လံာ်ယၡါယၤ 36:15 - Sgaw Karen Common Bible

¹⁵ ဒီးပျဲအကတိၤလွဲန့ၢ်သုလၢသုကသန့ၤသုသးလၢယွၤန့ၣ်တဂ့ၤ. ဆိကမိၣ်လၢယွၤကအုၣ်က့ၤခီၣ်က့ၤသုဒီးကဆိကတီၢ်ပကီၢ် အၤၡူၢ်အသုးမုၢ်လၢကမၤန့ၢ်သုဝ့ၢ်အဂီၢ်တဂ့ၤ.

လံာ်ယၡါယၤ 36:15 Iomraidhean Croise

စံးထီၣ်ပတြၢၤ 4:2

သုဝဲ, ပှၤဂီၢ်မုၢ်ကမၤတရီတပါယၤဆံးယံာ်လဲၣ်. သုကအဲၣ်တၢ်ကလီကလီ, ဒီးလူၤဃုတၢ်တတီတလိၤန့ၣ်ဆံးယံာ်လဲၣ်. စ့လၤ

လံာ်ယၡါယၤ 36:18

ပျဲစီၤပၤဃံးစကံယၤလွဲန့ၢ်သုဆူတၢ်ဆိကမိၣ်လၢယွၤကမၤ ပူၤဖျဲးသုန့ၣ်တဂ့ၤ. ပှၤကလုာ်အဂၤအကစၢ်တဖၣ်မ့ၢ်အမၤပူၤဖျဲးတ့ၢ်အထံအကီၢ် တဖၣ်လၢကီၢ်အၤၡူၢ်အစီၤပၤဖးဒိၣ်အစုပူၤန့ၣ်ဧါ.

လံာ်ယၡါယၤ 36:20

ထံကီၢ်ခဲလၢာ်အံၤအကစၢ်တဖၣ်အကျါတဂၤဂၤမ့ၢ်အမၤပူၤဖျဲးတ့ၢ် အထံအကီၢ်လၢပစီၤပၤဖးဒိၣ်အစုပူၤဖဲလဲၣ်ခါလဲၣ်. မ့မ့ၢ်ဒ်န့ၣ်ဒီး, မ့ၢ်တၢ်မနုၤဒုးဆိကမိၣ်သုလၢယွၤမၤပူၤဖျဲးဝ့ၢ်ယရူၤရှလ့ၣ်သ့န့ၣ်လဲၣ်.”

လံာ်ယၡါယၤ 36:7

ပှၤအၤၡူၢ်ဖိအပဒိၣ်တဲအါထီၣ်ဝဲ, ‘‘မ့ၢ်သုကတဲယၤလၢသုဒိးသန့ၤထီၣ်သုသးလၢကစၢ်ယွၤ, သုယွၤန့ၣ်ဧါ. တၢ်န့ၣ်မ့ၢ်ကစၢ်ယွၤအတၢ်လီၢ်ထီၣ်ထီတဖၣ် ဒီးအတၢ်လုၢ်လီၢ်တဖၣ်လၢစီၤဃံးစကံယၤမၤဟးဂီၤကွံာ်အီၤ ဖဲအဝဲတဲဘၣ်ကီၢ်ယူဒၤဒီးဝ့ၢ်ယရူၤရှလ့ၣ်အပှၤဂီၢ်မုၢ်လၢ ကဘူၣ်ထီၣ်ဘါထီၣ်ဒၣ်တၢ်ဖဲလၢတၢ်လုၢ်လီၢ်တပူၤဧိၤန့ၣ်လီၤ.

လံာ်ယၡါယၤ 37:10

ဒီးစံးဘၣ်အီၤ, “ကစၢ်လၢသုပာ်သုတၢ်နာ်လၢအပူၤန့ၣ်စံးဘၣ် တ့ၢ်သုလၢတၢ်တဟ့ၣ်လီၤသုလၢပစုပူၤဘၣ်န့ၣ်, နာ်အီၤတဂ့ၤ.

လံာ်ယၡါယၤ 37:11

သုနၢ်ဟူတ့ၢ်ကီၢ်အၤၡူၢ်အစီၤပၤဖးဒိၣ်တဂၤမၤဘၣ်ထံကီၢ်တဘ့ၣ် ဂ့ၤတဘ့ၣ်ဂ့ၤလၢအဝဲပာ်လီၤအသးလၢကမၤဟးဂီၤဝဲဒ်လဲၣ်အဂ့ၢ် န့ၣ်လီၤ. မ့ၢ်သုဆိကမိၢ်လၢသုပူၤဖျဲးကသ့န့ၣ်ဧါ.

လံာ်မးသဲ 27:43

အဝဲနာ်န့ၢ်ကစၢ်ယွၤဒီးစံးလီၤအသးလၢအမ့ၢ်ကစၢ်ယွၤအဖိခွါလီၤ. ဂ့ၤလံ. မ့မ့ၢ်ဒ်န့ၣ်ဒီးမ်ပကွၢ်သကိးတက့ၢ်. မ့ၢ်ယွၤကအဲၣ်ဒိး မၤပူၤဖျဲးအီၤခဲအံၤန့ၣ်ဧါ.”