လံာ်ယၡါယၤ 34:6 - Sgaw Karen Common Bible

⁶ အနးကဘၣ်အၢပှဲၤဒီးအဝဲသ့ၣ်အသွံၣ်ဒီးအသိ, ဒ်သိဖိဒီးမဲာ်တဲးလဲးတဖၣ်အသွံၣ်ဒီးအသိလၢတၢ်လုၢ်ထီၣ် အီၤအသိးလီၤ. ယွၤကလုၢ်ထီၣ်တၢ်လုၢ်အံၤလၢဝ့ၢ်ဘိးစရၤအပူၤလီၤ. အဝဲကဒုးကဲထီၣ်တၢ်အံၤလၢတၢ်မၤသံဖးဒိၣ်လၢကီၢ်အဒိၣ် အပူၤန့ၣ်လီၤ.

လံာ်ယၡါယၤ 34:6 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 1:22

စီၤယိနၤသၣ်အချံၣ်န့ၣ်မၤသံတၢ် ဒီးစီၤစီလူးန့ၣ်တသးကညီၤဘၣ်တၢ်ဘၣ်. ကျီကွံာ်ပှၤအဂံၢ်ဆူၣ်ဘါဆူၣ်ဒီးမၤသံဒုၣ်ဒါ တဖၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 1:44

စီၤစ့ရၤအဖိခွါစီၤယိဘးလၢဝ့ၢ်ဘိးစရၤ,

စံးထီၣ်ပတြၢၤ 137:7

ယွၤဧၢ, သ့ၣ်နီၣ်ထီၣ်က့ၤတၢ်လၢပှၤအဒိၣ်ဖိတဖၣ် မၤတ့ၢ်အီၤဖဲ ဝ့ၢ်ယရူၤရှလ့ၣ်ဘၣ် တၢ်မၤနၢၤအီၤအနံၤန့ၣ်တက့ၢ်. သ့ၣ်နီၣ်ထီၣ်အဝဲသ့ၣ်စံးဝဲခဲအံၤခဲအံၤ မၤဟးဂီၤအီၤတုၤလၢ အခီၣ်ထံး” န့ၣ်တက့ၢ်.

လံာ်ယၡါယၤ 29:2

အန့ၣ်ဒီး, ကစၢ်ယွၤကဆှၢလီၤတၢ်တတၢးတနါလၢဝ့ၢ်လၢ အဘၣ်တၢ်ကိးတ့ၢ်အီၤလၢ “အရံၤအ့လး’ အခီပညီ “ကစၢ်ယွၤအတၢ်လုၢ်လီၢ်” အဖီခိၣ်န့ၣ်လီၤ. တၢ်ဟီၣ်တၢ် ယၢၤဒီးတၢ်မဲာ်ထံမဲာ်နိကအိၣ်ဝဲ, ဒီးဝ့ၢ်ဒီဝ့ၢ်န့ၣ်ကလီၤဂာ်ဒီးတၢ် လုၢ်လီၢ်တတီၤလၢတၢ်သွံၣ်ကးဘၢကွံာ်အီၤန့ၣ်လီၤ.

လံာ်ယၡါယၤ 34:5

ယွၤကတဲာ်ကတီၤတ့ၢ်အနးလၢမူခိၣ်, ဒီးခဲအံၤနးန့ၣ်ကကျီကွံာ်ကီၢ်အဒိၣ် အပှၤဂီၢ်မုၢ်လၢအစံၣ်ညီၣ်ဃၣ်တ့ၢ်ဝဲ ဆူတၢ်ဟးဂီၤအပူၤန့ၣ်လီၤ.

လံာ်ယၡါယၤ 63:1

ပှၤတဂၤလၢအဟဲလၢဝ့ၢ်ဘိးစရၤလၢကီၢ်အဒိၣ်အပူၤအံၤ မ့ၢ်မတၤလဲၣ်. မတၤတဂၤအံၤလၢကူသိးတၢ်အဂီၤလီၤကဟုကညီၢ်, လဲၤတၢ်လၢတၢ်စိကမီၤဒီးတၢ်ဂံၢ်ဆူၣ်ဘါဆူၣ်အပူၤန့ၣ်လဲၣ်. အဝဲမ့ၢ်ယွၤ, အိၣ်ဒီးအစိကမီၤလၢကအုၣ်က့ၤခီၣ်က့ၤတၢ်တဂၤ, ဟဲဝဲလၢကဘိးဘၣ်သ့ၣ်ညါအတၢ်မၤနၢၤအဂီၢ်လီၤ.

လံာ်ယၡါယၤ 63:3

ယွၤစံးဆၢဝဲဒၣ်, “ယယီၢ်တံၢ်တ့ၢ်ပှၤကလုာ်တဖၣ်ဒ်စပံးသၣ် တဖၣ်အသိး, ဒီးပှၤတဟဲမၤစၢၤယၤနီတဂၤဘၣ်. ယယီၢ်တံၢ်တ့ၢ်အဝဲသ့ၣ်လၢယတၢ်သးထီၣ်အပူၤဒီးအဝဲသ့ၣ် အသွံၣ်မၤဘၣ်အၢတ့ၢ်ယကူယကၤလီၤ.

လံာ်ယၡါယၤ 65:12

တၢ်သံဆူၣ်သံစိးကမ့ၢ်သုတၢ်ဘူၣ်တၢ်တီၢ်, မ့ၢ်လၢဖဲယကိး ထီၣ်တ့ၢ်သုန့ၣ်သုတစံးဆၢယၤမ့ၢ်ဂ့ၤ, ဖဲယကတိၤတၢ်န့ၣ် သုတဒိကနၣ်ဘၣ်မ့ၢ်ဂ့ၤအဃိလီၤ. သုဃုထၢတ့ၢ်တၢ်တစူၢ်ယၤဒီးမၤ တၢ်အၢတၢ်သီလီၤ.

လံာ်ယံးရမံယၤ 12:12

ပှၤတဖၣ်ဟဲခီဂာ်ကယဲၢ်မဲးမုၢ်ခိၣ်အလီၢ်ထီၣ်ထီတဖၣ် လၢကဂုာ်ဆူၣ်ပျိဆူၣ်တၢ်အဂီၢ်လီၤ. ယမၢလီၤတၢ်ဒုးတၢ်ယၤလၢကမၤဟးဂီၤ ထံကီၢ်ဒီဘ့ၣ်ညါအဂီၢ်န့ၣ်လီၤ. ပှၤအိၣ်မူလၢတၢ်မုာ်တၢ်ခုာ်အပူၤတသ့ဝဲ နီတဂၤဘၣ်လီၤ.

လံာ်ယံးရမံယၤ 25:34

သုဝဲပှၤခိၣ်ပှၤနၢ်သ့ၣ်ဧၢ, ဟီၣ်ပသူထီၣ်တက့ၢ်. သုဝဲယပှၤဂီၢ်မုၢ် အပှၤ ကွၢ်သိသ့ၣ်ဧၢ, ကိးပသူထီၣ်ဖးဒိၣ်တက့ၢ်. ဟီၣ်တၢ်ယၢၤတၢ်ဒီး က လိာ်ကနွၢ်သုသးလၢ ဖၣ်ဆါကျါတက့ၢ်. တၢ်ဆၢကတီၢ်တုၤလံဝဲလၢ တၢ်ကမၤသံသုအဂီၢ်ဒီး သုကဘၣ်တၢ်ကျီသု တကူာ်တကူာ်ဒ် တၢ်ကျီသိဖါတဖၣ်အသိးဒီး သ့ၣ်ဖးကွံာ်ဒ်သပၢၤ ဟီၣ်ခိၣ်လၢ အဂ့ၤအသိးန့ၣ်လီၤ.

လံာ်ယံးရမံယၤ 46:10

အအံၤတနံၤအံၤ မ့ၢ်ယွၤသ့တၢ်လၢာ်ဒီး ပၢဘၣ် တၢ်ခဲလၢာ်ကစၢ် တဂၤအမုၢ်နံၤလီၤ. တနံၤအံၤ အဝဲကဟ့ၣ်ကၣ်တၢ်န့ၣ်လီၤ. တနံၤအံၤ အဝဲကစံၣ်ညီၣ်အဒုၣ်အဒါတဖၣ်န့ၣ်လီၤ. အနးကအီၣ် အဝဲသ့ၣ် တုၤအီၣ်ဘျဲးအီၣ်ဒီး အီအဝဲသ့ၣ် အသွံၣ်တုၤအသးမံဝဲတစုလီၤ. တနံၤအံၤ, ယွၤသ့တၢ်လၢာ်လုၢ်ထီၣ်ပာ်ထီၣ်ပှၤလၢ အမၤနၢၤဝဲတဖၣ် ဖဲထံကျိဖရၤသးအနံၤလၢ ကီၢ်ကလံၤစိးန့ၣ်လီၤ.

လံာ်ယံးရမံယၤ 49:13

ယကစၢ်ဒၣ်ယဲ ယဆိၣ်တၢ်လၢ ဝ့ၢ်ဘိးစရၤကကဲ ထီၣ်တၢ်ထံၣ်အလီၢ်တတီၤလၢ အလီၤပျံၤလီၤဖုးဒီး မဲးမုၢ်ခိၣ်တတီၤန့ၣ်လီၤ. ပှၤဂီၢ်မုၢ် ကကတိၤဒုၣ်ဒွဲၣ် အီၤဒီး သူ အမံၤဒ်တၢ်ဆိၣ်အၢတမံၤအသိးန့ၣ်လီၤ. သဝီတဖၣ်လၢ အအိၣ်ဘူးအိၣ်တံၢ်ကအိၣ်လၢ တၢ် ဟးဂီၤအပူၤလီၤထူလီၤယိာ်န့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 49:7

အအံၤမ့ၢ် တၢ်လၢယွၤသ့တၢ်လၢာ်စံးတ့ၢ်ဝဲဘၣ်ဃးဒီး ကီၢ်အဒိၣ်အဂ့ၢ်န့ၣ်လီၤ. “မ့ၢ်ကီၢ်အဒိၣ်အပှၤဂီၢ်မုၢ်တဖၣ် အသးလၢအသ့ နီၤဖးတၢ်ဂ့ၤဂ့ၤဘၣ်ဘၣ်န့ၣ်, လီၤမၢ်န့ၢ်အဝဲသ့ၣ်လံဧါ. မ့ၢ်အဝဲသ့ၣ်အပှၤဟ့ၣ်ကူၣ်ဟ့ၣ်ဖးတၢ်တဖၣ် တဲဘၣ်အဝဲသ့ၣ်တၢ်လၢ အကဘၣ်မၤဝဲန့ၣ်တသ့လၢၤဘၣ်ဧါ. မ့ၢ်အဝဲသ့ၣ် အတၢ်ကူၣ်သ့ တဖၣ်ဟါမၢ်လၢာ်လံဧါ.

လံာ်ယံးရမံယၤ 50:27

မၤသံအဝဲသ့ၣ်အသုးဖိလၢ အလီၤဂာ်ဒ် ကျီၢ်ဖါဖိခဲလၢာ် တက့ၢ်. မၤသံမၤဝီအဝဲသ့ၣ်တက့ၢ်. ကီၢ်ဘၤဘူၤလိၣ်အပှၤ ဂီၢ်မုၢ်ဘၣ် တၢ်စံၣ်ညီၣ်ဃါမနၤလီၤ. တၢ်ဆၢကတီၢ်ဟဲတုၤလံ ဝဲလၢအဝဲသ့ၣ်အဂီၢ်လၢ ကဘၣ်တၢ်စံၣ်ညီၣ်အီၤန့ၣ်လီၤ.”

လံာ်ယံးရမံယၤ 51:40

ယကလဲၤစိာ်အဝဲသ့ၣ်လၢ တၢ်ကမၤသံအီၤအဂီၢ်ဒ်သိဖိတဖၣ်, မဲာ်တဲးလဲးတဖၣ်, ဒီးသိဖါတဖၣ်အသိးန့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယဃ့းစက့လး 21:10

ဘၣ်တၢ်ကျ့အ့ၣ်အီၤလၢကမၤဝံၤတၢ်အဂီၢ်, ဘၣ်တၢ်ထူးကတြ့ၣ်အီၤလၢကကပြုၢ်ထီၣ်ဒ်လီဝၢ်ဒံး အသိးအဂီၢ်န့ၣ်လီၤ. တၢ်သူၣ်ဖှံသးညီအိၣ်ဖဲန့ၣ်တသ့ဘၣ်, မ့ၢ်လၢယပှၤဂီၢ်မုၢ်တဖၣ်တပးကဲကယဲၢ်တၢ်ဟ့ၣ် ပလီၢ်ဒီးတၢ်စံၣ်ညီၣ်အဃိန့ၣ်လီၤ.

လံာ်ယဃ့းစက့လး 35:15

ဒ်သိးဒၣ်, သုသူၣ်ဖှံသးညီသုဝဲလၢကီၢ်အံၣ်စရ့လးလၢအမ့ၢ်ယတၢ် ဒၣ်ယဲအတၢ်မၤဟးဂူာ်ဟးဂီၤအဃိန့ၣ်လီၤ. စ့ဧၢ်အကစၢၢ်ကလိတဖၣ် မ့ၢ်မး, ကီၢ်အဒိၣ်ဒီဘ့ၣ်ညါမ့ၢ်ဂ့ၤကအိၣ်သယုၢ်လီၤဃီန့ၣ်လီၤ. အန့ၣ်တစုပှၤကိးဂၤဒဲးကသ့ၣ်ညါဝဲလၢယမ့ၢ်ယွၤန့ၣ်လီၤ.”

လံာ်ယဃ့းစက့လး 35:8

ယကဖၢဘၢကစၢၢ်ကလိတဖၣ်လၢတၢ်သံစိၣ်တဖၣ်ဒီးပှၤတဖၣ်လၢ အဘၣ်တၢ်မၤသံအီၤလၢတၢ်ဒုးအပူၤအစိၣ်တဖၣ် ကပှဲၤဝဲဖဲတၢ်လူၢ်တဖၣ်ဒီးတြီၤတဖၣ်န့ၣ်လီၤ.

လံာ်ဧၤမိၣ် 1:11

ဒီးယွၤစံးဝဲဒၣ်, “ပှၤကီၢ်အဒိၣ်ဖိတဖၣ်မၤတ့ၢ်လံတၢ်ဒဲးဘး တဘျီဝံၤတဘျီလံ. ဒီးလၢတၢ်အံၤအဃိယကစံၣ်ညီၣ်အီၤ သပှၢ်ကတၢၢ်န့ၣ်လီၤ. အဝဲသ့ၣ်လူၤမၤဟး ဂီၤအဒီပုၢ်ဝဲၢ်ပှၤအံၣ်စရ့လးဖိတဖၣ်လၢဃဲာ်ဧိၤနးဧိၤ, ဒီးတပာ်ဖျါထီၣ်အတၢ်သးကညီၤအဝဲသ့ၣ်ဘၣ်. အတၢ်သးထီၣ်အကတၢၢ်တအိၣ်ဘၣ်ဒီးတပျဲအလီၤပံာ်ကွံာ်ဘၣ်.

လံာ်စဖါနယၤ 1:7

မုၢ်နံၤလၢယွၤကဆ့ၣ်နီၤလၢတၢ်စံၣ်ညီၣ်အလီၢ်န့ၣ်ဘူးထီၣ်လံ. မၤသးဒ်န့ၣ်ဒီးအိၣ်ဘှီၣ်ကလာ်လၢအမဲာ်ညါန့ၣ်တက့ၢ်. ယွၤကတဲာ်ကတီၤလံတၢ်လုၢ်ထီၣ်ပာ်ထီၣ်အပှၤဂီၢ်မုၢ်ဒီးကွဲ ဃီၤဒုၣ်ဒါတဖၣ်လၢကဂုာ်ဆူၣ်ပျီဆူၣ်ဒီးမၤဟးဂီၤကီၢ်ယူဒၤန့ၣ်လီၤ.

လံာ်သိၣ်လီၤသီလီၤတၢ် 32:14

အဝဲသ့ၣ်အဂီၤဖံးမိၢ်တဖၣ်ဒီးအမဲာ်တဲးလဲးတဖၣ်ဟ့ၣ်ထီၣ်တၢ်နုၢ်ထံအါအါဂီၢ်ဂီၢ်, အဝဲသ့ၣ်အိၣ်ဒီးသိအဂ့ၤကတၢၢ်တဖၣ်, မဲာ်တဲးလဲးအဂ့ၤကတၢၢ်တဖၣ်ဒီးဂီၤဘုၣ်ဂီၤဖံးအဂ့ၤကတၢၢ်တဖၣ်, ဘုကၠူၣ်အဂ့ၤကတၢၢ်ဒီးစပံးထံအဂ့ၤကတၢၢ်န့ၣ်လီၤ.

လံာ်သိၣ်လီၤသီလီၤတၢ် 32:41

လၢကယကျ့အ့ၣ်ထီၣ်ယနးလၢအကတြ့ၣ်ကတြိၣ်တဘ့ၣ် ဒီးထံၣ်လၢတၢ်စံၣ်ညီၣ်တီမၤအသးန့ၣ်လီၤ. ယကဟ့ၣ်ကၣ်တၢ်လၢယဒုၣ်ယဒါတဖၣ်အလိၤ, ဒီးစံၣ်ညီၣ်ပှၤတဖၣ်လၢအသးဟ့ယၤန့ၣ်လီၤ.