လံာ်ယၡါယၤ 37:25 - Sgaw Karen Common Bible

²⁵ နကတိၤဒိၣ်လီၤနသးလၢနခူၣ်ထံပူၤတဖၣ်ဒီးအီထံလၢထံဂုၤကီၢ် ဂၤတဖၣ်အပူၤ, ဒီးနပှၤသုးဖိတဖၣ်အခီၣ်ယီၢ်တံၢ်လီၤသံးကွံာ်ထံကျိ နံၤလါလီၤ.

လံာ်ယၡါယၤ 37:25 Iomraidhean Croise

လံာ်စီၤပၤအခီၣ်ထံးတဘ့ၣ် 20:10

လၢစီၤပၤဘ့ၣ်ဟဒးအအိၣ်စံးဝဲ, “ယကဟဲကိးပှၤလၢလၢလီၣ်လီၣ် လၢကမၤဟးဂီၤသုဝ့ၢ်အံၤတုၤအစိာ်ထီၣ်ကွံာ်ဒၣ်လဲာ်လၢၢ်အက့ အခီတဖၣ်လၢအစုပူၤန့ၣ်လီၤ. ယမ့ၢ်တမၤဒ်န့ၣ်ဘၣ်ဒီးမ်ကစၢ်တဖၣ်တီၢ်ယၤလၢတၢ်သံတက့ၢ်.”

လံာ်ယၡါယၤ 10:13

ကီၢ်အၤၡူၢ်အစီၤပၤဖးဒိၣ်ကတိၤဒိၣ်ကတိၤသွါတၢ်ဒီးစံးဝဲ, “ယမၤတ့ၢ်တၢ်ခဲလၢာ်န့ၣ်လၢယကစၢ်ဒၣ်ယဲလီၤ. ယဂံၢ်ဆူၣ်ဘါဆူၣ်, ယကူၣ်တၢ်သ့ဒီးယသ့ယဘၣ်လီၤ. ယတြူာ်ကွံာ်ထံဆၢကီၢ်ဆၢတဖၣ်လၢပှၤကလုာ်တကလုာ်ဒီး တကလုာ်အဘၢၣ်စၢၤ, ဒီးဟံးန့ၢ်တၢ်လုၢ်ဒိၣ်ပှ့ၤဒိၣ်လၢအပာ် ဖှိၣ်ပာ်တံၤဝဲတဖၣ်လီၤ. ဒ်ဂီၤဖံးဖါတဒုအသိး, ယယီၢ်တံၢ်ပှၤ တဖၣ်လၢအအိၣ်ဖဲန့ၣ်န့ၣ်လီၤ.

လံာ်ယၡါယၤ 10:14

ဟီၣ်ခိၣ်အပှၤကလုာ်တဖၣ်လီၤဂာ်ဒ်ထိၣ်တဘ့ၣ်အသွံအသိး, ဒီးယထၢဖှိၣ်အတၢ်ထူးတၢ်တီၤညီကဒၣ်ဖိဒ်တၢ်ထၢဖှိၣ်ထိၣ် အဒံၣ်တဖၣ်အသိးလီၤ. ထိၣ်အဒံးတခီတတပျုာ်အသး လၢကမၤပျံၤမၤဖုးကွံာ်ယၤအဂီၢ်ဘၣ်. ထိၣ်အနိးတအိးထီၣ် အသးနီတဘီလၢကကဲးကလူကဲးကလီထီဒါယၤဘၣ်.”

လံာ်ယၡါယၤ 19:5

လၢထံကျိနံၤလါအပူၤထံကစှၤလီၤဝဲ, ဒီးထံကျိန့ၣ်ကလီၤ သံးကွံာ်ဝဲကယီကယီလီၤ.

လံာ်ယၡါယၤ 19:6

ထံကျိအကျိၤတဖၣ်ကနၢအုၣ်နၢပူးဝဲဖဲထံလီၤသံးကွံာ်ဝဲပှီၢ်ပှီၢ် န့ၣ်လီၤ. ဆှဲဒီးတပိၢ်တဖၣ်ကဃ့ထီကွံာ်ဝဲလီၤ.

လံာ်ယၡါယၤ 36:12

အဝဲစံးဆၢတၢ်ဒီးစံးဝဲ, “သုဆိကမိၣ်လၢယစီၤပၤဖးဒိၣ်မၢ လီၤယၤလၢယကစံးဘၣ်တဲဘၣ်တၢ်သ့ၣ်တဖၣ်အံၤထဲဒၣ်လၢသုဝဲဒီး သုစီၤပၤအဂီၢ်ဧိၤန့ၣ်ဧါ. တမ့ၢ်ဘၣ်. ယကတိၤစ့ၢ်ကီးတၢ်ဆူပှၤဂီၢ်မုၢ်လၢအဆ့ၣ်နီၤလၢဝ့ၢ် ခိၣ်ဒူအဖီခိၣ်လၢအကဘၣ်အီၣ်အအ့ၣ်ဒၣ်ဝဲဒီးအီအဆံၣ်ထံဒၣ်ဝဲ, ဒ်သုကဘၣ်မၤအီၤအသိးအဂီၢ်န့ၣ်လီၤ.”

လံာ်သိၣ်လီၤသီလီၤတၢ် 11:10

ကီၢ်လၢသုကလဲၤမၤန့ၢ်အီၤန့ၣ်, တဒ်သိးဘၣ်ကီၢ်အဲၤကူပတူးဖဲ သုအိၣ်ဆိးတ့ၢ်လၢညါန့ၣ်ဘၣ်. လၢကီၢ်အဲၤကူပတူးန့ၣ်, တုၤသုဖှံလီၤတၢ်ချံဒီးသုကဘၣ်မၤ တၢ်ဆူၣ်ဆူၣ်လၢသုကမၤဘၣ်စီၣ်စံာ်ပျီတဖၣ်အဂီၢ်န့ၣ်လီၤ.