လံာ်ယၡါယၤ 36:12 - Sgaw Karen Common Bible

¹² အဝဲစံးဆၢတၢ်ဒီးစံးဝဲ, “သုဆိကမိၣ်လၢယစီၤပၤဖးဒိၣ်မၢ လီၤယၤလၢယကစံးဘၣ်တဲဘၣ်တၢ်သ့ၣ်တဖၣ်အံၤထဲဒၣ်လၢသုဝဲဒီး သုစီၤပၤအဂီၢ်ဧိၤန့ၣ်ဧါ. တမ့ၢ်ဘၣ်. ယကတိၤစ့ၢ်ကီးတၢ်ဆူပှၤဂီၢ်မုၢ်လၢအဆ့ၣ်နီၤလၢဝ့ၢ် ခိၣ်ဒူအဖီခိၣ်လၢအကဘၣ်အီၣ်အအ့ၣ်ဒၣ်ဝဲဒီးအီအဆံၣ်ထံဒၣ်ဝဲ, ဒ်သုကဘၣ်မၤအီၤအသိးအဂီၢ်န့ၣ်လီၤ.”

လံာ်ယၡါယၤ 36:12 Iomraidhean Croise

လံာ်စီၤပၤခံဘ့ၣ်တဘ့ၣ် 18:27

သုးခိၣ်န့ၣ်စံးဆၢဝဲ, “မ့ၢ်သုဆိကမိၣ်လၢစီၤပၤဖးဒိၣ်မၢ လီၤယၤဒ်သိးယကစံးကယဲၢ်တၢ်အံၤခဲလၢာ်ထဲဒၣ်ဆူသုဝဲဒီးစီၤ ပၤအအိၣ်ဧိၤန့ၣ်ဧါ. တမ့ၢ်ဘၣ်, ယကတိၤစ့ၢ်ကီးတၢ်ဆူပှၤဂီၢ်မုၢ်လၢအဆ့ၣ်နီၤလၢဝ့ၢ် ခိၣ်ဒူအဖီခိၣ်လၢအကဘၣ်အီၣ်အအ့ၣ်ဒီးအီအဆံၣ်ဒ်သုကဘၣ်မၤအီၤ အသိး, အအိၣ်န့ၣ်လီၤ.”

လံာ်ယၡါယၤ 36:11

အန့ၣ်ဒီး, စီၤအ့ၤလယါကံၣ်, စီၤၡ့ၤဘနၤ, ဒီးစီၤယိၤအၤတဖၣ် စံးဘၣ်သုးခိၣ်န့ၣ်, “ကတိၤတၢ်ဒီးပှၤလၢအၤရၣ်အကျိာ်တက့ၢ်. ပနၢ်ပၢၢ်အီၤကစီဒီန့ၣ်လီၤ. ကတိၤတၢ်လၢဧ့ၤဘြံၤ အကျိာ်တဂ့ၤ. ပှၤဂီၢ်မုၢ်လၢဝ့ၢ်ခိၣ်ဒူအဖီခိၣ်တဖၣ်ဒိကနၣ်တၢ်လီၤ.”

လံာ်ယၡါယၤ 36:13

အန့ၣ်ဒီးသုးခိၣ်န့ၣ်ဆၢထၢၣ်ဝဲဒီးကိးထီၣ်ဝဲလၢဧ့ၤဘြံၤအကျိာ်, “ဒိကနၣ်တၢ်လၢအၤၡူၢ်အစီၤပၤဖးဒိၣ်စံးဘၣ်သုန့ၣ်တက့ၢ်.

လံာ်ယၡါယၤ 9:20

လၢတၢ်လီၢ်ကိးပူၤဒဲးလၢထံကီၢ်အပူၤန့ၣ်, ပှၤဂုာ်န့ၢ်ထဲးန့ၢ်ဒီးအီၣ်တၢ်အီၣ်တစဲးဂ့ၤတမှဲးဂ့ၤလၢအထံၣ်န့ၢ်ဝဲသ့, ဘၣ်ဆၣ်ဒီးတၢ်သၣ်ဝံၤအသးတတုာ်နီတစုဘၣ်. အဝဲသ့ၣ်အီၣ်က့ၤဒၣ်လဲာ်အဖိတဖၣ်န့ၣ်လီၤ.

လံာ်ယံးရမံယၤ 19:9

ဒုၣ်ဒါတဖၣ်ကကဝီၤဃာ်ဝ့ၢ်အံၤဒီးကကျဲးစၢးမၤသံအပှၤဂီၢ်မုၢ် န့ၣ်လီၤ. တၢ်ကဝီၤဃာ်အံၤကလီၤပျံၤလီၤဖုးဝဲဒိၣ်မးတုၤဒၣ်လဲာ် ပှၤဂီၢ်မုၢ်လၢဝ့ၢ်ပူၤကအီၣ်လိာ်အညၣ်တဂၤဒီးတဂၤတုၤဒၣ်လၢ အဖိဒၣ်ဝဲတဖၣ်အညၣ်ဒၣ်လဲာ်န့ၣ်လီၤ.”

လံာ်ယဃ့းစက့လး 4:12

နကဘၣ်မၤထီၣ်မ့ၣ်အူလၢပှၤကညီအအ့ၣ်ကိၢ်ဃ့, ကုၢ်ကိၣ်လၢမ့ၣ်အူန့ၣ်အဖီခိၣ်, ဒီးအီၣ်အီၤဖဲပှၤကိးဂၤဒဲး ထံၣ်ဘၣ်နၤသ့ဝဲန့ၣ်လီၤ.”

လံာ်ယဃ့းစက့လး 4:16

ဒီးကစၢ်ယွၤစံးအါထီၣ်, “ပှၤကညီလၢအသံသ့ဧၢ, ယကဒီၣ်တဲာ်ကွံာ်တၢ်ဆှၢလီၤကိၣ်လၢဝ့ၢ်ယရူၤၡလ့ၣ်အဂီၢ်န့ၣ်လီၤ. ပှၤဂီၢ်မုၢ်ဖဲန့ၣ်တဖၣ်ကဘၣ်တၢ်ကိၢ်တၢ်ဂီၤဒီးကအိၣ်ဒီးတၢ်ဘၣ် ယိၣ်ဘၣ်ဘီ, ဖဲအဝဲသ့ၣ်စီၤထီၣ်ဝဲတၢ်အီၣ်လၢအဝဲသ့ၣ်အီၣ်ဝဲဒီးဃီၣ်ဝဲထံ လၢအဝဲသ့ၣ်အီဝဲအခါန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:29

ဒီးတၢ်ကသၣ်ဝံၤသုသးတုၤဒၣ် လဲာ်သုကအီၣ်က့ၤသုဖိဒၣ်သုဝဲလီၤ.