လံာ်ယၡါယၤ 34:13 - Sgaw Karen Common Bible

¹³ တၤဆှုၣ် တၤမဲတဖၣ်ကမဲထီၣ်ပှဲၤကယဲၢ်နူၢ်ဧိၤစီၤဧိၤအပူၤဒီးဝ့ၢ် အိၣ်ဒီးအခိၣ်ဒူတဖၣ်အပူၤ, ဒီးထွံၣ်ဟီၣ်ခိၣ်တဖၣ်ဒီးဒိကအိ တဖၣ်ကအိၣ်လၢအဝဲသ့ၣ်အပူၤန့ၣ်လီၤ.

လံာ်ယၡါယၤ 34:13 Iomraidhean Croise

စံးထီၣ်ပတြၢၤ 44:19

ဒ်သိးနကမၤဟးဂီၤကွံာ်ပှၤလၢ ထွံၣ်ဟီၣ်ခိၣ်တဖၣ်အလီၢ်ပူၤ, ဒီးလုၣ်ဘၢတ့ၢ်ပှၤလၢတၢ်သံအတၢ်ခံးယိာ်န့ၣ်ဘၣ်.

လံာ်ယၡါယၤ 25:2

နဘိးကဒါတ့ၢ်ဝ့ၢ်တဖၣ်ဆူတၢ်ဟးဂူာ်ဟးဂီၤအပူၤ ဒီးမၤဟးဂီၤကွံာ်အတိာ်ခၢၣ်သနၢၣ်တဖၣ်လီၤ. နူၢ်ဧိၤစီၤဧိၤတဖၣ်လၢပဒုၣ်ပဒါတဖၣ်သူၣ်ထီၣ်တ့ၢ်အီၤန့ၣ် လီၤမၢ်ကွံာ်အထူအယိာ်လီၤ.

လံာ်ယၡါယၤ 35:7

မဲးမုၢ်ကိၢ်ကကဲထီၣ်ကမါတခါ ဒီးဟီၣ်ခိၣ်လၢအဃ့ထီန့ၣ်ကဘၣ်တၢ်မၤပှဲၤအီၤဒီးထံမူထီၣ်ပၢၢ် တဖၣ်လီၤ. ဖဲထွံၣ်မံၤတဖၣ်အိၣ်ဆိးတ့ၢ်ဝဲအလီၢ်န့ၣ်, တပိၢ်ဒီးဆှဲတဖၣ်ကမဲထီၣ်ဝဲလီၤ.

လံာ်ယံးရမံယၤ 10:22

ဒိကနၣ်တက့ၢ်. တၢ်ကစီၣ်ဟဲတုၤဝဲလံ. တၢ်တၢထီၣ်တၢ်လီၤဖးဒိၣ်တမံၤမၤအသးလၢကီၢ်လၢက လံၤစိးတခီအပှၤတကလုာ်အကျါန့ၣ်လီၤ. အဝဲသ့ၣ်အသုးမုၢ်ကဒုးကဲထီၣ်ကီၢ်ယူ ဒၤအဝ့ၢ်တဖၣ်လၢမဲးမုၢ်ခိၣ်, တၢ်လီၢ်တတီၤလၢထွံၣ်ဟီၣ်ခိၣ်အိၣ်ဝဲဆိးဝဲန့ၣ်လီၤ.”

လံာ်ယံးရမံယၤ 49:33

ဝ့ၢ်ဃါစိၢ်ကဘၣ်တၢ်ဒုးကဲထီၣ်အီၤလၢမဲးမုၢ်ခိၣ်တတီၤလီၤထူလီၤယိာ်, တၢ်လီၢ်တတီၤဖဲ အိၣ်ဒၣ်ထဲ ထွံၣ်ဟီၣ်ခိၣ်တဖၣ်ဧိၤန့ၣ်လီၤ. ပှၤတအိၣ်ကဒီးဖဲန့ၣ်နီတဂၤနီတစုလၢၤဘၣ်.” ယၤ, ယွၤအံၤ, ကတိၤလံတၢ်လံ.

လံာ်ယံးရမံယၤ 51:37

ထံကီၢ်န့ၣ် ကကဲထီၣ်တၢ်ဟးဂီၤတဖၣ်အတၢ်ပူၣ် ထီၣ်အသးတပူၣ်ဖဲဆၣ်ဖိကီၢ်ဖိအမံၤတဖၣ်အိၣ်ဆိး ဝဲန့ၣ်လီၤ. ကမ့ၢ်တၢ်ထံၣ်အလီၢ်လၢ အလီၤပျံၤလီၤဖုးဝဲ တတီၤလီၤ. ပှၤကအိၣ်ကဆိးဖဲန့ၣ် တအိၣ်နီတဂၤဘၣ်. ဒီးပှၤလၢ အထံၣ်ဘၣ်အီၤခဲလၢာ်န့ၣ်, ကပျံၤတၢ်ဖုးတၢ်လီၤ.

လံာ်ယံးရမံယၤ 51:43

ဝ့ၢ်တဖၣ်ကဲထီၣ်တၢ်ထံၣ်ဘၣ်လၢ အလီၤပျံၤလီၤ ဖုးဒီး မၤအသးဒ် မဲးမုၢ်ခိၣ်လၢ ထံတအိၣ်ဘၣ်, ဖဲပှၤတအိၣ်ဆိးနီတဂၤမ့ၢ်ဂ့ၤ, ပှၤတလဲၤတၢ် က့ၤတၢ်ဒၣ်လဲာ်လၢ အပူၤမ့ၢ်ဂ့ၤအသိးန့ၣ်လီၤ.

လံာ်ယံးရမံယၤ 9:11

ယွၤစံးဝဲဒၣ်, “ယကဒုးကဲထီၣ်ဝ့ၢ်ယရူၤၡလ့ၣ်လၢတၢ်ဟးဂီၤတဖၣ် အတၢ်ပူၣ်ထီၣ်အသး, တၢ်လီၢ်တတီၤဖဲထွံၣ်ဟီၣ်ခိၣ်တဖၣ်အိၣ်ဆိးဝဲန့ၣ်လီၤ. ကီၢ်ယူဒၤအဝ့ၢ်တဖၣ်ကကဲထီၣ်မဲးမုၢ်ခိၣ်, တၢ်လီၢ်တတီၤဖဲပှၤတအိၣ်ဆိးနီတဂၤဘၣ်န့ၣ်လီၤ.”

လံာ်သးသယုၢ်တၢ် 4:3

ထွံၣ်မံၤမိၢ်တဒုဒၣ်လဲာ်ကအံးထွဲကွၢ်ထွဲအဖိတဖၣ်လီၤ. မ့မ့ၢ်ယပှၤဂီၢ်မုၢ်မၤသးဒ်ထိၣ်ကီၤလးအူးတဖၣ်အသိး, အၢဝဲသီဝဲလၢအဖိတဖၣ်အဖီခိၣ်န့ၣ်လီၤ.

လံာ်ဟိၤၡ့ 9:6

ဖဲတၢ်တတၢးတနါဟဲတုၤဃီၤဝဲဒီးပှၤဂီၢ်မုၢ်တဖၣ်လီၤပြံပြါ ကွံာ်ဝဲန့ၣ်, ပှၤအဲၤကူပတူးဖိတဖၣ်ကပာ်ဖှိၣ်အဝဲသ့ၣ်, လၢကခူၣ်လီၤကွံာ်အဝဲသ့ၣ်ဖဲဝ့ၢ်မဲဖ့းအပူၤန့ၣ်လီၤ. အဝဲသ့ၣ်အတၢ်လုၢ်ဒိၣ်ပှ့ၤဒိၣ်တဖၣ်လၢစ့ဒီးတၢ်လီၢ် တၢ်ကျဲတဖၣ်ဖဲတဘျီအဝဲသ့ၣ်အဟံၣ်တဖၣ်သူၣ်ထီၣ်တ့ၢ်အ သးန့ၣ်နီၣ်ဧိၤမံၤဧိၤဒီးတၤဆှူၣ်တပှီာ်တဖၣ်ကဒိၣ်ဘၢကွံာ်အီၤ န့ၣ်လီၤ.

လံာ်စဖါနယၤ 2:9

ဒ်ယမ့ၢ်နီၢ်နီၢ်ယွၤလၢအမူဝဲ, ပှၤအံၣ်စရ့လးဖိအကစၢ်ယွၤအသိးန့ၣ်ယဆိၣ်တၢ်လၢကီၢ်မိၤအးဒီး ကီၢ်ဧၣ်မိၣ်ကဘၣ်တၢ်မၤဟးဂီၤကွံာ်အီၤဒ်ဝ့ၢ်စဒိၣ်ဒီးဝ့ၢ်ဂမိၤရၤ အသိးန့ၣ်လီၤ. အဝဲသ့ၣ်ကကဲထီၣ်အံသၣ်အပူၤတဖၣ် အလီၢ်တတီၤဒီးတၢ်ဟးဂီၤအထူအယိာ်လၢအဘၣ် တၢ်ခဲဘၢကွံာ်အီၤလၢနီၣ်ဧိၤမံၤဧိၤန့ၣ်လီၤ. ယပှၤဂီၢ်မုၢ်လၢအအိၣ်မူတ့ၢ်တဖၣ်ကဂုာ်န့ၢ်မၤဟးဂီၤဒီးဟံး န့ၢ်အကီၢ်န့ၣ်လီၤ.”

လံာ်မၤလကံ 1:3

ဒီးယသးဟ့စီၤဧ့ၡီၤဒီးအစၢၤအသွဲၣ်တဖၣ်လီၤ. ယဒုးအိၣ်သယုၢ်အကစၢၢ်ကလိဒီးဒုးကဲထီၣ် အတၢ်အိၣ်တၢ်ဆိးအလီၢ်လၢပှၢ်မုၢ်ကနၢလီၤ.”

လံာ်လီၣ်ဖျါ 18:2

အဝဲဒၣ်ကိးထီၣ်လၢအကလုၢ်ဖးဒိၣ်, “လီၤပှီၢ်လံဘၤဘူၤ လိၣ်ဖးဒိၣ်လီၤပှီၢ်လံ. ခဲကနံၣ်အံၤ, အဝဲဒၣ်ဘၣ်တၢ်မၤတံာ်တာ်မၤပျံၤမၤဖုးအီၤလၢတၢ်ဝံတၢ်နါ, ဒီးသးလၢအတကဆှီတဖၣ်, ထိၣ်လၢအဘၣ်အၢဘၣ်သီဒီးအလီၤသးဟ့အကလုာ်ကလုာ် အိၣ်ဝဲဆိးဝဲလၢအပူၤလီၤ.