လံာ်ယၡါယၤ 36:8 - Sgaw Karen Common Bible

⁸ ယကတၤသုလၢယစီၤပၤဖးဒိၣ်အမံၤအပူၤလီၤ. သုဃုပှၤဒိးကသ့ၣ်သ့အါအါမ့ၢ်ဘၣ်ဒီး, ယကဟ့ၣ်လီၤသုလၢကသ့ၣ်အဒုခံကထိန့ၣ်လီၤ.

လံာ်ယၡါယၤ 36:8 Iomraidhean Croise

လံာ်စီၤပၤအခီၣ်ထံးတဘ့ၣ် 20:10

လၢစီၤပၤဘ့ၣ်ဟဒးအအိၣ်စံးဝဲ, “ယကဟဲကိးပှၤလၢလၢလီၣ်လီၣ် လၢကမၤဟးဂီၤသုဝ့ၢ်အံၤတုၤအစိာ်ထီၣ်ကွံာ်ဒၣ်လဲာ်လၢၢ်အက့ အခီတဖၣ်လၢအစုပူၤန့ၣ်လီၤ. ယမ့ၢ်တမၤဒ်န့ၣ်ဘၣ်ဒီးမ်ကစၢ်တဖၣ်တီၢ်ယၤလၢတၢ်သံတက့ၢ်.”

လံာ်စီၤပၤအခီၣ်ထံးတဘ့ၣ် 20:18

အဝဲဟ့ၣ်လီၤအကလုၢ်စံးဝဲ, “အဝဲသ့ၣ်မ့ၢ်ဟဲထီၣ်လၢကဒုးတၢ် အဂီၢ်မ့ၢ်ဂ့ၤ, ကဃ့တၢ်မၤဃူမၤဖိးအဂီၢ်မ့ၢ်ဂ့ၤန့ၣ်ဖီၣ်န့ၢ်မူဒံးအဝဲ သ့ၣ်တက့ၢ်.”

လံာ်စီၤပၤခံဘ့ၣ်တဘ့ၣ် 14:14

အဝဲဟံးန့ၢ်ကွံာ်ကယဲၢ်စ့ဒီးထူလၢအထံၣ်န့ၢ်ဝဲသ့ခဲလၢာ်, ကယဲၢ်တၢ်လုၢ်ဟံၣ်အဃၢၤအဃိာ်, ဒီးနူၢ်ဧိၤစီၤဧိၤအတၢ်ထူးတၢ် တီၤခဲလၢာ်, ဒီးက့ၤစိာ်ဝဲဆူၡၤမရံန့ၣ်လီၤ. အဝဲက့ၤကိးဃုာ်စ့ၢ်ကီးပှၤလၢအဘၣ်တၢ်ဟ့ၣ်အုၣ်ကီၤတဖၣ်ဒီးအီၤ န့ၣ်လီၤ.

လံာ်စီၤပၤခံဘ့ၣ်တဘ့ၣ် 18:13

လၢစီၤပၤစီၤဃံးစကံယၤပၢတၢ်တဆံလွံၢ်နံၣ်တနံၣ်အပူၤန့ၣ်, ကီၢ်အၤၡူၢ်အစီၤပၤဖးဒိၣ်စၤနဃ့ရံာ်, ဟဲဒုးကီၢ်ယူဒၤအဝ့ၢ် တဖၣ်လၢအအိၣ်ဒီးတိာ်ဧိၤတာ်ဧိၤဒီးမၤနၢၤဝဲန့ၣ်လီၤ.

လံာ်စီၤပၤခံဘ့ၣ်တဘ့ၣ် 18:23

လၢစီၤပၤဖးဒိၣ်အမံၤအပူၤန့ၣ်, ယကတၤတၢ်ဒီးသုတမံၤန့ၣ်လီၤ. သုဃုထံၣ်ပှၤဒိးကသ့ၣ်သ့အါဝဲအဂၤခံကထိမ့ၢ်န့ၢ်န့ၣ်, ယကဟ့ၣ်သုကသ့ၣ်အဒုပှဲၤန့ၣ်လီၤ.

လံာ်ယၡါယၤ 36:2

ဝံၤဒီးအဝဲဟ့ၣ်လီၤအကလုၢ်လၢအသုးခိၣ်ကျၢၢ်ကလဲၤတၢ်လၢဝ့ၢ်လၤ ကံၣ်ဆူဝ့ၢ်ယရူၤရှလ့ၣ်အိၣ်ဒီးသုးမုၢ်ဖးဒိၣ်တဖုဒ်သိးကမၢဆူၣ် စီၤပၤဃံးစကံယၤလၢအကပာ်လီၤအစုကဝဲၤအဂီၢ်လီၤ. သုးခိၣ်ဖးဒိၣ်န့ၣ်ပၢၤဃးကျဲတဘိဖဲပှၤစုၣ်တၢ်ကံးယာ်တဖၣ် မၤတၢ်, ဖဲထံကျိၤလၢအဟဲစိာ်လီၤထံလၢကွံလၢထးတတီၤန့ၣ်လီၤ.

လံာ်ယၡါယၤ 36:7

ပှၤအၤၡူၢ်ဖိအပဒိၣ်တဲအါထီၣ်ဝဲ, ‘‘မ့ၢ်သုကတဲယၤလၢသုဒိးသန့ၤထီၣ်သုသးလၢကစၢ်ယွၤ, သုယွၤန့ၣ်ဧါ. တၢ်န့ၣ်မ့ၢ်ကစၢ်ယွၤအတၢ်လီၢ်ထီၣ်ထီတဖၣ် ဒီးအတၢ်လုၢ်လီၢ်တဖၣ်လၢစီၤဃံးစကံယၤမၤဟးဂီၤကွံာ်အီၤ ဖဲအဝဲတဲဘၣ်ကီၢ်ယူဒၤဒီးဝ့ၢ်ယရူၤရှလ့ၣ်အပှၤဂီၢ်မုၢ်လၢ ကဘူၣ်ထီၣ်ဘါထီၣ်ဒၣ်တၢ်ဖဲလၢတၢ်လုၢ်လီၢ်တပူၤဧိၤန့ၣ်လီၤ.

လံာ်ယၡါယၤ 36:9

သုတီၤတထီၣ်ဘးဒၣ်လဲာ်ကီၢ်အၤၡူၢ်အသုးခိၣ်အဆံးကတၢၢ် တဂၤဘၣ်. ဒီးခဲအံၤတခီသုမုၢ်လၢ်လၢပှၤအဲၤကူပတူးဖိတဖၣ် ကဆှၢန့ၢ်သုလ့ၣ်ကဟၣ်တဖၣ်ဒီးကသ့ၣ်ဒုးသုးတဖၣ်န့ၣ်လီၤ.