လံာ်ယၡါယၤ 37:21 - Sgaw Karen Common Bible

²¹ အန့ၣ်ဒီး, ဝံယၡါယၤဆှၢလီၤတၢ်ကစီၣ်တမံၤဒီးတဲဘၣ်စီၤပၤ ဃံးစကံယၤလၢ, လၢတၢ်စံးဆၢက့ၤစီၤပၤအတၢ်ထုကဖၣ်အဂီၢ်န့ၣ်,

လံာ်ယၡါယၤ 37:21 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 15:31

ဖဲစီၤဒၤဝံးဘၣ်တၢ်တဲအီၤလၢစီၤအဃံသဖ့ၤလးမၤသကိးလံ တၢ်လၢစီၤအးဘၡါလိၣ်အတၢ်ပူထီၣ်ထီထီၣ်အပူၤလံန့ၣ်, အဝဲဘါထုကဖၣ်ဝဲဒ်အံၤ, “ယွၤဧၢ, ဝံသးစူၤဘိးကဒါကွံာ်စီၤအဃံသဖ့ၤလး အတၢ်ဟ့ၣ်ကူၣ်ဆူတၢ်လၢအခီပညီတအိၣ်ဘၣ်န့ၣ်တက့ၢ်.”

လံာ်စီၤၡမူၤအ့လးခံဘ့ၣ်တဘ့ၣ် 17:23

ဖဲစီၤအဃံသဖ့ၤလးထံၣ်သ့ၣ်ညါဝဲလၢအတၢ်ဟ့ၣ်ကူၣ်တဘၣ်တၢ်မၤ ထွဲအီၤန့ၣ်, အဝဲဂီၤကၢ်ထီၣ်အကသ့ၣ်ယီၤဒီးက့ၤကဒါက့ၤဆူအဝ့ၢ်ဒၣ်ဝဲန့ၣ်လီၤ. တုၤအဝဲကျဲၤလီၤအဟံၣ်အဃီ အဂ့ၢ်အကျိၤဘၣ်ဘၣ်ဝံၤအလီၢ်ခံန့ၣ်, အဝဲစၢသံလီၤက့ၤအသးန့ၣ် လီၤ. အဝဲဘၣ်တၢ်ခူၣ်လီၤကွံာ်အီၤဖဲအဒူၣ်ဖိထၢဖိအသွၣ်ခိၣ်အပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 18:13

လၢစီၤပၤစီၤဃံးစကံယၤပၢတၢ်တဆံလွံၢ်နံၣ်တနံၣ်အပူၤန့ၣ်, ကီၢ်အၤၡူၢ်အစီၤပၤဖးဒိၣ်စၤနဃ့ရံာ်, ဟဲဒုးကီၢ်ယူဒၤအဝ့ၢ် တဖၣ်လၢအအိၣ်ဒီးတိာ်ဧိၤတာ်ဧိၤဒီးမၤနၢၤဝဲန့ၣ်လီၤ.

လံာ်စီၤယိၤဘး 22:27

ဖဲနဘါထုကဖၣ်အီၤန့ၣ်အဝဲကဒိကနၣ်နၤ, ဒီးနကမၤလၢထီၣ်ပှဲၤ ထီၣ်ဘၣ်တၢ်ဆိၣ်လၢနမၤတ့ၢ်ဒီးအီၤန့ၣ်လီၤ.

စံးထီၣ်ပတြၢၤ 91:15

တုၤအကိးထီၣ်ယၤန့ၣ်ယကစံးဆၢအီၤ, ယကအိၣ်ဒီးအီၤလၢတၢ်ကိၢ်တၢ်ဂီၤအပူၤ, ယကမၤပူၤမၤဖျဲးအီၤဒီးမၤလၤကပီၤအီၤလီၤ.

လံာ်ယၡါယၤ 37:2

အဝဲမၢလီၤစီၤအ့လယါကံၣ်, ပဒိၣ်လၢအပၢၤစီၤပၤအနူၢ်အစီၤ, စီၤၡ့ၤဘနၤလၢအမ့ၢ်ကွီၢ်ဘျီၣ်အနဲၣ်ရွဲၣ်, ဒီးအပှၤလုၢ်တၢ်အခိၣ် အဒိၣ်သူၣ်က့သးပှၢ်တဖၣ်န့ၣ်ဆူစီၤအၤမိာ်အဖိခွါဝံယၡါယၤ အအိၣ်လီၤ. အဝဲသ့ၣ်စ့ၢ်ကီးကူကၤဆ့ထၢၣ်တၢ်ကံးယာ်န့ၣ်လီၤ.

လံာ်ယၡါယၤ 58:9

ဖဲသုဃ့ဘါထုကဖၣ်တၢ်န့ၣ်, ယကစံးဆၢသုလီၤ. ဖဲသုကိးထီၣ်တၢ်ဆူယအိၣ်န့ၣ်, ယကဟ့ၣ်က့ၤတၢ်စံးဆၢလီၤ. သုမ့ၢ်ဆိကတီၢ်တၢ်မၤအၢမၤနး, တၢ်ဒုးနဲၣ်တၢ်သူၣ်က့ၣ်သးကါ တမံၤလၢ်လၢ်, ဒီးတၢ်ကတိၤအအၢအသီကိးထံၣ်ဒဲး,

လံာ်ယၡါယၤ 65:24

တချုးဒံးဒၣ်လဲာ်လၢအဝဲသ့ၣ်ဘါထုကဖၣ်ဆူယအိၣ် ကတၢၢ်ဒံးဘၣ်န့ၣ်, ယကစံးဆၢအဝဲသ့ၣ်အတၢ်ထုက ဖၣ်တဖၣ်န့ၣ်လီၤ.

မၤတၢ် 4:31

တုၤအဝဲသ့ၣ်ဃ့ဘါထုကဖၣ်တၢ်ကတၢၢ်ဝဲဒီး, တၢ်လီၢ်ဖဲအဝဲသ့ၣ်အိၣ်ဖှိၣ်သကိးဝဲလၢအပူၤန့ၣ်ဟူးဝးဝဲလီၤ. အဝဲသ့ၣ်ကိးဂၤဒဲးလၢထီၣ်ပှဲၤထီၣ်ဒီးသးစီဆှံ, ဒီးစံၣ်တဲၤတဲလီၤယွၤအတၢ်ကစီၣ်လၢတၢ်သူၣ်ဒူသးဒူအပူၤလီၤ.