လံာ်ယၡါယၤ 36:21 - Sgaw Karen Common Bible

²¹ ပှၤဂီၢ်မုၢ်အိၣ်ဘှီၣ်ကလာ်ဝဲဒ်စီၤပၤဃံးစကံယၤစံးဘၣ်တ့ၢ် အဝဲသ့ၣ်အသိးဒီးအဝဲသ့ၣ်တကတိၤတၢ်နီတဘီဘၣ်န့ၣ်လီၤ.

လံာ်ယၡါယၤ 36:21 Iomraidhean Croise

လံာ်စီၤပၤခံဘ့ၣ်တဘ့ၣ် 18:26

ဝံၤဒီးစီၤအ့ၤလယါကံၣ်, စီၤၡ့ၤဘနၤဒီးစီၤယိၤအၤတဲဘၣ် သုးခိၣ်န့ၣ်, “တၢ်ဒိၣ်ဧၢ, ကတိၤတၢ်ဒီးပှၤလၢပှၤအၤရၣ်ဖိ အကျိာ်တက့ၢ်. ပနၢ်ပၢၢ်အီၤ. ကစီဒီလီၤ. ကတိၤတၢ်လၢဧ့ၤဘြံၤအကျိာ်တဂ့ၤ. ပှၤဂီၢ်မုၢ်လၢဝ့ၢ်ခိၣ်ဒူအလိၤဒိကနၣ်တၢ်န့ၣ်လီၤ.”

လံာ်စီၤပၤခံဘ့ၣ်တဘ့ၣ် 18:37

ဝံၤဒီးစီၤအ့ၤလယါကံၣ်, စီၤၡ့ၤဘနၤဒီးစီၤယိၤအၤတဖၣ်ဖှီ ယာ်အဆ့ကူအသိးတဖၣ်လၢတၢ်သူၣ်အုးသးအုးအပူၤဒီးလဲၤဒီးတဲ ဘၣ်စီၤပၤတၢ်လၢကီၢ်အၤၡူၢ်အသုးခိၣ်စံးတ့ၢ်ဝဲန့ၣ်လီၤ.

စံးထီၣ်ပတြၢၤ 39:1

ယစံး, “ယကပလီၢ်ပဒီယသးလၢတၢ်လၢယမၤ ဒီးယသုတမၤတၢ်ဒဲးဘးလၢ ယပျ့ၤအဃိန့ၣ်တဂ့ၤ. ယကကးတံာ်ယထးခိၣ် ဖဲပှၤတတီတလိၤတဖၣ်အိၣ်ဘူးဒီးယၤန့ၣ်လီၤ.”

တၢ်ကတိၤဒိ. 26:4

နမ့ၢ်စံးဆၢပှၤဟးဂီၤဖိအတၢ်သံကွၢ်တဂိာ်တသီၣ်ဘၣ်တထံၣ်န့ၣ် ဒီး, နကစၢ်ဒၣ်နဲနမ့ၢ်ပှၤတဂိာ်တသီၣ်ဒ်ပှၤလၢအသံကွၢ်တၢ် တဂၤအသိးန့ၣ်လီၤ.

လံာ်ဧၤမိၣ် 5:13

မၤသးဒ်န့ၣ်ဒီး, ပှၤလၢအကူၣ်တၢ်သ့န့ၣ်ကအိၣ်ဃိကလာ်လၢတၢ် အကတီၢ်ဒ်သိးအံၤအပူၤန့ၣ်လီၤ. အဂ့ၢ်ဒ်အံၤ, မ့ၢ်တၢ်အကတီၢ်လၢအအၢလီၤ.

လံာ်မးသဲ 7:6

တဘၣ်ဟ့ၣ်လီၤတၢ်စီဆှံလၢထွံၣ်တဖၣ်တဂ့ၤ. အဝဲသ့ၣ်ကဃၣ်တရံးအသးဒီးအ့ၣ်နၤလီၤ. တဘၣ်ကွံာ်လီၤသုတၢ်မျၢ်ပလဲတဖၣ်လၢထိးတဖၣ်အမဲာ်ညါတဂ့ၤ. အဝဲသ့ၣ်ကယီၢ်တံၢ်ဒၣ်အီၤလၢအခီၣ်လီၤ.