လံာ်ယၡါယၤ 37:16 - Sgaw Karen Common Bible

¹⁶ “ယွၤစိဒိၣ်ကမီၤဒိၣ်, အံၣ်စရ့လးအကစၢ်ယွၤ, လၢအအိၣ်လၢလီၢ်ပစိာ်ထီၣ်ထီလၢခ့ရူာ်တဖၣ်အဖီခိၣ်တဂၤဧၢ, နမ့ၢ်ကစၢ်ယွၤထဲတဂၤဧိၤလၢအပၢဟီၣ်ခိၣ်ဘီမုၢ်တဖၣ်လီၤ. နတ့လီၤတ့ၢ်ဟီၣ်ခိၣ်ဒီးမူကပိာ်လိၤလီၤ.

လံာ်ယၡါယၤ 37:16 Iomraidhean Croise

လံာ်တၢ်ကဲထီၣ်အခီၣ်ထံး 1:1

လၢထံးလၢသီဖဲကစၢ်ယွၤတ့လီၤပာ်လီၤတ့ၢ်မူခိၣ်ဒီးဟီၣ်ခိၣ်န့ၣ်,

လံာ်စီၤၡမူၤအ့လးခံဘ့ၣ်တဘ့ၣ် 7:26

နတၢ်မံၤဟူသၣ်ဖျါကဒိၣ်ဝဲ, ဒီးပှၤဂီၢ်မုၢ်ကစံးဝဲလီၤစိၤလီၤထီ, လၢယွၤ, သ့တၢ်လၢာ်ကစၢ်န့ၣ်မ့ၢ်ကစၢ်ယွၤလၢကီၢ်အံၣ်စရ့လးအဖီ ခိၣ်လီၤ. ဒီးနကကတီၤဃာ်ယစၢၤယသွဲၣ်အတၢ်ပၢတဘိယူၢ်ဃီန့ၣ်လီၤ.

လံာ်စီၤပၤအခီၣ်ထံးတဘ့ၣ် 18:32

အဝဲဘှီထီၣ်ကဒါက့ၤတၢ်လုၢ်လီၢ်လၢတၢ်ဘူၣ်ထီၣ်ဘါထီၣ်ယွၤအဂီၢ် လၢလၢၢ်တဆံခံဖျၢၣ်အံၤန့ၣ်လီၤ. အဝဲခူၣ်တၢ်ကျိၤတကျိၤဝးတရံးတၢ်လုၢ်လီၢ်, လဲၢ်ဝဲတုၤလၢအကတြီၢ်တၢ်ချံခံနာ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 8:6

ဒီးပှၤလုၢ်တၢ်အခိၣ်တဖၣ်လဲၤစိာ်နုာ်ယွၤအတၢ်အၢၣ်လီၤအီလီၤ အတလါစီဆှံဆူယွၤအတၢ်လုၢ်ဟံၣ်အပူၤဒီးပာ်လီၤဝဲလၢတၢ်လီၢ် စီဆှံကတၢၢ်ဖဲခ့ရူာ်တဖၣ်အဒံးဆ့အဖီလာ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 5:15

အဝဲက့ၤကဒါက့ၤဆူစီၤအလံၤၡါအအိၣ်ဃုာ်ဒီးအပှၤခဲလၢာ်ဒီး စံးဝဲဒၣ်, “ခဲကနံၣ်အံၤယသ့ၣ်ညါလၢ, လၢပှၤအံၣ်စရ့လးဖိအကစၢ်ယွၤအမဲာ် ညါန့ၣ်ကစၢ်အဂၤတအိၣ်နီတဂၤဘၣ်န့ၣ်လီၤ. လၢတၢ်န့ၣ်အဃိတၢ်ဒိၣ်ဧၢ, တူၢ်လိာ်ဘၣ်ယတၢ်ဟ့ၣ်တမံၤတက့ၢ်.”

လံာ်စီၤဧ့စြၤ 1:3

မ်ကစၢ်ယွၤအိၣ်ဒီးသုဝဲခဲလၢာ်လၢအမ့ၢ်အပှၤဂီၢ်မုၢ်န့ၣ်တ က့ၢ်. သုကဘၣ်လဲၤဆူဝ့ၢ်ယရူၤၡလ့ၣ်ဒီးသူၣ်ထီၣ်ကဒါက့ၤယွၤ, အံၣ်စရ့လးအကစၢ်ယွၤလၢအဘၣ်တၢ်ဘူၣ်ထီၣ်ဘါထီၣ်အီၤလၢဝ့ၢ်ယရူၤ ၡလ့ၣ်အပူၤအတၢ်လုၢ်ဟံၣ်န့ၣ်လီၤ.

စံးထီၣ်ပတြၢၤ 146:6

ယွၤမ့ၢ်ပှၤလၢအတ့လီၤမူခိၣ်, ဟီၣ်ခိၣ်, ဒီးပီၣ်လဲၣ်, ဒီးကယဲၢ်တၢ်အိၣ်လၢအပူၤ, လၢအတီဒီး အတၢ်အၢၣ်လီၤအီလီၤ လီၤထူလီၤယိာ်,

စံးထီၣ်ပတြၢၤ 46:11

ယွၤသ့တၢ်လၢာ်ကစၢ်အိၣ်ဒီးပှၤလီၤ. စီၤယၤကိာ်အကစၢ်ယွၤအံၤ မ့ၢ်ပတၢ်ပူၤဖျဲးအလီၢ်လီၤ. စ့လၤ

စံးထီၣ်ပတြၢၤ 46:7

ယွၤသ့တၢ်လၢာ်ကစၢ်အိၣ်ဒီးပှၤလီၤ. စီၤယၤကိာ်အကစၢ်ယွၤအံၤ မ့ၢ်ပတၢ်ပူၤဖျဲးအလီၢ်လီၤ. စ့လၤ

စံးထီၣ်ပတြၢၤ 80:1

အံၣ်စရ့လးအပှၤကွၢ်သိဧၢ, ဒိကနၣ်ပှၤတက့ၢ်. နဲဒၣ်ပှၤလၢအဆှၢယိၤသးဒ်သိတဖုအသိး, လၢအဆ့ၣ်နီၤကဲစီၤပၤလၢ ခ့ရူာ်တဖၣ်အဘၢၣ်စၢၤတဂၤဧၢ,

စံးထီၣ်ပတြၢၤ 86:10

အဂ့ၢ်ဒ်အံၤ, နမ့ၢ်တၢ်အဒိၣ်, ဒီးမၤတၢ်လီၤလးတဖၣ်လီၤ. ထဲနၤတဂၤဧိၤန့ၣ် မ့ၢ်ကစၢ်ယွၤလီၤ.

စံးထီၣ်ပတြၢၤ 99:1

ယွၤပၢတၢ်, မ်ပှၤကလုာ်တဖၣ်ကနိးကစုာ်တက့ၢ်. အဝဲဆ့ၣ်နီၤပၢတၢ်လၢခ့ရူာ်တဖၣ်အဖီခိၣ်, မ်ဟီၣ်ခိၣ်ဟူးဝးတက့ၢ်.

လံာ်တၢ်ဟးထီၣ်ကွံာ် 25:22

ယကသဂၢၢ်သုဖဲန့ၣ်ဒီးဖဲတလါအခိၣ်ကၢၢ်အဖီခိၣ်လၢအအိၣ်လၢတၢ် ဘၣ်တ့အိၣ်ဒီးအဒံးဆ့ခံဂၤအဘၢၣ်စၢၤန့ၣ်ယကဟ့ၣ်လီၤသုလၢ ကယဲၢ်ယတၢ်သိၣ်တၢ်သီတဖၣ်လၢကီၢ်အံၣ်စရ့လးအပှၤဂီၢ်မုၢ်အဂီၢ်လီၤ.

လံာ်ယၡါယၤ 37:15

ဒီးဘါထုကဖၣ်တၢ်စံးဝဲ,

လံာ်ယၡါယၤ 37:20

ခဲအံၤ, ယွၤပကစၢ်ယွၤဧၢ, မၤပူၤမၤဖျဲးပှၤလၢပှၤအၤၡူၢ်ဖိတဖၣ် အစုပူၤဒ်သိးပှၤကလုာ်ခဲလၢာ်လၢဟီၣ်ခိၣ်ဒီဘ့ၣ်ကသ့ၣ်ညါ ဝဲလၢထဲနၤတဂၤဧိၤန့ၣ်, နမ့ၢ်ကစၢ်ယွၤန့ၣ်တက့ၢ်.”

လံာ်ယၡါယၤ 40:22

တၢ်န့ၣ်ဘၣ်တၢ်ဒုးကဲထီၣ်အီၤလၢပှၤတဂၤလၢအဆ့ၣ်နီၤလၢအလီၢ် ပစိာ်အဖီခိၣ်, လၢဟီၣ်ခိၣ်အဖီခိၣ်ဒီးပျံကွံာ်မူခိၣ်န့ၣ်လီၤ. ပှၤလၢလာ်တဖၣ်ဖျါဆံးဒ်တၢၢ်ဧိၤတြၤဧိၤအသိးန့ၣ်လီၤ. အဝဲသလၣ်လီၤမူခိၣ်ဒ်ယၣ်ဘျးသဒၢအသိးလီၤဂာ်ဒ်ဒဲလၢတၢ်ကအိၣ် လၢအပူၤအဂီၢ်အသိးန့ၣ်လီၤ.

လံာ်ယၡါယၤ 40:28

မ့ၢ်နတသ့ၣ်ညါဘၣ်ဧါ. မ့ၢ်နတနၢ်ဟူတ့ၢ်ဘၣ်ဧါ. ယွၤမ့ၢ်ကစၢ်ယွၤအထူအယိာ်ဒီးတ့လီၤပာ်လီၤဟီၣ်ခိၣ်ခဲလၢာ် လီၤ. အဝဲတလီၤဘှံးလီၤတီၤဘၣ်ဒီးအသးတလီၤစၢ်လီၤဘှါနီတစုဘၣ်. အတၢ်ဆိကမိၣ်တဖၣ်န့ၣ်ပှၤတနၢ်ပၢၢ်အီၤနီတဂၤဘၣ်.

လံာ်ယၡါယၤ 42:5

ကစၢ်ယွၤတ့လီၤပာ်လီၤမူခိၣ်မူကပိာ်လိၤဒီးသလၣ်ထီၣ်အဝဲ သ့ၣ်လီၤ. အဝဲဒုးကဲထီၣ်ဟီၣ်ခိၣ်ဒီးကယဲၢ်တၢ်အိၣ်ဖဲန့ၣ်ခဲလၢာ်အက့ၢ် အဂီၤလီၤ. အဝဲဟ့ၣ်တၢ်မူဒီးတၢ်သါဆူအပှၤဂီၢ်မုၢ်ခဲလၢာ်လီၤ. ဒီးခဲအံၤ, ယွၤ, ကစၢ်ယွၤစံးဘၣ်အခ့အပှၤ,

လံာ်ယၡါယၤ 44:24

ယမ့ၢ်ယွၤ, သုပှၤအုၣ်က့ၤခီၣ်က့ၤတၢ်လီၤ. ယမ့ၢ်ပှၤတဂၤလၢအတ့လီၤပာ်လီၤတ့ၢ်သုလီၤ. ယမ့ၢ်ယွၤ, ပှၤလၢအတ့လီၤပာ်လီၤတၢ်ခဲလၢာ်လီၤ. ထဲယၤတဂၤဧိၤ, ယသလၣ်လီၤမူခိၣ်တဖၣ်လီၤ. ဖဲယတ့လီၤဟီၣ်ခိၣ်န့ၣ်, ပှၤတမၤစၢၤတ့ၢ်ယၤနီတဂၤဘၣ်.

လံာ်ယၡါယၤ 44:6

ယွၤလၢအပၢဒီးဒီဒၣ်အိၣ်ပှိၤကီၢ်အံၣ်စရ့လး, ယွၤသ့တၢ်လၢာ်အိၣ်ဒီးအတၢ်ကတိၤဒ်အံၤ, “ယဲဒၣ်အံၤယမ့ၢ်တၢ်အခီၣ်ထံး, ယဲဒၣ်အံၤယမ့ၢ်တၢ်အကတၢၢ်, ကစၢ်ယွၤထဲတဂၤဧိၤ, ဒီးယဲဒၣ်အံၤအမဲာ်ညါကစၢ်အဂၤတအိၣ်ဘၣ်.

လံာ်ယၡါယၤ 45:12

ယမ့ၢ်ပှၤတဂၤလၢအတ့လီၤပာ်လီၤဟီၣ်ခိၣ်ဒီး ပှၤဟီၣ်ခိၣ်ဖိလၢအကအိၣ်ဝဲဖဲန့ၣ်အဂီၢ်လီၤ. လၢယစိယကမီၤဒၣ်ယဲန့ၣ်, ယသလၣ်ထီၣ်မူခိၣ် မူကပိာ်လိၤတဖၣ်လီၤ. ယပၢဆှၢမုၢ်, လါ, ဒီးဆၣ်တဖၣ်လီၤ.

လံာ်ယၡါယၤ 45:22

ကယဲၢ်ပှၤဂီၢ်မုၢ်လၢဟီၣ်ခိၣ်ဒီဘ့ၣ်ညါသ့ၣ်ဧၢ, ဃၣ်သုသးဆူယအိၣ်ခဲအံၤဒီးမ်သုဘၣ်တၢ်အုၣ်က့ၤခီၣ်က့ၤသုတ က့ၢ်. ယမ့ၢ်ကစၢ်ယွၤထဲတဂၤဧိၤလၢအအိၣ်ဝဲန့ၣ်လီၤ.

လံာ်ယၡါယၤ 54:5

နတၢ်ဘၣ်တ့အကစၢ်ကလီၤဂာ်ဒ် ဝၤတဂၤအသိးလၢနဂီၢ်လီၤ. အဝဲအမံၤမ့ၢ်ဝဲယွၤသ့တၢ်လၢာ်န့ၣ်လီၤ. ကီၢ်အံၣ်စရ့လးအကစၢ်ယွၤစီဆှံကအုၣ်က့ၤခီၣ်က့ၤနၤလီၤ. အဝဲမ့ၢ်ပှၤပၢဟီၣ်ခိၣ်ဒီဘ့ၣ်န့ၣ်လီၤ.

လံာ်ယၡါယၤ 6:3

အဝဲသ့ၣ်ကိးထီၣ်ဝဲတဂၤဆူတဂၤအအိၣ်, “စီဆှံ, စီဆှံ, စီဆှံ, ယွၤသ့တၢ်လၢာ်ကစၢ်အံၤစီဆှံဝဲလီၤ. အလၤကပီၤပှဲၤလၢဟီၣ်ခိၣ်ဒီဘ့ၣ်ညါလီၤ.”

လံာ်ယၡါယၤ 8:13

သ့ၣ်နီၣ်ထီၣ်က့ၤလၢယၤ, ယွၤသ့တၢ်လၢာ်ကစၢ်အံၤစီဆှံဝဲန့ၣ်တက့ၢ်. ယမ့ၢ်ပှၤတဂၤလၢနကဘၣ်ပျံၤအီၤန့ၣ်လီၤ.

လံာ်ယိၤဟၣ် 1:3

ခီဖျိအီၤန့ၣ်တၢ်ခဲလၢာ်ကဲထီၣ်ဝဲဒီးတၢ်လၢအဘၣ်တၢ်တ့အီၤ ခဲလၢာ်န့ၣ်တကဲထီၣ်လၢအစုပူၤဘၣ်ဒီးတအိၣ်ဘၣ်နီတမံၤဘၣ်.

လံာ်သိၣ်လီၤသီလီၤတၢ် 10:17

ယွၤ, သုကစၢ်ယွၤန့ၣ်ဒိၣ်စိဝဲဒၣ်လၢကစၢ်အဂၤတဖၣ်ခဲလၢာ်ဒီး ကယဲၢ်တၢ်စိတၢ်ကမီၤခဲလၢာ်အဖီခိၣ်န့ၣ်လီၤ. အဝဲဒၣ်န့ၣ်ဒိၣ်ဝဲဒီးအဂံၢ်အဘါဆူၣ်ဝဲဒီးအဝဲကဘၣ်တၢ်ပျံၤအီၤန့ၣ်လီၤ. အဝဲတကွၢ်မဲာ်တၢ်ဘၣ်ဒီးတတူၢ်လိာ်ဘၣ်ခိၣ်ဖးလာ်ဆှိးန့ၣ်ဘၣ်.

ကလီးစဲ 1:16

ခီဖျိခရံာ်န့ၣ်ယွၤတ့လီၤတၢ်ခဲလၢာ်လၢအအိၣ်လၢမူခိၣ်ဒီးလၢ ဟီၣ်ခိၣ်, တၢ်လၢပထံၣ်အီၤသ့ဒီးတၢ်လၢပထံၣ်အီၤတသ့ဘၣ် တဖၣ်အိၣ်ဃုာ်ဒီးတၢ်စိတၢ်ကမီၤဘၣ်ဃးဒီးသူၣ်ဒီးသးတဖၣ်, ကစၢ်တဖၣ်, ပှၤပၢထံပၢကီၢ်တဖၣ်, ပဒိၣ်ပပှၢ်တဖၣ်န့ၣ်လီၤ. ယွၤတ့လီၤတၢ်ခဲလၢာ်ခီဖျိခရံာ်ဒီးလၢခရံာ်အဂီၢ်လီၤ.

ဧ့ၤဘြံၤ 4:16

လၢတၢ်န့ၣ်အဃိလၢတၢ်သူၣ်ဂၢၢ်သးကျၢၤအပူၤ, မ်ပသုးဘူးပသးဆူကစၢ်ယွၤအလီၢ်ပစိာ်, ဖဲတၢ်ဘျုးတၢ်ဖှိၣ်အိၣ်ဝဲဒၣ်အလီၢ်န့ၣ်တက့ၢ်. ဖဲန့ၣ်ပကထံၣ်န့ၢ်တၢ်သးကညီၤဒီးတၢ်ဘျုးတၢ်ဖှိၣ်လၢ အကမၤစၢၤပှၤဖဲပလိၣ်ဘၣ်အီၤအဆၢအကတီၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 4:4

မၤသးဒ်န့ၣ်ဒီးအဝဲသ့ၣ်ဆှၢလီၤပှၤစိာ်တၢ်ကစီၣ်တဖၣ်ဆူဝ့ၢ်ၡံလိၤဒီး ဟဲစိာ်ယွၤသ့တၢ်လၢာ်ကစၢ်အတၢ်အၢၣ်လီၤအီလီၤတလါစီဆှံ, လၢတၢ်ပာ်အီၤလၢလီၢ်ပစိာ်အိၣ်လၢတၢ်ဘၣ်တ့အိၣ်ဒီးအဒံးဆ့ လွံၢ်ဂၤအဖီခိၣ်န့ၣ်လီၤ. ဒီးစီၤဧ့လံၤအဖိခွါခံဂၤ, စီၤဃၤမနံဒီးစီၤဖံနဃၣ်ဟဲဃုာ်ဒီး ယွၤအတၢ်အၢၣ်လီၤအီလီၤအတလါစီဆှံန့ၣ်လီၤ.