လံာ်ယၡါယၤ 34:11 - Sgaw Karen Common Bible

¹¹ ဒိကအိဒီးစိးဝၣ်ဃးတဖၣ်ကအိၣ်ပှဲၤဝဲလၢထံကီၢ်ပူၤလီၤ. ယွၤကဒုးကဲထီၣ်အီၤလၢတၢ်အိၣ်သယုၢ်အိၣ်ကလီအလီၢ် ကဒီးတဘျီဒ်အမ့ၢ်တ့ၢ်ဝဲတချုးလၢတၢ်တ့လီၤပာ်လီၤတၢ် အကတီၢ်အသိးန့ၣ်လီၤ.

လံာ်ယၡါယၤ 34:11 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 8:2

အန့ၣ်ဝံၤဒီးအဝဲမၤနၢၤကွံာ်ပှၤမိၤအးဖိတဖၣ်လီၤ. အဝဲမၢပှၤဃိာ်ဖိတဖၣ်မံလီၤလၢဟီၣ်ခိၣ်လိၤဒီးမၤသံကွံာ်ပှၤ သၢဂၤအကျါခံဂၤစုာ်စုာ်လီၤ. မၤသးဒ်န့ၣ်ဒီး, ပှၤမိၤအးဖိတဖၣ်ကဲထီၣ်ပှၤဃၣ်ကွံာ်လၢအဝဲပၢ ဘၣ်အီၤဒီးဘၣ်ဟ့ၣ်အီၤလၢတၢ်အခိအသွဲတဖၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 21:13

ယကစံၣ်ညီၣ်ဝ့ၢ်ယရူၤၡလ့ၣ်ဒ်ယမၤဘၣ်ဝ့ၢ်ၡၤမရံအသိး, ဒ်ယမၤဘၣ်ကီၢ်အံၣ်စရ့လးအစီၤပၤအၤဃာ်ဒီးအဝဲအစၢၤအသွဲၣ်တဖၣ် အသိးန့ၣ်လီၤ. ယကတြူာ်ကွံာ်ဝ့ၢ်ယရူၤၡလ့ၣ်အပှၤဂီၢ်မုၢ်စီဖ့ကလ့ၤဒ်လီခီ တဘ့ၣ်လၢအဘၣ်တၢ်ထွါပျီအီၤဒီးပာ်ကျၢၢ်အီထီလာ်အီၤအသိးန့ၣ် လီၤ.

စံးထီၣ်ပတြၢၤ 102:6

ယမၤယသးလီၤဂာ်ဒ်ထိၣ်ဝိၣ်ဘိၤလၢ ပှၢ်လၢ်ကျါအသိး ဒီးဒ်ဒိကအိလၢအအိၣ်လၢ တၢ်လီၤပှီၢ်အကျါအသိးန့ၣ်လီၤ.

လံာ်ယၡါယၤ 14:23

ယကဒုးကဲထီၣ်ကီၢ်ဘၤဘူၤလိၣ်လၢတၢ်ကပျၢၤအပူၤတပူၤဒီးဒိ ကအိတဖၣ်ကအိၣ်ဖဲန့ၣ်လီၤ. ယကခွဲသိၣ်ကီၢ်ဘၤဘူၤလိၣ်လၢ နီၣ်ခွဲသိၣ်တဘိလၢအကခွဲပျီကွံာ်တၢ်ခဲလၢာ်န့ၣ်လီၤ. ယၤ, ယွၤသ့တၢ်လၢာ်ကစၢ်, စံးတ့ၢ်လံဝဲလီၤ.”

လံာ်ယၡါယၤ 24:10

လၢဝ့ၢ်ပူၤန့ၣ်, တၢ်ခဲလၢာ်အိၣ်လၢတၢ်သဘံၣ်ဘုၣ်အပူၤဒီး ပှၤဂီၢ်မုၢ်ကးတံာ်ဃးအခံလၢအဟံၣ်တဖၣ်အပူၤလၢတၢ်ဘံၣ် တၢ်ဘၢအဂီၢ်လီၤ.

လံာ်ယၡါယၤ 34:17

ပှၤလၢကနီၤဖးတၢ်အိၣ်တၢ်ဆိးအလီၢ်လၢအဝဲသ့ၣ်အဂီၢ်ဒီး ဟ့ၣ်လီၤအဝဲသ့ၣ်တဖုဘၣ်တဖုအတၢ်နီၤဟ့ၣ်န့ၣ်မ့ၢ်ယွၤလီၤ. အဝဲသ့ၣ်ကအိၣ်လၢထံကီၢ်န့ၣ်အပူၤတစိၤဝံၤတစိၤ, ဒီးကကဲထီၣ်အဝဲသ့ၣ်အတၢ်အစိၤစိၤအဃၣ်ဃၣ်လီၤ.

လံာ်သးသယုၢ်တၢ် 2:8

ယွၤပာ်လီၤတ့ၢ်အသးကျၢၤမုဆှု လၢဝ့ၢ်စံယိၣ်အတၢ်ဒူၣ်တဖၣ်ကဘၣ် လီၤပှီၢ်ဝဲအဂီၢ်လီၤ. ထိၣ်နီၣ်တ့ၢ်အီၤခဲလၢာ်ဒ်သိးကမၤဟးဂီၤကွံာ်အီၤလၢာ်လၢာ်ဆ့ ဆ့လီၤတံၢ်လီၤဆဲးအဂီၢ်လီၤ. ဝ့ၢ်ခိၣ်ဒူဒီးအပၢၤတၢ်အလီၢ်တဖၣ်န့ၣ်ခဲအံၤဒါလီၤသကိးအသး လၢတၢ်ဟးဂီၤအပူၤလီၤ.

လံာ်တၢ်ဘူၣ်ထီၣ်ဘါထီၣ် 11:16

ကယဲၢ်စိးဝၣ်ဃးဒ်အကလုာ်အသိး, ထိၣ်ကီၤလၤအူး, ထိၣ်သဘၣ်, ထိၣ်ၡဃးဒီးလံာ်ပီၢ်တ့ဒ်အကလုာ်အသိး,

လံာ်ဧၤမိၣ် 7:8

ဒီးယွၤသံကွၢ်ယၤ, စီၤဧၤမိၣ်ဧၢ, နထံၣ်တၢ်မနုၤလဲၣ်. ဒီးယစံးဆၢ, နီၣ်ထူၣ်ပျံၤတဘိလီၤ. ဒီးယွၤစံးဝဲဒၣ်, ကွၢ်ကွၢ်ယပာ်လီၤလံနီၣ်ထူၣ်ပျံၤတဘိလၢ ယပှၤဂီၢ်မုၢ်အံၣ်စရ့လးအသိးအကျါလီၤ. ယတပျဲပူၤလၢၤဘၣ်အီၤဘၣ်.

လံာ်စဖါနယၤ 2:14

ဒီးကကဲထီၣ်တၢ်လီၢ်တတီၤလၢသိ, မဲာ်တဲးလဲးဒီးကယဲၢ်ဆၣ်ဖိကီၢ်ဖိကိးဖုကိးကလုာ်ဒဲးကမံ လီၤဝဲန့ၣ်လီၤ. ဒိကအိသ့ၣ်တဖၣ်ကအိၣ်လၢတၢ်ဟးဂူာ်ဟးဂီၤန့ၣ် အကျါ, ဒီးကကအုကစွါထီၣ်လၢပဲတြီတဖၣ်န့ၣ်လီၤ. စိးဝၣ်ဃးတဖၣ်ကတူထီၣ်ဝဲလၢတြဲၤခီၣ်ထံးတဖၣ်န့ၣ်လီၤ. အတၢ်သူၣ်ထီၣ်တဖၣ်လၢအဘၣ်တၢ်ဘှီအီၤလၢသ့ၣ်ဆှိးအ့ရ့းန့ၣ်ဘၣ် တၢ်ဘ့ၣ်ကွံာ်အိးကွံာ်လၢာ်လံ.

လံာ်လီၣ်ဖျါ 18:2

အဝဲဒၣ်ကိးထီၣ်လၢအကလုၢ်ဖးဒိၣ်, “လီၤပှီၢ်လံဘၤဘူၤ လိၣ်ဖးဒိၣ်လီၤပှီၢ်လံ. ခဲကနံၣ်အံၤ, အဝဲဒၣ်ဘၣ်တၢ်မၤတံာ်တာ်မၤပျံၤမၤဖုးအီၤလၢတၢ်ဝံတၢ်နါ, ဒီးသးလၢအတကဆှီတဖၣ်, ထိၣ်လၢအဘၣ်အၢဘၣ်သီဒီးအလီၤသးဟ့အကလုာ်ကလုာ် အိၣ်ဝဲဆိးဝဲလၢအပူၤလီၤ.