လံာ်ယၡါယၤ 37:31 - Sgaw Karen Common Bible

³¹ ပှၤလၢအအိၣ်မူတ့ၢ်ဒံးဝဲလၢကီၢ်ယူဒၤအပူၤတဖၣ်န့ၣ်ကဘီၣ်ထီၣ် ညီထီၣ်ဝဲဒ်တၢ်မုၢ်တၢ်ဘိတဖၣ်လၢအစဲၤလီၤအဂံၢ်ယိာ်ယိာ်ဆူ ဟီၣ်ခိၣ်လာ်ဒီးဟ့ၣ်ထီၣ်တၤသၣ်အသိးန့ၣ်လီၤ.

လံာ်ယၡါယၤ 37:31 Iomraidhean Croise

စံးထီၣ်ပတြၢၤ 80:9

နမၤပျီတၢ်လီၢ်လၢအဂီၢ်, ဒီးစဲၤလီၤဝဲအဂံၢ်, ဒီးမၤပှဲၤထံဧိၤကီၢ်ဧိၤလီၤ.

စံးထီၣ်ပတြၢၤ 92:14

လၢအသၣ်ထီၣ်တုၤလီၤလၢ အသးပှၢ်အကတီၢ်ဒၣ်လဲာ်, ဒီးလါဟ့ဒီးသံကစဲာ်ဝဲထီဘိန့ၣ်လီၤ.

လံာ်ယၡါယၤ 1:9

ယွၤသ့တၢ်လၢာ်တဂၤမ့ၢ်တပျဲပှၤမူတ့ၢ်တနီၤဘၣ်ဒီး, ဝ့ၢ်ယရူၤၡလ့ၣ်ကဘၣ်တၢ်မၤဟးဂီၤတ့ၢ်အီၤလၢာ်လၢာ်ဆ့ ဆ့ဒ်ပှၤအိၣ်လၢဝ့ၢ်စဒိၣ်ဒီးဂမိရၤတဖၣ်အသိးန့ၣ်လီၤ.

လံာ်ယၡါယၤ 11:11

ဖဲမုၢ်နံၤန့ၣ်ဟဲတုၤဝဲဒီး, ယွၤကသူကဒီးအစိကမီၤတဘျီ ဒီးဟဲက့ၤစိာ်က့ၤအပှၤဂီၢ်မုၢ်ဆူဟံၣ်အပှၤဂီၢ်မုၢ်လၢအအိၣ် လီၤတဲာ်လၢကီၢ်အၤၡူၢ်ဒီးကီၢ်အဲၤကူပတူးကလံၤထံး, ဒီးလၢကီၢ်အဲၤကူပတူးကလံၤစိးပၤသြိၣ်, ကီၢ်ကူၤၡး, ကီၢ်အံၣ်ရး, ကီၢ်ဘၤဘူလိၣ်, ကီၢ်ဆၣ်ဃမါသး, ဒီးလၢပီၣ်လဲၣ်ကၢၢ် နံၤတဖၣ်ဒီးလၢပီၣ်လဲၣ်အကီးတဖၣ်အပူၤန့ၣ်လီၤ.

လံာ်ယၡါယၤ 27:6

မုၢ်နံၤတဖၣ်လၢအကဟဲအပူၤန့ၣ်, ကီၢ်အံၣ်စရ့လးအပှၤဂီၢ်မုၢ် လၢအဟဲလီၤစၢၤလၢစီၤယၤကိာ်, ကစဲၤလီၤအဂံၢ်ဒ်သ့ၣ်တထံး အသိးဒီးအဝဲသ့ၣ်ကဘိၣ်ထီၣ်ဆှိးထီၣ်ဒီးဟီၣ်ခိၣ်ကပှဲၤဒီးတၤ သၣ်လၢအဟ့ၣ်ထီၣ်ဝဲလီၤ.

လံာ်ယၡါယၤ 37:4

ကီၢ်အၤၡူၢ်အစီၤပၤဖးဒိၣ်ဆှၢလီၤအသုးခိၣ်လၢကဒုၣ်ဒွဲၣ်ကစၢ် ယွၤလၢအမူဝဲတဂၤလီၤ. မ်ယွၤနကစၢ်ယွၤနၢ်ဟူတၢ်ဒုၣ်ဒွဲၣ်တဖၣ်အံၤဒီးစံၣ်ညီၣ်ပှၤ တဖၣ်လၢအစံးကတိၤတၢ်အံၤန့ၣ်တက့ၢ်. လၢတၢ်န့ၣ်အဃိ, ဃ့ထုကဖၣ်တၢ်ဆူကစၢ်ယွၤလၢပှၤလၢအိၣ်မူတ့ၢ်တဖၣ်အဂီၢ် တက့ၢ်.”

လံာ်ယၡါယၤ 4:2

တၢ်ဆၢကတီၢ်ဟဲဝဲဖဲယွၤကပျဲတၢ်မုၢ်တၢ်ဘိဒီးသ့ၣ်ကိးထံးဒဲး လၢကီၢ်ပူၤကဒိၣ်ထီၣ်ဒီးဃံလၤဝဲလီၤ. ကယဲၢ်ပှၤအံၣ်စရ့လးဖိခဲလၢာ်လၢအမူဒံးတဖၣ်ကသူၣ်မုာ်သးခုဝဲ ဒီးပာ်ကဖၢလၢအသးလၢဟီၣ်ခိၣ်ဟ့ၣ်ထီၣ်ဝဲအတၤသူတၤသၣ် တဖၣ်အဃိလီၤ.

လံာ်ယၡါယၤ 6:13

လၢပှၤအဂၤတဆံအကျါပှၤမ့ၢ်အိၣ်လီၤတဲာ်တ့ၢ်ထဲတဂၤဧိၤ လၢထံကီၢ်အံၤအပူၤဒၣ်လဲာ်, အဝဲစ့ၢ်ကီးကဘၣ်တၢ်မၤဟးဂီၤ ကွံာ်အီၤလီၤ. အဝဲကလီၤဂာ်ဒ်သ့ထိးဖၣ်အခိၣ် ဆၢၣ်လၢအအိၣ်လီၤတဲာ်ဖဲတၢ်ကူၢ်လီၤအီၤဝံၤအလီၢ်ခံလီၤ.” (သ့ၣ်ခိၣ်ဆၢၣ်မ့ၢ်တၢ်ဒိလီၤတၢ်စးထီၣ်အသီတမံၤလၢယွၤ အပှၤဂီၢ်မုၢ်အဂီၢ်န့ၣ်လီၤ.)

လံာ်ယၡါယၤ 65:9

ယကဆိၣ်ဂ့ၤပှၤအံၣ်စရ့လးဖိတဖၣ်လၢအဘၣ်ဃးဒီးယူဒၤ အဒူၣ်, ဒီးအဝဲသ့ၣ်အစၢၤအသွဲၣ်တဖၣ်ကန့ၢ်သါဘၣ် ယကီၢ်လၢအပှဲၤဒီးကစၢၢ်ကလိတဖၣ်လီၤ. ယပှၤဂီၢ်မုၢ်လၢယဃုထၢအီၤလၢအမၤယတၢ်ခ့တၢ်ပှၤ အတၢ်မၤတဖၣ်ကအိၣ်ကဆိးဖဲန့ၣ်န့ၣ်လီၤ.

လံာ်ယံးရမံယၤ 30:19

ပှၤဂီၢ်မုၢ်လၢ အအိၣ်ဆိးဝဲဖဲန့ၣ်, ကသးဝံၣ်စံးထီၣ်ပတြၢၤတၢ်, အဝဲသ့ၣ်ကကိးထီၣ်တၢ်လၢ တၢ်သးခုအပူၤန့ၣ်လီၤ. လၢယတၢ်ဆိၣ်ဂ့ၤအဃိန့ၣ်, အဝဲသ့ၣ်ကအါထီၣ်ဝဲလၢ အနီၣ်ဂံၢ်, ယတၢ်ဆိၣ်ဂ့ၤ ကဟဲစိာ်န့ၢ်အဝဲသ့ၣ်လၢ တၢ်လၤကပီၤ န့ၣ်လီၤ.

လံာ်ယံးရမံယၤ 31:7

ယွၤစံးဝဲဒၣ်, “သးဝံၣ်တၢ်လၢ တၢ်သးခုလၢ ကီၢ်အံၣ်စရ့လး, ပှၤအဒိၣ်ကတၢၢ် လၢပှၤကလုာ်တဖၣ် အဂီၢ်န့ၣ်တက့ၢ်. သးဝံၣ်သုတၢ်သးဝံၣ် စံးထီၣ်ပတြၢၤဒီးစံး, ‘ယွၤအုၣ်က့ၤခီၣ်က့ၤ အပှၤဂီၢ်မုၢ်လံ, အဝဲမၤပူၤဖျဲးလံ ပှၤလၢအအိၣ်လီၤတဲာ်ခဲလၢာ်လံ.’

လံာ်ယံးရမံယၤ 44:28

ဘၣ်ဆၣ်ဒီး သုဝဲစှၤဂၤကပူၤဖျဲးဒီး တၢ်သံဒီးဟဲက့ၤကဒါက့ၤ လၢ ကီၢ်အဲၤကူပတူးဆူ ကီၢ်ယူဒၤန့ၣ်လီၤ. အန့ၣ်တစု, ပှၤလၢအအိၣ်မူလီၤတဲာ်တဖၣ် ကသ့ၣ်ညါဝဲလၢ မတၤအတၢ်ကတိၤတဖၣ် လၢထီၣ်ပှဲၤထီၣ်လဲၣ်. ယၤဧါ, မ့တမ့ၢ်, အဝဲသ့ၣ်တဖၣ်ဧါ.

လံာ်ယဃ့းစက့လး 7:16

ပှၤတနီၤနီၤကဃ့ၢ်ပူၤဖျဲးဆူကစၢၢ်ကလိတဖၣ်, ဒ်ထိၣ်လွံၢ်တဖၣ်ဘၣ်တၢ်မၤပျံၤမၤဖုးထီၣ်ကွံာ်အီၤလၢတၢ်တြီၤ တဖၣ်အပူၤအသိးန့ၣ်လီၤ. အဝဲသ့ၣ်ခဲလၢာ်ကဟီၣ်ကယၢၤဝဲလၢအတၢ်ဒဲးဘးတဖၣ်အဃိန့ၣ်လီၤ.

ရိမ့ၤ 11:5

အဆၢကတီၢ်ခဲအံၤမ့ၢ်တၢ်ဒ်န့ၣ်အသိးစ့ၢ်ကီးလီၤ. ပှၤအိၣ်လီၤတဲာ်စှၤဂၤလၢကစၢ်ယွၤဃုထၢထီၣ်ဝဲခီဖျိ အဘျုးအဖှိၣ်ဒၣ်ဝဲန့ၣ်လီၤ.

ရိမ့ၤ 9:27

ဒီးဝံယၡါယၤကိးသတြီထီၣ်တၢ်ဘၣ်ဃးအံၣ်စရ့လးဒီး စံးဝဲ, “ပှၤအံၣ်စရ့လးဖိတဖၣ်မ့ၢ်အါဝဲဒ်မဲးလၢပီၣ်လဲၣ်နံၤ နာ်သက့, ကဘၣ်တၢ်အုၣ်က့ၤခီၣ်က့ၤအီၤထဲစှၤဂၤဧိၤန့ၣ်လီၤ.

ကလၤတံ 3:29

သုမ့ၢ်ဘၣ်ဃးဒီးခရံာ်ဒီး, သုမ့ၢ်စီၤအၤဘြၤဟၣ်အစၢၤအသွဲၣ်တဖၣ်ဒီးသုကဒိး န့ၢ်ဘၣ်တၢ်လၢကစၢ်ယွၤအၢၣ်လီၤတ့ၢ်န့ၣ်လီၤ.