လံာ်ယၡါယၤ 36:5 - Sgaw Karen Common Bible

⁵ အဝဲသံကွၢ်ဝဲ, “မ့ၢ်သုဆိကမိၣ်လၢတၢ်ကတိၤတဖၣ်ဟံးန့ၢ်သုး မုၢ်အတၢ်သ့တၢ်ဘၣ်ဒီးအဂံၢ်အဘါအသဟီၣ်အလီၢ်န့ၣ်ကသ့ဧါ. သုဆိကမိၣ်မတၤကမၤစၢၤသုလၢသုတၢ်ပူထီၣ်ထီဒါကီၢ် အၤၡူၢ်န့ၣ်လဲၣ်.

လံာ်ယၡါယၤ 36:5 Iomraidhean Croise

လံာ်စီၤပၤခံဘ့ၣ်တဘ့ၣ် 18:20

ကီၢ်အၤၡူၢ်အစီၤပၤဖးဒိၣ်ဃ့ဆူၣ်သုလၢသုကစံးဆၢက့ၤအီၤ လၢ, မ့ၢ်သုဆိကမိၣ်လၢသုတၢ်ကတိၤတဖၣ်န့ၣ်ဟံးန့ၢ်ကွံာ်တၢ်ဒုးသုး ဒုးသံၣ်အတၢ်သ့တၢ်ဘၣ်ဒီးအတၢ်ဒိၣ်တၢ်မုၢ်အလီၢ်ကသ့ဝဲန့ၣ်ဧါ. မ့ၢ်သုဆိကမၣ်လၢမတၤကမၤစၢၤသုလၢသုကပူထီၣ်ထီဒါကီၢ်အၤ ၡူၢ်န့ၣ်လဲၣ်.

လံာ်စီၤပၤခံဘ့ၣ်တဘ့ၣ် 18:7

လၢတၢ်န့ၣ်အဃိယွၤအိၣ်ဒီးအီၤ, ဒီးကယဲၢ်တၢ်လၢအဝဲ မၤတ့ၢ်ဝဲခဲလၢာ်န့ၣ်ကဲထီၣ်လိၣ်ထီၣ်ဝဲဒၣ်န့ၣ်လီၤ. အဝဲပူထီၣ်တၢ်ထီဒါကီၢ်အၤၡူၢ်အစီၤပၤဖးဒိၣ်ဒီးဂ့ၢ်လိာ်လၢ ကဟ့ၣ်လီၤအသးလၢအဝဲအစုပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 24:1

ဖဲစီၤယဟိၤယါကံၣ်မ့ၢ်စီၤပၤအခါန့ၣ်ကီၢ်ဘၤဘူၤလိၣ်အစီၤပၤ နဘူၤကးန့စၢ်ဟဲနုာ်လီၤဒုးကီၢ်ယူဒၤ, ဒီးလၢသၢနံၣ်အတီၢ်ပူၤန့ၣ်စီၤယဟိၤယါကံၣ်ဘၣ်တၢ်မၢဆူၣ်အီၤ လၢကအိၣ်လၢအဝဲအတၢ်ပၢအဖီလာ်န့ၣ်လီၤ. အန့ၣ်ဝံၤဒီးအဝဲပူထီၣ်တၢ်န့ၣ်လီၤ.

လံာ်ယံးရမံယၤ 52:3

ယွၤသးထီၣ်ဘၣ် ဝ့ၢ်ယရူၤၡလ့ၣ်ဒီး ကီၢ်ယူဒၤ အပှၤဂီၢ်မုၢ်ဒိၣ်ဒိၣ်ကလဲာ်တုၤဒၣ်လဲာ် ဟီထီၣ်ကွံာ်ဝဲလၢအမဲာ်ညါန့ၣ်လီၤ. စီၤစံးဒကံယၤပူထီၣ်တၢ်ထီဒါ ကီၢ်ဘၤဘူၤလိၣ် အစီၤပၤနဘူၤကးန့စၢ်.

လံာ်ယဃ့းစက့လး 17:15

ဘၣ်ဆၣ်ဒီးကီၢ်ယူဒၤအစီၤပၤပူထီၣ်တၢ်ဒီးဆှၢလီၤခၢၣ်စးတဖၣ် ဆူကီၢ်အဲၤကူပတူး, လၢကမၤန့ၢ်ကသ့ၣ်တဖၣ်ဒီးသုးမုၢ်ဖးဒိၣ်တဖု အဂီၢ်န့ၣ်လီၤ. မ့ၢ်အဝဲကမၤနၢၤတၢ်ကစီဒီဧါ. မ့ၢ်အဝဲပူၤဖျဲးထီၣ်လၢတၢ်အံၤကသ့ကစီဒီဧါ. အဝဲမ့ၢ်မၤဟးဂီၤကွံာ်အတၢ်ဆိၣ်လီၤအသးလၢလံာ်ဃံၤဃာ်အပူၤ ဒီးတၢ်တစံၣ်ညီၣ်အီၤဘၣ်န့ၣ်ကသ့ဒ်လဲၣ်.