လံာ်ယၡါယၤ 35:1 - Sgaw Karen Common Bible

¹ မဲးမုၢ်ခိၣ်န့ၣ်ကသူၣ်ခုသးခု, ဒီးဖီတဖၣ်ကဖီထီၣ်ဝဲလၢပှၢ်မုၢ်ကနၢအပူၤလီၤ.

လံာ်ယၡါယၤ 35:1 Iomraidhean Croise

စံးထီၣ်ပတြၢၤ 48:11

မ်စံယိၣ်အပှၤဂီၢ်မုၢ်တဖၣ်ကသးခုဝဲဒၣ်န့ၣ်တက့ၢ်. နဟ့ၣ်တၢ်စံၣ်ညီၣ်တီလီၤ. မ်တၢ်သးခုကအိၣ်ဝဲဒၣ်လၢယူဒၤအဝ့ၢ် တဖၣ်အပူၤန့ၣ်တက့ၢ်.

စံးထီၣ်ပတြၢၤ 96:12

မ်စံာ်ဧိၤပှဲၤဧိၤ, ဒီးကယဲၢ်တၢ်အိၣ်လၢအပူၤ သူၣ်ဖှံသးညီတက့ၢ်. တုၤနုၤတစုကယဲၢ်သ့ၣ်လၢပှၢ်လၢ်ကျါ ကသးဝံၣ်တၢ်လၢတၢ်သူၣ်ခုသးခု,

စံးထီၣ်ပတြၢၤ 97:8

စံယိၣ်အပှၤဂီၢ်မုၢ်သူၣ်ခုသးခုဒီး ကီၢ်ယူဒၤအဝ့ၢ်တဖၣ်သူၣ်ဖှံသးညီ, မ့ၢ်ဒၣ်လၢနတၢ်စံၣ်ညီၣ်တဖၣ်အဃိလီၤ, ယွၤဧၢ

လံာ်တၢ်သးဝံၣ်တဖၣ်အတၢ်သးဝံၣ် 2:1

ယမ့ၢ်ဒၣ်ၡၤရိၣ်အဖီတၤဆှုၣ်အမံၤတဖီးလၢပှၢ်လၢ်ကျါ, ဒီးဖီဒ့ၣ်ညါတဖီးလၢကစၢၢ်အတၢ်တြီၤပူၤလီၤ.

လံာ်ယၡါယၤ 25:9

ဖဲတၢ်အံၤမၤအသးဒီး, ပှၤကိးဂၤဒဲးကစံးဝဲ, “အဝဲဒၣ်မ့ၢ်ပကစၢ်ယွၤလီၤ. ပပာ်ပတၢ်နာ်လၢအပူၤဒီးခဲအံၤ, ပသူၣ်ဖှံသးညီဒီးသူၣ်ခုသးခုလီၤ. အဂ့ၢ်ဒ်အံၤ, အုၣ်က့ၤခီၣ်က့ၤတ့ၢ်ပှၤလီၤ.”

လံာ်ယၡါယၤ 27:10

ဝ့ၢ်ခိၣ်ဒူလၢအဂၢၢ်အကျၢၤန့ၣ်ဒါလီၤအသးလၢတၢ်ဟးဂီၤ တဖၣ်အပူၤလံ. အိၣ်သယုၢ်သညိလီၤဂာ်ဒ်ပှၢ်မုၢ်ကနၢလၢ တၢ်တအိၣ်နီတမံၤဘၣ်အသိးလီၤ. ကဲထီၣ်ဂီၤဘုၣ်ဂီၤဖံး အီၣ်ဆၣ်အလီၢ်တတီၤဖဲအဝဲသ့ၣ်အိၣ်ဘှံးဒီးအီၣ်အဆၣ်သ့ဝဲ န့ၣ်လီၤ.

လံာ်ယၡါယၤ 27:6

မုၢ်နံၤတဖၣ်လၢအကဟဲအပူၤန့ၣ်, ကီၢ်အံၣ်စရ့လးအပှၤဂီၢ်မုၢ် လၢအဟဲလီၤစၢၤလၢစီၤယၤကိာ်, ကစဲၤလီၤအဂံၢ်ဒ်သ့ၣ်တထံး အသိးဒီးအဝဲသ့ၣ်ကဘိၣ်ထီၣ်ဆှိးထီၣ်ဒီးဟီၣ်ခိၣ်ကပှဲၤဒီးတၤ သၣ်လၢအဟ့ၣ်ထီၣ်ဝဲလီၤ.

လံာ်ယၡါယၤ 29:17

ဒ်တၢ်စံးပာ်အိၣ်ဝဲအသိးန့ၣ်, တယံာ်လၢၤဘၣ်ဒီးသ့ၣ်ဒိၣ်ပှၢ် တီၣ်န့ၣ်ကကဲထီၣ်စံာ်ပျီ, ဒီးစံာ်ပျီကကဲထီၣ်က့ၤသ့ၣ်ဒိၣ်ပှၢ် တီၣ်လီၤ.

လံာ်ယၡါယၤ 35:6

ပှၤခီၣ်ဟးဂီၤကစံၣ်ထီၣ်ဒီးဂဲၤကလံၣ် ဒီးပှၤအုးအးကတာ်ပျ့ၤတဖၣ် ကကိးထီၣ်ဝဲလၢတၢ်သးခုအပူၤလီၤ. ထံကျိဖိအထံတဖၣ်ကယွၤလီၤဝဲခီဖျိမဲးမုၢ်ခိၣ်လီၤ.

လံာ်ယၡါယၤ 4:2

တၢ်ဆၢကတီၢ်ဟဲဝဲဖဲယွၤကပျဲတၢ်မုၢ်တၢ်ဘိဒီးသ့ၣ်ကိးထံးဒဲး လၢကီၢ်ပူၤကဒိၣ်ထီၣ်ဒီးဃံလၤဝဲလီၤ. ကယဲၢ်ပှၤအံၣ်စရ့လးဖိခဲလၢာ်လၢအမူဒံးတဖၣ်ကသူၣ်မုာ်သးခုဝဲ ဒီးပာ်ကဖၢလၢအသးလၢဟီၣ်ခိၣ်ဟ့ၣ်ထီၣ်ဝဲအတၤသူတၤသၣ် တဖၣ်အဃိလီၤ.

လံာ်ယၡါယၤ 40:3

တၢ်အကလုၢ်ကိးထီၣ်ဝဲ, “ကတဲာ်ကတီၤကျဲလၢယွၤအဂီၢ်လၢပှၢ်မုၢ်ကနၢပူၤ န့ၣ်တက့ၢ်. မၤပျီကျဲလၢမဲးမုၢ်ခိၣ်လၢပကစၢ်ယွၤအဂီၢ်တက့ၢ်.

လံာ်ယၡါယၤ 42:11

မ်မဲးမုၢ်ခိၣ်ဒီးအဝ့ၢ်တဖၣ်စံးထီၣ်ပတြၢၤကစၢ်ယွၤတက့ၢ်. မ်က့ဒၢ်အပှၤဂီၢ်မုၢ်စံးထီၣ်ပတြၢၤအီၤတက့ၢ်. မ်ပှၤအိၣ်လၢဝ့ၢ်စ့လၤအပူၤတဖၣ်ကိးထီၣ်လၢတၢ်သးခုအဃိ လၢကစၢၢ်တဖၣ်အဒီခိၣ်န့ၣ်တက့ၢ်.

လံာ်ယၡါယၤ 43:19

အိၣ်ခိးကွၢ်လၢ်တၢ်အသီလၢယကမၤအီၤန့ၣ်တက့ၢ်. မၤတ့ၢ်လံအသးလံ. သုထံၣ်ဘၣ်အီၤခဲအံၤသ့လီၤ. ယကမၤကျဲမုၢ်တဘိခီဖျိပှၢ်မုၢ်ကနၢ ဒီးဟ့ၣ်သုထံကျိဖိတဖၣ်ဖဲန့ၣ်လီၤ.

လံာ်ယၡါယၤ 51:3

ယကဒုးနဲၣ်ယတၢ်သးကညီၤဆူဝ့ၢ်ယရူၤၡလ့ၣ်ဒီး, ဆူပှၤခဲလၢာ်လၢအအိၣ်လၢအတၢ်ဟးဂီၤတဖၣ်အပူၤလီၤ. အလီၢ်အကျဲမ့ၢ်မဲးမုၢ်ခိၣ်ဒၣ်လဲာ်, ယကဒုးကဲထီၣ်အီၤလၢ တၤသၣ်လီၢ်တလီၢ် လၢအလီၤဂာ်ဒီးတၤသၣ်လီၢ်လၢယသူၣ်လီၤတ့ၢ်အီၤလၢဧ့ၤဒ့ၣ်န့ၣ်လီၤ. တၢ်သူၣ်ခုသးခုဒီးတၢ်သူၣ်ဖှံသးညီ, တၢ်စံးထီၣ်ပတြၢၤဒီးတၢ်စံးဘျုးစံးဖှိၣ်ယၤ အတၢ်သးဝံၣ်တဖၣ်ကအိၣ်ဖဲန့ၣ်လီၤ.

လံာ်ယၡါယၤ 6:11

ယသံကွၢ်တၢ်ဒီးစံး, “ယွၤဧၢ, တၢ်ဒ်သိးအံၤကမၤဒံးအသး ဆံးယံာ်လဲၣ်.” အဝဲဒၣ်စံးဆၢယၤ, “တုၤလီၤလၢဝ့ၢ်တဖၣ် ဟးဂီၤကွံာ်ခဲလၢာ်ဒီးအိၣ်ကလီဝဲ, တုၤလီၤလၢဟံၣ်တဖၣ်ပှၤ တအိၣ်လၢအပူၤလၢၤဘၣ်, ဒီးတုၤလီၤလၢထံကီၢ်အနီၢ်ကစၢ်အံၤ အိၣ်သယုၢ်သညိဒီးလီၤဃီကွံာ်ဝဲတစုန့ၣ်လီၤ.

လံာ်ယၡါယၤ 7:21

ဖဲတၢ်ဆၢကတီၢ်န့ၣ်တုၤဃီၤဝဲဒီး, ပှၤထူစံၣ်ဖိတဂၤမ့ၢ်ပာ် ကီၤန့ၢ်ဒၣ်ထဲဂီၤဖံးမိၢ်သးစၢ်တဒုဒီးမဲာ်တဲးလဲးခံဒုဒၣ်လဲာ်န့ၣ်,

လံာ်ယဃ့းစက့လး 36:35

ပှၤကိးဂၤကစံးဝဲလၢကီၢ်အံၤ, တဘျီမ့ၢ်ပှၢ်မုၢ်ကနၢတပူၤ, ခဲကနံၣ်အံၤကဲထီၣ်ဒ်ဧ့ၤဒ့ၣ်တၤသၣ်လီၢ်အသိးဒ်လဲၣ်, ဒီးဝ့ၢ်တဖၣ် လၢအဘၣ်တၢ်မၤလီၤပှီၢ်ကွံာ်အီၤ, ဘၣ်တၢ်ဂုာ်ဆူၣ်ပျီဆူၣ်ဒီးဘၣ် တၢ်ပာ်လီၤတဲာ်ကွံာ်အီၤလၢတၢ်ဟးဂီၤတဖၣ်အပူၤန့ၣ်, ခဲအံၤ ပှၤအိၣ်ဝဲဆိးဝဲဒီးဘၣ်တၢ်မၤကျၢၤခၢၣ်သနၢၣ်ထီၣ်အီၤန့ၣ်ဒ်လဲၣ်.