လံာ်ယၡါယၤ 37:19 - Sgaw Karen Common Bible

¹⁹ ဒီးဒွဲၣ်အူထီၣ်ကွံာ်အကစၢ်တဖၣ်, လၢတမ့ၢ်ကစၢ်တဖၣ်လ့ၤတက့ၤဘၣ်. မ့ၢ်ဒၣ်တၢ်အက့ၢ်အဂီၤတဖၣ်လၢသ့ၣ်ဒီးလၢၢ်ဧိၤလ့ဧိၤလၢပှၤကညီ မၤအီၤလၢအစုဒၣ်ဝဲန့ၣ်လီၤ.

လံာ်ယၡါယၤ 37:19 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 5:21

ဖဲပှၤဖလ့ၡသးဖိတဖၣ်ဃ့ၢ်ကွံာ်ဝဲန့ၣ်အဝဲသ့ၣ် ပာ်တီၢ်အတၢ်ဂီၤတၢ်ဖီၣ်တဖၣ်လၢအလီၢ်ခံ, ဒီးစီၤဒၤဝံးဒီးအပှၤတဖၣ်စိာ်ကွံာ်တၢ်သ့ၣ်တဖၣ်န့ၣ်လီၤ.

လံာ်တၢ်ဟးထီၣ်ကွံာ် 32:20

အဝဲဟံးထီၣ်ဂီၤဖံးဖါဖိလၢအဝဲသ့ၣ်မၤဝဲ, ဒီးဃ့ၣ်ပှံၢ်လီၤဒီးတိၢ်ကမူၣ်ဝဲဒီးဃါဃုာ်အီၤလၢထံလီၤ. ဝံၤဒီးအဝဲမၢအံၣ်စရ့လးအပှၤဂီၢ်မုၢ်အိအီၤန့ၣ်လီၤ.

လံာ်ယၡါယၤ 10:7

ဘၣ်ဆၣ်ဒီး, ကီၢ်အၤၡူၢ်အစီၤပၤဖးဒိၣ်အိၣ်ဒီးအတၢ်ကူၣ် အၢဒၣ်ဝဲလၢအသးပူၤလီၤ. အဝဲပာ်လီၤအသးသပှၢ်တၢၢ်လၢ ကမၤဟးဂီၤပှၤအါကလုာ်လီၤ.

လံာ်ယၡါယၤ 17:8

အဝဲသ့ၣ်တသန့ၤလၢၤအသးလၢတၢ်လုၢ်လီၢ်တဖၣ်လၢ အဘှီထီၣ်ဝဲလၢအစုဒၣ်ဝဲမ့ၢ်ဂ့ၤ, တနာ်လၢၤအစုအတၢ်ဖံးတၢ် မၤဒၣ်ဝဲလၢအမ့ၢ်တၢ်ပနီၣ်တဖၣ်ဘၣ်ဃးကစၢ်မုၣ် အၡ့ရၤဒီးတၢ်လုၢ်လီၢ်တဖၣ်လၢတၢ်လုၢ်ထီၣ်တၢ်နၢ မူလၢမ့ၣ်အူမ့ၢ်ဂ့ၤဘၣ်န့ၣ်လီၤ.

လံာ်ယၡါယၤ 2:8

အထံအကီၢ်ပှဲၤဝဲဒီးတၢ်ဂီၤတၢ်ဖီၣ်တဖၣ်ဒီးအဝဲသ့ၣ်ဘူၣ် ထီၣ်ဘါထီၣ်တၢ်တဖၣ်လၢမၤတ့ၢ်ဝဲလၢအစုဒၣ်ဝဲန့ၣ်လီၤ.

လံာ်ယၡါယၤ 26:14

ခဲအံၤအဝဲသ့ၣ်သံလံဒီးတမူကဒီးလၢၤဘၣ်. အတဃၣ်တဖၣ်တဂဲၤဆၢထၢၣ်လၢၤဘၣ်. မ့ၢ်လၢနစံၣ်ညီၣ်ဒီးမၤဟးဂီၤအဝဲသ့ၣ်အဃိလီၤ. ပှၤတသ့ၣ်နီၣ်လၢၤအဝဲသ့ၣ်နီတဂၤနီတစုဘၣ်.

လံာ်ယၡါယၤ 41:24

သုဝဲဒီးတၢ်လၢသုမၤခဲလၢာ်န့ၣ်တမ့ၢ်တၢ်နီတမံၤဘၣ်. ပှၤလၢအဘူၣ်ထီၣ်ဘါထီၣ်သုတဖၣ်လီၤသးဘၣ်အၢဒိၣ်မးလီၤ.

လံာ်ယၡါယၤ 41:29

ကစၢ်တဖၣ်အံၤတဂိာ်တသီၣ်ဘၣ်တၢ်ဘၣ်. အဝဲသ့ၣ်မၤတၢ်တသ့နီတမံၤဘၣ်. တၢ်ဂီၤတၢ်ဖီၣ်တဖၣ်အံၤအဂံၢ်စၢ်ဘါစၢ်ဒီးအစိကမီၤတအိၣ်ဘၣ်ဝဲဘၣ်.

လံာ်ယၡါယၤ 41:7

ပှၤမၤတၢ်စုသ့အတၢ်မၤစံးဘၣ်ပှၤပိာ်ထူ, “နမၤတၢ်ဂ့ၤမးလီၤ.” ပှၤလၢအတီၢ်ဘျ့တၢ်ဂီၤတၢ်ဖီၣ်ဟ့ၣ်ဂံၢ်ဟ့ၣ်ဘါပှၤလၢအတီၢ်ဖှိၣ် တံၢ်အီၤလၢထးန့ၣ်လီၤ. အဝဲသ့ၣ်စံးဝဲ, “စၢၢ်ဃံၤတံၢ်အံၤဂ့ၤဒိၣ်မးလီၤ.” ဒီးအဝဲသ့ၣ်ပာ်တၢ်ဂီၤတၢ်ဖီၣ်လၢအလီၢ်ဒီးတီၢ်တံၢ်ဝဲလၢထး လီၤ.

လံာ်ယၡါယၤ 44:17

ဒီးသ့ၣ်လၢအအိၣ်တီၢ်န့ၣ်အဝဲတ့ထီၣ်ဝဲတၢ်ဂီၤတၢ်ဖီၣ်တခါ, ဝံၤတီၤလီၤကဒွံကျိာ်ဒီးဘူၣ်ထီၣ်ဘါထီၣ်အီၤလီၤ. အဝဲဘါထုကဖၣ်တၢ်ဒီးစံးဝဲ, “နမ့ၢ်ယကစၢ်လီၤ. အုၣ်က့ၤခီၣ်က့ၤယၤတက့ၢ်.”

လံာ်ယံးရမံယၤ 1:16

ယကစံၣ်ညီၣ်ယပှၤဂီၢ်မုၢ်မ့ၢ်လၢအဝဲသ့ၣ်မၤတ့ၢ်တၢ်ဒဲးဘးအဃိလီၤ. အဝဲသ့ၣ်ပာ်လီၤတဲာ်ကွံာ်ယၤ, လုၢ်ထီၣ်တ့ၢ်တၢ်လုၢ်တၢ်ပာ်တဖၣ်ဆူ ကစၢ်အဂၤတဖၣ်အအိၣ်, ဒီးတ့ထီၣ်တၢ်ဂီၤတဖၣ်ဒီးဘူၣ်ထီၣ်ဘါထီၣ် တ့ၢ်အီၤအဃိလီၤ.

လံာ်ယံးရမံယၤ 10:11

(သုဝဲပှၤဂီၢ်မုၢ်, ကဘၣ်တဲဘၣ်အဝဲသ့ၣ်လၢကစၢ်တဖၣ်လၢ အတတ့လီၤဘၣ်ဟီၣ်ခိၣ်ဒီးမူခိၣ်န့ၣ်ကဘၣ်တၢ်မၤဟးဂီၤကွံာ်အီၤန့ၣ်လီၤ. အဝဲသ့ၣ်တအိၣ်လၢၤဘၣ်လၢဟီၣ်ခိၣ်အံၤနီတစုနီတတီၤ ဘၣ်န့ၣ်လီၤ.)

လံာ်ယံးရမံယၤ 16:20

ပှၤကညီတဂၤမၤကဲထီၣ်ကစၢ်တဖၣ်လၢအဂီၢ်ဒၣ်ဝဲကသ့ဧါ. အဝဲမ့ၢ်မၤတ့ၢ်ဒ်န့ၣ်ဒီး, တၢ်သ့ၣ်တဖၣ်န့ၣ်မ့ၢ်ကစၢ်နီၢ်နီၢ် တဖၣ်တသ့ဝဲဘၣ်.”

လံာ်ယံးရမံယၤ 2:11

ပှၤကလုာ်အဂၤလၢအကစၢ်တဖၣ်တမ့ၢ်ဘၣ် ကစၢ်နီၢ်နီၢ်ဒၣ်လဲာ် တလဲလိာ်တ့ၢ်ဝဲဒ်သိးအံၤနီတကလုာ်နီတစုဘၣ်. ဘၣ်ဆၣ်ဒီးယပှၤဂီၢ်မုၢ်ခီလဲလိာ်ယၤ, ကစၢ်ယွၤတဂၤလၢအဟဲစိာ်န့ၢ်အဝဲသ့ၣ်တၢ်လၤကပီၤန့ၣ်, ဒီးကစၢ်တဖၣ်လၢအမၤတၢ်လၢအဝဲသ့ၣ်အဂီၢ် တသ့နီတမံၤဘၣ်န့ၣ်လီၤ.

လံာ်ဒၤနံးယ့လး 11:8

ကဟဲစိာ်ကဒါက့ၤဝဲအကစၢ်တဖၣ်အက့ၢ်အဂီၤတဖၣ်, ထူဒီးစ့အပီးအလီတဖၣ်လၢတၢ်လုၢ်ထီၣ်တ့ၢ်အီၤဆူအကစၢ် တဖၣ်န့ၣ်, ဆူကီၢ်အဲၤကူပတူးလီၤ. ဒီးလၢတၢ်ဃူတၢ်မုာ်အိၣ်ဝဲတဘျုးနံၣ်အလီၢ်ခံ

လံာ်ဒၤနံးယ့လး 5:23

နပာ်ထီၣ်ထီတ့ၢ်နသးထီဒါမူခိၣ်အကစၢ်ဒီးဟဲစိာ်နုာ်လီခီတဖၣ်လၢ ဘၣ်တၢ်ဟဲက့ၤစိာ်အီၤလၢအတၢ်လုၢ်ဟံၣ်ဒီးနဲဒၣ်ဒီးနပဒိၣ်ပပှၢ်တဖၣ်, နမါတဖၣ်ဒီးနသံၣ်မါတဖၣ်ဒၢနုာ်အီစပံးထံလၢအပူၤလီၤ. ဒီးနစံးထီၣ်ပတြၢၤကစၢ်ထူ, ကစၢ်စ့, ကစၢ်တိၢ်ဘီ, ကစၢ်ထး, ကစၢ်သ့ၣ်ဒီးကစၢ်လၢၢ်လၢအတထံၣ်တၢ်, တနၢ်ဟူတၢ်ဒီး တသ့ၣ်ညါတၢ်နီတမံၤတဖၣ်န့ၣ်လီၤ. မ့မ့ၢ်ကစၢ်ယွၤလၢအစံၣ်ညီၣ် နတၢ်မူ, တၢ်သံဒီးအပၢၤဃးကယဲၢ်နမၤတၢ်တမံၤလၢ်လၢ်န့ၣ်နတမၤလၤ ကပီၤတ့ၢ်အီၤဘၣ်.

လံာ်ဟိၤၡ့ 8:6

အံၣ်စရ့လးအပှၤစုသ့ဖိတဂၤမၤဝဲတၢ်ဂီၤတၢ်ဖီၣ်န့ၣ်, ဒီးတၢ်န့ၣ်တမ့ၢ်ဘၣ်ယွၤတဂၤလ့ၤတက့ၤဘၣ်. ဂီၤဖံးထူလၢအဘၣ်တၢ်ဘါထီၣ်အီၤလၢၡၤမရံအပူၤန့ၣ် ကဘၣ်တၢ်တီၢ်သဘှံးလီၤကလဲအီၤဆူအက့အခီတဖၣ်န့ၣ်လီၤ.

ကလၤတံ 4:8

လၢအပူၤကွံာ်န့ၣ်သုတသ့ၣ်ညါကစၢ်ယွၤဘၣ်. အဃိ, သုကဲကုၢ်လၢတၢ်လၢအတမ့ၢ်ကစၢ်ယွၤတဖၣ်အဖီ လာ်လီၤ.