လံာ်ယၡါယၤ 37:30 - Sgaw Karen Common Bible

³⁰ အန့ၣ်ဒီး, ဝံယၡါယၤစံးဘၣ်စီၤပၤဃံးစကံယၤ “အအံၤမ့ၢ်တၢ် ပနီၣ်တမံၤလၢအကမၤအသးန့ၣ်လီၤ. တနံၣ်အံၤဒီးခဲငါတနံၣ်န့ၣ်တၢ်ကအိၣ်ဒီးသုထဲဘုဧိၤဟုဧိၤ လၢအမဲထီၣ်ဒၣ်အတၢ်တဖၣ်လၢသုကအီၣ်အဂီၢ်လီၤ. ဘၣ်ဆၣ်ဒီးပိာ်ထွဲထီၣ်အခံလၢခံတနံၣ်န့ၣ်, သုကသူၣ်ဘၣ်ဒီးကူးဘၣ်ဘုဧိၤဟုဧိၤ, ဒီးသူၣ်လီၤစပံးမုၢ် တဖၣ်ဒီးအီၣ်ဘၣ်စပံးသၣ်တဖၣ်လီၤ.

လံာ်ယၡါယၤ 37:30 Iomraidhean Croise

လံာ်စီၤပၤခံဘ့ၣ်တဘ့ၣ် 19:29

ဝံၤဒီးစီၤယၡါယၤစံးဘၣ်စီၤပၤဃံးစကံယၤဒ်အံၤ, “အအံၤမ့ၢ်တၢ်ပနီၣ်တမံၤလၢကမၤအသးန့ၣ်လီၤ. တနံၣ်အံၤဒီးခဲကိာ်တနံၣ်သုကအီၣ်ဘၣ်ထဲဘုဧိၤဟုဧိၤလၢအမဲ ထီၣ်ဒၣ်တၢ်, မ့မ့ၢ်, နံၣ်လၢအကပိာ်ထွဲထီၣ်အခံတနံၣ်န့ၣ်သုသူၣ်လီၤသုဘု ဧိၤဟုဧိၤကသ့ဝဲဒီးကူးက့ၤအီၤ, ဒီးသူၣ်စပံးမုၢ်တဖၣ်ဒီးအီၣ်စပံးသၣ်တဖၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 20:9

စီၤယၡါယၤစံးဆၢဝဲဒၣ်, “ယွၤကစၢ်, ကဟ့ၣ်နၤတၢ်ပနီၣ်တမံၤ လၢကအုၣ်အသးလၢအဝဲကဟံးဃာ်အတၢ်အၢၣ်လီၤန့ၣ်လီၤ. ခဲအံၤ, မ့ၢ်နကအဲၣ်ဒိးလၢတၢ်ကဒုလၢမုၢ်အနၣ်ရံၣ်အလိၤကလဲၤဆူ ညါအတီၤတဆံဧါမ့တမ့ၢ်ကဘၣ်က့ၤကဒါက့ၤအတီၤတဆံဧါ.”

လံာ်တၢ်ဟးထီၣ်ကွံာ် 3:12

ဒီးကစၢ်ယွၤစံးဆၢအီၤ, “ယကအိၣ်ဒီးနၤလီၤ. ဒီးဖဲနထုးထီၣ်ကွံာ်ပှၤဂီၢ်မုၢ်လၢကီၢ်အဲၤကူပတူးအပူၤန့ၣ်, သုကဘူၣ်ထီၣ်ဘါထီၣ်ယၤဖဲကစၢၢ်အံၤအလိၤန့ၣ်လီၤ. တၢ်န့ၣ်ကမ့ၢ်တၢ်အုၣ်အသးလၢယမၢလီၤနၤန့ၣ်လီၤ.”

လံာ်ယၡါယၤ 38:7

ယွၤကဟ့ၣ်နၤတၢ်အုၣ်သးအပနီၣ်တမံၤလၢအဝဲကတီဒီးအတၢ် အၢၣ်လီၤန့ၣ်လီၤ.

လံာ်ယၡါယၤ 65:21

ပှၤဂီၢ်မုၢ်ကဘှီထီၣ်ဟံၣ်ဃီတဖၣ်ဒီးအကစၢ်ဒၣ်ဝဲကအိၣ်လၢ အပူၤ, ဟံၣ်ဃီတဖၣ်န့ၣ်တဘၣ်တၢ်သူအီၤလၢပှၤအဂၤတဖၣ်ဘၣ်. အဝဲသ့ၣ်ကသူၣ်လီၤဖျးလီၤစပံးလီၢ်တဖၣ်ဒီးမုာ်လၤသးခုလၢ အစပံးထံအပူၤ, ပှၤအဂၤတဖၣ်တအီဘၣ်စပံးထံန့ၣ်ဘၣ်.

လံာ်ယၡါယၤ 7:11

“ဃ့ယွၤနကစၢ်လၢကဟ့ၣ်နၤတၢ်ပနီၣ်တမံၤတက့ၢ်. မ့ၢ်တၢ်ဟဲထီၣ်လၢတၢ်ယိာ်ပူၤလၢပှၤသံတဖၣ်အကီၢ်ပူၤ, မ့တမ့ၢ်, တၢ်ဟဲလီၤလၢမူခိၣ်တၢ်လီၢ်ထီၣ်ထီမ့ၢ်ဂ့ၤ, သ့ဝဲန့ၣ်လီၤ.”

လံာ်ယၡါယၤ 7:14

ဂ့ၤလံ. ယွၤအကစၢ်ဒၣ်ဝဲကဟ့ၣ်သုတၢ်ပနီၣ်တမံၤလီၤ. ပိာ်မုၣ်သးစၢ်တဂၤလၢအဒၢထီၣ်ဝဲန့ၣ်ကအိၣ်ဒီးအဖိခွါတဂၤ ဒီးကယုၢ်န့ၢ်အမံၤဝဲလၢ “ဧံးမၤနူၤအ့လး” လီၤ.

လံာ်တၢ်ဘူၣ်ထီၣ်ဘါထီၣ် 25:11

သုတဘၣ်သူၣ်လီၤဖျးလီၤတၢ်လၢသုစံာ်ပျီတဖၣ်အပူၤဘၣ်, သုတဘၣ်ကူးက့ၤတၢ်လၢအမဲထီၣ်သၣ်ထီၣ်အတၢ်ဒၣ်ဝဲဘၣ်, ဒီးသုတဘၣ်ထၢဖှိၣ်စပံးသၣ်တဖၣ်လၢစပံး အလီၢ်လၢအတဘၣ်တၢ်ပဲာ်ဟိကဆှီထီၣ်အီၤတဖၣ်အပူၤန့ၣ်ဘၣ်.