လံာ်ယၡါယၤ 35:8 - Sgaw Karen Common Bible

⁸ ကျဲမုၢ်ဖးဒိၣ်တဘိလၢအဘၣ်တၢ်ကိးအီၤလၢ, “တၢ်စီဆှံအကျဲ” ကအိၣ်ထီၣ်ဝဲလီၤ. ပှၤတၢ်ဒဲးဘးဖိတလဲၤတၢ်လၢကျဲအဝဲန့ၣ်နီတဂၤနီတစုဘၣ်. ပှၤဟးဂီၤဖိတဖၣ်လၢအကဆှၢကမၣ်ဘၣ်ပှၤတဖၣ်လၢအပိာ်ကျဲ အဝဲန့ၣ်တအိၣ်နီတဂၤဘၣ်.

လံာ်ယၡါယၤ 35:8 Iomraidhean Croise

စံးထီၣ်ပတြၢၤ 118:20

အအံၤမ့ၢ်ယွၤအတြဲၤလၢ ထဲဒၣ်ပှၤအတီအလိၤဧိၤလဲၤနုာ်သ့ဝဲဒၣ်န့ၣ်လီၤ.

စံးထီၣ်ပတြၢၤ 119:130

တၢ်ဒုးနဲၣ်ဖျါထီၣ်နကလုၢ်နကထါန့ၣ် ဟ့ၣ်ထီၣ်တၢ်ကပီၤ, ဒီးဒုးနၢ်ပၢၢ်ပှၤလၢအတမၤလိဘၣ်တၢ်ဘၣ်လီၤ.

စံးထီၣ်ပတြၢၤ 19:7

ယွၤအတၢ်သိၣ်တၢ်သီလၢဝဲပှဲၤဝဲ ဒီးမၤကျၢၤထီၣ်က့ၤပသးလီၤ. ယွၤအတၢ်အုၣ်အသးန့ၣ်မ့ၢ်ဝဲတီဝဲ, ဒီးဒုးကူၣ်သ့ပှၤလၢအတမၤလိဘၣ်တၢ်ဘၣ်လီၤ.

စံးထီၣ်ပတြၢၤ 23:4

တုၤယလဲၤလၢတၢ်သံအကဒု အကစၢၢ်ကဆူးပူၤဒၣ်လဲာ်န့ၣ်, ယတပျံၤဘၣ်တၢ်အၢဘၣ်. အဂ့ၢ်ဒ်အံၤ, နအိၣ်ဒီးယၤလီၤ. နနီၣ်ထိးဘိဒီးနနီၣ်ထိးတဘိန့ၣ် မၤမုာ်ထီၣ်က့ၤယၤလီၤ.

တၢ်ကတိၤဒိ. 16:17

ပှၤလၢအဂ့ၤတဖၣ်န့ၣ်ပိာ်ကျဲတဘိလၢအပဒ့ၣ်ဟးဆှဲးတၢ်အၢတၢ်သီ လီၤ. မၤသးဒ်န့ၣ်ဒီးနလဲၤဖဲလဲၣ်ဖဲလဲၣ်န့ၣ်ပလီၢ်နသးတက့ၢ်. တၢ်န့ၣ်ကအုၣ်က့ၤခီၣ်က့ၤနသးသမူလီၤ.

တၢ်ကတိၤဒိ. 4:18

ကျဲလၢပှၤတီပှၤလိၤပိာ်ဝဲန့ၣ်လီၤဂာ်ဒ်မုၢ်ဟဲထီၣ်ဒီးကပီၤ ဒံးယံာ်ဒံးဂ့ၤထီၣ်တုၤလၢမုၢ်ထူၣ်အသိးန့ၣ်လီၤ.

တၢ်ကတိၤဒိ. 8:20

ယလဲၤတၢ်လၢကျဲတီကျဲလိၤအပူၤ ဒီးယပိာ်ထွဲတၢ်စံၣ်ညီၣ်တီအကျဲတဖၣ်လီၤ.

တၢ်ကတိၤဒိ. 9:4

“ပှၤလၢအတသ့လံာ်သ့လဲၢ်သ့ၣ်ဧၢ, ဟဲနုာ်တက့ၢ်.” ဒီးစံးဘၣ်ပှၤဟးဂီၤဖိတဖၣ်,

လံာ်ယၡါယၤ 11:16

ကျဲမုၢ်ဖးဒိၣ်တဘိကဟးထီၣ်လၢကီၢ်အၤၡူၢ်လၢအပှၤအံၣ်စရ့လး ဖိလၢအအိၣ်မူတ့ၢ်ဖဲန့ၣ်တဖၣ်အဂီၢ်, ဒ်အအိၣ်လၢအမိၢ်ပၢ်ဖံဖု လၢပျၢၤတဖၣ်အဂီၢ်အသိး, ဖဲအဝဲသ့ၣ်ဟးထီၣ်လၢကီၢ် အဲၤကူပတူးအခါန့ၣ်လီၤ.

လံာ်ယၡါယၤ 19:23

တုၤတၢ်ဆၢကတီၢ်န့ၣ်ဟဲဝဲဒီး, ကျဲမုၢ်ဖးဒိၣ်ကအိၣ်ဝဲတဘိ လၢကီၢ်အဲၤကူပတူးဒီးကီၢ်အၤၡူၢ်အဘၢၣ်စၢၤလီၤ. ပှၤတဖၣ်လၢထံကီၢ်ခံဘ့ၣ်အံၤအပူၤကလဲၤလဲၤက့ၤက့ၤလၢ ကျဲအံၤအလိၤဒီးပှၤခံကလုာ်အံၤကဘူၣ်သကိးဘါသကိး တၢ်တပူၤဃီလီၤ.

လံာ်ယၡါယၤ 30:21

သုမ့ၢ်ဟးဖျိးကွံာ်လၢကျဲဒီးဟးဆူစုထွဲမ့ၢ်ဂ့ၤ, ဆူစုစ့ၣ်မ့ၢ်ဂ့ၤ ဘၣ်ဆၣ်ဒီး, သုကနၢ်ဟူဘၣ်အကလုၢ်လၢသုလီၢ်ခံလၢအစံးဝဲ, “ကျဲအိၣ်ဖဲအံၤလီၤ. ပိာ်ထွဲအီၤတက့ၢ်,” န့ၣ်လီၤ.

လံာ်ယၡါယၤ 33:8

ကျဲမုၢ်ဒိၣ်တဖၣ်လီၤပျံၤလီၤဘၣ်ယိာ်ဝဲတုၤဒၣ်လဲာ်ပှၤတလဲၤ တၢ်က့ၤတၢ်လၢအလိၤနီတဂၤလၢၤဘၣ်. ထံကီၢ်ကဒဲကဒဲအတၢ် အၢၣ်လီၤလိာ်သးတဖၣ်ဘၣ်တၢ်မၤဟးဂီၤကွံာ်အီၤဒီးတၢ်သး လီၤပလိာ်ဃုာ်တဖၣ်ဘၣ်တၢ်မၤတရီတပါအီၤလီၤ. တၢ်ပာ်ကဲတအိၣ်လၢၤဘၣ်လၢပှၤနီတဂၤအဖီခိၣ်နီ တစုလၢၤဘၣ်.

လံာ်ယၡါယၤ 4:3

ပှၤကိးဂၤဒဲးလၢအအိၣ်လီၤတဲာ်တ့ၢ် လၢဝ့ၢ်ယရူၤၡလ့ၣ်အပူၤပှၤလၢယွၤ ဃုထၢတ့ၢ်အီၤလၢကမူဒံးတဖၣ်ကဘၣ် တၢ်ကိးအီၤလၢပှၤစီဆှံလီၤ.

လံာ်ယၡါယၤ 42:16

ယကဆှၢယပှၤမဲာ်ဘျီၣ်တဖၣ် လၢကျဲတဖၣ်လၢအဝဲသ့ၣ်တလဲၤဘၣ်ဝဲ နီတဘျီန့ၣ်လီၤ. ယကဒုးကဲထီၣ်က့ၤအဝဲသ့ၣ်အတၢ်ခံးဆူတၢ်ကပီၤဒီးမၤပၢၤထံ ကီၢ်လၢအကနၢၣ်ခိၣ်ချၢန့ၣ်, လၢအဝဲသ့ၣ်အမဲာ်ညါလီၤ. တၢ်တဖၣ်အံၤမ့ၢ်ယတၢ်အၢၣ်လီၤအီလီၤ ဒီးယကဟံးဃာ်အီၤသပှၢ်ကတၢၢ်လီၤ.

လံာ်ယၡါယၤ 43:19

အိၣ်ခိးကွၢ်လၢ်တၢ်အသီလၢယကမၤအီၤန့ၣ်တက့ၢ်. မၤတ့ၢ်လံအသးလံ. သုထံၣ်ဘၣ်အီၤခဲအံၤသ့လီၤ. ယကမၤကျဲမုၢ်တဘိခီဖျိပှၢ်မုၢ်ကနၢ ဒီးဟ့ၣ်သုထံကျိဖိတဖၣ်ဖဲန့ၣ်လီၤ.

လံာ်ယၡါယၤ 51:10

နမ့ၢ်စ့ၢ်ကီးပှၤလၢအမၤလီၤ သံးကွံာ်ပီၣ်လဲၣ်ဒီးကတဲာ်က တီၤတ့ၢ်ကျဲတဘိလၢပီၣ်လဲၣ်ခံဒး ဒ်သိးပှၤတဖၣ်လၢနအုၣ်က့ၤ ခီၣ်က့ၤအီၤခီဂာ်တၢ်ကသ့အဂီၢ်န့ၣ်လီၤ.

လံာ်ယၡါယၤ 52:1

ဝ့ၢ်ယရူၤၡလ့ၣ်ဧၢ, ဂံၢ်ဆူၣ်ဘါဆူၣ်ဒီး ဒိၣ်ကဒီးက့ၤနဲတက့ၢ်. ကစၢ်ယွၤအဝ့ၢ်စီဆှံဧၢ, ကူသိးထီၣ်နဲတၢ်ဃံဒိၣ်လၤဒိၣ်တ က့ၢ်. ပှၤတသ့ၣ်ညါယွၤတဟဲနုာ်ဘၣ်ကဒီး လၢနတြဲၤတဖၣ်အပူၤနီတစုဘၣ်.

လံာ်ယၡါယၤ 52:11

ဟးထီၣ်ကွံာ်သပှၢ်ကတၢၢ်လၢကီၢ်ဘၤဘူၤလိၣ်, သုဝဲလၢအဝံစိာ်တၢ်လုၢ်ဟံၣ်အပီးအလီသ့ၣ်ဧၢ, တၢ်လၢတၢ်တြီအီၤတဖၣ်န့ၣ်ထိးအီၤနီတမံၤတဂ့ၤ. ပာ်စီပာ်ဆှံသုသးဒီးဟးထီၣ်တက့ၢ်.

လံာ်ယၡါယၤ 57:14

ယွၤစံးဝဲဒၣ်, “မ်ယပှၤဂီၢ်မုၢ်ဟဲက့ၤကဒါက့ၤဆူယအိၣ်တက့ၢ်. မ်တၢ်နိးတၢ်ဘျးကိးမံၤဒဲးလၢအကျဲသုးကွံာ်အသးတက့ၢ်. မ်ကျဲတဖၣ်ဘှီထီၣ်အသးဒီးအိၣ်ကတဲာ်ကတီၤအသးတက့ၢ်.

လံာ်ယၡါယၤ 60:21

နပှၤဂီၢ်မုၢ်ခဲလၢာ်ကမၤတၢ်လၢအလိၤအဘၣ်, ဒီးကန့ၢ်သါဘၣ်ထံကီၢ်လီၤထူလီၤယိာ်လီၤ. ယသူၣ်လီၤတ့ၢ်အဝဲသ့ၣ်, ယဒုးကဲထီၣ်တ့ၢ်အဝဲသ့ၣ်, ဒ်သိးကလီၣ်ဖျါယတၢ်ဒိၣ်တၢ်မုၢ်ဆူပှၤခဲလၢာ်န့ၣ်လီၤ.

လံာ်ယၡါယၤ 62:10

ဝ့ၢ်ယရူၤၡလ့ၣ်အပှၤဂီၢ်မုၢ်သ့ၣ်ဧၢ, ဟးထီၣ်လၢဝ့ၢ်အချၢ ဒီးဘှီထီၣ်ကျဲမုၢ်တဘိလၢသုပှၤဂီၢ်မုၢ်လၢကဟဲက့ၤက ဒါက့ၤတဖၣ်အဂီၢ်တက့ၢ်. ကတဲာ်ကတီၤကျဲမုၢ်ဖးဒိၣ်တဘိ, မၤပျီကွံာ်လၢၢ်တဖၣ်တက့ၢ်. ပာ်လီၤတၢ်ပနီၣ်တမံၤဒ်သိးပှၤကလုာ်တဖၣ် ကသ့ၣ်ညါဝဲလၢ,

လံာ်ယၡါယၤ 62:12

သုကဘၣ်တၢ်ကိးသုလၢ, “ကစၢ်ယွၤအပှၤဂီၢ်မုၢ်စီဆှံ, “ပှၤဂီၢ်မုၢ်လၢယွၤအုၣ်က့ၤခီၣ်က့ၤတ့ၢ်အီၤ” န့ၣ်လီၤ. ဝ့ၢ်ယရူၤရှလ့ၣ်ကဘၣ်တၢ်ကိးအီၤလၢ, “ဝ့ၢ်လၢကစၢ်ယွၤအဲၣ်အီၤ, “ဝ့ၢ်လၢကစၢ်ယွၤတလဲၤသဒၣ်အီၤဘၣ်” န့ၣ်လီၤ.

လံာ်ယံးရမံယၤ 31:21

ပာ်ထီၣ်တၢ်ပနီၣ်တဖၣ်ဒီး မၤနီၣ်ကျဲမုၢ်န့ၣ်တက့ၢ်. ဃုက့ၤကဒီးကျဲလၢ သုဟးထီၣ်ကွံာ်န့ၣ်တက့ၢ်. ဟဲက့ၤကဒါက့ၤတက့ၢ်, ကီၢ်အံၣ်စရ့လး အပှၤဂီၢ်မုၢ်သ့ၣ်ဧၢ, ဟဲက့ၤဆူ ဟံၣ်ဆူဝ့ၢ်တဖၣ်လၢ သုဟးထီၣ်ဒီး ပာ်တီၢ်အီၤန့ၣ်တက့ၢ်.

လံာ်ယဃ့းစက့လး 43:12

တၢ်အံၤမ့ၢ် တၢ်လုၢ်ဟံၣ်အတၢ်သိၣ်တၢ်သီန့ၣ်လီၤ. ကယဲၢ်တၢ်လီၢ်ကဝီၤလၢ အအိၣ်ဝးတရံးအီၤလၢ ကစၢၢ်ဒီခိၣ်အံၤ, မ့ၢ်တၢ်စီဆှံဒီးဘၣ်တၢ်ပာ်စီဆှံအီၤန့ၣ်လီၤ.

လံာ်ယဃ့းစက့လး 44:9

ယၤ, ယွၤပၢဘၣ်တၢ်ခဲလၢာ်ကစၢ်တဲဖျါလၢပှၤတခီ ဘီမုၢ်ဖိတဂၤလၢ်လၢ်လၢအတဒိးဘၣ်တၢ်ကူးတရံး, ပှၤတဂၤလၢ်လၢ်လၢအတစူၢ်ယၤဘၣ်န့ၣ်, တဟဲနုာ်ဘၣ်ဆူယတၢ်လုၢ်ဟံၣ်အပူၤဘၣ်. ပှၤတခီဘီမုၢ်ဖိတဂၤလၢအအိၣ်ဆိးလၢကီၢ်အံၣ်စရ့လး အပှၤဂီၢ်မုၢ်အကျါဒၣ်လဲာ်န့ၣ်တလဲၤနုာ် ဘၣ်ဝဲဆူယတၢ်လုၢ်ဟံၣ်အပူၤဘၣ်.”

လံာ်ယိၤအ့လး 3:17

တုၤနုၤတစု, ပှၤအံၣ်စရ့လးဖိသ့ၣ်ဧၢ, သုကသ့ၣ်ညါလၢယမ့ၢ် ယွၤ, သုကစၢ်ယွၤန့ၣ်လီၤ. ယအိၣ်လၢကစၢၢ်စံယိၣ်, ယကစၢၢ်စီဆှံအလိၤန့ၣ်လီၤ. ဝ့ၢ်ယရူၤၡလ့ၣ်ကမ့ၢ်ဝ့ၢ်စီဆှံတဖျၢၣ် ဒီးပှၤတခီဘီမုၢ်တဖၣ်တမၤနၢၤမၤဃၣ်ကဒီး အီၤလၢၤဘၣ်.

လံာ်တၢ်ဘူၣ်ထီၣ်ဘါထီၣ် 26:6

ဒီးယကဟ့ၣ်လီၤသုလၢတၢ်ဃူတၢ်ဖိးလၢသုထံဧိၤကီၢ် ဧိၤအပူၤ, ဒီးသုကမံဒီးပှၤတမၤပျံၤမၤဖုးဘၣ်သုနီတဂၤဘၣ်. ဒီးယကဒုးဟးထီၣ်ကွံာ်ဆၣ်ဖိကီၢ်ဖိအအၢလၢသုကီၢ်ပူၤ, ဒီးတၢ်ဒုးတၢ်ယၤတအိၣ်လၢၤဘၣ်လၢသုကီၢ်ပူၤဘၣ်.

လံာ်မးသဲ 1:23

“မုၣ်ကနီၤတဂၤကဒၢထီၣ်ဒီးကဆံးစၢ်န့ၢ်အဖိခွါတဂၤဒီး အဝဲကဘၣ်တၢ်ကိးအီၤလၢဧံးမၤနူၤအ့လး” (အခီပညီန့ၣ်ကစၢ်ယွၤအိၣ်ဒီးပှၤ) လီၤ(ၡါ. ၇:၁၄).

လံာ်ယိၤဟၣ် 14:6

ယ့ၣ်ၡူးစံးဆၢအီၤ, “ယဲဒၣ်အံၤယမ့ၢ်ကျဲ, တၢ်မ့ၢ်တၢ်တီ, ဒီးတၢ်မူလီၤ. မ့တမ့ၢ်လၢအခီဖျိယၤဘၣ်ဒီး, ပှၤလဲၤဆူပၢ်အအိၣ်တသ့နီတဂၤဘၣ်.

လံာ်ယိၤဟၣ် 7:17

ပှၤတဂၤဂ့ၤတဂၤဂ့ၤအသးမ့ၢ်အိၣ်လၢကမၤဘၣ်ကစၢ်ယွၤ အတၢ်ဘၣ်အသးဒီး, အဝဲကသ့ၣ်ညါဝဲလၢယတၢ်သိၣ်လိသီလိအံၤဟဲလၢ ကစၢ်ယွၤအအိၣ်ဧါ, မ့တမ့ၢ်ဒီးလၢယကတိၤဒၣ်တၢ်လၢယစိကမီၤဒၣ်ယဲလဲၣ်န့ၣ်လီၤ.

အ့းဖ့းစူး 2:10

အဂ့ၢ်ဒ်အံၤ, ပမ့ၢ်ကစၢ်ယွၤအစုအတၢ်ဘၣ်တ့, တ့လီၤဝဲလၢပကမူလၢယ့ၣ်ၡူးခရံာ်အပူၤ, လၢတၢ်မၤဂ့ၤတၢ်အတၢ်အိၣ်မူလၢအဝဲကတီၤပာ်စၢၤဝဲလၢပဂီၢ် အပူၤန့ၣ်လီၤ.

၁ သ့းစၤလနံ 4:7

အဂ့ၢ်ဒ်အံၤ, ကစၢ်ယွၤတကိးဃီၤပှၤဆူတၢ်ကလုာ်ကလိၤ အပူၤဘၣ်. မ့မ့ၢ်အဝဲဒၣ်ကိးဃီၤပှၤဆူတၢ်အိၣ်မူအစီအဆှံ အပူၤလီၤ.

၂ တံၤမသ့း 1:9

အဝဲဒၣ်အုၣ်က့ၤခီၣ်က့ၤပှၤဒီးကိးထီၣ်ပှၤဒ်သိးပကမ့ၢ် အတၢ်ဒၣ်ဝဲ, တမ့ၢ်လၢတၢ်ဖံးတၢ်မၤလၢပမၤတ့ၢ်လံတဖၣ် အဃိဘၣ်. မ့မ့ၢ်, မ့ၢ်လၢအတၢ်တိာ်ဒီးအဘျုးအဖှိၣ်ဒၣ်ဝဲ အဃိန့ၣ်လီၤ. အဝဲဒၣ်ဟ့ၣ်လီၤပှၤတၢ်ဘျုးတၢ်ဖှိၣ်အံၤခီဖျိ ယ့ၣ်ၡူးခရံာ်, တချုးလၢဟီၣ်ခိၣ်ဘၣ်တၢ်တ့လီၤအီၤဒံးဒၣ် လဲာ်န့ၣ်လီၤ.

ဧ့ၤဘြံၤ 12:14

ဂုာ်ကျဲးစၢးဟံးဃာ်တၢ်အိၣ်ဃူအိၣ်ဖိးဒီးပှၤခဲလၢာ်တက့ၢ်. ဂုာ်ဟံးဃာ်စ့ၢ်ကီးတၢ်စီဆှံတက့ၢ်. တၢ်စီဆှံတအိၣ်ဘၣ်ဒီးပှၤတထံၣ်ဘၣ်ကစၢ်ယွၤနီတဂၤဘၣ်.

၁ ပ့းတရူး 1:16

တၢ်ကွဲးအသးစံးဝဲဒၣ်, “ကဲထီၣ်ပှၤစီဆှံတက့ၢ်. အဂ့ၢ်ဒ်အံၤယမ့ၢ်ပှၤစီဆှံလီၤ” (ဘူၣ်ဘါ ၁၁:၄၄).

၂ ပ့းတရူး 3:13

ဘၣ်ဆၣ်ဒီး, ပအိၣ်ခိးကွၢ်လၢ်တၢ်လၢကစၢ်ယွၤစံးပာ်တ့ၢ်လံဝဲလၢ အမ့ၢ်မူခိၣ်အသီဒီးဟီၣ်ခိၣ်အသီဖဲတၢ်တီတၢ်လိၤကအိၣ်ဝဲ ဆိးဝဲန့ၣ်လီၤ.

၁ ယိၤဟၣ် 2:20

ဘၣ်ဆၣ်ဒီး, ခရံာ်လူလီၤဂၢ်လီၤသးစီဆှံလၢသုလိၤ, ဒီးသုဝဲခဲလၢာ်သုသ့ၣ်ညါတၢ်မ့ၢ်တၢ်တီန့ၣ်လီၤ.

၁ ယိၤဟၣ် 2:27

မ့မ့ၢ်သုဝဲတခီ, ခရံာ်လူလီၤဂၢ်လီၤတ့ၢ်အသးလၢသုလိၤလံ. ဖဲအသးစီဆှံအိၣ်ဒံးဒီးသုန့ၣ်, သုတလိၣ်ဘၣ်ပှၤနီတဂၤလၢကသိၣ်လိသုအဂီၢ်ဘၣ်. အဂ့ၢ်ဒ်လဲၣ်န့ၣ်, ယွၤအသးသိၣ်လိသုဘၣ်ဃးတၢ်ခဲ လၢာ်ဒီးတၢ်လၢအဝဲသိၣ်လိန့ၣ်, မ့ၢ်တၢ်မ့ၢ်တၢ်တီဒီး တမ့ၢ်တၢ်လီတၢ်ဝ့ၤဘၣ်. မ့မ့ၢ်ဒ်န့ၣ်ဒီး, စူၢ်ယွၤအသး အတၢ်သိၣ်လိသုဒီးအိၣ်ဆိးလၢခရံာ်အပူၤန့ၣ်တက့ၢ်.

လံာ်လီၣ်ဖျါ 21:27

ဘၣ်ဆၣ်ဒီးတၢ်လၢအတကဆှီန့ၣ်တနုာ်လီၤဘၣ်ဆူဝ့ၢ်ပူၤနီ တမံၤဘၣ်. ဒ်န့ၣ်အသိး, ပှၤတဂၤလၢ်လၢ်လၢအမၤတၢ်လၢ အလီၤမဲာ်ဆှး, မ့တမ့ၢ်လီတၢ်ဝ့ၤတၢ်န့ၣ်, တနုာ်လီၤဘၣ်ဝဲဘၣ်. ထဲဒၣ်ပှၤတဖၣ်လၢအမံၤအိၣ်ကွဲးအသးလၢသိဖိအလံာ်မူ အပူၤန့ၣ်, ကနုာ်လီၤဘၣ်ဆူဝ့ၢ်အပူၤလီၤ.