လံာ်ယၡါယၤ 37:12 - Sgaw Karen Common Bible

¹² ယမိၢ်ပၢ်ဖံဖုတဖၣ်မၤဟးဂီၤကွံာ်ဝ့ၢ်တဖၣ်လၢအမ့ၢ်ဝဲကိစၣ်, ဃရၣ်, ဒီးရ့စ့း, ဒီးမၤသံတ့ၢ်ပှၤဧ့ဒ့ၣ်ဖိလၢအအိၣ်လၢသလး စၢ်အပူၤ, ဒီးအကစၢ်တဖၣ်အုၣ်က့ၤခီၣ်က့ၤအဝဲသ့ၣ်တသ့ နီတဂၤဘၣ်.

လံာ်ယၡါယၤ 37:12 Iomraidhean Croise

လံာ်တၢ်ကဲထီၣ်အခီၣ်ထံး 11:31

ဒီးစီၤတ့ရၤဟံးန့ၢ်အဖိခွါစီၤအၤဘြၣ်, ဒီးအလံၤစီၤလိာ်လၢအမ့ၢ်စီၤဟၤရၣ်အဖိခွါ, ဒီးအဒဲၣ်နီၢ်စၤရဲလၢအမ့ၢ်စီၤအၤဘြၣ်အမါ, ဒီးဟးထီၣ်ဃုာ်ဒီးအဝဲသ့ၣ်လၢဝ့ၢ်အူၢ်လၢအအိၣ်လၢကီၢ်ဘၤဘူၤ လိၣ်အပူၤ, ဒ်သိးအကလဲၤဝဲဆူကီၢ်ကနၤဧၣ်န့ၣ်လီၤ. ဒီးလဲၤဝဲပၢၢ်လၢဝ့ၢ်ဟၤရၣ်ဒီးသူၣ်လီၤဆီလီၤအတၢ်အိၣ်တၢ် ဆိးအလီၢ်ဖဲန့ၣ်လီၤ.

လံာ်တၢ်ကဲထီၣ်အခီၣ်ထံး 11:32

စီၤတ့ရၤသံဝဲဖဲန့ၣ်ဖဲအသးအိၣ်အနံၣ်ခံကယၤယဲၢ်နံၣ်န့ၣ် လီၤ.

လံာ်တၢ်ကဲထီၣ်အခီၣ်ထံး 12:14

ဒီးဖဲအဝဲခီဂာ်ကီၢ်ဆၢဆူကီၢ်အဲၤကူပတူးအပူၤန့ၣ်ပှၤအဲၤ ကူပတူးဖိတဖၣ်ထံၣ်စဲဃဲၤဝဲဒၣ်လၢအမါန့ၣ်ဃံလၤဝဲန့ၣ်လီၤ.

လံာ်တၢ်ကဲထီၣ်အခီၣ်ထံး 2:8

ဒီးယွၤ, ကစၢ်ယွၤသူၣ်လီၤဖျးလီၤတၤသၣ်အလီၢ်တပူၤလၢဧ့ၤဒ့ၣ်, လၢမုၢ်ထီၣ်တခီဒီးပာ်လီၤပှၤကညီလၢအတ့လီၤပာ်လီၤဝဲဖဲန့ၣ်လီၤ.

လံာ်တၢ်ကဲထီၣ်အခီၣ်ထံး 28:10

ဒီးစီၤယၤကိာ်ဟးထီၣ်လၢဝ့ၢ်ဘ့ၢ်ၡဘၤဒီးလဲၤဝဲဆူဝ့ၢ်ဟၤရၣ် န့ၣ်လီၤ.

လံာ်တၢ်ကဲထီၣ်အခီၣ်ထံး 29:4

စီၤယၤကိာ်သံကွၢ်ပှၤကွၢ်သိတဖၣ်, “ယတံၤသကိးသ့ၣ်ဧၢ, သုဟဲလၢလဲၣ်”. ဒီးအဝဲသ့ၣ်စံးဆၢဝဲ, “လၢဝ့ၢ်ဟၤရၣ်န့ၣ်လီၤ.”

လံာ်စီၤပၤခံဘ့ၣ်တဘ့ၣ် 17:6

လၢအမ့ၢ်စီၤဟိၤၡ့ပၢတၢ်ခွံနံၣ်တနံၣ်န့ၣ်, ကီၢ်အၤၡူၢ်အစီၤပၤဖးဒိၣ်မၤန့ၢ်ၡၤမရံဒီးစိာ်ထီၣ်ကွံာ်ပှၤ အံၣ်စရ့လးဖိတဖၣ်ဆူကီၢ်အၤၡူၢ်ဒ်ပှၤဘၣ်တၢ်စၢဃာ်တဖၣ်အသိး, ဒီးပာ်လီၤအဝဲသ့ၣ်ပှၤတနီၤလၢဝ့ၢ်ဃၤလၤအပူၤ, တနီၤဘူးဒီးထံကျိဃၤဘိၢ်လၢကီၢ်ဆၣ်ကိစၣ်အပူၤ, ဒီးတနီၤလၢကီၢ်မံးဒယၣ်အဝ့ၢ်တဖၣ်အပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 18:11

ကီၢ်အၤၡူၢ်အစီၤပၤဖးဒိၣ်က့ၤကိးပှၤအံၣ်စရ့လးဖိတဖၣ်ဆူ ကီၢ်အၤၡူၢ်ဒ်ပှၤဘၣ်တၢ်စၢဃာ်တဖၣ်အသိး, ဒီးပာ်လီၤန့ၢ်ပှၤတနီၤအလီၢ်အိၣ်လီၢ်ဆိးလၢဝ့ၢ်ဃၤလၤအပူၤ, တနီၤဘူးဒီးထံကျိဃၤဘိၢ်လၢကိစၣ်အကီၢ်ဆၣ်အပူၤ, ဒီးပှၤတနီၤလၢကီၢ်မံးဒယၣ်အဝ့ၢ်တဖၣ်အပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 19:12

အပၢ်ဖးဒိၣ်လၢပျၢၤတဖၣ်မၤဟးဂီၤတ့ၢ်ဝ့ၢ်တဖၣ်လၢအမ့ၢ်ဝဲ, ကိစၣ်, ဃရၣ်, ရ့စ့းဒီးမၤသံကွံာ်ဧ့ဒ့ၣ်အပှၤဂီၢ်မုၢ်တဖၣ်လၢ အအိၣ်ဆိးဝဲဖဲဝ့ၢ်တံၤသလးစၢ်အပူၤ, ဒီးအဝဲသ့ၣ်အယွၤကစၢ်တဖၣ်မၤပူၤဖျဲးအဝဲသ့ၣ်တသ့ဘၣ်နီတဂၤ ဘၣ်.

လံာ်ယၡါယၤ 36:18

ပျဲစီၤပၤဃံးစကံယၤလွဲန့ၢ်သုဆူတၢ်ဆိကမိၣ်လၢယွၤကမၤ ပူၤဖျဲးသုန့ၣ်တဂ့ၤ. ပှၤကလုာ်အဂၤအကစၢ်တဖၣ်မ့ၢ်အမၤပူၤဖျဲးတ့ၢ်အထံအကီၢ် တဖၣ်လၢကီၢ်အၤၡူၢ်အစီၤပၤဖးဒိၣ်အစုပူၤန့ၣ်ဧါ.

လံာ်ယၡါယၤ 36:19

ခဲအံၤ, ဝ့ၢ်ဃမါသးဒီးဝ့ၢ်အၢ်ပးအကစၢ်တဖၣ်အိၣ်ဖဲလဲၣ်. ဝ့ၢ်စဖၤရဝံၣ်အကစၢ်တဖၣ်အိၣ်ဖဲလဲၣ်. ပှၤမၤပူၤဖျဲးတ့ၢ်ကီၢ်ၡၤ မရံတဂၤဂၤဧါ.

လံာ်ယၡါယၤ 36:20

ထံကီၢ်ခဲလၢာ်အံၤအကစၢ်တဖၣ်အကျါတဂၤဂၤမ့ၢ်အမၤပူၤဖျဲးတ့ၢ် အထံအကီၢ်လၢပစီၤပၤဖးဒိၣ်အစုပူၤဖဲလဲၣ်ခါလဲၣ်. မ့မ့ၢ်ဒ်န့ၣ်ဒီး, မ့ၢ်တၢ်မနုၤဒုးဆိကမိၣ်သုလၢယွၤမၤပူၤဖျဲးဝ့ၢ်ယရူၤရှလ့ၣ်သ့န့ၣ်လဲၣ်.”

လံာ်ယၡါယၤ 37:13

ဝ့ၢ်တဖၣ်လၢအမ့ၢ်ဝဲဃမါသး, အၢ်ပး, စဖၤရဝံၣ်, ဟ့နၤ, ဒီးဧၣ်ဝါအစီၤပၤတဖၣ်မ့ၢ်အအိၣ်ဝဲဖဲလဲၣ်.”

လံာ်ယဃ့းစက့လး 27:23

ဝ့ၢ်တဖၣ်လၢအမ့ၢ်ဝ့ၢ်ဟၤရၣ်, ဝ့ၢ်ကးနၤ, ဝ့ၢ်ဧ့ဒ့ၣ်, ပှၤပနံၣ်တၢ်ဘးကၤတၢ်ဖိတဖၣ်လၢ ကီၢ်ၡဘၤဒီး ဝ့ၢ်တဖၣ်လၢအမ့ၢ်ဝ့ၢ်အၤၡူၢ်ဒီးဝ့ၢ်ကံလမး, အဝဲသ့ၣ်တဖၣ်ခဲလၢာ် မၤတၢ်ပနံၣ်တၢ်ကၤအတၢ်မၤဒီးနၤန့ၣ်လီၤ.

လံာ်ယဃ့းစက့လး 28:13

နအိၣ်ဆိးတ့ၢ်လၢ ဧ့ၤဒ့ၣ်, ကစၢ်ယွၤအတၤသၣ်လီၢ်အပူၤဒီး နသိးထီၣ်တ့ၢ်လၢၢ်တၢ်မျၢ်ကိးကလုာ်ဒဲး လၢအမ့ၢ်တၢ်မျၢ်ဆီသွံၣ် တဖၣ်, တၢ်မျၢ်မဟူယၤတိၤအသး, တၢ်မျၢ်ဘီအူး သဖးယၤ, တၢ်မျၢ်လါဟ့, တၢ်မျၢ်မဟူယၤဂီၤ, တၢ်မျၢ်နကၤသွဲး, တၢ်မျၢ်နံၤလါအဲးတဖၣ်, လၢၢ်လါဟ့တဖၣ်ဒီးလၢၢ်ဂီၤတဖၣ်န့ၣ်လီၤ. နအိၣ်စ့ၢ်ကီးဒီးတၢ်ကယၢကယဲတဖၣ်လၢထူန့ၣ်လီၤ. တၢ်တဖၣ်န့ၣ်ဘၣ်တၢ်မၤတ့ၢ်အီၤလၢနဂီၢ်ဖဲမုၢ်တနံၤလၢ နဘၣ်တၢ်တ့လီၤပာ်လီၤနၤန့ၣ်လီၤ.

လံာ်ဧၤမိၣ် 1:5

ဒီးယကဒိကၢ်ကွံာ်ဝ့ၢ်ဒၤမ့ၤစ့းအပဲတြီတဖၣ်ဒီးသုးကွံာ်ပှၤ အိၣ်ဖဲအၤဝ့ၣ်ကစၢၢ်ကဆူးအတၢ်ပၢၤခိၣ်ဒီးဘ့ၤသဧ့ၤဒၣ် အစီၤပၤန့ၣ်လီၤ. ဒီးပှၤကီၢ်စူၤရံဖိကဘၣ်တၢ်စိာ်ကွံာ်အီၤဒ်ကုၢ် တဖၣ်အသိးဆူကီၢ်ကံၢ်အပူၤန့ၣ်လီၤ.”

မၤတၢ် 7:2

စီၤစတ့းဖၣ်စံးဆၢက့ၤတၢ်ဒီးစံးဝဲ, “ယဒီပုၢ်ဝဲၢ်ခွါတဖၣ်ဒီးယပၢ်သ့ၣ်ဧၢ, ကနၣ်တက့ၢ်. ကစၢ်ယွၤလၢအလၢပှဲၤဒီးတၢ်လၤတၢ်ကပီၤတဂၤန့ၣ်, အိၣ်ဖျါထီၣ်လၢပပၢ်စီၤအၤဘြၤဟၣ်အမဲာ်ညါ, ဖဲအအိၣ်ဝဲလၢကီၢ်မ့းစပတၤမံအပူၤတချုးအလဲၤအိၣ်လဲၤဆိးဝဲ လၢဝ့ၢ်ဃၤရၣ်အပူၤဒံးဘၣ်န့ၣ်လီၤ.