လံာ်ယၡါယၤ 33:4 - Sgaw Karen Common Bible

⁴ တၢ်ဘၣ်ထွဲဘၣ်ဃးဒီးအဝဲသ့ၣ်တဖၣ်ဘၣ်တၢ်စံၣ်ပှီၤဒီးဟံးန့ၢ် အီၤဒ်တၢ်ဖိတၢ်လံၤလၢတၢ်ဂုာ်န့ၢ်အီၤအသိးလီၤ.

လံာ်ယၡါယၤ 33:4 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 14:13

ဒီးစီၤအၤစါဒီးအဝဲအသုးဖိတဖၣ်လူၤထွဲအဝဲသ့ၣ်ယံၤတုၤလၢ ဝ့ၢ်ကရၢ်န့ၣ်လီၤ. ပှၤကူၤၡးဖိအါအါဂီၢ်ဂီၢ်ဘၣ်တၢ်မၤသံကွံာ်အီၤတုၤဒၣ်လဲာ် သုးမုၢ်ကရၢကရိထီၣ်က့ၤအသးဒီးဒုးတၢ်တသ့လၢၤဘၣ်န့ၣ်လီၤ. အဝဲသ့ၣ်ဘၣ်တၢ်မၤနၢၤကွံာ်အီၤလၢယွၤဒီးအသုးမုၢ်, ဒီးသုးမုၢ်ဟံးထီၣ်ကွံာ်တၢ်ဂုာ်န့ၢ်အါအါကလဲာ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 20:25

စီၤယဟိၡၤဖးဒီးအပှၤသုးဖိတဖၣ်ဟဲနုာ်လၢကဟံးန့ၢ်တၢ်ဂုာ် န့ၢ်တဖၣ်ဒီးအဝဲသ့ၣ်ထံၣ်ဘၣ်ဂီၤဘုၣ်ဂီၤဖံးအါအါဂီၢ်ဂီၢ်, တၢ်လၢပှၤသူအီၤအလီၢ်အိၣ်တဖၣ်, တၢ်ကူတၢ်ကၤဒီးတၢ်ပီးတၢ်လီလုၢ်ဒိၣ်ပှ့ၤဒိၣ်အဂုၤအဂၤတဖၣ်န့ၣ်လီၤ. အဝဲသ့ၣ်ထၢဖှိၣ်တၢ်ဂုာ်န့ၢ်ယံာ်ဝဲသၢသီ, ဘၣ်ဆၣ်, တၢ်အိၣ်ဝဲ ဂီၢ်မုၢ်ဂီၢ်ပၤတုၤဒၣ်လဲာ်အဝဲသ့ၣ်က့ၤစိာ်တၢ်တန့ၢ်ခဲလၢာ်ဘၣ်န့ၣ်လီၤ.

လံာ်ယၡါယၤ 33:23

အဂ့ၢ်ဒ်အံၤ, ယွၤအကစၢ်ဒၣ်ဝဲမ့ၢ်ပစီၤပၤလီၤ. အဝဲပၢပှၤဒီးဒီဒၣ်အိၣ်ပှိၤပှၤလီၤ.

လံာ်ယၡါယၤ 33:3

ဖဲနဒုးတၢ်လၢပဂီၢ်န့ၣ်, ပှၤကလုာ်တဖၣ်ဃ့ၢ်ကွံာ်ဝဲလၢတၢ်ဒုး တၢ်ယၤအတၢ်သီၣ်တၢ်သဲအဃိန့ၣ်လီၤ.

လံာ်ယၡါယၤ 33:5

ယွၤန့ၣ်ဒိၣ်ဝဲဆံးဒိၣ်လဲၣ်. အဝဲပၢတၢ်လၢတၢ်ခဲလၢာ်အဖီခိၣ်လီၤ. အဝဲကမၤပှဲၤဝ့ၢ်ယရူၤရှလ့ၣ်ဒီးတၢ်စံၣ်ညီၣ်တီဒီးတၢ်မၤတီ အကလုၢ်,

လံာ်ယဃ့းစက့လး 25:7

မ့ၢ်လၢသုမၤတ့ၢ်တၢ်န့ၣ်အဃိ, ယကဟ့ၣ်လီၤကွံာ်သုဆူပှၤကလုာ် ဂၤတဖၣ်အစုပူၤလၢကဒုးသုဒီးဂုာ်ဆူၣ်ပျီဆူၣ်သုန့ၣ်လီၤ. ယကမၤဟးဂီၤကွံာ်သုစီဖ့ကလ့ၤ, တုၤဒၣ်လဲာ်သုတမ့ၢ်လၢၤဘၣ် ပှၤတကလုာ်မ့ၢ်ဂ့ၤ, သုတအိၣ်လၢၤဒီးသုထံသုကီၢ်ဒၣ်ဝဲမ့ၢ်ဂ့ၤလၢၤဘၣ်. အန့ၣ်ဒီးသုကသ့ၣ်ညါယမ့ၢ်ယွၤန့ၣ်လီၤ.”

လံာ်ယိၤအ့လး 1:4

ဒွဲၣ်ဧိၤတြၤဧိၤတဖုဝံၤတဖုဟဲထီၣ်ဒီးမၤဟးဂီၤကွံာ်တၢ်မုၢ်တၢ်ဘိတဖၣ်လီၤ. တၢ်လၢဒွဲၣ်တဖုပာ်လီၤတဲာ်တ့ၢ်ဝဲန့ၣ်, အဂၤတဖုမၤဟးဂီၤကွံာ်ဝဲလီၤ.

လံာ်ယိၤအ့လး 2:25

တၢ်လၢအလီၤမၢ်တ့ၢ်ဖဲနံၣ်ဧိၤလါဧိၤလၢဒွဲၣ်ဧိၤ သကံၤဧိၤတဖၣ်အီၣ်ကွံာ်တ့ၢ်ဝဲသုတၢ်မုၢ်တၢ်ဘိန့ၣ်ယကဟ့ၣ်ကဒါ က့ၤသုလီၤ. မ့ၢ်လၢယမၢလီၤဒွဲၣ်ဧိၤသကံၤဧိၤတဖၣ်ဆူသုအိၣ် အဃိန့ၣ်လီၤ.

လံာ်ယိၤအ့လး 2:3

အဝဲသ့ၣ်အီၣ်ကွံာ်တၢ်မုၢ်တၢ်ဘိတဖၣ်ဒ်မ့ၣ်အူအီၣ်တၢ်အသိး, ဒီးလၢအဝဲသ့ၣ်အမဲာ်ညါန့ၣ်ထံဧိၤကီၢ်ဧိၤမၤအသးဒ် ဧ့ၤဒ့ၣ်တၤသၣ်အလီၢ်အသိးန့ၣ်လီၤ. ဘၣ်ဆၣ်တုၤအဝဲသ့ၣ်အီၣ်ကွံာ်တၢ်ဝံၤအလီၢ်ခံန့ၣ် ကဲထီၣ်တၢ်ဃ့ထီအလီၢ်န့ၣ်လီၤ. ဒီးတၢ်တပူၤဖျဲးဘၣ်ဒီးအီၤနီတမံၤဘၣ်.

လံာ်ယိၤအ့လး 2:9

အဝဲသ့ၣ်ဃ့ၢ်သဖှိဃီၤဆူဝ့ၢ်, ဃ့ၢ်လၢဝ့ၢ်ခိၣ်ဒူတဖၣ်အလိၤ, လဲၤနုာ်ဆူဟံၣ်တဖၣ်အပူၤ ဒီးလဲၤနုာ်ခီဖျိပဲတြီဖိတဖၣ်ဒ်တၢ်ဘျၣ်တဖၣ်အသိးလီၤ.