လံာ်ယၡါယၤ 34:2 - Sgaw Karen Common Bible

² ယွၤသးထီၣ်ဘၣ်ပှၤကလုာ်ခဲလၢာ်ဒီးအဝဲသ့ၣ်အသုး မုၢ်သံၣ်ဘိခဲလၢာ်လီၤ. အဝဲစံၣ်ညီၣ်ဃၣ်တ့ၢ်အဝဲသ့ၣ် ဆူတၢ်ဟးဂီၤအပူၤလံ.

လံာ်ယၡါယၤ 34:2 Iomraidhean Croise

စံးထီၣ်ပတြၢၤ 2:5

တုၤနုၤတစု, ယွၤကတိၤတၢ်ဒီးအဝဲသ့ၣ်လၢ တၢ်သးထီၣ် ဒီးမၤပျံၤမၤဖုးအဝဲသ့ၣ်လၢအတၢ်သးဒိၣ်န့ၣ်လီၤ.

လံာ်တၢ်ဟးထီၣ်ကွံာ် 8:14

ဒီးပှၤအဲၤကူပတူးဖိတဖၣ်ပာ်ဖှိၣ်ဝဲဒၣ်တပူၣ်တပူၣ်တုၤကီၢ်ဒီဘ့ၣ်နၢအုၣ်ဝဲလၢအဃိန့ၣ်လီၤ.

လံာ်ယၡါယၤ 10:5

ယွၤစံးဝဲဒၣ်, “ကီၢ်အၤၡူၢ်ဧၢ, ယသူကီၢ်အၤၡူၢ်ဒ်နီၣ်တီၢ် တဘိးအသိးလၢယကစံၣ်ညီၣ်ပှၤလၢယသးကဲၤထီၣ် ဘၣ်အီၤတဖၣ်အဂီၢ်လီၤ.”

လံာ်ယၡါယၤ 13:5

အဝဲသ့ၣ်ဟဲဝဲလၢထံကီၢ်အယံၤတဖၣ်လၢဟီၣ်ခိၣ်အကတၢၢ်လီၤ. လၢအတၢ်သးကဲၤထီၣ်အပူၤ, ယွၤဟဲလၢကမၤဟးဂီၤဝဲ ထံကီၢ်ဒီဘ့ၣ်လီၤ.

လံာ်ယၡါယၤ 13:6

ဟီၣ်အိၣ်ယူၤလၢတၢ်ဆါအ့ၣ်ထုးအ့ၣ်စိၢ်အဃိတက့ၢ်. ယွၤအမုၢ်တနံၤန့ၣ်အိၣ်ဘူးဝဲ, မုၢ်တနံၤဖဲသ့တၢ်လၢာ်, ဟဲစိာ်တၢ်ဟးဂီၤန့ၣ်လီၤ.

လံာ်ယၡါယၤ 26:20

လဲၤနုာ်ဆူသုဟံၣ်တဖၣ်အပူၤ, ယပှၤဂီၢ်မုၢ်သ့ၣ်ဧၢ, ဒီးကးတံာ်တြဲၤလၢသုလီၢ်ခံတက့ၢ်. ပာ်ခူသူၣ်သုသးတစိၢ် ဖိတုၤကစၢ်ယွၤအတၢ်သးဒိၣ်လဲၤပူၤကွံာ်တက့ၢ်.

လံာ်ယၡါယၤ 30:25

မုၢ်တနံၤဖဲသုဒုၣ်သုဒါအတိာ်တဖၣ်ဘၣ်တၢ်ဒုးန့ၢ်ဖီၣ်န့ၢ်အီၤ, ဒီးအပှၤတဖၣ်ဘၣ်တၢ်မၤသံကွံာ်အီၤန့ၣ်, ထံဖိကျိအထံတဖၣ် ကယွၤလီၤဝဲလၢကစၢၢ်ကိးဖျၢၣ်ဒဲးဒီးတၢ်လူၢ်ကိးလူၢ်ဒဲးန့ၣ်လီၤ.

လံာ်ယၡါယၤ 61:2

အဝဲမၢလီၤတ့ၢ်ယၤဒ်သိးယကဒုးဟူထီသါလီၤတၢ်လၢ တၢ်ဆၢကတီၢ်ဟဲတုၤလံလၢယွၤကအုၣ်က့ၤခီၣ်က့ၤအပှၤဂီၢ်မုၢ် ဒီးမၤနၢၤကွံာ်အဝဲသ့ၣ်အဒုၣ်အဒါတဖၣ်န့ၣ်လီၤ. အဝဲမၢလီၤတ့ၢ်ယၤဒ်သိးယကမၤမုာ်ပှၤလၢ အသူၣ်အုးသးအုးခဲလၢာ်,

လံာ်ယၡါယၤ 63:6

လၢယတၢ်သးထီၣ်အပူၤန့ၣ်, ယယီၢ်တံၢ်ကွံာ်ကယဲၢ်ပှၤကလုာ် တဖၣ်ဒီးမၤသဘှံးကွံာ်အဝဲသ့ၣ်လီၤ. ယဂၢ်လီၤကွံာ်အဝဲသ့ၣ်အတၢ်မူအသွံၣ်လၢဟီၣ်ခိၣ်လိၤလီၤ.”

လံာ်ယၡါယၤ 65:12

တၢ်သံဆူၣ်သံစိးကမ့ၢ်သုတၢ်ဘူၣ်တၢ်တီၢ်, မ့ၢ်လၢဖဲယကိး ထီၣ်တ့ၢ်သုန့ၣ်သုတစံးဆၢယၤမ့ၢ်ဂ့ၤ, ဖဲယကတိၤတၢ်န့ၣ် သုတဒိကနၣ်ဘၣ်မ့ၢ်ဂ့ၤအဃိလီၤ. သုဃုထၢတ့ၢ်တၢ်တစူၢ်ယၤဒီးမၤ တၢ်အၢတၢ်သီလီၤ.

လံာ်ယၡါယၤ 66:14

ဖဲသုထံၣ်ဘၣ်တၢ်အံၤမၤအသးဒီး, သုကသူၣ်ဖှံသးညီဝဲလီၤ. တၢ်အံၤကဒုးဆူၣ်ထီၣ်သုဂံၢ် သုဘါဒီးဒုးအိၣ်ဆူၣ်အိၣ်ချ့သုလီၤ. အန့ၣ်ဒီးသုကသ့ၣ်ညါလၢယၤ, ယွၤအံၤ, မၤစၢၤပှၤတဖၣ်လၢအစူၢ်ယၤ, ဒီးယဒုးနဲၣ်ယတၢ်သးဒိၣ် ထီၣ်ထီဒါယဒုၣ်ယဒါတဖၣ်န့ၣ်လီၤ.”

လံာ်ယၡါယၤ 66:16

လၢမ့ၣ်အူဒီးနးန့ၣ်အဝဲကစံၣ်ညီၣ်ပှၤဂီၢ်မုၢ်လၢဟီၣ်ခိၣ်ချၢခဲလၢာ် လၢအထံၣ်ဘၣ်ဝဲလၢအတၢ်ကမၣ်အိၣ်, ဒီးပှၤအါဂၤကဘၣ်တၢ်မၤသံအီၤန့ၣ်လီၤ.

လံာ်ယံးရမံယၤ 25:31

ဒီးတၢ်အသီၣ်ကဟူကဒါက့ၤ တုၤလၢဟီၣ်ခိၣ် အကတၢၢ်န့ၣ်လီၤ. ယွၤအိၣ်ဒီး အကွီၢ်ထီဒါပှၤကလုာ်တဖၣ်လီၤ. အဝဲကဟဲစိာ်ပှၤဂီၢ်မုၢ်ခဲလၢာ်ဆူ ကွီၢ်ဘျီၣ်ပူၤ ဒီးစံၣ်ညီၣ်ပှၤအအၢအသီတဖၣ်လၢ တၢ်သံန့ၣ်လီၤ. ယွၤကတိၤလံတၢ်လံၤ.”

လံာ်ယံးရမံယၤ 25:32

ယွၤသ့တၢ်လၢာ်စံးဝဲလၢ တၢ်တတၢးတနါကလီၤ ဘၣ်လၢ ပှၤတကလုာ်ဝံၤတကလုာ်အဖီခိၣ်, ဒီးကလံၤ သဝံးဖးဒိၣ်ကအိၣ်ထီၣ်ဝဲ လၢဟီၣ်ခိၣ်အကတၢၢ်တခီ န့ၣ်လီၤ.

လံာ်ယံးရမံယၤ 25:33

လၢမုၢ်နံၤအဝဲန့ၣ်, ပှၤတဖၣ်လၢယွၤမၤသံတ့ၢ်အီၤအစိၣ်ကဘၣ် တၢ်မၤလီၤပြံလီၤပြါအီၤလၢဟီၣ်ခိၣ်အကတၢၢ်တခီ တုၤဆူဟီၣ်ခိၣ် အကတၢၢ်အဂၤတခီန့ၣ်လီၤ. ပှၤတဟီၣ်တၢ်ယၢၤတၢ်လၢအဝဲသ့ၣ် အဃိ နီတဂၤဘၣ်, အဝဲသ့ၣ် တဘၣ်တၢ်စိာ်ကွံာ်အီၤဒီးခူၣ်လီၤကွံာ် အီၤန့ၣ်ဘၣ်. အဝဲသ့ၣ် ကအိၣ်မံလီၤလၢ ဟီၣ်ခိၣ်လိၤဒ်တၢ်အ့ၣ်အပူၣ် တဖၣ်အသိးန့ၣ်လီၤ.

လံာ်ယဃ့းစက့လး 36:5

ယၤ, ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လၢယတၢ် သးဒိၣ်ကဲၤထီၣ်အပူၤထီဒါပှၤကလုာ်တဖၣ်လၢအအိၣ်ခိၣ်အိၣ်ဃၢၤ ဒီးလီၤဆီဒၣ်တၢ်ထီဒါကီၢ်အဒိၣ်န့ၣ်လီၤ. လၢတၢ်နံၤဘၣ်ဖၣ်လဲ ဒီးတၢ်တပာ်လ့ၢ်ပာ်ကဲအပူၤ, အဝဲသ့ၣ်မၤန့ၢ်ကွံာ်ယကီၢ် ဒီးဟံးန့ၢ်ကွံာ်အတၢ်အီၣ်ဆၣ်အလီၢ်တဖၣ်န့ၣ်လီၤ.

လံာ်စဖါနယၤ 3:8

ယွၤစံးဝဲဒၣ်, “အိၣ်ခိး, ခိးတုၤမုၢ်တနံၤလၢယဂဲၤဆၢထၢၣ် အုၣ်ယသးထီဒါပှၤကလုာ်တဖၣ်န့ၣ်တက့ၢ်. ယပာ်လီၤယသးလၢယကပာ်ဖှိၣ်ပှၤကလုာ်တဖၣ်ဒီးဘီမုၢ် တဖၣ်ဒ်သိးယကပျဲအဝဲသ့ၣ်ကလၢၢ်ဘၣ်ယတၢ်သးထီၣ် အသဟီၣ်လီၤ. ဟီၣ်ခိၣ်ဒီဘ့ၣ်ကဘၣ်တၢ်မၤဟးဂီၤကွံာ်အီၤလၢယတၢ်သးကဲၤထီၣ် အမ့ၣ်အူန့ၣ်လီၤ.

လံာ်စကၤရယၤ 14:3

ဒီးယွၤကဟးထီၣ်ဒီးဒုးတၢ်ထီဒါပှၤကလုာ်တဖၣ်န့ၣ်, ဒ်အဝဲဒုးတ့ၢ်ဝဲလၢခါပူၤကွံာ်တဖၣ်အသိးန့ၣ်လီၤ.

ရိမ့ၤ 1:18

ကစၢ်ယွၤအတၢ်သးဒိၣ်ဘၣ်တၢ်လီၣ်ဖျါထီၣ်အီၤလၢအဟဲလၢ မူခိၣ်ထီဒါပှၤဟီၣ်ခိၣ်ဖိအတၢ်ဒဲးဘးဒီးအတၢ်အၢတၢ်သီခဲလၢာ် န့ၣ်လီၤ. ပှၤဟီၣ်ခိၣ်ဖိအကျဲအအၢအသီတဖၣ်တြီဃာ်အတၢ် သ့ၣ်ညါနၢ်ပၢၢ်တၢ်မ့ၢ်တၢ်တီန့ၣ်လီၤ.

လံာ်စီၤယိၤၡူ 11:20

အဂ့ၢ်မ့ၢ်လၢယွၤမၤကိၤထီၣ်အဝဲသ့ၣ်အသးတဖၣ်လၢကဟဲ ထီဒါအံၣ်စရ့လးလၢတၢ်ဒုးအပူၤ, ဒ်သိးအဝဲသ့ၣ်ကဘၣ်တၢ်မၤဟးဂီၤကွံာ်အီၤခဲလၢာ်ဒီးတဒိးန့ၢ်တၢ်သးကညီၤဘၣ်ဒီးကဘၣ်တၢ်မၤ သံကွံာ်အီၤခဲလၢာ်ဒ်ယွၤမၤလိာ်တ့ၢ်စီၤမိၤၡ့အသိးအဃိန့ၣ်လီၤ.

လံာ်လီၣ်ဖျါ 20:15

ပှၤတဂၤလၢ်လၢ်လၢအမံၤတအိၣ်ကွဲးအသးလၢလံာ်မူ အပူၤန့ၣ်, ဘၣ်တၢ်တ့ၢ်လီၤကွံာ်အီၤဆူနိၣ်မ့ၣ်အူအပူၤလီၤ.

လံာ်လီၣ်ဖျါ 20:9

အဝဲသ့ၣ်ရၤလီၤအသးသကုၤဟီၣ်ခိၣ်ချၢ, ဒီးကဝီၤဃာ်ကစၢ်ယွၤအပှၤဂီၢ်မုၢ်တဖၣ်အဒဲဒီးဝ့ၢ် တဖျၢၣ်လၢအဝဲဒၣ်အဲၣ်ဝဲန့ၣ်လီၤ. ဘၣ်ဆၣ်ဒီးမ့ၣ်အူ ဟဲလီၤလၢမူခိၣ်, ဒီးမၤဟးဂီၤကွံာ်အဝဲသ့ၣ်လီၤ.