လံာ်ယၡါယၤ 33:6 - Sgaw Karen Common Bible

⁶ ဒီးဟ့ၣ်ပှၤကလုာ်လၢတၢ်အိၣ်ဂၢၢ်ဆိးကျၢၤန့ၣ်လီၤ. အဝဲကဟုကယာ်အပှၤဂီၢ်မုၢ်ဒီးဟ့ၣ်အဝဲသ့ၣ် လၢတၢ်ကူၣ်သ့ဒီးတၢ်သ့ၣ်ညါထီဘိလီၤ. အတၢ်လုၢ်ဒိၣ်ပှ့ၤဒိၣ်အဒိၣ်ကတၢၢ်မ့ၢ်ဝဲအဝဲသ့ၣ်အတၢ်ယူး ယီၣ်ယွၤန့ၣ်လီၤ.

လံာ်ယၡါယၤ 33:6 Iomraidhean Croise

လံာ်စီၤပၤခံဘ့ၣ်တဘ့ၣ် 18:7

လၢတၢ်န့ၣ်အဃိယွၤအိၣ်ဒီးအီၤ, ဒီးကယဲၢ်တၢ်လၢအဝဲ မၤတ့ၢ်ဝဲခဲလၢာ်န့ၣ်ကဲထီၣ်လိၣ်ထီၣ်ဝဲဒၣ်န့ၣ်လီၤ. အဝဲပူထီၣ်တၢ်ထီဒါကီၢ်အၤၡူၢ်အစီၤပၤဖးဒိၣ်ဒီးဂ့ၢ်လိာ်လၢ ကဟ့ၣ်လီၤအသးလၢအဝဲအစုပူၤန့ၣ်လီၤ.

လံာ်စီၤယိၤဘး 4:6

နတၢ်ပျံၤကစၢ်ယွၤန့ၣ်တမ့ၢ်နတၢ်သန့ၤနသးအဂ့ၢ်ဘၣ်ဧါ. နတၢ်အိၣ်မူအလၢအပှဲၤန့ၣ်တမ့ၢ်နတၢ်မုၢ်လၢ်ဘၣ်ဧါ.

စံးထီၣ်ပတြၢၤ 140:7

ယယွၤ, ပၢဘၣ်တၢ်ခဲလၢာ်, ယတၢ်အုၣ်က့ၤခီၣ်က့ၤကစၢ်ဧၢ, နကဟုကယာ်တ့ၢ်လံယၤလၢ တၢ်ဒုးသုးအပူၤန့ၣ်လီၤ.

စံးထီၣ်ပတြၢၤ 28:8

ယွၤမ့ၢ်အပှၤဂီၢ်မုၢ်အဂံၢ်အဘါ ဒီးတၢ်ပူၤဖျဲးအလီၢ်လၢအစီၤပၤ လၢအဃုထၢဝဲအဂီၢ်န့ၣ်လီၤ.

စံးထီၣ်ပတြၢၤ 45:4

ဒိးထီၣ်နကသ့ၣ်လၢ တၢ်ကဟုကညီၢ်အပူၤ ဆူတၢ်မၤနၢၤ, လၢတၢ်ဒီသဒၢတၢ် မ့ၢ်တၢ်တီဒီးတၢ်စံၣ်ညီၣ်တီအဂီၢ်တက့ၢ်. ပျဲနစုထွဲဒုးနဲၣ်နၤ တၢ်ဖံးတၢ်မၤလီၤလးတဖၣ်န့ၣ်တက့ၢ်.

တၢ်ကတိၤဒိ. 14:24

ပှၤကူၣ်သ့တဖၣ်ဘၣ်တၢ်ဟ့ၣ်ဘျုးအီၤလၢတၢ်ထူးတၢ်တီၤလီၤ. မ့မ့ၢ်ပှၤဟးဂီၤဖိတဖၣ်ဘၣ်တၢ်သ့ၣ်ညါအီၤလၢအတၢ်ဟးဂီၤဒၣ်ဝဲ န့ၣ်လီၤ.

တၢ်ကတိၤဒိ. 14:26

တၢ်ယူးယီၣ်ယွၤန့ၣ်ဟ့ၣ်တၢ်နာ်အဂၢၢ်အကျၢၤဒီးတၢ်အိၣ်ဘံၣ်အိၣ်ဘၢ လၢပှၤတဂၤဒီးအဟံၣ်ဖိဃီဖိအဂီၢ်လီၤ.

တၢ်ကတိၤဒိ. 14:27

မ့ၢ်နအဲၣ်ဒိးပဒ့ၣ်ဟးဆှဲးတၢ်သံဧါ. တၢ်ယူးယီၣ်ယွၤန့ၣ်မ့ၢ် တၢ်မူအထံထီၣ်ပၢၢ်လီၤ.

တၢ်ကတိၤဒိ. 15:16

ဂ့ၤတက့ၢ်လၢပဖှီၣ်ဒီးပျံၤယွၤဒိၣ်န့ၢ်ပထူးပတီၤဒီးအိၣ်လၢ တၢ်ကီတၢ်ခဲအပူၤန့ၣ်လီၤ.

တၢ်ကတိၤဒိ. 19:23

ပျံၤယွၤဒီးယူးယီၣ်အီၤတက့ၢ်. ဒီးနကအိၣ်မူအါနံၣ်အါလါ, သူၣ်မံသးမံဒီးပူၤဖျဲးလၢတၢ်မၤဆူးမၤဆါန့ၣ်လီၤ.

တၢ်ကတိၤဒိ. 2:5

နမ့ၢ်မၤဒ်န့ၣ်ဒီးနကသ့ၣ်ညါတၢ်ပျံၤယွၤအခီပညီမ့ၢ်တၢ်မနုၤ မနုၤလဲၣ်ဒီးနတၢ်မၤလိဘၣ်ဃးဒီးကစၢ်ယွၤကကဲထီၣ်လိၣ်ထီၣ် ဝဲလီၤ.

တၢ်ကတိၤဒိ. 28:2

တုၤထံကီၢ်တကီၢ်အိၣ်ဒီးတၢ်ပူထီၣ်လီထီၣ်န့ၣ်, ပှၤပၢတၢ်ကအိၣ်တဖုဝံၤတဖုလီၤ. မ့မ့ၢ်, ဖဲအအိၣ်ဒီးခိၣ်နၢ် တဖၣ်လၢအသးဆးဒီးကူၣ်သ့ကူၣ်ဘၣ်န့ၣ်, ထံကီၢ်ဝဲအံၤအဂံၢ်အဘါကဆူၣ်ဒီးကအိၣ်ဂၢၢ်ကျၢၤဝဲလီၤ.

တၢ်ကတိၤဒိ. 29:4

ဖဲစီၤပၤပာ်ဒိၣ်ပာ်ကဲတၢ်စံၣ်ညီၣ်တီဒီး, ထံကီၢ်အဂံၢ်အဘါကဆူၣ်ဝဲလီၤ. ဘၣ်ဆၣ်ဖဲအဝဲပာ်ဒိၣ်ပာ်ကဲဒၣ်ထဲကျိၣ်ဧိၤစ့ဧိၤဒီး, အဝဲကမၤဟးဂီၤက့ၤအထံအကီၢ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 7:12

ဒီးကဟ့ၣ်နၤတၢ်ဘံၣ်ဘၢပူၤဖျဲးအါထဲသိးဒီးတၢ်လၢစ့မၤဝဲ သ့တက့ၢ်န့ၣ်လီၤ. တၢ်ကူၣ်သ့ပာ်ပူၤဖျဲးနၤလီၤ. အဝဲအံၤမ့ၢ်တၢ်အိၣ်ဒီးတၢ်သ့ၣ်ညါအဘျုးအဖှိၣ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 7:19

တၢ်ကူၣ်သ့မၤတၢ်လၢပှၤတဂၤအဂီၢ်ဒိၣ်န့ၢ်အါန့ၢ်ဒံးပှၤပၢတၢ် အဂၤတဆံမၤတၢ်သ့လၢဝ့ၢ်တဝ့ၢ်အဂီၢ်တက့ၢ်လီၤ.

လံာ်ယၡါယၤ 11:9

လၢစံယိၣ်, ကစၢ်ယွၤအကစၢၢ်စီဆှံအဒီခိၣ်န့ၣ်, တၢ်လၢအကမၤဘၣ်ဒိဘၣ်ထံးတၢ်, မ့တမ့ၢ်, ကမၤအၢမၤသီ တၢ်တအိၣ်ဘၣ်နီတမံၤဘၣ်. ဒ်ပီၣ်လဲၣ်တဖၣ်ပှဲၤဝဲဒီးထံအသိး, ဟီၣ်ခိၣ်ကပှဲၤဝဲဒီးတၢ်သ့ၣ်ညါ ယွၤအလၢအပှဲၤန့ၣ်လီၤ.

လံာ်ယၡါယၤ 26:1

မုၢ်တနံၤဖဲပှၤဂီၢ်မုၢ်ကသးဝံၣ်တၢ်သးဝံၣ်အံၤလၢကီၢ်ယူဒၤ အပူၤန့ၣ်ဘူးထီၣ်လံ. ပဝ့ၢ်အံၤအဂံၢ်ဆူၣ်လီၤ. ကစၢ်ယွၤအနီၢ်ကစၢ်ဒၣ်ဝဲကဟုကယာ် အခိၣ်ဒူတဖၣ်လီၤ.

လံာ်ယၡါယၤ 32:17

မ့ၢ်လၢပှၤကိးဂၤဒဲးကမၤတၢ်အမ့ၢ်အတီအဃိ, တၢ်ဃူတၢ်ဖိးဒီးတၢ်ပူၤဖျဲးကအိၣ်လီၤထူလီၤယိာ်လီၤ.

လံာ်ယၡါယၤ 32:18

ယွၤအပှၤဂီၢ်မုၢ်ကပူၤဖျဲးဒီးတၢ်ကိၢ်တၢ်ဂီၤတဖၣ်, ဒီးအဟံၣ်အဃီတဖၣ်ကမုာ်ဝဲခုၣ်ဝဲဒီးဘံၣ်ဝဲဘၢဝဲန့ၣ်လီၤ.

လံာ်ယၡါယၤ 33:20

ကွၢ်ဃီၤစံယိၣ်, ဝ့ၢ်လၢပမၤပတၢ်ဘူၣ်တၢ်ဘါအမူးတဖၣ်န့ၣ် တက့ၢ်. ကွၢ်ဃီၤဝ့ၢ်ယရူၤရှလ့ၣ်တက့ၢ်. ကမ့ၢ်ဝဲတၢ်ပူၤဖျဲး အလီၢ်တတီၤလၢပကအိၣ်လၢအပူၤမးလဲၣ်. ကလီၤဂာ်ဒီးဒဲတဖျၢၣ်လၢတၢ်တသုးအလီၢ်နီတဘျီဘၣ်, အနီၣ်စဲတဖၣ်တဘၣ်တၢ်ထဲးထီၣ်ကွံာ်အီၤနီတဘျီဘၣ်, ဒီးလၢအပျံၤတဖၣ်တဘၣ်တၢ်မၤတဲာ်ကွံာ်အီၤနီတဘျီဘၣ် န့ၣ်လီၤ.

လံာ်ယၡါယၤ 45:17

မ့မ့ၢ်ကီၢ်အံၣ်စရ့လးဘၣ်တၢ်အုၣ်က့ၤခီၣ်က့ၤအီၤလၢယွၤ ဒီးအတၢ်မၤနၢၤအိၣ်လီၤထူလီၤယိာ်လီၤ. အပှၤဂီၢ်မုၢ်တဘၣ်တၢ်မၤမဲာ်ဆှးအီၤနီတစုဘၣ်.”

လံာ်ယၡါယၤ 51:14

ပှၤတဖၣ်လၢအဘၣ်တၢ်စၢဃာ်အီၤ လၢဃိာ်ပူၤန့ၣ်တယံာ်လၢၤဘၣ်ဒီး ကဘၣ်တၢ်မၤထူၣ်ဖျဲးအီၤလီၤ. အဝဲသ့ၣ်ကအိၣ်မူလၢတၢ်အိၣ်ကၢအိၣ်ခိးအပူၤ ဒီးကအိၣ်ဒီးတၢ်အီၣ်ခဲလၢာ်လၢအလိၣ်ဘၣ်ဝဲန့ၣ်လီၤ.

လံာ်ယၡါယၤ 51:6

ကွၢ်ထီၣ်တၢ်ဆူမူခိၣ်မူကပိာ်လိၤ, ကွၢ်တၢ်ဆူဟီၣ်ခိၣ်တက့ၢ်. မူခိၣ်မူကပိာ်လိၤကလီၤမၢ်ကွံာ်ဝဲဒ်မ့ၣ်အူလုၣ်အသိး, ဟီၣ်ခိၣ်ကလီၢ်လံၤဖီဃးကွံာ်ဝဲဒ်ဆ့ကၤလီၢ်လံၤ အသိးလီၤ. ဒီးအပှၤဂီၢ်မုၢ်ခဲလၢာ်ကသံဝဲဒ် သၣ်ဘုလါတဖၣ်အသိးလီၤ. ဘၣ်ဆၣ်ဒီးတၢ်မၤပူၤဖျဲးလၢယဟဲစိာ်န့ၣ် ကအိၣ်ဝဲလီၤထူလီၤယိာ် ဒီးယတၢ်မၤနၢၤအကတၢၢ်တအိၣ်ဝဲဘၣ်လီၤ.

လံာ်ယံးရမံယၤ 31:34

ပှၤတလိၣ်လၢၤနီတဂၤလၢ ကသိၣ်လိအထံဖိကီၢ်ဖိ ကဒဲတဒဲလၢ ကသ့ၣ်ညါယွၤအဂီၢ်န့ၣ်ဘၣ်, အဂ့ၢ်ဒ်အံၤ ပှၤခဲလၢာ်, ပှၤအဆံးကတၢၢ်တုၤလၢ ပှၤအဒိၣ်ကတၢၢ်န့ၣ် ကသ့ၣ်ညါယၤလီၤ. ယကပျၢ်အဝဲသ့ၣ်အတၢ်ဒဲးဘးတဖၣ်ဒီး ယတသ့ၣ်နီၣ်လၢၤ အဝဲသ့ၣ် အတၢ်ကမၣ်တဖၣ်န့ၣ်ဘၣ်. ယၤ, ယွၤအံၤ, ကတိၤလံတၢ်လံ.”

လံာ်ဃဘးကူာ် 2:14

အဂ့ၢ်ဒ်အံၤ, ဟီၣ်ခိၣ်ကပှဲၤထီၣ်ဝဲဒီးတၢ်သ့ၣ်ညါယွၤအလၤ ကပီၤဒ်ပီၣ်လဲၣ်ဖိတဖၣ်ပှဲၤဝဲဒီးထံအသိးန့ၣ်လီၤ.

လံာ်မးသဲ 6:33

မ့မ့ၢ်ဃုဆိကစၢ်ယွၤအဘီအမုၢ်ဒီးအတၢ်တီတၢ်လိၤတက့ၢ်. ဒီးကစၢ်ယွၤကဟ့ၣ်လီၤသုလၢတၢ်တဖၣ်န့ၣ်ခဲလၢာ်လီၤ.

၂ ကရံၣ်သူး 6:10

တၢ်မၤသးအုးပှၤဘၣ်ဆၣ်ဒီး ပသးခုပဝဲထီဘိလီၤ. ပအိၣ်ဖျါဖှီၣ်ယာ်ဘၣ်ဆၣ်ဒီးပဒုးထူးဒုးတီၤထီၣ်ပှၤအါဒံ အါဂၤလီၤ. အိၣ်ဖျါလၢတၢ်တအိၣ်ဒီးပှၤနီတမံၤ, ဘၣ်ဆၣ်ဒီးအနီၢ်နီၢ်တခီပအိၣ်ဒီးတၢ်ခဲလၢာ်ခဲဆ့န့ၣ်လီၤ.

၁ တံၤမသ့း 4:8

နီၢ်ခိအတၢ်ဟူးတၢ်ဂဲၤအိၣ်ဒီးအဘျုးအဖှိၣ်တနီၤ, မ့မ့ၢ်သးအတၢ်ဟူးတၢ်ဂဲၤအဘျုးအဖှိၣ်အိၣ်ဝဲလၢကျဲခဲလၢာ်, မ့ၢ်လၢအအိၣ်ဒီးတၢ်အၢၣ်လီၤအီလီၤဘၣ်ဃးတၢ်မူလၢဆၢ ကတီၢ်ခဲအံၤအဂီၢ်မ့ၢ်ဂ့ၤ, တၢ်မူလၢခဲကိာ်တဃၣ်အဂီၢ်မ့ၢ်ဂ့ၤ အဃိန့ၣ်လီၤ.

၁ တံၤမသ့း 6:6

မ့ၢ်လံ, ပှၤတဂၤမ့ၢ်သးမံလၢတၢ်လၢအအိၣ်ဒီးအီၤန့ၣ်, တၢ်ယူးယီၣ်ယွၤဒုးထူးထီၣ်တီၤထီၣ်အီၤစဲဃဲၤန့ၣ်လီၤ.