လံာ်ယၡါယၤ 34:5 - Sgaw Karen Common Bible

⁵ ယွၤကတဲာ်ကတီၤတ့ၢ်အနးလၢမူခိၣ်, ဒီးခဲအံၤနးန့ၣ်ကကျီကွံာ်ကီၢ်အဒိၣ် အပှၤဂီၢ်မုၢ်လၢအစံၣ်ညီၣ်ဃၣ်တ့ၢ်ဝဲ ဆူတၢ်ဟးဂီၤအပူၤန့ၣ်လီၤ.

လံာ်ယၡါယၤ 34:5 Iomraidhean Croise

စံးထီၣ်ပတြၢၤ 137:7

ယွၤဧၢ, သ့ၣ်နီၣ်ထီၣ်က့ၤတၢ်လၢပှၤအဒိၣ်ဖိတဖၣ် မၤတ့ၢ်အီၤဖဲ ဝ့ၢ်ယရူၤရှလ့ၣ်ဘၣ် တၢ်မၤနၢၤအီၤအနံၤန့ၣ်တက့ၢ်. သ့ၣ်နီၣ်ထီၣ်အဝဲသ့ၣ်စံးဝဲခဲအံၤခဲအံၤ မၤဟးဂီၤအီၤတုၤလၢ အခီၣ်ထံး” န့ၣ်တက့ၢ်.

စံးထီၣ်ပတြၢၤ 17:13

ဂဲၤထၢၣ်, ယွၤဧၢ, ကွၢ်ဆၢၣ်မဲာ်ယဒုၣ်ယဒါတဖၣ်ဒီး, မၤနၢၤအဝဲသ့ၣ်န့ၣ်တက့ၢ်. မၤပူၤမၤဖျဲးယၤလၢပှၤတတီတလိၤသ့ၣ်တဖၣ်န့ၣ် လၢနနးန့ၣ်တက့ၢ်.

လံာ်ယၡါယၤ 21:11

အအံၤမ့ၢ်တၢ်ကစီၣ်ဘၣ်ဃးကီၢ်အဒိၣ်အဂ့ၢ်န့ၣ်လီၤ. ပှၤတဂၤကိးဃီၤတၢ်ဆူယအိၣ်လၢကီၢ်အဒိၣ်တခီဒီးစံး, “ပှၤခိးတၢ်ဖိဧၢ, မုၢ်နၤကလၢာ်ကွံာ်ဝဲဖဲလဲၣ်အခါလဲၣ်. ကကတၢၢ်အခါဖဲလဲၣ်န့ၣ်တဲဘၣ်ယၤတက့ၢ်.”

လံာ်ယၡါယၤ 24:6

သတးဒီး, ကစၢ်ယွၤခါလီၤတ့ၢ်တၢ်ဆိၣ်အၢတမံၤလၢဟီၣ်ခိၣ် ချၢလီၤ. အပှၤဂီၢ်မုၢ်တဖၣ်န့ၣ်ဟ့ၣ်တၢ်အပှ့ၤလၢတၢ်လၢ အဝဲသ့ၣ်မၤတ့ၢ်ဝဲအဂီၢ်လီၤ. ပှၤအိၣ်မူတ့ၢ်တဖၣ်စှၤလီၤစှၤလီၤ ဝဲလီၤ.

လံာ်ယၡါယၤ 43:28

ဒီးနပှၤပၢတၢ်တဖၣ်မၤတရီတပါယလီၢ်စီဆှံလီၤ. လၢတၢ်န့ၣ်အဃိ, ယဟဲစိာ်တ့ၢ်တၢ်ဟးဂီၤလၢ ကီၢ်အံၣ်စရ့လးအဖီခိၣ် ဒီးယပျဲယပှၤဂီၢ်မုၢ်ဒၣ်ယဲဘၣ်တၢ်မၤအီၤ တရီတပါလီၤ.”

လံာ်ယၡါယၤ 63:1

ပှၤတဂၤလၢအဟဲလၢဝ့ၢ်ဘိးစရၤလၢကီၢ်အဒိၣ်အပူၤအံၤ မ့ၢ်မတၤလဲၣ်. မတၤတဂၤအံၤလၢကူသိးတၢ်အဂီၤလီၤကဟုကညီၢ်, လဲၤတၢ်လၢတၢ်စိကမီၤဒီးတၢ်ဂံၢ်ဆူၣ်ဘါဆူၣ်အပူၤန့ၣ်လဲၣ်. အဝဲမ့ၢ်ယွၤ, အိၣ်ဒီးအစိကမီၤလၢကအုၣ်က့ၤခီၣ်က့ၤတၢ်တဂၤ, ဟဲဝဲလၢကဘိးဘၣ်သ့ၣ်ညါအတၢ်မၤနၢၤအဂီၢ်လီၤ.

လံာ်ယၡါယၤ 65:12

တၢ်သံဆူၣ်သံစိးကမ့ၢ်သုတၢ်ဘူၣ်တၢ်တီၢ်, မ့ၢ်လၢဖဲယကိး ထီၣ်တ့ၢ်သုန့ၣ်သုတစံးဆၢယၤမ့ၢ်ဂ့ၤ, ဖဲယကတိၤတၢ်န့ၣ် သုတဒိကနၣ်ဘၣ်မ့ၢ်ဂ့ၤအဃိလီၤ. သုဃုထၢတ့ၢ်တၢ်တစူၢ်ယၤဒီးမၤ တၢ်အၢတၢ်သီလီၤ.

လံာ်ယံးရမံယၤ 46:10

အအံၤတနံၤအံၤ မ့ၢ်ယွၤသ့တၢ်လၢာ်ဒီး ပၢဘၣ် တၢ်ခဲလၢာ်ကစၢ် တဂၤအမုၢ်နံၤလီၤ. တနံၤအံၤ အဝဲကဟ့ၣ်ကၣ်တၢ်န့ၣ်လီၤ. တနံၤအံၤ အဝဲကစံၣ်ညီၣ်အဒုၣ်အဒါတဖၣ်န့ၣ်လီၤ. အနးကအီၣ် အဝဲသ့ၣ် တုၤအီၣ်ဘျဲးအီၣ်ဒီး အီအဝဲသ့ၣ် အသွံၣ်တုၤအသးမံဝဲတစုလီၤ. တနံၤအံၤ, ယွၤသ့တၢ်လၢာ်လုၢ်ထီၣ်ပာ်ထီၣ်ပှၤလၢ အမၤနၢၤဝဲတဖၣ် ဖဲထံကျိဖရၤသးအနံၤလၢ ကီၢ်ကလံၤစိးန့ၣ်လီၤ.

လံာ်ယံးရမံယၤ 47:6

သုကိးထီၣ်ဝဲ, ယွၤအနးတဘ့ၣ်ဧၢ, နကကျီဒံးတၢ်ဆံးယံာ်လဲၣ်. ဖျီၣ်နုာ်က့ၤနသးလၢ နတြိးပူၤ, အိၣ်ဖဲန့ၣ်ဒီး အိၣ်ဘှံးတက့ၢ်’ န့ၣ်လီၤ.

လံာ်ယဃ့းစက့လး 32:29

ကီၢ်အဒိၣ်အိၣ်ဖဲန့ၣ်ဃုာ်ဒီးအစီၤပၤတဖၣ်ဒီးအပှၤပၢတၢ်တဖၣ် န့ၣ်လီၤ. အဝဲသ့ၣ်တဖၣ်မ့ၢ်သုးဖိအဂံၢ်ဆူၣ်ဘါဆူၣ်, ဘၣ်ဆၣ် ခဲအံၤအဝဲသ့ၣ်မံလီၤလၢပှၤသံတဖၣ်အကီၢ်ပူၤဃုာ်ဒီးပှၤတဖၣ်လၢ အတဒိးဘၣ်တၢ်ကူးတရံးလၢအဘၣ်တၢ်မၤသံလၢတၢ်ဒုးအပူၤ န့ၣ်လီၤ.

လံာ်ယဃ့းစက့လး 35:1

ယွၤကတိၤတၢ်ဒီးယၤန့ၣ်လီၤ. အဝဲစံးဝဲဒၣ်, “ပှၤကညီလၢအသံသ့ဧၢ, စံးလၢကီၢ်အဒိၣ် ကြၢးဘၣ်တၢ်စံၣ်ညီၣ်န့ၣ်တက့ၢ်.

လံာ်ယဃ့းစက့လး 35:15

ဒ်သိးဒၣ်, သုသူၣ်ဖှံသးညီသုဝဲလၢကီၢ်အံၣ်စရ့လးလၢအမ့ၢ်ယတၢ် ဒၣ်ယဲအတၢ်မၤဟးဂူာ်ဟးဂီၤအဃိန့ၣ်လီၤ. စ့ဧၢ်အကစၢၢ်ကလိတဖၣ် မ့ၢ်မး, ကီၢ်အဒိၣ်ဒီဘ့ၣ်ညါမ့ၢ်ဂ့ၤကအိၣ်သယုၢ်လီၤဃီန့ၣ်လီၤ. အန့ၣ်တစုပှၤကိးဂၤဒဲးကသ့ၣ်ညါဝဲလၢယမ့ၢ်ယွၤန့ၣ်လီၤ.”

လံာ်ယဃ့းစက့လး 35:8

ယကဖၢဘၢကစၢၢ်ကလိတဖၣ်လၢတၢ်သံစိၣ်တဖၣ်ဒီးပှၤတဖၣ်လၢ အဘၣ်တၢ်မၤသံအီၤလၢတၢ်ဒုးအပူၤအစိၣ်တဖၣ် ကပှဲၤဝဲဖဲတၢ်လူၢ်တဖၣ်ဒီးတြီၤတဖၣ်န့ၣ်လီၤ.

လံာ်ယဃ့းစက့လး 36:5

ယၤ, ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လၢယတၢ် သးဒိၣ်ကဲၤထီၣ်အပူၤထီဒါပှၤကလုာ်တဖၣ်လၢအအိၣ်ခိၣ်အိၣ်ဃၢၤ ဒီးလီၤဆီဒၣ်တၢ်ထီဒါကီၢ်အဒိၣ်န့ၣ်လီၤ. လၢတၢ်နံၤဘၣ်ဖၣ်လဲ ဒီးတၢ်တပာ်လ့ၢ်ပာ်ကဲအပူၤ, အဝဲသ့ၣ်မၤန့ၢ်ကွံာ်ယကီၢ် ဒီးဟံးန့ၢ်ကွံာ်အတၢ်အီၣ်ဆၣ်အလီၢ်တဖၣ်န့ၣ်လီၤ.

လံာ်စဖါနယၤ 1:7

မုၢ်နံၤလၢယွၤကဆ့ၣ်နီၤလၢတၢ်စံၣ်ညီၣ်အလီၢ်န့ၣ်ဘူးထီၣ်လံ. မၤသးဒ်န့ၣ်ဒီးအိၣ်ဘှီၣ်ကလာ်လၢအမဲာ်ညါန့ၣ်တက့ၢ်. ယွၤကတဲာ်ကတီၤလံတၢ်လုၢ်ထီၣ်ပာ်ထီၣ်အပှၤဂီၢ်မုၢ်ဒီးကွဲ ဃီၤဒုၣ်ဒါတဖၣ်လၢကဂုာ်ဆူၣ်ပျီဆူၣ်ဒီးမၤဟးဂီၤကီၢ်ယူဒၤန့ၣ်လီၤ.

လံာ်စဖါနယၤ 2:12

ယွၤကမၤသံကွံာ်စ့ၢ်ကီးပှၤကူၤၡးဖိတဖၣ်န့ၣ်လီၤ.

လံာ်မၤလကံ 1:4

စီၤဧ့ၡီၤအစၢၤအသွဲၣ်လၢအမ့ၢ်ပှၤအဒိၣ်ဖိမ့ၢ်စံးဝဲ, “ပခူပဝ့ၢ်တဖၣ်ဘၣ်တၢ်မၤဟးဂီၤအီၤဘၣ်ဆၣ် ပကဘှီထီၣ်ကဒါက့ၤအီၤလီၤ.” ဒီး, ယွၤကစံးဆၢဝဲ, “မ်အဝဲသ့ၣ်ဘှီထီၣ်ကဒါက့ၤတက့ၢ်. ဒီးယကမၤလီၤပှီၢ်ကွံာ်ကဒီးတဘျီလီၤ. ဒီးပှၤကကိးအဝဲသ့ၣ်လၢ, ထံကီၢ်လၢအအၢအသီဒီးပှၤဂီၢ်မုၢ်လၢယွၤသးထီၣ်ဘၣ်အီၤလီၤ စိၤလီၤထီလီၤ.”

လံာ်မးသဲ 25:41

တုၤနုၤတစု, စီၤပၤကစံးဘၣ်ပှၤအိၣ်လၢအစုစ့ၣ်တဖၣ်ဒ်အံၤ, ‘ဟးဖးဒီးယၤတက့ၢ်. ပှၤလၢအဘၣ်ကစၢ်ယွၤအတၢ်ဆိၣ်အၢသ့ၣ်ဧၢ, လဲၤနုာ်ဆူမ့ၣ်အူလၢအတလီၤပံာ်ဘၣ်နီတဘျီဘၣ်, လၢအဘၣ်တၢ်ကတဲာ်ကတီၤပာ်စၢၤလၢမုၣ်ကီၤလံၢ်ဒီးအကလူးတဖၣ် အဂီၢ်, အပူၤန့ၣ်တက့ၢ်.

1 ကရံၣ်သူး 16:22

ပှၤတဂၤလၢ်လၢ်လၢအတအဲၣ်ကစၢ်န့ၣ်, မ်အဘၣ်ဆိၣ်အၢတက့ၢ်. မၤရၤနၤသၤ - ပကစၢ်ဧၢ, ဟဲတက့ၢ်.

ကလၤတံ 3:10

ပှၤတဖၣ်လၢအသန့ၤအသးလၢတၢ်ဒိကနၣ်တၢ်သိၣ်တၢ်သီန့ၣ်, အိၣ်မူလၢတၢ်ဆိၣ်အၢအဖီလာ်န့ၣ်လီၤ. အဂ့ၢ်ဒ်အံၤတၢ်ကွဲးအသးစံးဝဲ, “ပှၤတဂၤဂၤမ့ၢ်တအိၣ်မူပိာ်ထွဲတၢ်သိၣ်တၢ်သီ လၢတၢ်ကွဲးဃာ်အီၤကိးထံၣ်ဒဲးန့ၣ်, ကတူၢ်ဘၣ်ကစၢ်ယွၤ အတၢ်စံၣ်ညီၣ်လီၤ” (သိၣ်သီ ၂၇:၂၆).

လံာ်သိၣ်လီၤသီလီၤတၢ် 32:14

အဝဲသ့ၣ်အဂီၤဖံးမိၢ်တဖၣ်ဒီးအမဲာ်တဲးလဲးတဖၣ်ဟ့ၣ်ထီၣ်တၢ်နုၢ်ထံအါအါဂီၢ်ဂီၢ်, အဝဲသ့ၣ်အိၣ်ဒီးသိအဂ့ၤကတၢၢ်တဖၣ်, မဲာ်တဲးလဲးအဂ့ၤကတၢၢ်တဖၣ်ဒီးဂီၤဘုၣ်ဂီၤဖံးအဂ့ၤကတၢၢ်တဖၣ်, ဘုကၠူၣ်အဂ့ၤကတၢၢ်ဒီးစပံးထံအဂ့ၤကတၢၢ်န့ၣ်လီၤ.

၂ ပ့းတရူး 2:14

အဝဲသ့ၣ်အမဲာ်ပှဲၤဝဲဒီးတၢ်သးအိၣ်မၤကမၣ်မုၣ်ကမၣ်ခွါ, ဒီးမၤတၢ်ဒဲးဘးတလၢမၤနီတဘျီဘၣ်. အဝဲသ့ၣ်ကွဲန့ၢ်လွဲန့ၢ် ပှၤလၢအဂံၢ်စၢ်ဘါစၢ်တဖၣ်ဆူတၢ်ဒဲးဘးအပူၤလီၤ. တၢ်သူၣ်လီသးကွံအသးဒိၣ်စိလၢအပူၤဒီးအဝဲသ့ၣ်အိၣ်လၢ ယွၤအတၢ်ဆိၣ်အၢအဖီလာ်လီၤ.

လံာ်လီၣ်ဖျါ 1:16

အဝဲဒၣ်ဟံးဃာ်ဆၣ်နွံဖျၢၣ်လၢအစုထွဲပူၤ, ဒီးနးလၢအကနၣ် အိၣ်ခံကပၤ, ဟဲဖျိးထီၣ်လၢအကိာ်ပူၤလီၤ. အဝဲဒၣ်အမဲာ်သၣ် ကပြုၢ်ကပြီၤဝဲဒ်မုၢ်ကပီၤဖဲမုၢ်ထူၣ်ခါအဆၢကတီၢ်အသိးန့ၣ်လီၤ.