လံာ်ယၡါယၤ 36:6 - Sgaw Karen Common Bible

⁶ သုမုၢ်လၢ်လၢကီၢ်အဲၤကူပတူးကမၤစၢၤသုလီၤ. ဘၣ်ဆၣ်တၢ်န့ၣ်ကလီၤဂာ်ဒီးတၢ်သူတပိၢ်တဘိဒ်နီၣ်ထိးဘိ တဘိအသိးန့ၣ်လီၤ. ကကၢ်ကွံာ်ဝဲဒီးကဆဲးတိၢ်ဘၣ်သုစုန့ၣ်လီၤ. ကီၢ်အဲၤကူပတူးအစီၤပၤမ့ၢ်တၢ်ဒ်န့ၣ်ဖဲပှၤတဂၤဂ့ၤတဂၤဂ့ၤ သန့ၤအသးလၢအီၤန့ၣ်လီၤ.

လံာ်ယၡါယၤ 36:6 Iomraidhean Croise

လံာ်စီၤပၤခံဘ့ၣ်တဘ့ၣ် 17:4

ဘၣ်ဆၣ်, ဘၣ်တနံၤန့ၣ်, စီၤဟိၤၡ့ဆှၢလီၤပှၤစိာ်တၢ်ကစီၣ်ဆူ ကီၢ်အဲၤကူပတူးအစီၤပၤစိအအိၣ်, ဒီးဃ့အီၤတၢ်မၤစၢၤ, ဒီးဆိကတီၢ်ကွံာ်အတၢ်ဟ့ၣ်တနံၣ်တဘျီအတၢ်ခိတၢ်သွဲဆူ ကီၢ်အၤၡူၢ်န့ၣ်လီၤ. တုၤစီၤၡၤလမၤန့စ့ၢ်သ့ၣ်ညါတၢ်အံၤ န့ၣ်, အဝဲမၢပှၤဖီၣ်စီၤဟိၤၡ့ဒီးဒၢနုာ်အီၤလၢဃိာ်ပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 18:21

သုမုၢ်လၢ်ကီၢ်အဲၤကူပတူးလၢကမၤစၢၤသု, ဘၣ်ဆၣ်တၢ်န့ၣ်ကမၤ အသးဒ်တၢ်သူတပိၢ်တဘိလၢနီၣ်ထိးဘိတဘိအဂီၢ်အသိး, တၢ်န့ၣ်ကကၢ်ကွံာ်ဒီးဆဲးဘၣ်က့ၤသုစုန့ၣ်လီၤ. ကီၢ်အဲၤကူပတူးအစီၤပၤလီၤဂာ်ဒ်န့ၣ်ဖဲပှၤတဂၤလၢ်လၢ်သန့ၤ အသးလၢအီၤအခါန့ၣ်လီၤ.

စံးထီၣ်ပတြၢၤ 146:3

ပဒိၣ်ဖးဒိၣ်သ့ၣ်တဖၣ်ဒီးပှၤကညီဖိလၢ အမၤစၢၤတၢ်တသ့ဘၣ်တဖၣ်န့ၣ်, သန့ၤသုသးလၢအီၤတဂ့ၤ.

တၢ်ကတိၤဒိ. 25:19

တၢ်သန့ၤပသးလၢပှၤလၢတၢ်နာ်န့ၢ်အီၤတသ့တဂၤဖဲတၢ်ကိၢ်တၢ်ဂီၤ ဖးဒိၣ်တမံၤအဆၢကတီၢ်န့ၣ်, လီၤဂာ်ဒ်တၢ်ကျဲးစၢးအ့ၣ်အီၣ်တၢ်လၢမဲလၢအတကျၢၤတဘ့ၣ်ဒီး တၢ်ဟးလၢခီၣ်လၢအဆၢတလံာ်ကွံာ်တခီအသိးန့ၣ်လီၤ.

လံာ်ယၡါယၤ 31:1

ပှၤလၢအလဲၤဆူကီၢ်အဲၤကူပတူးလၢတၢ်မၤစၢၤအဂီၢ်တဖၣ် ကဘၣ်တၢ်စံၣ်ညီၣ်ဃါမနၤလီၤ. အဝဲသ့ၣ်သန့ၤထီၣ်အသးလၢ ကီၢ်အဲၤကူပတူးအသုးမုၢ်ဖးဒိၣ်လၢအဂံၢ်ဆူၣ်ဘါဆူၣ်ဝဲ, သုးမုၢ် လၢအအိၣ်ဒီးကသ့ၣ်တဖၣ်, လ့ၣ်ကဟၣ်ဒုးသုးတဖၣ်, ဒီးသုးမုၢ်သံၣ်ဘိတဖၣ်လီၤ. ဘၣ်ဆၣ်အဝဲသ့ၣ်တသန့ၤအသးလၢ ယွၤ, အံၣ်စရ့လးအယွၤစီၤဆှံ, ဒီးတဃ့အီၤတၢ်မၤစၢၤဘၣ်.

လံာ်ယၡါယၤ 31:3

ပှၤအဲၤကူပတူးဖိတဖၣ်တမ့ၢ်ကစၢ်တဖၣ်ဘၣ်. အဝဲသ့ၣ်မ့ၢ်ဒၣ်ပှၤကညီလီၤ. အကသ့ၣ်တဖၣ်တအိၣ်ဒီးစိ ကမီၤလၢန့ဆၢၣ်အဖီခိၣ်ဘၣ်. ဖဲယွၤမၤတၢ်လံဒီး, ပှၤကလုာ်လၢအဂံၢ်ဆူၣ်ကဟးဂီၤဝဲလီၤ. ဒီးပှၤကလုာ်လၢအဂံၢ်စၢ်လၢအဝဲသ့ၣ်မၤစၢၤဝဲန့ၣ်ကလီၤဃံၤ ဝဲလီၤ. ဒီးခံဖုလိာ်ကဘၣ်တၢ်မၤဟးဂီၤကွံာ်အီၤလီၤ.

လံာ်ယဃ့းစက့လး 17:17

ကီၢ်အဲၤကူပတူးအစီၤပၤအသုးမုၢ်လၢအဂံၢ်ဆူၣ်ဘါဆူၣ်ဒၣ်လဲာ် န့ၣ်, ဖဲလၢပှၤဘၤဘူၤလိၣ်ဖိတဖၣ်မၤထီထီၣ်ဟီၣ်ခိၣ်ဝးတရံးဝ့ၢ်ဒီး ခူၣ်လီၤတၢ်ကျိၤတဖၣ်လၢကမၤသံပှၤဂီၢ်မုၢ်အါဂၤအခါန့ၣ်ဒုး စၢၤအီၤတၢ်တသ့ဘၣ်.

လံာ်ယဃ့းစက့လး 29:16

ကီၢ်အံၣ်စရ့လး တသန့ၤထီၣ်လၢၤအသးလၢအဖီခိၣ်လၢတၢ်မၤစၢၤ အဂီၢ်နီတစုလၢၤဘၣ်. ကီၢ်အဲၤကူပတူးအတၢ်ဟဲဝံဟဲစိာ်ကဒုးသ့ၣ်နီၣ် ကီၢ်အံၣ်စရ့လးလၢ တၢ်သန့ၤသးလၢအဝဲအဖီခိၣ်န့ၣ် မ့ၢ်တၢ်လၢအကမၣ်ဆံးအါလဲၣ်. အန့ၣ်တစု, ကီၢ်အံၣ်စရ့လးကသ့ၣ်ညါလၢယမ့ၢ်ယွၤပၢဘၣ်တၢ်ခဲလၢာ်ကစၢ် န့ၣ်လီၤ.”