လံာ်ယၡါယၤ 36:14 - Sgaw Karen Common Bible

¹⁴ အဝဲဟ့ၣ်ပလီၢ်သုဒ်သိးသုသုတပျဲစီၤပၤဃံးစကံယၤလီန့ၢ်သု တဂ့ၤလီၤ. စီၤပၤဃံးစကံယၤမၤပူၤမၤဖျဲးသုတသ့ဘၣ်.

လံာ်ယၡါယၤ 36:14 Iomraidhean Croise

လံာ်စီၤပၤခံဘ့ၣ်တဘ့ၣ် 19:22

နဆိကမိၣ်လၢနဒုၣ်ဒွဲၣ်စံးဆၢဒီးနံၤဘၣ်ဖၣ်လဲမတၤန့ၣ်လဲၣ်. နတပာ်ကဲဘၣ်ယၤ, ကီၢ်အံၣ်စရ့လးအကစၢ်ယွၤစီဆှံတဂၤန့ၣ်ဘၣ်.

လံာ်ကွဲးနီၣ်တၢ်ခံဘ့ၣ်တဘ့ၣ် 32:11

စီၤဃံးစကံယၤတဲဘၣ်သုလၢယွၤ, သုကစၢ်ယွၤကအုၣ်က့ၤခီၣ်က့ၤ သုလၢပတၢ်စိတၢ်ကမီၤအဖီလာ်, ဘၣ်ဆၣ်မ့ၢ်ဒၣ်စီၤဃံးစကံယၤလီန့ၢ်သုဒီးကပျဲသုသံကွံာ်လၢ တၢ်သူၣ်ဝံၤသၣ်စ့ၤဒီးတၢ်သးသူထံအပူၤန့ၣ်လီၤ.

လံာ်ယၡါယၤ 36:15

ဒီးပျဲအကတိၤလွဲန့ၢ်သုလၢသုကသန့ၤသုသးလၢယွၤန့ၣ်တဂ့ၤ. ဆိကမိၣ်လၢယွၤကအုၣ်က့ၤခီၣ်က့ၤသုဒီးကဆိကတီၢ်ပကီၢ် အၤၡူၢ်အသုးမုၢ်လၢကမၤန့ၢ်သုဝ့ၢ်အဂီၢ်တဂ့ၤ.

လံာ်ဒၤနံးယ့လး 6:20

တုၤလၢအတုၤဃီၤဝဲဖဲန့ၣ်ဒီးကိးထီၣ်ဝဲလၢတၢ်သူၣ်ကိၢ်သးဂီၤ အပူၤ, “စီၤဒၤနံးယ့လး, ကစၢ်ယွၤလၢအမူဝဲတဂၤအခ့အပှၤ ဧၢ, ကစၢ်ယွၤလၢနမၤအတၢ်လၢတၢ်သူၣ်တီ သးရၤအပူၤတဂၤန့ၣ်မၤပူၤဖျဲးနၤလၢခ့ ယုၢ်တဖၣ်န့ၣ်သ့စ့ၢ်ကီးဧါ.”

လံာ်ဒၤနံးယ့လး 7:25

အဝဲကကတိၤထီဒါတၢ်ထီကတၢၢ်ကစၢ်ယွၤဒီးမၤနးမၤဖှီၣ် ကစၢ်ယွၤအပှၤဂီၢ်မုၢ်လီၤ. အဝဲကကျဲးစၢးမၤဒ်သိးကလဲလိာ် ကွံာ်အဝဲသ့ၣ်တဖၣ်အတၢ်ဘူၣ်တၢ်ဘါအတၢ်သိၣ်တၢ်သီ တဖၣ်ဒီးအဘူၣ်တဖၣ်, ဒီးကစၢ်ယွၤအပှၤဂီၢ်မုၢ်ကအိၣ် လၢအစိကမီၤအဖီလာ်သၢနံၣ်ဒီးဃုလါန့ၣ်လီၤ.

၂ သ့းစၤလနံ 2:4

အဝဲဒၣ်ကထီဒါကယဲၢ်တၢ်လၢပှၤကိးအီၤလၢယွၤဒီးတၢ်လၢ ပှၤကညီဘါထီၣ်ဝဲဒီးကပာ်ဖျါထီၣ်အသးဒ်အဒိၣ်န့ၢ် အဝဲသ့ၣ်ခဲလၢာ်န့ၣ်လီၤ. အဝဲဒၣ်ကလဲၤနုာ်ဒီးဆ့ၣ်နီၤဒၣ်လဲာ်လၢကစၢ်ယွၤ အတၢ်လုၢ်ဟံၣ်အပူၤဒီးစံးလီၤအသးလၢအမ့ၢ်ကစၢ်ယွၤ န့ၣ်လီၤ.