လံာ်ယၡါယၤ 35:7 - Sgaw Karen Common Bible

⁷ မဲးမုၢ်ကိၢ်ကကဲထီၣ်ကမါတခါ ဒီးဟီၣ်ခိၣ်လၢအဃ့ထီန့ၣ်ကဘၣ်တၢ်မၤပှဲၤအီၤဒီးထံမူထီၣ်ပၢၢ် တဖၣ်လီၤ. ဖဲထွံၣ်မံၤတဖၣ်အိၣ်ဆိးတ့ၢ်ဝဲအလီၢ်န့ၣ်, တပိၢ်ဒီးဆှဲတဖၣ်ကမဲထီၣ်ဝဲလီၤ.

လံာ်ယၡါယၤ 35:7 Iomraidhean Croise

စံးထီၣ်ပတြၢၤ 107:35

အဝဲဒုးဆီတလဲက့ၤမဲးမုၢ်ခိၣ်ဆူနိၣ်တဖၣ်, ဒီးဟီၣ်ခိၣ်လၢအဃ့ဆူထံထီၣ်ပၢၢ်တဖၣ်န့ၣ်လီၤ.

လံာ်ယၡါယၤ 13:22

ထွံၣ်မံၤဒီးထွံၣ်ဟီၣ်ခိၣ်တဖၣ်အတၢ်မီၤအသီၣ်ကသီၣ်ဆၢက့ၤလၢ ပၢၤတၢ်အလီၢ်ဒီးနူၢ်ဧိၤစီၤဧိၤအပူၤန့ၣ်လီၤ. ကီၢ်ဘၤဘူၤလိၣ်အဆၢကတီၢ်ဟဲတုၤဝဲလံ. အမုၢ်နံၤတဖၣ်ကလၢာ်ဘူးထီၣ်လံ.”

လံာ်ယၡါယၤ 19:6

ထံကျိအကျိၤတဖၣ်ကနၢအုၣ်နၢပူးဝဲဖဲထံလီၤသံးကွံာ်ဝဲပှီၢ်ပှီၢ် န့ၣ်လီၤ. ဆှဲဒီးတပိၢ်တဖၣ်ကဃ့ထီကွံာ်ဝဲလီၤ.

လံာ်ယၡါယၤ 29:17

ဒ်တၢ်စံးပာ်အိၣ်ဝဲအသိးန့ၣ်, တယံာ်လၢၤဘၣ်ဒီးသ့ၣ်ဒိၣ်ပှၢ် တီၣ်န့ၣ်ကကဲထီၣ်စံာ်ပျီ, ဒီးစံာ်ပျီကကဲထီၣ်က့ၤသ့ၣ်ဒိၣ်ပှၢ် တီၣ်လီၤ.

လံာ်ယၡါယၤ 30:25

မုၢ်တနံၤဖဲသုဒုၣ်သုဒါအတိာ်တဖၣ်ဘၣ်တၢ်ဒုးန့ၢ်ဖီၣ်န့ၢ်အီၤ, ဒီးအပှၤတဖၣ်ဘၣ်တၢ်မၤသံကွံာ်အီၤန့ၣ်, ထံဖိကျိအထံတဖၣ် ကယွၤလီၤဝဲလၢကစၢၢ်ကိးဖျၢၣ်ဒဲးဒီးတၢ်လူၢ်ကိးလူၢ်ဒဲးန့ၣ်လီၤ.

လံာ်ယၡါယၤ 34:13

တၤဆှုၣ် တၤမဲတဖၣ်ကမဲထီၣ်ပှဲၤကယဲၢ်နူၢ်ဧိၤစီၤဧိၤအပူၤဒီးဝ့ၢ် အိၣ်ဒီးအခိၣ်ဒူတဖၣ်အပူၤ, ဒီးထွံၣ်ဟီၣ်ခိၣ်တဖၣ်ဒီးဒိကအိ တဖၣ်ကအိၣ်လၢအဝဲသ့ၣ်အပူၤန့ၣ်လီၤ.

လံာ်ယၡါယၤ 41:18

ယကဒုးအိၣ်ထီၣ်ထံကျိတဖၣ်လၢအယွၤလီၤဝဲလၢတၢ်လူၢ်ဃ့ထီလီၤ ဖျိတဖၣ်အကျါ ဒီးထံထီၣ်ပၢၢ်အကျိတဖၣ်ကယွၤလီၤဝဲလၢတၢ်တြီၤတဖၣ်အပူၤလီၤ. ယကဒုးကဲထီၣ်မဲးမုၢ်ခိၣ်ဆူထံအနိၣ်တဖၣ် ဒီးဟီၣ်ခိၣ်လၢအဃ့ထီဆူထံမူထီၣ်ပၢၢ်တဖၣ်လၢအယွၤလီၤဝဲ န့ၣ်လီၤ.

လံာ်ယၡါယၤ 43:20

ဆၣ်ဖိကီၢ်ဖိအမံၤတဖၣ်ဒၣ်လဲာ်ကမၤလၤကပီၤယၤဒီး ထွံၣ်ဟီၣ်ခိၣ်ဒီးထိၣ်ကီၤလၤအူးတဖၣ်ကစံးထီၣ်ပတြၢၤယၤဖဲ ယဒုးယွၤလီၤ ထံကျိတဖၣ်လၢမဲးမုၢ်ခိၣ်အပူၤ ဒီးဟ့ၣ်လီၤထံလၢယပှၤဂီၢ်မုၢ်လၢယဃုထၢအီၤ အဂီၢ်န့ၣ်လီၤ.

လံာ်ယၡါယၤ 48:21

ဖဲယွၤဆှၢခီဖျိအပှၤဂီၢ်မုၢ်လၢမဲးမုၢ်ခိၣ်တတီၤလၢအကိၢ် ဒီးအဃ့ထီအခါန့ၣ်, အဝဲသ့ၣ်တတူၢ်ဘၣ်တၢ်သူအသးလၢထံဘၣ်. ဒုးယွၤလီၤထံလၢလၢၢ်တဖျၢၣ်အပူၤ လၢအဝဲသ့ၣ်အဂီၢ်လီၤ. အဝဲဒိသ့ၣ်ဖးလၢၢ်ဒီးထံပုာ်ထီၣ်ယွၤလီၤဝဲလီၤ.

လံာ်ယၡါယၤ 49:10

အဝဲသ့ၣ်တသၣ်ဝံၤမ့ၢ်ဂ့ၤ, တသးသူထံမ့ၢ်ဂ့ၤနီတစုလၢၤဘၣ်. မုၢ်ဒီးမဲးမုၢ်ခိၣ်အတၢ်ကိၢ်တမၤဘၣ်ဒိဘၣ်ထံး အဝဲသ့ၣ်ဘၣ်. အဂ့ၢ်ဒ်အံၤ, အဝဲသ့ၣ်ကဘၣ်တၢ်ဆှၢအီၤလၢပှၤတဂၤလၢအအဲၣ်အဝဲသ့ၣ် န့ၣ်လီၤ. အဝဲဒၣ်ကဆှၢအဝဲသ့ၣ်ဆူထံမူထီၣ်ပၢၢ်တဖၣ်န့ၣ်လီၤ.

လံာ်ယဃ့းစက့လး 47:8

အဝဲစံးဘၣ်ယၤ, “ထံအံၤယွၤလီၤခီဖျိတၢ်လီၢ်တၢ်ကျဲဆူမုၢ်ထီၣ်တကပၤဒီး ဆူယၢ်ဒ့ၣ်အတၢ်တြီၤပူၤ, ဒီးဆူပီၣ်လဲၣ်သံအပူၤန့ၣ်လီၤ. တုၤအယွၤနုာ်လီၤဆူပီၣ်လဲၣ်သံအပူၤန့ၣ်မၤပှဲၤ က့ၤပီၣ်လဲၣ်န့ၣ်အအံသၣ်ထံအလီၢ်ဒီးထံအဘျါန့ၣ်လီၤ.

လံာ်မးသဲ 21:43

ယ့ၣ်ၡူးစံးကဒီးဝဲ, “လၢတၢ်န့ၣ်အဃိ, ယစံးဘၣ်သု, ကစၢ်ယွၤအဘီအမုၢ်ကဘၣ်တၢ်ဟံးထီၣ်ကွံာ်အီၤလၢသုအိၣ်, ဒီးဟ့ၣ်လီၤအီၤဆူပှၤတကလုာ်လၢအဟ့ၣ်ထီၣ်တၤသၣ် လၢအကြၢးဝဲဘၣ်ဝဲန့ၣ်လီၤ.”

လံာ်လူၤကၣ် 13:29

ပှၤကဟဲလၢမုၢ်ထီၣ်မုၢ်နုာ်, လၢကလံၤစိးဒီးကလံၤထံး, ဒီးဆ့ၣ်နီၤဖဲစီၢ်နီၤခိၣ်, လၢကစၢ်ယွၤအဘီအမုၢ်အပူၤလီၤ.

လံာ်ယိၤဟၣ် 4:14

မ့မ့ၢ်ပှၤတဂၤလၢ်လၢ်လၢအအီထံလၢယကဟ့ၣ်အီအီၤန့ၣ်, အသးတသူထံနီတဘျီလၢၤဘၣ်. ထံလၢယကဟ့ၣ်အီၤန့ၣ်, ကကဲထီၣ်ထံထီၣ်ပၢၢ်လၢအပူၤလၢကဟ့ၣ်ထီၣ်တၢ်မူ အထံဒီးတၢ်မူအထူအယိာ်န့ၣ်လီၤ.”

လံာ်ယိၤဟၣ် 7:38

ဒ်တၢ်ကွဲးအသးစံးဝဲအသိး, “ပှၤတဂၤလၢ်လၢ်လၢအစူၢ်က့ၤနာ် က့ၤယၤန့ၣ်, ထံမူကျိတဖၣ်ကယွၤလီၤလၢအသးပူၤလီၤ.”

မၤတၢ် 26:18

နကဘၣ်အိးထီၣ်အဝဲသ့ၣ်အမဲာ်ချံဒီးဃၣ်ကွံာ်အဝဲသ့ၣ် လၢတၢ်ခံးတၢ်နၤဆူတၢ်ကပီၤ, ဒီးလၢမုၣ်ကီၤလံၢ်အစိကမီၤ ဆူကစၢ်ယွၤအစိကမီၤ, ဒ်သိးခီဖျိအဝဲသ့ၣ်တဖၣ်အတၢ်စူၢ် တၢ်နာ်လၢယပူၤန့ၣ်, အဝဲသ့ၣ်အတၢ်ကမၣ်ကဘၣ်တၢ်ပျၢ် ကွံာ်အီၤ, ဒီးကဒိးန့ၢ်ဘၣ်အလီၢ်လၢယွၤအပှၤဃုထၢဖိတဖၣ် အကျါန့ၣ်လီၤ.’

လံာ်လီၣ်ဖျါ 18:2

အဝဲဒၣ်ကိးထီၣ်လၢအကလုၢ်ဖးဒိၣ်, “လီၤပှီၢ်လံဘၤဘူၤ လိၣ်ဖးဒိၣ်လီၤပှီၢ်လံ. ခဲကနံၣ်အံၤ, အဝဲဒၣ်ဘၣ်တၢ်မၤတံာ်တာ်မၤပျံၤမၤဖုးအီၤလၢတၢ်ဝံတၢ်နါ, ဒီးသးလၢအတကဆှီတဖၣ်, ထိၣ်လၢအဘၣ်အၢဘၣ်သီဒီးအလီၤသးဟ့အကလုာ်ကလုာ် အိၣ်ဝဲဆိးဝဲလၢအပူၤလီၤ.

လံာ်ပှၤစံၣ်ညီၣ်ကွီၢ် 6:38

ဒီးတၢ်မၤအသးဒ်န့ၣ်လီၤတံၢ်လီၤဆဲးလီၤ. ဖဲစီၤကံးဒဧိၣ်ဂဲၤဆၢထၢၣ်ဂီၤဂီၤလၢခံတနံၤန့ၣ် အဝဲဝံာ်သိဆူၣ်ဒီးမၤန့ၢ်ဝဲပစီၤထံပှဲၤလၢလီခီတဖျၢၣ်န့ၣ်လီၤ.