လံာ်ယၡါယၤ 33:22 - Sgaw Karen Common Bible

²² ယၢ်ထူၣ်ခဲလၢာ်လၢကဘီတဖၣ်န့ၣ်အလိၤတၢ်သူအီၤ တသ့လၢၤဘၣ်. ယၢ်လၣ်တဖၣ်တၢ်သလၣ်ထီၣ်အီၤတန့ၢ်လၢၤဘၣ်. ပကဂုာ်ဟံးန့ၢ်ဒုၣ်ဒါအသုးမုၢ်တဖၣ်အတၢ်ထူးတၢ်တီၤခဲလၢာ်, ဒီးတၢ်ကအိၣ်အါဝဲဂီၢ်ဝဲတုၤပှၤစုတဆူၣ်အခီၣ်တဂ့ၤတဖၣ်ဒၣ်လဲာ် မၤန့ၢ်တၢ်နီၤဟ့ၣ်တမံၤလၢအဝဲသ့ၣ်အဂီၢ်ကသ့ဝဲလီၤ.

လံာ်ယၡါယၤ 33:22 Iomraidhean Croise

လံာ်တၢ်ကဲထီၣ်အခီၣ်ထံး 18:25

နတဘၣ်မၤသံပှၤလၢတၢ်ကမၣ်တအိၣ်ဃုာ်ဒီးပှၤလၢအတၢ်ကမၣ်အိၣ်န့ၣ် သပှၢ်တၢၢ်ဘၣ်. တၢ်န့ၣ်တသ့ဘၣ်. နမၤတၢ်န့ၣ်တသ့ဘၣ်. နမ့ၢ်မၤဒီးပှၤလၢအတၢ်ကမၣ်တအိၣ်န့ၣ်ကဘၣ် တၢ်စံၣ်ညီၣ်အီၤဃုာ်ဒီးပှၤလၢအတၢ်ကမၣ်အိၣ်န့ၣ်လီၤ. တၢ်န့ၣ်တသ့ဘၣ်. ဟီၣ်ခိၣ်ဒီဘ့ၣ်ညါအစံၣ်ညီၣ်ကွီၢ်န့ၣ်ကဘၣ်မၤ တၢ်လၢတၢ်စံၣ်ညီၣ်တီအပူၤလီၤ.”

လံာ်စီၤနဃ့မယၤ 10:14

ဒီးပှၤဂီၢ်မုၢ်အခိၣ်အနၢ်တဖၣ်လၢအမ့ၢ်စီၤပၤရိာ်, စီၤပၤဃးမိၤအး, စီၤဧ့ၤလၣ်, စီၤစးတူၤ, စီၤဘၤနံ,

စံးထီၣ်ပတြၢၤ 44:4

နမ့ၢ်ယစီၤပၤဒီးယကစၢ်ယွၤ, နဟ့ၣ်တၢ်မၤနၢၤလၢ နအပှၤဂီၢ်မုၢ်အဂီၢ်န့ၣ်လီၤ.

စံးထီၣ်ပတြၢၤ 44:5

ဒီးလၢနတၢ်စိတၢ်ကမီၤန့ၣ်, ပမၤနၢၤပဒုၣ်ပဒါတဖၣ်န့ၣ်လီၤ.

စံးထီၣ်ပတြၢၤ 50:6

ဒီးမူခိၣ်ဒုးနဲၣ်အတၢ်တီတၢ်လိၤလီၤ. အဂ့ၢ်ဒ်အံၤ, ကစၢ်ယွၤ, အကစၢ်ဒၣ်ဝဲန့ၣ်မ့ၢ်ပှၤစံၣ်ညီၣ်ကွီၢ်တဂၤလီၤ. စ့လၤ

စံးထီၣ်ပတြၢၤ 74:12

ကစၢ်ယွၤမ့ၢ်ယစီၤပၤလၢပျၢၤ, လၢအမၤတၢ်အုၣ်က့ၤခီၣ်က့ၤလၢ ထံဧိၤကီၢ်ဧိၤအပူၤလီၤ.

စံးထီၣ်ပတြၢၤ 75:7

မ့မ့ၢ်ကစၢ်ယွၤမ့ၢ်ပှၤလၢအစံၣ်ညီၣ်တၢ်, စံၣ်ညီၣ်ပှၤတနီၤဒီးမၤပူၤဖျဲးပှၤအဂၤတနီၤန့ၣ်လီၤ.

စံးထီၣ်ပတြၢၤ 89:18

နဲဒၣ်ယွၤဧၢ, နဃုထၢပှၤ, ဒီဒၣ်အိၣ်ပှိၤပှၤ, နဲဒၣ်အံၣ်စရ့လးအကစၢ်ယွၤစီဆှံဧၢ, ဟ့ၣ်ပှၤပစီၤပၤတ က့ၢ်.

စံးထီၣ်ပတြၢၤ 98:9

အဂ့ၢ်ဒ်အံၤ, အဝဲဟဲဒ်သိးကပၢဟီၣ်ခိၣ်န့ၣ်လီၤ. အဝဲကပၢပှၤဂီၢ်မုၢ်လၢဟီၣ်ခိၣ်ချၢလၢ တၢ်စံၣ်ညီၣ်တီဒီး တၢ်တီတၢ်လိၤအပူၤန့ၣ်လီၤ.

လံာ်ယၡါယၤ 1:10

ယရူၤၡလ့ၣ်ဧၢ, နပှၤပၢတၢ်တဖၣ်ဒီး နပှၤဂီၢ်မုၢ်တဖၣ်လီၤဂာ်ဒၣ်ဒီးပှၤအိၣ်လၢဝ့ၢ်စဒိၣ်ဒီးဂမိရၤတဖၣ်လီၤ. ကနၣ်တၢ်လၢယွၤစံးဘၣ်နၤန့ၣ်တက့ၢ်. ပာ်သူၣ်ပာ်သးလၢတၢ်လၢ ပကစၢ်ယွၤသိၣ်လိသီလိနၤန့ၣ်တက့ၢ်.

လံာ်ယၡါယၤ 11:4

အဝဲကစံၣ်ညီၣ်ပှၤဖှီၣ်ဖိယာ်ဖိတဖၣ်တီတီလိၤလိၤ ဒီးဒီဒၣ်ခီၣ်ဆၢန့ၢ်ပှၤလၢအမၤစၢၤလီၤအသးတသ့တဖၣ် အတၢ်ခွဲးတၢ်ယာ်န့ၣ်လီၤ. လၢအတၢ်စိတၢ်ကမီၤအကလုၢ်န့ၣ်, ပှၤဂီၢ်မုၢ်ကဘၣ်တၢ်စံၣ်ညီၣ် အီၤ ဒီးပှၤအၢပှၤသီတဖၣ်ကသံဝဲလီၤ.

လံာ်ယၡါယၤ 12:2

ကစၢ်ယွၤမ့ၢ်ပှၤအုၣ်က့ၤခီၣ်က့ၤယၤလီၤ. ယကနာ်အီၤဒီးတပျံၤဘၣ်တၢ်ဘၣ်. ယွၤဟ့ၣ်ယၤတၢ်စိတၢ်ကမီၤဒီးတၢ်ဂံၢ်တၢ်ဘါ ဒီးအဝဲမ့ၢ်ပှၤအုၣ်က့ၤခီၣ်က့ၤယၤလီၤ.

လံာ်ယၡါယၤ 16:5

အန့ၣ်ဒီး, စီၤပၤဒၤဝံးအစၢၤအသွဲၣ်အကျါတဂၤကကဲစီၤပၤ, ဒီးအဝဲကပၢပှၤဂီၢ်မုၢ်လၢတၢ်သးတီဒီးတၢ်အဲၣ်တၢ်ကွံအပူၤလီၤ. တၢ်လၢအဘၣ်န့ၣ်, အဝဲကမၤဝဲချ့ချ့လီၤ. ဒီးတၢ်စံၣ်ညီၣ်တီ မၤအသးကစီဒီဧါန့ၣ်, ကကွၢ်ထွဲဝဲလီၤ.)

လံာ်ယၡါယၤ 2:4

အဝဲကမၤလိၤမၤဘၣ်တၢ်ဂ့ၢ်လိာ် ဘှီလိာ်လၢပှၤကလုာ်ဖးဒိၣ်တဖၣ်အကျါလီၤ. အဝဲသ့ၣ်ကပိာ်က့ၤအနးတဖၣ်ဆူထဲၣ်အကနၣ် ဒီးအဘီတဖၣ်ဆူဒီပဲာ်ဃိတၢ်တဖၣ်လီၤ. ပှၤကလုာ်တဖၣ်တလဲၤဒုးတၢ်ယၤတၢ်လၢၤဘၣ်, တကတဲာ်ကတီၤကဒီးအသးလၢတၢ်ဒုးသုးအဂီၢ်နီတစုလၢၤဘၣ်.

လံာ်ယၡါယၤ 24:23

လါကခံးသူဝဲဒီးမုၢ်တဟ့ၣ်ထီၣ်အတၢ်ကပီၤလၢၤဘၣ်. အဂ့ၢ်ဒ်အံၤ, ယွၤသ့တၢ်လၢာ်ကမ့ၢ်စီၤပၤလီၤ. အဝဲကပၢတၢ်လၢဝ့ၢ်ယရူၤၡလ့ၣ်လၢ ကစၢၢ်စံယိၣ်အလိၤ, ဒီးပှၤဂီၢ်မုၢ်အခိၣ်အနၢ် တဖၣ်ကထံၣ်ဘၣ်အလၤကပီၤန့ၣ်လီၤ.

လံာ်ယၡါယၤ 25:9

ဖဲတၢ်အံၤမၤအသးဒီး, ပှၤကိးဂၤဒဲးကစံးဝဲ, “အဝဲဒၣ်မ့ၢ်ပကစၢ်ယွၤလီၤ. ပပာ်ပတၢ်နာ်လၢအပူၤဒီးခဲအံၤ, ပသူၣ်ဖှံသးညီဒီးသူၣ်ခုသးခုလီၤ. အဂ့ၢ်ဒ်အံၤ, အုၣ်က့ၤခီၣ်က့ၤတ့ၢ်ပှၤလီၤ.”

လံာ်ယၡါယၤ 33:17

မၤကဒီးတစုသုကထံၣ်ဘၣ်စီၤပၤတဂၤပၢတၢ်လၢတၢ်လီၤ ဘီလီၤမုၢ်အပူၤလၢထံကီၢ်လၢအသလၣ်ထီၣ်အသးကတၢၢ် မဲာ်ကတၢၢ်နါကိးကပၤဒဲးတဘ့ၣ်အဖီခိၣ်လီၤ.

လံာ်ယၡါယၤ 35:4

တဲဘၣ်ပှၤလၢအသးဟးဂီၤတ့ၢ်ကိးဂၤဒဲးန့ၣ်, “ပာ်ဆူၣ်သုသးဒီးပျံၤတၢ်တဂ့ၤ. ကစၢ်ယွၤဟဲဝဲလၢသုတၢ်ပူၤဖျဲးအဂီၢ် ဒီးလၢတၢ်စံၣ်ညီၣ်သုဒုၣ်သုဒါတဖၣ်အဂီၢ်လီၤ.”

လံာ်ယၡါယၤ 37:20

ခဲအံၤ, ယွၤပကစၢ်ယွၤဧၢ, မၤပူၤမၤဖျဲးပှၤလၢပှၤအၤၡူၢ်ဖိတဖၣ် အစုပူၤဒ်သိးပှၤကလုာ်ခဲလၢာ်လၢဟီၣ်ခိၣ်ဒီဘ့ၣ်ကသ့ၣ်ညါ ဝဲလၢထဲနၤတဂၤဧိၤန့ၣ်, နမ့ၢ်ကစၢ်ယွၤန့ၣ်တက့ၢ်.”

လံာ်ယၡါယၤ 41:21

ယွၤ, အံၣ်စရ့လးအစီၤပၤစံးတၢ်အံၤလီၤ. “သုဝဲပှၤကလုာ်တဖၣ်အကစၢ်တဖၣ်, ဟ့ၣ်ထီၣ်သုတၢ်ဂ့ၢ်တက့ၢ်. ဟဲစိာ်သုတၢ်ကတိၤဂ့ၢ်လိာ်အဂ့ၤကတၢၢ်တဖၣ်လၢအအိၣ်ဒီးသု တက့ၢ်.

လံာ်ယၡါယၤ 44:6

ယွၤလၢအပၢဒီးဒီဒၣ်အိၣ်ပှိၤကီၢ်အံၣ်စရ့လး, ယွၤသ့တၢ်လၢာ်အိၣ်ဒီးအတၢ်ကတိၤဒ်အံၤ, “ယဲဒၣ်အံၤယမ့ၢ်တၢ်အခီၣ်ထံး, ယဲဒၣ်အံၤယမ့ၢ်တၢ်အကတၢၢ်, ကစၢ်ယွၤထဲတဂၤဧိၤ, ဒီးယဲဒၣ်အံၤအမဲာ်ညါကစၢ်အဂၤတအိၣ်ဘၣ်.

လံာ်ယၡါယၤ 49:25

ယွၤစံးဆၢဝဲ, “တၢ်လၢအကမၤအသးမ့ၢ်တၢ်ဒ်န့ၣ်လီၤ. ပှၤသုးဖိအပှၤဘၣ်စၢဃာ်လၢဃိာ်ပူၤတဖၣ်ကဘၣ်တၢ်စိာ်ကွံာ်အီၤ ဒီးပှၤပၢတၢ်ဖဲအသးအၢအၢသီသီတဂၤအတၢ်ဂုာ်န့ၢ်န့ၣ်ကဘၣ်တၢ် ဟံးန့ၢ်အီၤလီၤ. ယကဒုးတၢ်ထီဒါပှၤတဂၤလၢ်လၢ်လၢအဒုးတၢ်ထီဒါသုဒီးယကမၤပူၤ မၤဖျဲးသုဖိတဖၣ်လီၤ.

လံာ်ယၡါယၤ 49:26

ပှၤလၢအမၤအၢမၤသီသုတဖၣ်န့ၣ်ယကပျဲအမၤသံလိာ်အသးတဂၤဒီး တဂၤလီၤ. ဒ်ပှၤအီမူၤသံးအသိးန့ၣ်, အဝဲသ့ၣ်ကမူၤလၢတၢ်မၤသံတၢ်ဒီးတၢ် သူၣ်ဒိၣ်သးဖျိးလီၤ. အန့ၣ်ဒီးပှၤဟီၣ်ခိၣ်ဖိခဲလၢာ်ကသ့ၣ်ညါလၢယမ့ၢ်ယွၤ, ပှၤတဂၤလၢအအုၣ်က့ၤခီၣ်က့ၤသုဒီးမၤထူၣ်ဖျဲးသုလီၤ. အဝဲသ့ၣ်ကသ့ၣ်ညါဝဲလၢယမ့ၢ်အံၣ်စရ့လးအကစၢ်ယွၤလၢအအိၣ်ဒီး အစိကမီၤန့ၣ်လီၤ.”

လံာ်ယၡါယၤ 51:4

ဒိကနၣ်ယၤ, ယပှၤဂီၢ်မုၢ်သ့ၣ်ဧၢ, ဒိကနၣ်တၢ်လၢယစံးဘၣ်သုတက့ၢ်. ယဟ့ၣ်ယတၢ်သိၣ်လိဆူပှၤကလုာ်တဖၣ်ဒီး ယတၢ်သိၣ်တၢ်သီတဖၣ်ကဟဲစိာ်န့ၢ်အဝဲသ့ၣ် လၢတၢ်ကပီၤလီၤ.

လံာ်ယၡါယၤ 51:5

ယကဟဲချ့ချ့ဒီးအုၣ်က့ၤခီၣ်က့ၤအဝဲသ့ၣ်, ယတၢ်မၤနၢၤ အဆၢကတီၢ်ဘူးထီၣ်လံ. ယၤ, ယကစၢ်ဒၣ်ယဲ, ယကပၢတၢ်လၢပှၤကလုာ်တဖၣ်အဖီခိၣ်လီၤ. ထံယံၤကီၢ်ယံၤတဖၣ်အိၣ်ခိးယၤလၢယကဟဲအဂီၢ်, အဝဲသ့ၣ်အိၣ်ခိးဝဲပှဲၤဒီးတၢ်မုၢ်လၢ်လၢယကအုၣ်က့ၤခီၣ်က့ၤ အီၤအဂီၢ်လီၤ.

လံာ်ယၡါယၤ 51:7

ဒိကနၣ်ယၤ, သုဝဲလၢအသ့ၣ်ညါတၢ်လၢအဘၣ်, သုဝဲလၢယတၢ်သိၣ်လိအိၣ်စဲထီဃာ် လၢအသးပူၤသ့ၣ်ဧၢ, ဖဲပှၤကတိၤဆဲးအဲးသုဒီးဒုၣ် ဒွဲၣ်စံးအၢသုန့ၣ်ပျံၤတၢ်တဂ့ၤ.

လံာ်ယၡါယၤ 60:16

ပှၤကလုာ်တဖၣ်ဒီးစီၤပၤတဖၣ်ကကဟုကယာ်နၤ ဒ်မိၢ်တဂၤဒုးအီၣ်အဖိအနုၢ်အသိးလီၤ. နကသ့ၣ်ညါလၢယၤ, ယွၤအံၤ, အုၣ်က့ၤခီၣ်က့ၤလံနၤ, အံၣ်စရ့လးအကစၢ်ယွၤသ့တၢ်လၢာ်မၤထူၣ်ဖျဲးလံနၤလံ.

လံာ်စကၤရယၤ 9:9

ဝ့ၢ်စံယိၣ်အပှၤဂီၢ်မုၢ်သ့ၣ်ဧၢ, သူၣ်ဖှံသးညီဒီးသူၣ်ခုသးခုတက့ၢ်. ယရူၤၡလ့ၣ်အပှၤဂီၢ်မုၢ်သုဝဲသ့ၣ်ဧၢ, ကိးပသူထီၣ်လၢတၢ်သးခု အပူၤတက့ၢ်. ကွၢ်ကွၢ်, နစီၤပၤဟဲဆူနအိၣ်လံ. အဝဲဟဲဝဲအိၣ်ဒီးတၢ်သးခုအတၢ်မၤနၢၤ, ဒီးဒ်ပှၤလၢအမၤနၢၤတၢ်အသိးလီၤ. ဘၣ်ဆၣ်လၢတၢ်ဆီၣ်လီၤသးအပူၤ ဒိးကသ့ၣ်ယီၤတဒုလၢအမ့ၢ်, ကသ့ၣ်ယီၤသးစၢ်, ကသ့ၣ်ယီၤအဖိဒၣ်လဲာ်လီၤ.

လံာ်မးသဲ 21:5

“စံးဘၣ်တဲဘၣ်ဝ့ၢ်စံယိၣ် ကွၢ်တက့ၢ်. နစီၤပၤဟဲဆူနအိၣ်, အသူၣ်စူၤအသးစူၤဒီးဒိးဝဲကသ့ၣ်ယီၤ ကသ့ၣ်ယီၤအသးစၢ်, ကသ့ၣ်ယီၤအဖိလီၤ” (ကၤ. ၉:၉).

လံာ်မးသဲ 25:34

တုၤနုၤတစု, စီၤပၤကစံးဘၣ်ပှၤအိၣ်လၢအစုထွဲတဖၣ်ဒ်အံၤ, ‘ဟဲ, သုလၢအဘၣ်ဆိၣ်ဂ့ၤလၢယပၢ်သ့ၣ်ဧၢ, ဟဲဒီးန့ၢ်သါဘၣ်ဘီမုၢ်လၢအဘၣ်တၢ်ကတဲာ်ကတီၤပာ်န့ၢ်လၢသု ဂီၢ်, စးထီၣ်လၢဟီၣ်ခိၣ်ဘၣ်တၢ်တ့လီၤအီၤလံၤလံၤန့ၣ်တက့ၢ်.

လံာ်လူၤကၣ် 2:11

တနံၤအံၤ, လၢစီၤဒၤဝံးအဝ့ၢ်ပူၤန့ၣ်, ပှၤအုၣ်က့ၤခီၣ်က့ၤတၢ်အကစၢ်တဂၤ အိၣ်ဖျဲၣ်ထီၣ်ဝဲလၢသုဂီၢ်လၢအမ့ၢ်ခရံာ်ကစၢ်န့ၣ်လီၤ.

မၤတၢ် 5:31

ကစၢ်ယွၤပာ်ထီၣ်ထီအီၤလၢအစုထွဲတကပၤဒ်ပှၤခိၣ်ပှၤနၢ် ဒီးပှၤအုၣ်က့ၤခီၣ်က့ၤပှၤတဂၤအသိး, ဒ်သိးကဟ့ၣ်ပှၤအံၣ်စရ့လးဖိတဖၣ်တၢ်အခွဲးအယာ်လၢကပီၢ်ယၢ်ဒီး ဃၣ်လိၤက့ၤအသးဒီးအတၢ်ဒဲးဘးကဘၣ်တၢ်ပျၢ်ကွံာ်အီၤ အဂီၢ်န့ၣ်လီၤ.

၂ ကရံၣ်သူး 5:10

အဂ့ၢ်ဒ်အံၤ, ပဝဲကိးဂၤဒဲးပကဘၣ်အိၣ်ဖျါထီၣ်လၢခရံာ် အမဲာ်ညါ, ဒ်သိးပကဒိးတၢ်စံၣ်ညီၣ်လၢအီၤအဂီၢ်န့ၣ် လီၤ. ပှၤတဂၤဘၣ်တဂၤကဒိးန့ၢ်တၢ်လၢအကြၢးဒီး အီၤ, ဒ်အကြၢးအဘၣ်ဒီးတၢ်လၢအဝဲဒၣ်မၤတ့ၢ်ဝဲ ခဲလၢာ်, ဂ့ၤမ့ၢ်ဂ့ၤ, အၢမ့ၢ်ဂ့ၤ, လၢအဝဲဒၣ်အနီၢ်ခိအတၢ်အိၣ်မူ အပူၤန့ၣ်လီၤ.

လံာ်သိၣ်လီၤသီလီၤတၢ် 33:2

ယွၤဟဲဝဲလၢကစၢၢ်စံၣ်နါတခီ, အဝဲဟဲထီၣ်ဝဲဒ်မုၢ်အသိးလၢ ကီၢ်အဒိၣ်အဖီခိၣ်, ဒီးကပီၤထီၣ်ဝဲလၢအပှၤဂီၢ်မုၢ်အလိၤလၢကစၢၢ်ပၤရၣ်အဒီခိၣ် န့ၣ်လီၤ. ကလူးအဂၤတကလးအိၣ်ဒီးအီၤလၢအစုထွဲတကပၤ ဒ်မ့ၣ်အူလၣ်လၢအကဲၤကပီၤဝဲတခါအသိးန့ၣ်လီၤ.

ဧ့ၤဘြံၤ 5:9

တုၤအဝဲဒၣ်လၢထီၣ်ပှဲၤထီၣ်ဝဲဒီးကဲထီၣ်လၢတၢ်အုၣ်က့ၤ ခီၣ်က့ၤအထူအယိာ်အကစၢ်လၢပှၤခဲလၢာ်လၢအစူၢ်အီၤ တဖၣ်အဂီၢ်.

ယၤကိာ် 4:12

ပှၤဟ့ၣ်လီၤတၢ်သိၣ်တၢ်သီဒီးစံၣ်ညီၣ်တၢ်န့ၣ်, မ့ၢ်ဒၣ်ထဲ ကစၢ်ယွၤတဂၤဧိၤလီၤ. အဝဲဒၣ်န့ၣ်, အုၣ်က့ၤခီၣ်က့ၤတၢ်သ့ဒီးမၤဟးဂီၤတၢ်သ့န့ၣ်လီၤ. လၢသုကစံၣ်ညီၣ်သုဒီပုၢ်ဝဲၢ်ကဒဲကဒဲအဂီၢ်, မ့ၢ်သုဆိကမိၣ်လၢသုမ့ၢ်မတၤလဲၣ်.

လံာ်လီၣ်ဖျါ 19:16

လၢအဆ့ကၤဖးထီအလိၤ, ဒီးလၢအကံၣ်ဒုၣ်လိၤန့ၣ်မံၤ တဖျၢၣ်အိၣ်ကွဲးအသး, “စီၤပၤတဖၣ်အစီၤပၤဒီးကစၢ် တဖၣ်အကစၢ်” န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 12:12

ဘၣ်ဆၣ်ဒီးဖဲသုထံၣ်လၢပှၤဧၣ်မိၣ်အစီၤပၤစီၤနၤဃၣ်ဘူးတ့ၢ်က ဟဲဒုးသုန့ၣ်သုညိကွံာ်ယွၤဒ်သုစီၤပၤအသိးဒီးစံးဘၣ်ယၤ, (ပအဲၣ်ဒိးဘၣ်စီၤပၤတဂၤလၢကပၢပှၤလီၤ.)