လံာ်ယၡါယၤ 37:20 - Sgaw Karen Common Bible

²⁰ ခဲအံၤ, ယွၤပကစၢ်ယွၤဧၢ, မၤပူၤမၤဖျဲးပှၤလၢပှၤအၤၡူၢ်ဖိတဖၣ် အစုပူၤဒ်သိးပှၤကလုာ်ခဲလၢာ်လၢဟီၣ်ခိၣ်ဒီဘ့ၣ်ကသ့ၣ်ညါ ဝဲလၢထဲနၤတဂၤဧိၤန့ၣ်, နမ့ၢ်ကစၢ်ယွၤန့ၣ်တက့ၢ်.”

လံာ်ယၡါယၤ 37:20 Iomraidhean Croise

လံာ်စီၤပၤအခီၣ်ထံးတဘ့ၣ် 8:43

ဒိကနၣ်လၢ်အဝဲအတၢ်ထုကဖၣ်န့ၣ်တက့ၢ်. လၢမူခိၣ်ဖဲနအိၣ်နဲဆိးနဲအလီၢ်န့ၣ်, ဒိကနၣ်လၢ်အီၤဒီးမၤတၢ်လၢအဝဲဃ့ဝဲလၢနကမၤန့ၢ်အီၤဒ်သိး ကယဲၢ်ပှၤဂီၢ်မုၢ်အိၣ်လၢဟီၣ်ခိၣ်ချၢခဲလၢာ်, ကသ့ၣ်ညါနၤဒီးစူၢ်နၤဒ်နပှၤဂီၢ်မုၢ်အံၣ်စရ့လးဖိမၤဝဲအသိး န့ၣ်တက့ၢ်. တုၤနုၤတစု, အဝဲသ့ၣ်ကသ့ၣ်ညါဝဲဒၣ်လၢယွၤအတၢ်လုၢ်ဟံၣ်လၢ ယသူၣ်ထီၣ်တ့ၢ်လံအီၤအံၤမ့ၢ်တၢ်လီၢ်တတီၤလၢနကဘၣ်တၢ်ဘူၣ်ထီၣ် ဘါထီၣ်နၤအဂီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 8:59

တၢ်ထုကဖၣ်အံၤဒီးတၢ်ဃ့သကွံာ်ကညးတဖၣ်အံၤလၢယဃ့ တ့ၢ်အီၤန့ၣ်, မ်ယွၤ, ပကစၢ်ယွၤသ့ၣ်နီၣ်ထီၣ်အီၤကိးဆၢကတီၢ် ဒဲးန့ၣ်တက့ၢ်. ထီဘိမ်အဝဲသူၣ်ကညီၤသးကညီၤအံၣ်စရ့လးအပှၤဂီၢ်မုၢ်ဒီးအစီၤ ပၤဒ်အဝဲသ့ၣ်အတၢ်လိၣ်အိၣ်ဝဲ တနံၤဘၣ်တနံၤအသိးန့ၣ်တက့ၢ်.

လံာ်စီၤပၤအခီၣ်ထံးတဘ့ၣ် 8:60

ဒီးလၢတၢ်န့ၣ်အဃိ, ပှၤကလုာ်ခဲလၢာ်လၢဟီၣ်ခိၣ်ချၢကသ့ၣ်ညါဝဲ လၢယွၤထဲတဂၤဧိၤအံၤမ့ၢ်ကစၢ်ယွၤ, ဒီးကစၢ်ယွၤအဂုၤအဂၤတအိၣ်ဘၣ်န့ၣ်လီၤ.

စံးထီၣ်ပတြၢၤ 46:10

အဝဲစံးဝဲ, “ဆိကတီၢ်တၢ်ဒုးတၢ်ယၤ, ဒီးသ့ၣ်ညါလၢယမ့ၢ်ကစၢ်ယွၤ, တၢ်စိတၢ်ကမီၤအဒိၣ်ကတၢၢ် လၢပှၤကလုာ်တဖၣ်အကျါ, တၢ်စိတၢ်ကမီၤအဒိၣ်ကတၢၢ်လၢ ဟီၣ်ခိၣ်ချၢန့ၣ်တက့ၢ်.”

စံးထီၣ်ပတြၢၤ 59:13

မၤဟးဂီၤကွံာ်အီၤလၢနတၢ်သးထီၣ်အပူၤ, မၤဟးဂီၤကွံာ်အီၤလၢာ်လၢာ်ဆ့ဆ့န့ၣ်တက့ၢ်. အန့ၣ်ဒီးပှၤကိးဂၤဒဲးကသ့ၣ်ညါလၢ ကစၢ်ယွၤပၢတၢ်လၢအံၣ်စရ့လးအပူၤန့ၣ်လီၤ. အတၢ်ပၢအံၤကတုၤဃီၤဆူ ဟီၣ်ခိၣ်ဒီဘ့ၣ်ညါန့ၣ်လီၤ. စ့လၤ

လံာ်ယၡါယၤ 25:9

ဖဲတၢ်အံၤမၤအသးဒီး, ပှၤကိးဂၤဒဲးကစံးဝဲ, “အဝဲဒၣ်မ့ၢ်ပကစၢ်ယွၤလီၤ. ပပာ်ပတၢ်နာ်လၢအပူၤဒီးခဲအံၤ, ပသူၣ်ဖှံသးညီဒီးသူၣ်ခုသးခုလီၤ. အဂ့ၢ်ဒ်အံၤ, အုၣ်က့ၤခီၣ်က့ၤတ့ၢ်ပှၤလီၤ.”

လံာ်ယၡါယၤ 33:22

ယၢ်ထူၣ်ခဲလၢာ်လၢကဘီတဖၣ်န့ၣ်အလိၤတၢ်သူအီၤ တသ့လၢၤဘၣ်. ယၢ်လၣ်တဖၣ်တၢ်သလၣ်ထီၣ်အီၤတန့ၢ်လၢၤဘၣ်. ပကဂုာ်ဟံးန့ၢ်ဒုၣ်ဒါအသုးမုၢ်တဖၣ်အတၢ်ထူးတၢ်တီၤခဲလၢာ်, ဒီးတၢ်ကအိၣ်အါဝဲဂီၢ်ဝဲတုၤပှၤစုတဆူၣ်အခီၣ်တဂ့ၤတဖၣ်ဒၣ်လဲာ် မၤန့ၢ်တၢ်နီၤဟ့ၣ်တမံၤလၢအဝဲသ့ၣ်အဂီၢ်ကသ့ဝဲလီၤ.

လံာ်ယၡါယၤ 35:4

တဲဘၣ်ပှၤလၢအသးဟးဂီၤတ့ၢ်ကိးဂၤဒဲးန့ၣ်, “ပာ်ဆူၣ်သုသးဒီးပျံၤတၢ်တဂ့ၤ. ကစၢ်ယွၤဟဲဝဲလၢသုတၢ်ပူၤဖျဲးအဂီၢ် ဒီးလၢတၢ်စံၣ်ညီၣ်သုဒုၣ်သုဒါတဖၣ်အဂီၢ်လီၤ.”

လံာ်ယၡါယၤ 37:16

“ယွၤစိဒိၣ်ကမီၤဒိၣ်, အံၣ်စရ့လးအကစၢ်ယွၤ, လၢအအိၣ်လၢလီၢ်ပစိာ်ထီၣ်ထီလၢခ့ရူာ်တဖၣ်အဖီခိၣ်တဂၤဧၢ, နမ့ၢ်ကစၢ်ယွၤထဲတဂၤဧိၤလၢအပၢဟီၣ်ခိၣ်ဘီမုၢ်တဖၣ်လီၤ. နတ့လီၤတ့ၢ်ဟီၣ်ခိၣ်ဒီးမူကပိာ်လိၤလီၤ.

လံာ်ယၡါယၤ 42:8

ထဲယၤတဂၤဧိၤ, ယမ့ၢ်ယွၤသုကစၢ်ယွၤလီၤ. ယတဟ့ၣ်ဘၣ်ယလၤကပီၤဆူကစၢ်အဂၤတဖၣ်ဘၣ်. တၢ်ဂီၤတၢ်ဖီၣ်တဖၣ်န့ၣ်ယတဟ့ၣ်အီၤတၢ်စံးထီၣ်ပတြၢၤဘၣ်.

လံာ်ယၡါယၤ 45:5

ယမ့ၢ်ယွၤဒီးကစၢ်အဂၤတအိၣ်ဘၣ်. နတသ့ၣ်ညါယၤဘၣ်ဆၣ်ဒီး, ယကဟ့ၣ်နၤတၢ်ဂံၢ်တၢ်ဘါလၢနလိၣ်ဘၣ်အီၤလီၤ.

လံာ်ယဃ့းစက့လး 36:23

တုၤမ့ၢ်ယဒုးနဲၣ်ဖျါထီၣ်ယမံၤအဒိၣ်အမုၢ်အတၢ်စီဆှံလၢပှၤကလုာ် တဖၣ်အမဲာ်ညါ, မံၤလၢသုမၤမဲာ်ဆှးတ့ၢ်အီၤလၢအဝဲသ့ၣ်အကျါ န့ၣ်ဒီး, အန့ၣ်တစု, အဝဲသ့ၣ်ကသ့ၣ်ညါဝဲလၢယမ့ၢ်ယွၤန့ၣ်လီၤ. ယၤ, ယွၤ, ပၢဘၣ်တၢ်ခဲလၢာ်ကစၢ်ကတိၤလံတၢ်လံ. ယကသူသုဒ်သိး ယကဒုးနဲၣ်ပှၤကလုာ်တဖၣ်လၢယမ့ၢ်တၢ်စီဆှံန့ၣ်လီၤ.

လံာ်ယဃ့းစက့လး 39:21

ယွၤစံးဝဲဒၣ်, “ယကပျဲပှၤကလုာ်တဖၣ်ထံၣ်ဘၣ်ယလၤကပီၤဒီးယကဒုးနဲၣ် အဝဲသ့ၣ်လၢယသူယစိကမီၤဒ်လဲၣ်, လၢယကမၤထွဲယတၢ်ပာ်လီၤသး အတီအလိၤတဖၣ်အဂီၢ်န့ၣ်လီၤ.

လံာ်ယိၤအ့လး 2:17

မ်ပှၤလုၢ်တၢ်အခိၣ်လၢအမၤယွၤအတၢ် တဖၣ်ဟီၣ်လၢတၢ်လုၢ်လီၢ်ဒီးယွၤအတၢ်လုၢ်ဟံၣ်အကျဲစၢၤအဘၢၣ် စၢၤဒီးထုကဖၣ်ဒ်အံၤ, ယွၤဧၢ, သးကညီၤနပှၤဂီၢ်မုၢ်တက့ၢ်. မ်ပှၤကလုာ်ဂၤတဖၣ်အသုတသးဘၣ်အၢဒီး ဒုၣ်ဒွဲၣ်စံးအၢပှၤ လၢအတၢ်ကတိၤ, သုကစၢ်အိၣ်ဖဲလဲၣ်, န့ၣ်တဂ့ၤ.

လံာ်မၤလကံ 1:11

ပှၤဂီၢ်မုၢ်လၢမုၢ်ထီၣ်တခီပၢၢ်တုၤလၢမုၢ်နုာ်တခီမၤလၤကပီၤယၤလီၤ. ဒီးအဝဲသ့ၣ်ကဆိၣ်ကဲၤတၢ်နၢမူလၢယဂီၢ်လၢတၢ်လီၢ်ကိးပူၤဒဲးဒီး ကလုၢ်တၢ်လုၢ်ကဆှီလၢယဂီၢ်လီၤ. အဝဲသ့ၣ်ခဲလၢာ်မၤလၤကပီၤယၤလီၤ.