လံာ်ယၡါယၤ 34:9 - Sgaw Karen Common Bible

⁹ ကီၢ်အဒိၣ်အထံကျိတဖၣ်ကကဲထီၣ်ကျဲတံး, ဒီးဟီၣ်ခိၣ်ကကဲထီၣ်ကးလီၤ. ထံကီၢ်ဒီဘ့ၣ်ညါန့ၣ်မ့ၣ်အူကအီၣ် အီၤဒ်ကျဲတံးအသိးလီၤ.

လံာ်ယၡါယၤ 34:9 Iomraidhean Croise

လံာ်တၢ်ကဲထီၣ်အခီၣ်ထံး 19:28

အဝဲကွၢ်လီၤတၢ်ဆူဝ့ၢ်စဒိၣ်ဒီးဂမိရၤဒီးတၢ်တြီၤဒီခါညါ, ဒီးထံၣ်ဝဲမ့ၣ်အူခုၣ်ထီၣ်လၢဟီၣ်ခိၣ်ဖီခိၣ်ဒ်မ့ၣ်အူလုၣ်ဟဲ ထီၣ်လၢဖၣ်ကပူၤဖးဒိၣ်တခါအသိးန့ၣ်လီၤ.

လံာ်စီၤယိၤဘး 18:15

ဖဲကးဘၣ်တၢ်ဖှံလီၤအီၤလၢ ကမၤကဆှီကွံာ်တၢ်ဆူးတၢ်ဆါ အဃၢ်ဝံၤအလီၢ်ခံန့ၣ်, ခဲအံၤပှၤတဂၤဂၤကအိၣ်ဆိးလၢ အဒဲပူၤလီၤ.

စံးထီၣ်ပတြၢၤ 11:6

အဝဲဒုးဟဲစူၤလီၤဝဲမ့ၣ်အူအ့ၣ်ဒီးကးလၢ အကဲၤကပျီၤလၢပှၤအၢပှၤသီအဖီခိၣ် ဒီးသိၣ်ဃီၣ်အဝဲသ့ၣ်လၢ ကလံၤမုၢ်ကိၢ်လၢအအီၣ်တၢ်န့ၣ်လီၤ.

လံာ်ယၡါယၤ 30:33

ယံာ်တ့ၢ်လံန့ၣ်, ယွၤကတဲာ်ကတီၤပာ်တၢ်လီၢ်တတီၤ ဖဲကီၢ်အၤၡူၢ်အစီၤပၤကဘၣ်တၢ်ဒွဲၣ်အူအီၤလၢမ့ၣ်အူအဂီၢ်လီၤ. တၢ်လီၢ်န့ၣ်ယိာ်ဝဲဒီးလဲၢ်ဝဲ, ဒီးသ့ၣ်မုၣ်ဘၣ်တၢ်ပူၣ်ထီၣ်ထီအီၤဖဲန့ၣ်လီၤ. ယွၤကသါသဖှိထီၣ်မ့ၣ်အူလၣ်တဖၣ်လၢမ့ၣ်အူလၢကအီၣ်ကွံာ်တၢ် အဂီၢ်လီၤ.

လံာ်ယံးရမံယၤ 49:13

ယကစၢ်ဒၣ်ယဲ ယဆိၣ်တၢ်လၢ ဝ့ၢ်ဘိးစရၤကကဲ ထီၣ်တၢ်ထံၣ်အလီၢ်တတီၤလၢ အလီၤပျံၤလီၤဖုးဒီး မဲးမုၢ်ခိၣ်တတီၤန့ၣ်လီၤ. ပှၤဂီၢ်မုၢ် ကကတိၤဒုၣ်ဒွဲၣ် အီၤဒီး သူ အမံၤဒ်တၢ်ဆိၣ်အၢတမံၤအသိးန့ၣ်လီၤ. သဝီတဖၣ်လၢ အအိၣ်ဘူးအိၣ်တံၢ်ကအိၣ်လၢ တၢ် ဟးဂီၤအပူၤလီၤထူလီၤယိာ်န့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်လူၤကၣ် 17:29

ဖဲမုၢ်တနံၤလၢစီၤလိာ်ဟးထီၣ်ကွံာ်လၢဝ့ၢ်စဒိၣ်န့ၣ်, တၢ်ဟဲစူၤလီၤလၢမ့ၣ်အူဒီးကးလၢမူခိၣ်, ဒီးမၤသံကွံာ်အဝဲသ့ၣ်ကိးဂၤဒဲးလီၤ.

လံာ်သိၣ်လီၤသီလီၤတၢ် 29:23

စံာ်ဧိၤပှဲၤဧိၤတဖၣ်ကကဲထီၣ်တၢ်အိၣ်သယုၢ်အလီၢ်တပူၤ, ဘၣ်တၢ်ခဲဘၢအီၤလၢကးကမူၣ်ဒီးအံသၣ်န့ၣ်လီၤ. တၢ်တသူၣ်လီၤဖျးလီၤဘၣ်တၢ်နီတမံၤဒီးနီၣ်ဧိၤမံၤဧိၤဒၣ်လဲာ် တမဲထီၣ်ဘၣ်ဖဲန့ၣ်ဘၣ်. သုထံသုကီၢ်ကမၤအသးဒ်ဝ့ၢ်တဖၣ်လၢအမ့ၢ်စဒိၣ်ဂမိရၤ, အၤဒမၤဒီးစဘိအံးအသိးလၢယွၤမၤဟးဂီၤကွံာ်တ့ၢ်အီၤဖဲအဝဲ အသးဒိၣ်ကဲၤကပျီၤဝဲအခါန့ၣ်လီၤ.

ယူဒၤ 1:7

သ့ၣ်နီၣ်ထီၣ်က့ၤဝ့ၢ်စဒိၣ်ဒီးဂမိရၤ, ဒီးဝ့ၢ်အိၣ်လၢအဃၢၤတဖၣ်, အပှၤဝ့ၢ်ဖိတဖၣ်လၢအမၤဝဲဒ်ကလူးတဖၣ်မၤတ့ၢ်ဝဲ အသိးဒီးဟ့ၣ်လီၤအသးဆူမုၣ်ခွါလုၢ်အၢလၢ်သီအပူၤဒီး တၢ်ကလုာ်ကလိၤလၢအထီဒါန့ဆၢၣ်အကျဲန့ၣ်တက့ၢ်. အဝဲသ့ၣ်တူၢ်ဘၣ်တၢ်စံၣ်ညီၣ်မ့ၣ်အူအထူအယိာ်ဒ်အမ့ၢ် တၢ်ဟ့ၣ်ပလီၢ်လၢအအိၣ်ဖျါဆှံဆှံလၢပှၤခဲလၢာ်အဂီၢ် အသိးန့ၣ်လီၤ.

လံာ်လီၣ်ဖျါ 19:20

တၢ်ဒူတၢ်ဃိၤတဒုန့ၣ်ဘၣ်တၢ်ဖီၣ်န့ၢ်အီၤတပူၤဃီဒီးဝံ အဘျၣ်လၢအမၤတ့ၢ်တၢ်လီၤလးတဖၣ်လၢတၢ်ဒူတၢ်ဃိၤ တဒုန့ၣ်အမဲာ်ညါလီၤ. (ခီဖျိတၢ်လီၤလးတဖၣ်န့ၣ်, အဝဲဒၣ်လီန့ၢ်တ့ၢ်ပှၤသ့ၣ်တဖၣ်လၢအအိၣ်ဒီးတၢ်ဒူတၢ်ဃိၤ တဒုန့ၣ်အတၢ်ပနီၣ်, ဒီးပှၤသ့ၣ်တဖၣ်လၢအဘါတ့ၢ်တၢ်ဒူတၢ်ဃိၤတဒုန့ၣ် အက့ၢ်အဂီၤလီၤ.) တၢ်ဒူတၢ်ဃိၤဒီးဝံအဘျၣ်စ့ၢ်ကီး, ဘၣ်တၢ်တ့ၢ်လီၤမူဒံးအီၤဆူနိၣ်မ့ၣ်အူလၢအအီၣ်ဃုာ် တၢ်ဒီးကးန့ၣ်လီၤ.

လံာ်လီၣ်ဖျါ 21:8

မ့မ့ၢ်ပှၤလၢအသးသုၣ်, ပှၤသးတတီတဖၣ်, ပှၤတဖၣ်လၢအသးဘၣ်တၢ်ဘိးဃၣ်ကွံာ်အီၤဆူတၢ် အၢတၢ်သီ, ပှၤမၤသံတၢ်ဖိတဖၣ်, ပှၤမၤကမၣ်မုၣ်ကမၣ်ခွါ တဖၣ်, ပှၤသ့ၣ်တဖၣ်လၢအဟိၣ်တၢ်ယီတၢ်, ပှၤသ့ၣ်တဖၣ်လၢအဘါတၢ်ဂီၤတၢ်ဖီၣ်, ဒီးပှၤလီတၢ်ဖိကိးဂၤ ဒဲးတၢ်လီၢ်တၢ်ကျဲလၢအဝဲသ့ၣ်အဂီၢ်မ့ၢ်ဝဲနိၣ်မ့ၣ် အူအီၣ်ဃုာ်တၢ်ဒီးကး, လၢအမ့ၢ်ဝဲတၢ်သံခံစုတစုန့ၣ်လီၤ.”