လံာ်ယၡါယၤ 37:3 - Sgaw Karen Common Bible

³ အအံၤမ့ၢ်တၢ်ကစီၣ်လၢအဝဲစံးဘၣ်တ့ၢ်အဝဲသ့ၣ်လၢကလဲၤဟ့ၣ်ဝံ ယၡါယၤအဂီၢ်လီၤ. “မုၢ်တနံၤအံၤမ့ၢ်တၢ်နးတၢ်ဖှီၣ်အမုၢ်တနံၤလီၤ. ပဘၣ်တၢ်စံၣ်ညီၣ်တ့ၢ်ပှၤဒီးပဘၣ်တၢ်မၤမဲာ်ဆှးပှၤလီၤ. ပလီၤဂာ်ဒီးပိာ်မုၣ်တဂၤလၢအိၣ်ကတဲာ်ကတီၤအသးလၢကဆံးစၢ် အဖိ, ဘၣ်ဆၣ်အဂံၢ်အဘါစၢ်ကဲၣ်ဆိးလၢကမၤဝဲအဂီၢ်န့ၣ်လီၤ.

လံာ်ယၡါယၤ 37:3 Iomraidhean Croise

လံာ်စီၤပၤခံဘ့ၣ်တဘ့ၣ် 19:3

အအံၤမ့ၢ်တၢ်ကစီၣ်လၢအဝဲသ့ၣ်ကဘၣ်တဲဘၣ်ဝံယၡါယၤန့ၣ်လီၤ. “တနံၤအံၤမ့ၢ်တၢ်နးတၢ်ဖှီၣ်အမုၢ်တနံၤန့ၣ်လီၤ. ပဘၣ်တၢ်စံၣ်ညီၣ်ပှၤဒီးပအိၣ်လၢတၢ်မဲာ်ဆှးအပူၤလီၤ. ပလီၤဂာ်ဒ်ပိာ်မုၣ်တဂၤလၢဆံးစၢ်ထီၣ်အဖိအကတီၢ်ဘၣ်လံ ဘၣ်ဆၣ်ဒီး, အဂံၢ်အဘါစၢ်ကဲာ်ဆိးလၢကဆံးစၢ်ဝဲအဂီၢ်အသိးန့ၣ် လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 15:4

ဘၣ်ဆၣ်တုၤတၢ်ကိၢ်တၢ်ဂီၤဟဲဝဲန့ၣ်, အဝဲသ့ၣ်ဃၣ်က့ၤအသးဆူ ယွၤ, အံၣ်စရ့လးအကစၢ်ယွၤအအိၣ်န့ၣ်လီၤ. အဝဲသ့ၣ်ဃုအီၤဒီးထံၣ်န့ၢ်အီၤလီၤ.

စံးထီၣ်ပတြၢၤ 50:15

လၢတၢ်ကိၢ်တၢ်ဂီၤအမုၢ်တနံၤန့ၣ်ကိးထီၣ်ယၤတက့ၢ်. ယကမၤပူၤဖျဲးနၤ ဒီးနကမၤလၤကပီၤယၤလီၤ.

စံးထီၣ်ပတြၢၤ 91:15

တုၤအကိးထီၣ်ယၤန့ၣ်ယကစံးဆၢအီၤ, ယကအိၣ်ဒီးအီၤလၢတၢ်ကိၢ်တၢ်ဂီၤအပူၤ, ယကမၤပူၤမၤဖျဲးအီၤဒီးမၤလၤကပီၤအီၤလီၤ.

စံးထီၣ်ပတြၢၤ 95:8

“မၤကိၤထီၣ်သုသးတဖၣ်ဒ်သိး သုမိၢ်ပၢ်ဖံဖုလၢပျၢၤဖဲမရံၤဘါ, ဒ်မုၢ်တနံၤဖဲအဝဲသ့ၣ်အိၣ်လၢ ပှၢ်မုၢ်ကနၢမၤစၤအခါအသိးန့ၣ်တဂ့ၤ.

လံာ်ယၡါယၤ 22:5

အအံၤမ့ၢ်တၢ်ဆၢကတီၢ်တခါလၢတၢ်ပျံၤတၢ်ဖုး, တၢ်ဃၣ်ကွံာ်, ဒီးတၢ်သဘံၣ်ဘုၣ်မၤအသး လၢတၢ်ထံၣ်လၢညါခီအကစၢၢ်ကဆူးအပူၤ, ဒီးယွၤစိဒိၣ်ကမီၤထီ, သ့တၢ်လၢာ်ကစၢ်ဆှၢ လီၤတ့ၢ်အီၤလၢပဖီခိၣ်န့ၣ်လီၤ. ပဝ့ၢ်အခိၣ်ဒူတဖၣ်ဘၣ်တၢ်တီၢ် လီၤပှီၢ်ကွံာ်အီၤ, ဒီးတၢ်ကိးထီၣ်လၢတၢ်မၤစၢၤအဂီၢ်သီၣ် ကဒါက့ၤလၢကစၢၢ်တဖၣ်အကျါန့ၣ်လီၤ.

လံာ်ယၡါယၤ 25:8

ယွၤလၢအပၢဘၣ်တၢ်ခဲလၢာ်ကမၤဟးဂီၤကွံာ်တၢ်သံလီၤထူ လီၤယိာ်လီၤ. အဝဲကထွါကွံာ်မဲာ်ထံတဖၣ်လၢပှၤကိးဂၤ ဒဲးအမဲာ်ချံဒီးစိာ်ကွံာ်တၢ်မဲာ်ဆှးလၢအပှၤဂီၢ်မုၢ်ဘၣ်တူၢ်တ့ၢ် ဝဲလၢဟီၣ်ခိၣ်ဒီဘ့ၣ်ညါန့ၣ်လီၤ. ယွၤအကစၢ်ဒၣ်ဝဲကတိၤတ့ၢ်တၢ်လီၤ.

လံာ်ယၡါယၤ 26:16

နစံၣ်ညီၣ်နပှၤဂီၢ်မုၢ်, ယွၤဧၢ, ဒီးလၢတၢ်သးကိၢ်သးဂီၤအပူၤ အဝဲသ့ၣ်ဘါထုကဖၣ်တၢ်ဆူနအိၣ်လီၤ.

လံာ်ယၡါယၤ 29:2

အန့ၣ်ဒီး, ကစၢ်ယွၤကဆှၢလီၤတၢ်တတၢးတနါလၢဝ့ၢ်လၢ အဘၣ်တၢ်ကိးတ့ၢ်အီၤလၢ “အရံၤအ့လး’ အခီပညီ “ကစၢ်ယွၤအတၢ်လုၢ်လီၢ်” အဖီခိၣ်န့ၣ်လီၤ. တၢ်ဟီၣ်တၢ် ယၢၤဒီးတၢ်မဲာ်ထံမဲာ်နိကအိၣ်ဝဲ, ဒီးဝ့ၢ်ဒီဝ့ၢ်န့ၣ်ကလီၤဂာ်ဒီးတၢ် လုၢ်လီၢ်တတီၤလၢတၢ်သွံၣ်ကးဘၢကွံာ်အီၤန့ၣ်လီၤ.

လံာ်ယၡါယၤ 33:2

ယွၤဧၢ, သူၣ်ကညီၤသးကညီၤလၢ်ပှၤတက့ၢ်. ပပာ်ပတၢ်မုၢ်လၢ်လၢနပူၤလီၤ. ကဟုကယာ်ပှၤတနံၤဘၣ် တနံၤဒီးအုၣ်က့ၤခီၣ်က့ၤပှၤလၢတၢ်ကိၢ်တၢ်ဂီၤအဆၢကတီၢ် တဖၣ်န့ၣ်တက့ၢ်.

လံာ်ယၡါယၤ 66:7

ယဝ့ၢ်စီဆှံအံၤလီၤဂာ်ဒီးပိာ်မုၣ်တဂၤလၢအဆံးစၢ်ထီၣ်ဖိသၣ် တဂၤသတူၢ်ကလာ်တအိၣ်ဒီးတၢ်လဲၤခီဖျိတၢ်ဟုးဆါဘၣ် န့ၣ်လီၤ.

လံာ်ယၡါယၤ 66:9

ဆိကမိၣ်လၢယကဟဲစိာ်ယပှၤဂီၢ်မုၢ်ဆူတၢ်အိၣ်ဖျဲၣ်ဘူးထီၣ် အဆၢကတီၢ်, ဒီးတပျဲအအိၣ်ဖျဲၣ်ထီၣ်ဘၣ်န့ၣ်တဂ့ၤ.” ယွၤကတိၤတ့ၢ်လံတၢ်လံ.

လံာ်ယံးရမံယၤ 30:7

တၢ်လီၤပျံၤလီၤဖုးအမုၢ်တနံၤဟဲဝဲလံ. မုၢ်နံၤအဂၤတၢ်ထိၣ်သတြီဒီး အီၤတသ့ဘၣ်. မ့ၢ်တၢ်ဆၢကတီၢ်အကိၢ်အဂီၤလၢ ယပှၤဂီၢ်မုၢ်အဂီၢ်လီၤ. ဘၣ်ဆၣ် အဝဲသ့ၣ်ကအိၣ်မူလီၤတဲာ်ဒံးဝဲလီၤ.”

လံာ်ဟိၤၡ့ 13:13

ကီၢ်အံၣ်စရ့လးအိၣ်ဒီးတၢ်အခွဲးအယာ်တမံၤလၢ ကအိၣ်မူဝဲဘၣ်ဆၣ်အသးတဆးမးလၢကဟံးဃာ်အီၤအဂီၢ်, လီၤဂာ်ဒ်ဖိသၣ်တဂၤအသိးလၢကအိၣ်ဖျဲၣ်ထီၣ်, ဒီးဂ့ၢ်လိာ်လၢကဟးထီၣ်လၢအမိၢ်အဒၢလီၢ်ပူၤန့ၣ်လီၤ.

လံာ်ဟိၤၡ့ 5:15

ယကဟးသဒၣ်ကွံာ်ယပှၤဂီၢ်မုၢ်တုၤဒၣ်လၢအဝဲသ့ၣ်တူၢ်ဘၣ် တၢ်နးတၢ်ဖှီၣ်ကလၢဝဲလၢအတၢ်ဒဲးဘးတဖၣ်အဂီၢ်ဒီးဟဲ ဃုက့ၤယၤတစုန့ၣ်လီၤ. ဘၣ်သ့ၣ်သ့ၣ်လၢအဝဲသ့ၣ် အတၢ်နးတၢ်ဖှီၣ်အပူၤန့ၣ်, အဝဲသ့ၣ်ကဂုာ်ကျဲးစၢးဃုထံၣ်ယၤန့ၣ်လီၤ.

လံာ်ဟိၤၡ့ 5:9

တၢ်စံၣ်ညီၣ်အမုၢ်တနံၤန့ၣ်ဟဲဝဲလံ, ဒီးကီၢ်အံၣ်စရ့လးကဘၣ်တၢ် မၤဟးဂီၤအီၤလီၤ. ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, တၢ်အံၤကမၤအသးသပှၢ်တၢၢ်လီၤ.

လံာ်လီၣ်ဖျါ 3:19

ပှၤလၢယအဲၣ်န့ၣ်, ယသိၣ်ဃီၣ်သီဃီၣ်, ဒီးစံၣ်ညီၣ်အီၤကိးဂၤဒဲးလီၤ. လၢတၢ်န့ၣ်အဃိ, ပာ်နသးသပှၢ်ပှၢ်, ဒီးဃၣ်ကွံာ်လၢနတၢ်ဒဲးတူာ်ဒဲးဘးတဖၣ်န့ၣ်တက့ၢ်.