ဖီၣ်တဖၣ်လၢအဘၣ်တၢ်မၤအီၤလၢပှၤ ကညီအစုတဖၣ်အသိးန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 32:21

ယွၤဆှၢလီၤအကလူးတဂၤလၢအမၤသံကွံာ်ကီၢ်အၤၡူၢ်အသုးဖိ တဖၣ်ဒီးအသုးခိၣ်သုးနၢ်တဖၣ်န့ၣ်လီၤ. လၢတၢ်န့ၣ်အဃိကီၢ်အၤၡူၢ်အစီၤပၤဖးဒိၣ်က့ၤကဒါက့ၤဆူ ကီၢ်အၤၡူၢ်လၢတၢ်မဲာ်ဆှးအပူၤန့ၣ်လီၤ. ဘၣ်မုၢ်တနံၤဖဲ အဝဲအိၣ်လၢအကစၢ်အတၢ်လုၢ်ဟံၣ်အပူၤအခါန့ၣ်, အဝဲအဖိခွါတနီၤမၤသံကွံာ်အီၤလၢအဝဲသ့ၣ်အနးတဖၣ်န့ၣ်လီၤ.

လံာ်စီၤဧ့စြၤ 4:2

လၢတၢ်န့ၣ်အဃိအဝဲသ့ၣ်လဲၤထံၣ်စီၤစရူၤဘၤဘ့လးဒီးဒူၣ်ထၢ အခိၣ်တဖၣ်ဒီးစံးဝဲ, “ပျဲပပာ်ဖှိၣ်ဃုာ်ပသးဒီးသုလၢတၢ်သူၣ်ထီၣ်တၢ်လုၢ်ဟံၣ်န့ၣ်တ က့ၢ်. ပဘူၣ်ထီၣ်ဘါထီၣ်ကစၢ်ယွၤတဂၤဃီ လၢသုဘူၣ်ထီၣ်ဘါထီၣ်အီၤ, ဒီးပလုၢ်ထီၣ်တ့ၢ်လံတၢ်လုၢ်တၢ်ပာ် တဖၣ်ဆူအီၤစးထီၣ်တ့ၢ်လံလၢကီၢ်အၤၡူၢ်အစီၤပၤဖးဒိၣ်စီၤ အ့ၤစၢ်ဃးဒိၣ်ဆှၢလီၤပှၤလၢပကအိၣ်ကဆိးဖဲအံၤလံၤလံၤန့ၣ် လီၤ.”

လံာ်ယၡါယၤ 14:12

ဘၤဘူၤလိၣ်အစီၤပၤ, ဆၣ်တူၢ်ဂီၤကပြုၢ်ကပြီၤဧၢ, နလီၤ တဲာ်ကွံာ်လၢမူခိၣ်လံ. လၢအပူၤကွံာ်န့ၣ်, နမၤန့ၢ်မၤနၢၤပှၤကလုာ်တဖၣ် ဘၣ်ဆၣ်ဒီး, ခဲအံၤနဘၣ်တၢ်ကွံာ်လီၤနၤဆူဟီၣ်ခိၣ်လိၤလံ.

လံာ်ယၡါယၤ 14:9

တၢ်သံအကီၢ်အိၣ်ကတဲာ်ကတီၤအသးလၢကတူၢ်လိာ်မုာ်ကီၢ် ဘၤဘူၤလိၣ်အစီၤပၤအဂီၢ်လီၤ. ပှၤတဖၣ်လၢအစိကမီၤ ဒိၣ်တ့ၢ်လၢဟီၣ်ခိၣ်ချၢအံၤအတဃၣ်တဖၣ်ဂဲၤဂီၤအသးဖဲအံၤ ဖဲနုၤန့ၣ်လီၤ. စီၤပၤတဖၣ်အတဃၣ်ဂဲၤဆၢ ထၢၣ်လၢအလီၢ်ပစိာ်တဖၣ်အဖီခိၣ်လီၤ.

လံာ်ယၡါယၤ 36:15

ဒီးပျဲအကတိၤလွဲန့ၢ်သုလၢသုကသန့ၤသုသးလၢယွၤန့ၣ်တဂ့ၤ. ဆိကမိၣ်လၢယွၤကအုၣ်က့ၤခီၣ်က့ၤသုဒီးကဆိကတီၢ်ပကီၢ် အၤၡူၢ်အသုးမုၢ်လၢကမၤန့ၢ်သုဝ့ၢ်အဂီၢ်တဂ့ၤ.

လံာ်ယၡါယၤ 36:18

ပျဲစီၤပၤဃံးစကံယၤလွဲန့ၢ်သုဆူတၢ်ဆိကမိၣ်လၢယွၤကမၤ ပူၤဖျဲးသုန့ၣ်တဂ့ၤ. ပှၤကလုာ်အဂၤအကစၢ်တဖၣ်မ့ၢ်အမၤပူၤဖျဲးတ့ၢ်အထံအကီၢ် တဖၣ်လၢကီၢ်အၤၡူၢ်အစီၤပၤဖးဒိၣ်အစုပူၤန့ၣ်ဧါ.

လံာ်ယၡါယၤ 37:10

ဒီးစံးဘၣ်အီၤ, “ကစၢ်လၢသုပာ်သုတၢ်နာ်လၢအပူၤန့ၣ်စံးဘၣ် တ့ၢ်သုလၢတၢ်တဟ့ၣ်လီၤသုလၢပစုပူၤဘၣ်န့ၣ်, နာ်အီၤတဂ့ၤ.

လံာ်ယၡါယၤ 37:7

ယွၤကပျဲစီၤပၤဖးဒိၣ်နၢ်ဟူဘၣ်တၢ်ကစီၣ်ပစိၣ်ပစ့လၢကဒုးက့ၤ အီၤဆူအထံအကီၢ်ဒၣ်ဝဲ, ဒီးယွၤကပျဲအဝဲကဘၣ်တၢ်မၤသံ အီၤဖဲန့ၣ် န့ၣ်လီၤ.”

လံာ်ယံးရမံယၤ 51:27

ဟ့ၣ်တၢ်ပနီၣ်လၢ တၢ်ကထီၣ်ဒုးတၢ်အဂီၢ်တက့ၢ်. အူထီၣ်ကွဲၤဒ်သိး ပှၤကလုာ်တဖၣ်နၢ်ဟူဝဲကသ့အဂီၢ်တက့ၢ်. ကတဲာ်ကတီၤပှၤကလုာ်တဖၣ်လၢ တၢ်ဒုးတၢ်ထီဒါ ကီၢ်ဘၤဘူၤလိၣ်အဂီၢ်တက့ၢ်. တဲဘၣ်ဘီဧိၤမုၢ်ဧိၤတဖၣ်လၢအမ့ၢ် ဝဲအရၤရး, မံးနံး, ဒီးအၤၡကံနးလၢ ကလဲၤထီၣ်ဒုးတၢ်အဂီၢ်တ က့ၢ်. ဃုထၢပာ်လီၤသုးခိၣ်တဂၤလၢ ကဆှၢတၢ်လၢတၢ်ဒုး အဂီၢ်တက့ၢ်. ဒုးဟဲထီၣ်ကသ့ၣ်တဖၣ်ဒ်ဒွဲၣ်အဖုအဂီၢ်အသိးန့ၣ်တက့ၢ်.