လံာ်ယၡါယၤ 37:24 - Sgaw Karen Common Bible

²⁴ နမၢလီၤနခ့နပှၤတဖၣ်လၢက, ကတိၤဒိၣ်အကိာ်လၢယမဲာ်ညါဒီးစံးဝဲ လၢနမၤန့ၢ်မၤနၢၤကစၢၢ်အထီကတၢၢ်တဖၣ်လၢကီၢ်လဘၤနိၣ်အပူၤန့ၣ် လၢနလ့ၣ်ကဟၣ်ခဲလၢာ်န့ၣ်လီၤ. နကတိၤဒိၣ်လီၤနသးလၢ, ဖဲန့ၣ်, နကူာ်လီၤကွံာ်သ့ၣ်ဆှိအ့ရ့းအထီကတၢၢ်တဖၣ်ဒီးသ့ၣ်ဆှိအဂ့ၤ ကတၢၢ်တဖၣ်, ဒီးနလဲၤတုၤတ့ၢ်လံလၢသ့ၣ်ဒိၣ်ပှၢ်တီၢ်အယိာ် ကတၢၢ်တတီၤလံန့ၣ်လီၤ.

လံာ်ယၡါယၤ 37:24 Iomraidhean Croise

စံးထီၣ်ပတြၢၤ 20:7

ပှၤတနီၤပာ်ကဖၢလၢအသးလၢ အလ့ၣ်ကဟၣ်ဒုးသုးတဖၣ်အပူၤ ဒီးတနီၤလၢအကသ့ၣ်တဖၣ်အဃိ, ဘၣ်ဆၣ်ပပာ်ကဖၢလၢပသးလၢ ယွၤပကစၢ်ယွၤအမံၤအဃိန့ၣ်လီၤ.

လံာ်တၢ်ဟးထီၣ်ကွံာ် 15:9

ဒုၣ်ဒါန့ၣ်စံးဝဲဒၣ်, ယကလူၤထွဲဒီးဖီၣ်န့ၢ်အဝဲသ့ၣ်, ယကနီၤဖးအတၢ်စုလီၢ်ခီၣ်ခိၣ်ဒီးဟံးန့ၢ်ကယဲၢ်တၢ်လၢယသးလီခဲလၢာ်, ယကထုးထီၣ်ယနးဒီးဟံးန့ၢ်တၢ်အိၣ်ဒီးအဝဲသ့ၣ်ခဲလၢာ်န့ၣ်လီၤ.

လံာ်ယၡါယၤ 10:18

သ့ၣ်ဒိၣ်ပှၢ်ဂ့ၤဒီးစံာ်လီၢ်လၢဟီၣ်ခိၣ်ညၣ်ထ့ၣ်ဂ့ၤတဖၣ်ကဘၣ်တၢ် မၤဟးဂီၤကွံာ်အီၤလၢာ်လၢာ်ဆ့ဆ့, ဒ်တၢ်ဆါလၢအမၤသံ တၢ်သ့တမံၤမၤဟးဂီၤကွံာ်ပှၤကညီတဂၤသ့ဝဲအသိးန့ၣ်လီၤ.

လံာ်ယၡါယၤ 10:33

ယွၤ, သ့တၢ်လၢာ်ကစၢ်ကမၤလီၤပှီၢ်အဝဲသ့ၣ်ဒ်သ့ၣ်ဒ့တဖၣ် ဘၣ်တၢ်ကျီၤလီၤတဲာ်ကွံာ်အီၤလၢသ့ၣ်ထူၣ်အလိၤသီၣ်ဝဲ အသိးလီၤ. ပှၤလၢအပာ်ထီၣ်ထီအသးနးနးကလဲာ်ဒီးပှၤ အိၣ်လၢလီၢ်ထီကတၢၢ်လၢအဝဲသ့ၣ်အကျါတဖၣ်ကဘၣ် တၢ်ကျီတဲာ်အီၤဒီးမၤမဲာ်ဆှးအီၤလီၤ.

လံာ်ယၡါယၤ 10:34

ယွၤကကျီလီၤကွံာ်အီၤဒ်သ့ၣ်တဖၣ်လၢသ့ၣ်ပှၢ်အသးကံၢ်ပူၤ ဘၣ်တၢ်ကူာ်လီၤအီၤလၢကွါအသိး, ဒီးကမၤအသးဒၣ်လဲာ်ဒ်လဘၤနိၣ် အသ့ၣ်အဂ့ၤကတၢၢ်တဖၣ်လီၤတကူၢ်ဝဲအသိးန့ၣ်လီၤ.

လံာ်ယၡါယၤ 14:8

လဘၤနိၣ်အသ့ၣ်ဆှိဒီးအသ့ၣ်ဆှိအ့ရ့းတဖၣ်သူၣ်ခုသးခုလၢ စီၤပၤလၢအလီၤဝဲတဂၤအဃိလီၤ. အဂ့ၢ်ဒ်အံၤ, အဝဲတအိၣ်လၢၤ ဘၣ်အဃိဒီး, ပှၤကကူာ်လီၤအဝဲသ့ၣ်တအိၣ်ဘၣ်နီတဂၤလၢၤဘၣ်.

လံာ်ယၡါယၤ 29:17

ဒ်တၢ်စံးပာ်အိၣ်ဝဲအသိးန့ၣ်, တယံာ်လၢၤဘၣ်ဒီးသ့ၣ်ဒိၣ်ပှၢ် တီၣ်န့ၣ်ကကဲထီၣ်စံာ်ပျီ, ဒီးစံာ်ပျီကကဲထီၣ်က့ၤသ့ၣ်ဒိၣ်ပှၢ် တီၣ်လီၤ.

လံာ်ယၡါယၤ 36:9

သုတီၤတထီၣ်ဘးဒၣ်လဲာ်ကီၢ်အၤၡူၢ်အသုးခိၣ်အဆံးကတၢၢ် တဂၤဘၣ်. ဒီးခဲအံၤတခီသုမုၢ်လၢ်လၢပှၤအဲၤကူပတူးဖိတဖၣ် ကဆှၢန့ၢ်သုလ့ၣ်ကဟၣ်တဖၣ်ဒီးကသ့ၣ်ဒုးသုးတဖၣ်န့ၣ်လီၤ.

လံာ်ယၡါယၤ 37:4

ကီၢ်အၤၡူၢ်အစီၤပၤဖးဒိၣ်ဆှၢလီၤအသုးခိၣ်လၢကဒုၣ်ဒွဲၣ်ကစၢ် ယွၤလၢအမူဝဲတဂၤလီၤ. မ်ယွၤနကစၢ်ယွၤနၢ်ဟူတၢ်ဒုၣ်ဒွဲၣ်တဖၣ်အံၤဒီးစံၣ်ညီၣ်ပှၤ တဖၣ်လၢအစံးကတိၤတၢ်အံၤန့ၣ်တက့ၢ်. လၢတၢ်န့ၣ်အဃိ, ဃ့ထုကဖၣ်တၢ်ဆူကစၢ်ယွၤလၢပှၤလၢအိၣ်မူတ့ၢ်တဖၣ်အဂီၢ် တက့ၢ်.”

လံာ်ယံးရမံယၤ 22:6

လၢယဂီၢ်န့ၣ်, ကီၢ်ယူဒၤအစီၤပၤအနူၢ်ဧိၤစီၤဧိၤအံၤ ဃံဝဲလၤဝဲဒ်ကီၢ်ကံးလဧးဒီးဒ်လဘၤနိၣ်အကစၢၢ်ကလိတဖၣ် အသိးန့ၣ်လီၤ. ဘၣ်ဆၣ်ဒီးယကဒုးကဲထီၣ်အီၤလၢတၢ်လီၢ် အိၣ်သယုၢ်သညိတတီၤဖဲပှၤတအိၣ်တဆိးဝဲနီတဂၤဘၣ်န့ၣ်လီၤ.

လံာ်ယံးရမံယၤ 22:7

ယဆှၢလီၤပှၤကညီတဖၣ်လၢကမၤဟးဂီၤကွံာ်အီၤန့ၣ်လီၤ. အဝဲသ့ၣ်ခဲလၢာ်ကဟဲစိာ်အကွါတဖၣ်, ကကူာ်လီၤကွံာ်အသ့ၣ်ဆှိ အ့ရ့းအထူၣ်အဃံအလၤတဖၣ်, ဒီးကွံာ်လီၤကွံာ်အီၤဆူမ့ၣ်အူ အပူၤန့ၣ်လီၤ.

လံာ်ယံးရမံယၤ 46:8

တၢ်န့ၣ်မ့ၢ်ကီၢ်အဲၤကူပတူးလၢ အဟဲထီၣ်ဝဲဒ်ထံကျိနံၤ လါအသိး, ဒ်ထံကျိအထံလုၣ်ဘၢထံကၢၢ်နံၤအသိးန့ၣ်လီၤ. ကီၢ်အဲၤကူပတူးစံးဝဲဒၣ်, ‘ယကဟဲထီၣ်ဒီး လုၣ်ဘၢဟီၣ်ခိၣ်လီၤ. ယကမၤဟးဂီၤ ဝ့ၢ်တဖၣ်ဒီး ပှၤဂီၢ်မုၢ်လၢ အအိၣ်ဆိးဖဲန့ၣ်တဖၣ်လီၤ.

လံာ်ဒၤနံးယ့လး 4:30

ဒီးစံးဝဲဒၣ်, “ဘၤဘူၤလိၣ်ဒိၣ်ဝဲဆံးဒိၣ်ဆံးဒိၣ်လဲၣ်န့ၣ်ကွၢ်တက့ၢ်. ယသူၣ်ထီၣ်အီၤဒ်ယဝ့ၢ်ခိၣ်အသိးလၢကလီၣ်ဖျါ ထီၣ်ယစိကမီၤဒီးယဂံၢ်ယဘါယလၤကပီၤယကဟုကညီၢ်လီၤ.”