လံာ်ယၡါယၤ 35:9 - Sgaw Karen Common Bible

⁹ ခ့ယုၢ်တဖၣ်တအိၣ်ဖဲန့ၣ်နီတဒုဘၣ်. ဆၣ်ဖိကီၢ်ဖိလၢအဒူအဃိၤတပိာ်ကျဲအဝဲန့ၣ် နီတဒုဘၣ်. ပှၤလၢယွၤမၤပူၤဖျဲးတ့ၢ်အီၤတဖၣ်ကက့ၤဆူ အဟံၣ်လၢကျဲအဝဲန့ၣ်လီၤ.

လံာ်ယၡါယၤ 35:9 Iomraidhean Croise

စံးထီၣ်ပတြၢၤ 107:2

မ်ပှၤလၢယွၤပှ့ၤက့ၤအီၤ, ပှၤလၢအဝဲဒၣ်မၤပူၤဖျဲးအီၤလၢ အဒုၣ်အဒါတဖၣ်,

လံာ်တၢ်ဟးထီၣ်ကွံာ် 15:13

လၢနတၢ်သးတီဒီးနတၢ်အၢၣ်လီၤန့ၣ်, နဆှၢနပှၤဂီၢ်မုၢ်လၢ နအုၣ်က့ၤခီၣ်က့ၤတ့ၢ်အီၤန့ၣ်လီၤ. လၢနဂံၢ်နဘါန့ၣ်နဆှၢတ့ၢ်အဝဲသ့ၣ်ဆူနကီၢ်စီဆှံ အပူၤလီၤ.

လံာ်ယၡါယၤ 1:27

မ့ၢ်လၢယွၤတီဝဲလိၤဝဲအဃိဒီး, အဝဲကအုၣ်က့ၤခီၣ်က့ၤဝ့ၢ်ယ ရူၤၡလ့ၣ်ဒီးပှၤအိၣ်ဖဲန့ၣ်ကိးဂၤဒဲးလၢအပီၢ်ယၢ်လီၤက့ၤအသးလီၤ.

လံာ်ယၡါယၤ 30:21

သုမ့ၢ်ဟးဖျိးကွံာ်လၢကျဲဒီးဟးဆူစုထွဲမ့ၢ်ဂ့ၤ, ဆူစုစ့ၣ်မ့ၢ်ဂ့ၤ ဘၣ်ဆၣ်ဒီး, သုကနၢ်ဟူဘၣ်အကလုၢ်လၢသုလီၢ်ခံလၢအစံးဝဲ, “ကျဲအိၣ်ဖဲအံၤလီၤ. ပိာ်ထွဲအီၤတက့ၢ်,” န့ၣ်လီၤ.

လံာ်ယၡါယၤ 30:6

အအံၤမ့ၢ်ကစၢ်ယွၤအတၢ်ကစီၣ်ဘၣ်ဃးဆၣ်ဖိကီၢ်ဖိတဖၣ်အဂ့ၢ် လၢကလံၤထံးမဲးမုၢ်ခိၣ်လီၤ. “ထံကီၢ်ခၢၣ်စးတဖၣ်လဲၤတၢ် ခီဖျိထံကီၢ်လၢအလီၤပျံၤလီၤဘၣ်ယိၣ်, ဖဲခ့ယုၢ်တဖၣ်, ဖဲဂုၢ်လၢအစုၣ်အၢတဖၣ်ဒီးပယိၤလၢအယူၤတဖၣ် အိၣ်ဝဲန့ၣ်လီၤ. အဝဲသ့ၣ်ဒုးဝံဒုးစိာ်အကသ့ၣ်ယီၤဒီးကီၤလၤအူးတဖၣ် လၢတၢ်ဟ့ၣ်လုၢ်ဒိၣ်ပှ့ၤဒိၣ်တဖၣ်လၢပှၤတကလုာ်လၢအမၤ စၢၤအဝဲသ့ၣ်တသ့နီတမံၤဘၣ်အဂီၢ်န့ၣ်လီၤ.

လံာ်ယၡါယၤ 43:19

အိၣ်ခိးကွၢ်လၢ်တၢ်အသီလၢယကမၤအီၤန့ၣ်တက့ၢ်. မၤတ့ၢ်လံအသးလံ. သုထံၣ်ဘၣ်အီၤခဲအံၤသ့လီၤ. ယကမၤကျဲမုၢ်တဘိခီဖျိပှၢ်မုၢ်ကနၢ ဒီးဟ့ၣ်သုထံကျိဖိတဖၣ်ဖဲန့ၣ်လီၤ.

လံာ်ယၡါယၤ 5:29

သုးဖိတဖၣ်ကညီၤထီၣ်ဝဲဒ်ခ့ယုၢ်တဖၣ်အသိး, လၢအမၤသံ ဆၣ်ဖိကီၢ်ဖိဒီးစိာ်ကွံာ်အီၤဆူတၢ်လီၢ်လၢပှၤဟံးန့ၢ်က့ၤအီၤ လၢအအိၣ်တသ့နီတဂၤဘၣ်န့ၣ်လီၤ.

လံာ်ယၡါယၤ 51:10

နမ့ၢ်စ့ၢ်ကီးပှၤလၢအမၤလီၤ သံးကွံာ်ပီၣ်လဲၣ်ဒီးကတဲာ်က တီၤတ့ၢ်ကျဲတဘိလၢပီၣ်လဲၣ်ခံဒး ဒ်သိးပှၤတဖၣ်လၢနအုၣ်က့ၤ ခီၣ်က့ၤအီၤခီဂာ်တၢ်ကသ့အဂီၢ်န့ၣ်လီၤ.

လံာ်ယၡါယၤ 62:10

ဝ့ၢ်ယရူၤၡလ့ၣ်အပှၤဂီၢ်မုၢ်သ့ၣ်ဧၢ, ဟးထီၣ်လၢဝ့ၢ်အချၢ ဒီးဘှီထီၣ်ကျဲမုၢ်တဘိလၢသုပှၤဂီၢ်မုၢ်လၢကဟဲက့ၤက ဒါက့ၤတဖၣ်အဂီၢ်တက့ၢ်. ကတဲာ်ကတီၤကျဲမုၢ်ဖးဒိၣ်တဘိ, မၤပျီကွံာ်လၢၢ်တဖၣ်တက့ၢ်. ပာ်လီၤတၢ်ပနီၣ်တမံၤဒ်သိးပှၤကလုာ်တဖၣ် ကသ့ၣ်ညါဝဲလၢ,

လံာ်ယၡါယၤ 62:12

သုကဘၣ်တၢ်ကိးသုလၢ, “ကစၢ်ယွၤအပှၤဂီၢ်မုၢ်စီဆှံ, “ပှၤဂီၢ်မုၢ်လၢယွၤအုၣ်က့ၤခီၣ်က့ၤတ့ၢ်အီၤ” န့ၣ်လီၤ. ဝ့ၢ်ယရူၤရှလ့ၣ်ကဘၣ်တၢ်ကိးအီၤလၢ, “ဝ့ၢ်လၢကစၢ်ယွၤအဲၣ်အီၤ, “ဝ့ၢ်လၢကစၢ်ယွၤတလဲၤသဒၣ်အီၤဘၣ်” န့ၣ်လီၤ.

လံာ်ယၡါယၤ 63:4

ယစံၣ်ညီၣ်တဲာ်လၢတၢ်ဆၢကတီၢ်လၢယကအုၣ်က့ၤခီၣ်က့ၤယပှၤ ဂီၢ်မုၢ်ဟဲတုၤဝဲ, ဒီးတၢ်အံၤမ့ၢ်တၢ်ဆၢကတီၢ်လၢတၢ်စံၣ်ညီၣ် အဝဲသ့ၣ်အဒုၣ်အဒါတဖၣ်အဂီၢ်လီၤ.

လံာ်ယၡါယၤ 65:25

ထွံၣ်မံၤတဖၣ်ဒီးသိဖိတဖၣ်ကအီၣ်အဆၣ်တပူၤဃီ, ခ့ယုၢ်တဖၣ်ကအီၣ်လီၢ်ဧိၤဒံးဧိၤ, ဒ်ဂီၤဘုၣ်ဂီၤဖံးအသိး, ဒီးဂုၢ်သ့ၣ်တဖၣ်တလီၤပျံၤလီၤဖုးလၢၤဘၣ်. လၢယကစၢၢ်စီဆှံစံယိၣ်အလိၤန့ၣ်, တၢ်မၤဆူးမၤဆါမ့ၢ်ဂ့ၤ, တၢ်မၤအၢမၤသီမ့ၢ်ဂ့ၤ, တအိၣ်နီတမံၤလၢၤဘၣ်.”

လံာ်ယံးရမံယၤ 30:10

ယပှၤဂီၢ်မုၢ်သ့ၣ်ဧၢ, ပျံၤတၢ်ဖုးတၢ်တဂ့ၤ. ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, အိၣ်ဒီး တၢ်ပျံၤတၢ်ဖုးတဂ့ၤ. ယကအုၣ်က့ၤခီၣ်က့ၤသုလၢ ထံကီၢ်လၢအယံၤဝဲန့ၣ်, ထံကီၢ်ဖဲသုမ့ၢ်ပှၤဘၣ်တၢ်စိာ်မၢကဲကုၢ်တဖၣ်န့ၣ်လီၤ. သုကဟဲက့ၤကဒါက့ၤဆူ ဟံၣ်ဒီး အိၣ်မုာ်အိၣ်ခုၣ် ဘၣ်န့ၣ်လီၤ. တၢ်အၢတဘၣ်သုဘၣ်ဒီး ပှၤတမၤပျံၤမၤဖုးသု နီတဂၤဘၣ်.

လံာ်ယဃ့းစက့လး 34:25

ယကမၤတၢ်အၢၣ်လီၤအီလီၤတမံၤဒီးအဝဲသ့ၣ်လၢအအုၣ်ခီၣ်အသး လၢအဝဲသ့ၣ်အတၢ်ဘံၣ်တၢ်ဘၢအဂီၢ်န့ၣ်လီၤ. ယကနီၣ်ထီၣ်ဟီထီၣ် ကွံာ်ကယဲၢ်ဆၣ်ဖိကီၢ်ဖိလၢအလီၤပျံၤလီၤဖုးတဖၣ်ခဲလၢာ်လၢကီၢ်ပူၤ လၢာ်လၢာ်ဆ့ဆ့ဒ်သိးယသိတဖၣ်အိၣ်ဆိးဘၣ်ပူၤပူၤဖျဲးဖျဲးလၢ စံာ်ပူၤပျီပူၤတဖၣ်အပူၤဒီးမံလီၤလၢပှၢ်တဖၣ်အပူၤကသ့ဝဲန့ၣ်လီၤ.

လံာ်ယဃ့းစက့လး 34:27

သ့ၣ်တဖၣ်ကသၣ်ထီၣ်တၤသၣ်, စံာ်ပျီတဖၣ်ကဟ့ၣ်ထီၣ်တၢ်မုၢ်တၢ်ဘိ တဖၣ်ဒီးပှၤကိးဂၤဒဲးကအိၣ်ဆိးဝဲလၢတၢ်ဘံၣ်တၢ်ဘၢအပူၤလၢ အကီၢ်ဒၣ်ဝဲန့ၣ်လီၤ. တုၤယမၤထီၣ်တဲာ်ကွံာ်ယပှၤဂီၢ်မုၢ်အထးပျံၤ တဖၣ်လၢအစၢဃာ်အီၤဒီးမၤထူၣ်ဖျဲးထီၣ်အဝဲသ့ၣ်လၢပှၤတဖၣ်လၢ အမၤကဲကုၢ်အီၤအစုပူၤဒီး, အန့ၣ်တစုအဝဲသ့ၣ်ကသ့ၣ်ညါဝဲလၢ ယမ့ၢ်ယွၤန့ၣ်လီၤ.

လံာ်ဟိၤၡ့ 2:18

ဖဲအဆၢကတီၢ်အဝဲန့ၣ်, ယကမၤတၢ်အၢၣ်လီၤအီ လီၤတမံၤဒီးကယဲၢ်ဆၣ်ဖိကီၢ်ဖိအမံၤတဖၣ်ဒီးထိၣ်တဖၣ် ဒ်သိးအဝဲသ့ၣ်တဖၣ်အသုတမၤဆါဘၣ်ယပှၤဂီၢ်မုၢ်တဂ့ၤန့ၣ်လီၤ. ယကသုးကွံာ်စ့ၢ်ကီးတၢ်ဒုးတၢ်ယၤအတၢ်စုကဝဲၤခဲလၢာ်လၢကီၢ် ပူၤ, ကယဲၢ်ဘီတဖၣ်ဒီးချံၣ်တဖၣ်ဒီးကဒုးအိၣ်ဒုး ဆိးယပှၤဂီၢ်မုၢ်လၢတၢ်ဃူတၢ်ဖိးဒီးတၢ်အိၣ်ပူၤအိၣ်ဖျဲးအပူၤ န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:6

ဒီးယကဟ့ၣ်လီၤသုလၢတၢ်ဃူတၢ်ဖိးလၢသုထံဧိၤကီၢ် ဧိၤအပူၤ, ဒီးသုကမံဒီးပှၤတမၤပျံၤမၤဖုးဘၣ်သုနီတဂၤဘၣ်. ဒီးယကဒုးဟးထီၣ်ကွံာ်ဆၣ်ဖိကီၢ်ဖိအအၢလၢသုကီၢ်ပူၤ, ဒီးတၢ်ဒုးတၢ်ယၤတအိၣ်လၢၤဘၣ်လၢသုကီၢ်ပူၤဘၣ်.

ကလၤတံ 3:13

ဘၣ်ဆၣ်ဒီး, ခီဖျိခရံာ်ဒိးတၢ်စံၣ်ညီၣ်လၢပဂီၢ်န့ၣ်အဝဲဒၣ်ဒုး ထူၣ်ဖျဲးထီၣ်ကွံာ်ပှၤလၢတၢ်စံၣ်ညီၣ်လၢတၢ်သိၣ်တၢ်သီဒုး အိၣ်ထီၣ်ဝဲန့ၣ်လီၤ. အဂ့ၢ်ဒ်အံၤတၢ်ကွဲးအသးစံးဝဲ, “ပှၤတဂၤလၢ်လၢ်လၢအဘၣ်တၢ်ဘျးထီၣ်အစိၣ် လၢသ့ၣ်ထူၣ်တထူၣ်အလိၤန့ၣ်, အိၣ်လၢကစၢ်ယွၤအတၢ်စံၣ်ညီၣ်အဖီလာ်န့ၣ်လီၤ” (သိၣ်သီ ၂၁:၂၃).

တံတူး 2:14

အဝဲဒၣ်ဟ့ၣ်လီၤအသးလၢပဂီၢ်ဒ်သိးကမၤထူၣ်ဖျဲးပှၤလၢတၢ် အၢတၢ်သီခဲလၢာ်ဒီးကဒုးကဲထီၣ်ပှၤ, ပှၤတကလုာ်လၢအကဆှီဝဲလၢအဘၣ်ဃးထဲဒၣ်ဒီးအီၤဒီး အသးဆူၣ်လၢတၢ်မၤဂ့ၤတၢ်အဂီၢ်န့ၣ်လီၤ.

၁ ပ့းတရူး 1:18

အဂ့ၢ်ဒ်အံၤ, သုသ့ၣ်ညါတၢ်လၢအပှ့ၤက့ၤသုဒ်သိးသုကထူၣ် ဖျဲးထီၣ်လၢတၢ်အိၣ်မူလၢအတကဲဘျုးလၢသုန့ၢ်သါလၢမိၢ် ပၢ်ဖံဖုလၢပျၢၤတဖၣ်အအိၣ်န့ၣ်လီၤ. တၢ်အံၤတမ့ၢ်တၢ်တမံၤလၢတၢ်မၤဟးဂီၤအီၤသ့ဒ်စ့ဒီးထူ အသိးန့ၣ်ဘၣ်.

လံာ်လီၣ်ဖျါ 5:9

အဝဲသ့ၣ်သးဝံၣ်တၢ်သးဝံၣ်အသီတယုၢ်, “နကြၢးဝဲဘၣ်ဝဲလၢနကဟံးန့ၢ်လံာ်ထူ ဒီးအိးထီၣ်အတၢ်စဲပနီၣ်ဃာ်တဖၣ်လီၤ. အဂ့ၢ်ဒ်အံၤနဘၣ်တၢ်မၤသံနၤ, ဒီးခီဖျိနသွံၣ်န့ၣ်, နပှ့ၤန့ၢ်ပှၤလၢဒူၣ်ဖိထၢဖိကိးဒူၣ်ဒဲးအပူၤ, လၢပှၤကတိၤကျိာ်အါကျိာ်အကျါ, လၢထံကီၢ်အါဘ့ၣ်အပူၤ, ဒီးပှၤကလုာ်အါကလုာ်အပူၤလၢကစၢ်ယွၤအဂီၢ် န့ၣ်လီၤ.