လံာ်ယၡါယၤ 33:24 - Sgaw Karen Common Bible

²⁴ ပှၤလၢအအိၣ်လၢပထံလီၢ်ကီၢ်ပူၤတကဒူးကဒ့ၣ်ကဒီးလၢ အဆူးအဆါနီတဂၤလၢၤဘၣ်, ဒီးတၢ်ဒဲးဘးခဲလၢာ်န့ၣ် ကဘၣ်တၢ်ပျၢ်ကွံာ်အီၤလီၤ.

လံာ်ယၡါယၤ 33:24 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 30:20

ယွၤစံးဆၢစီၤဃံးစကံယၤအတၢ်ထုကဖၣ်, ဒီးအဝဲပျၢ်ကွံာ်ပှၤ ဂီၢ်မုၢ်အတၢ်ကမၣ်, ဒီးတမၤဆါအဝဲသ့ၣ်ဘၣ်လီၤ.

လံာ်တၢ်ဟးထီၣ်ကွံာ် 15:26

ဒီးယွၤစံးဝဲဒၣ်, “သုမ့ၢ်ဒိကနၣ်ယၤလၢလၢပှဲၤပှဲၤ, ခီဖျိမၤတၢ်ဒ်တၢ်ဘၣ်ယသးဒီးတိၢ်န့ၢ်ဖံးဃၣ်ယတၢ်မၤလိာ်တဖၣ် န့ၣ်, ယတစံၣ်ညီၣ်ဘၣ်သုလၢတၢ်ဆါတဖၣ်လၢယဒုးလီၤဘၣ်အီၤ လၢပှၤအဲၤကူပတူးဖိတဖၣ်အလိၤန့ၣ်ဘၣ်. ယမ့ၢ်ယွၤ, ပှၤတဂၤလၢအမၤဘျါသုန့ၣ်လီၤ.”

လံာ်ယၡါယၤ 1:5

ဘၣ်မနုၤအဃိသုပူထီၣ်ဒံးအီၤန့ၣ်လဲၣ်. မ့ၢ်သုအဲၣ်ဒိးတၢ်စံၣ် ညီၣ်သုအါန့ၢ်ဒံးအလီၢ်အံၤဧါ. အံၣ်စရ့လးဧၢ, သုခိၣ် ဘၣ်တၢ်ကးဘၢတ့ၢ်လံအီၤလၢတၢ်ပူၤလီၢ်ပူၤကျဲတဖၣ်ဒီး သုသးဒီးတၢ်ဆိကမိၣ်တဖၣ်ဆိးက့ဝဲလီၤ.

လံာ်ယၡါယၤ 30:26

လါအတၢ်ကပီၤကဆှံဝဲဒ်မုၢ်အတၢ်ကပီၤအသိး, ဒီးမုၢ်အတၢ်ကပီၤန့ၣ်ကကပီၤအါထီၣ်နွံစးအါ န့ၢ်ညီနုၢ်မၤအသး, လီၤဂာ်ဒီးနွံသီအတၢ် ကပီၤလၢအကပီၤထီၣ်ဝဲလၢတနံၤဃီအတီၢ်ပူၤန့ၣ်လီၤ. တၢ်သ့ၣ်တဖၣ်အံၤခဲလၢာ်ကမၤအသး, ဖဲယွၤဘိၣ်ဘံထီၣ်ဒီးမၤဘျါက့ၤတၢ်ပူၤလီၢ်ပူၤကျဲတဖၣ်လၢ ယွၤမၤဘၣ်ဒိဘၣ်ထံးတ့ၢ်ဘၣ်အပှၤဂီၢ်မုၢ်အခါန့ၣ်လီၤ.

လံာ်ယၡါယၤ 40:2

“ဟ့ၣ်ဆူၣ်ထီၣ်ပှၤလၢဝ့ၢ်ယရူၤၡလ့ၣ်တဖၣ်အသးတက့ၢ်. စံးဘၣ်တဲဘၣ်အဝဲသ့ၣ်လၢအတူၢ်ဘၣ်တၢ်ယံာ်တ့ၢ်မးလံ ဒီးအဝဲသ့ၣ်အတၢ်ဒဲးဘးတဖၣ်ခဲအံၤဘၣ်တၢ်ပျၢ်ကွံာ်အီၤလံ. လၢအဝဲသ့ၣ်အတၢ်ဒဲးဘးတဖၣ်အဃိ, ယစံၣ်ညီၣ်တ့ၢ်အဝဲ သ့ၣ်လၢလၢပှဲၤပှဲၤလီၤ.”

လံာ်ယၡါယၤ 44:22

ယတြူာ်ကွံာ်နတၢ်ဒဲးဘးတဖၣ်ဒ်တၢ်အၢၣ်အသိးလီၤ. ဟဲက့ၤကဒါက့ၤဆူယအိၣ်တက့ၢ်. ယမ့ၢ်ပှၤတဂၤလၢ အအုၣ်က့ၤခီၣ်က့ၤနၤလီၤ.

လံာ်ယၡါယၤ 58:8

အန့ၣ်ဒီး, ယတၢ်ကွၢ်မဲာ်ကကပီၤထီၣ်လၢသုဖီခိၣ်ဒ်မုၢ်ဂီၤ အတၢ်ကပီၤအသိး, ဒီးသုပူၤလီၢ်ပူၤကျဲတဖၣ်ကဘၣ်တၢ် မၤဘျါက့ၤအီၤချ့သဒံးလီၤ. ယကအိၣ်ဒီးသုထီဘိလၢ တၢ်အုၣ်က့ၤခီၣ်က့ၤအဂီၢ်, ဒီးယမဲာ်ကဒီဒၣ်အိၣ်ပှိၤသုလၢတၢ် ကိးကပၤဒဲးလီၤ.

လံာ်ယံးရမံယၤ 30:17

ယကဒုးအိၣ်ဆူၣ်အိၣ်ချ့ကဒီးသုလီၤ. ယကမၤဘျါက့ၤသု ပူၤလီၢ်ပူၤကျဲတဖၣ်န့ၣ်လီၤ. သုဒုၣ်သုဒါတဖၣ် မ့ၢ်စံးလၢ, ‘ဝ့ၢ်စံယိၣ်မ့ၢ်တၢ်ဘၣ်တၢၤကွံာ် အလီၢ်တပူၤ, ပှၤတကနၣ်ဃုာ်အီၤ နီတဂၤလၢၤဘၣ်’ ဒၣ်လဲာ်န့ၣ်, ယကမၤဘျါသုပူၤလီၢ်ပူၤကျဲ တဖၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 50:20

ဖဲတၢ်ဆၢကတီၢ်န့ၣ် ဟဲတုၤဝဲဒီး, တၢ်တထံၣ်ဘၣ်လၢၤ တၢ်ဒဲးဘးနီတမံၤလၢကီၢ်အံၣ်စရ့လးအပူၤ, ဒီးတၢ်အၢတၢ်သီနီတမံၤလၢ ကီၢ်ယူဒၤအပူၤလၢၤဘၣ်. အဂ့ၢ်ဒ်အံၤ, ယကပျၢ်ပှၤဂီၢ်မုၢ်အံၤလၢ ယပျဲပူၤတ့ၢ်လံ အသးသမူတဖၣ် အတၢ်ကမၣ်န့ၣ်လီၤ, ယၤ, ယွၤအံၤ, ကတိၤလံတၢ်လံ.”

လံာ်ယဃ့းစက့လး 16:63

ယကပျၢ်တၢ်ကမၣ်တၢ်တဖၣ်လၢနမၤတ့ၢ်အီၤခဲလၢာ်, ဘၣ်ဆၣ်ဒီးနကသ့ၣ်နီၣ်တၢ်တဖၣ်န့ၣ်, ဒီးနကမဲာ်ဆှးကဲၣ်ဆိးလၢနကအဲးထီၣ်နထးခိၣ်အဂီၢ်န့ၣ်လီၤ.” ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.

လံာ်စကၤရယၤ 12:8

ဖဲအဆၢကတီၢ်အဝဲန့ၣ်, ယွၤကဒီဒၣ်အိၣ်ပှိၤပှၤလၢအအိၣ်လၢဝ့ၢ်ယရူၤၡလ့ၣ်အပူၤ, ဒီးပှၤလၢအဂံၢ်စၢ်ဘါစၢ်ကတၢၢ်လၢအဝဲသ့ၣ်အကျါတဖၣ်ဒၣ်လဲာ် န့ၣ်ကကဲထီၣ်ပှၤလၢအဂံၢ်ဆူၣ်ဘါဆူၣ်ဒ်စီၤဒၤဝံးမ့ၢ်တ့ၢ်အသိး န့ၣ်လီၤ. ဒီးစီၤဒၤဝံးအစၢၤအသွဲၣ်တဖၣ်ကဆှၢအဝဲသ့ၣ်ဒ်ယွၤ အကလူးအသိး, ဒီးဒ်ကစၢ်ယွၤအနီၢ်ကစၢ်ဒၣ်ဝဲအသိးန့ၣ်လီၤ.

လံာ်သိၣ်လီၤသီလီၤတၢ် 28:27

ယွၤကဒုးလီၤဘၣ်တၢ်ဝ့တဖၣ်လၢသုလိၤ, ဒ်အမၤတ့ၢ်ဝဲလၢပှၤအဲၤကူပတူးဖိတဖၣ်အလိၤအသိးန့ၣ်လီၤ. အဝဲကမၤပှဲၤသုနီၢ်ခိဒီဂၤညါဒီးတၢ်ပူၤလီၢ်တဖၣ်လီၤ. သုကဘၣ်တၢ်လုၣ်ဘၢသုဒီးတၢ်သးဃ့တဖၣ်ဒီးတၢ်ကသးသု, ဘၣ်ဆၣ်တၢ်မၤဘျါက့ၤသုတအိၣ်ဘၣ်နီတမံၤဘၣ်.

လံာ်သိၣ်လီၤသီလီၤတၢ် 7:15

ယွၤကအိၣ်ပှိၤဒီဒၣ်သုလၢကယဲၢ်တၢ်ဆူးတၢ်ဆါခဲလၢာ်, ဒီးအဝဲတဒုးလီၤတၢ်ဆါလီၤပျံၤလီၤဖုးတဖၣ်လၢသုလိၤနီ တမံၤဒ်သုလဲၤခီဖျိဘၣ်တ့ၢ်အီၤလၢကီၢ်အဲၤကူပတူးအပူၤအသိး န့ၣ်ဘၣ်. မ့မ့ၢ်အဝဲကဒုးလီၤဘၣ်တၢ်န့ၣ်ခဲလၢာ်လၢသုဒုၣ်သုဒါတဖၣ် အလိၤန့ၣ်လီၤ.

ယၤကိာ် 5:14

ပှၤလၢသုကျါတဂၤဂၤဘၣ်ဆူးဘၣ်ဆါဧါ. အဝဲကြၢးကိးတၢ်အိၣ်ဖှိၣ်သးပှၢ်တဖၣ်လၢအကဘါထုကဖၣ် တၢ်လၢအဝဲအဂီၢ်ဒီးဖှူအီၤလၢသ့ၣ်စၤယံးအသိလၢကစၢ်အမံၤအပူၤန့ၣ်လီၤ.

လံာ်လီၣ်ဖျါ 21:4

အဝဲဒၣ်ကထွါကွံာ်မဲာ်ထံခဲလၢာ်လၢအဝဲသ့ၣ်အမဲာ်ချံ အပူၤလီၤ. တၢ်သံတအိၣ်လၢၤဘၣ်, တၢ်သူၣ်အုးသး အုးမ့ၢ်ဂ့ၤ, တၢ်ဟီၣ်တၢ်ယၢၤမ့ၢ်ဂ့ၤ, တၢ်ဆူးတၢ်ဆါမ့ၢ်ဂ့ၤ တအိၣ်ဝဲဒၣ်လၢၤဘၣ်. တၢ်အလီၢ်လံၤတဖၣ်လဲၤပူၤကွံာ် ဝဲဒၣ်လံ.”

လံာ်လီၣ်ဖျါ 22:2

ဒီးယွၤလီၤလၢဝ့ၢ်အကျဲမုၢ်ခိၣ်အခၢၣ်သးလီၤ. ဖဲထံကျိကၢၢ်ခိၣ် တခီတကပၤန့ၣ်, သ့ၣ်မူအိၣ်ဝဲတထူၣ်စုာ်စုာ်, လၢအသၣ်ထီၣ်တၤသၣ်တနံၣ်တဆံခံဘျီ, တလါတဘျီ, ဒီးအလၣ်သ့ၣ်တဖၣ်န့ၣ်မ့ၢ်ဝဲလၢတၢ်ကမၤ ဘျါက့ၤထံဧိၤကီၢ်ဧိၤတဖၣ်အဂီၢ်လီၤ.